Забур 66
66
Вири халкьари Аллагьдин тарифун лазим я
1Манидаррин чӀехидаз. Симер алай алатар патал. Мани.
2Чахъ галаз хьухь Вун регьим гваз, Аллагь,
рухсат це чаз,
нур авай Ви чиналди экуь ая чун,
Макьамдин ара
3чилиз чир хьун паталди рекьер Ви,
Вири халкьар хилас авун са Вав гва.
4Я Аллагь! Ваз шукуррай халкьари!
Вири халкьари шукуррай Ваз!
5Хвешивал авурай вири тайифайрини,
шадвиляй манияр лугьурай,
куьз лагьайтӀа На абурун гьахъ-дуван ийизва,
чилин тайифайриз рехъ къалурзава.
Макьамдин ара
6Я Аллагь! Ваз шукуррай халкьари!
Вири халкьари шукуррай Ваз!
7Чили бегьер гъурай,
Аллагьди чаз рухсат гурай, Аллагьди чи.
8Аллагьди чаз рухсат гурай,
Адакай чилин вири пипӀерал кьван
инсанриз кичӀе яз хьурай.
Currently Selected:
Забур 66: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
