Забур 63
63
Далда кӀанз ийидай дуьа
1Манидаррин чӀехидаз. Давудан мани.
2Аллагь, зи ван ша, зи шикаятдин ван;
хуьх зи уьмуьр къурхуйрикай душманрин.
3Небгетрин фендерикай кӀева зун,
къиргъиндикай абурун,
4хци авунвай чпин мез, тур хьиз,
лишандихъ элкъуьрнавай гафар чпин,
ажал галай хьелер хьиз.
5Абуру чинеба чуьнуьх хьанвай чкадай
са тахсирни квачирди садлагьана язава,
гьич кичӀени тахьана.
6Мягькем жезва абур чпин къастарал,
рахазва чеб чпихъ галаз
чпин чилер вегьиникай чинеба:
«Абур низ аквада?»
7Абуру, къекъвез, адалат авачир чка
жагъур ийизва, лугьузва:
«Чна лап иер туькӀуьрнава фенд!»
Инсанди гьихьтин фенд ийизватӀа,
садазни чизвач.
8Амма абур Аллагьди яда хьелерив,
абурал хирер жеда хабарни авачиз.
9Абур ярхарда чпин мецери,
абурун гьал акурбуруз хаф яда.
10Вири инсанриз кичӀе жеда,
рахада абур крарикай Аллагьдин;
и кар Гьада авурдан
гъавурда гьатда.
11Гьахъ-михьибур Реббидал шад хьурай,
Адакай далда жагъуррай,
рикӀер михьибуру вирида
тарифрай Адан!
Currently Selected:
Забур 63: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
