Забур 40
40
ТӀазвайдан дуьа
1Манидаррин чӀехидаз. Давудан мани.
2Кесибдикай фикир ийизвайди бахтавар я,
кӀеве гьатайла азадда ам Реббиди.
3Реббиди хуьда ам,
саламатдиз хуьда адан уьмуьрни,
ам бахтавар жеда чилел,
твамир, Ребби, ам душманрин гъиле.
4ТӀазвай чӀавуз ам мягькем ийида Реббиди,
ам азардин къахрагъарда меселай.
5За лагьана: «Ребби, регьим ая заз,
дири хъия зун, за Ви вилик гунагьна».
6Зи душманри хъел кваз лугьузва закай:
«Мус рекьида ам,
мус адан тӀварни квахьда?»
7Са вуж зал кьил чӀугваз атайтӀа,
ада таб лугьузва,
рикӀин къене туькӀуьрзава буьгьтенар,
ахпа экъечӀна абур виридаз ахъайзава.
8Зи вири душманри
кушкушзава заз акси яз,
закай чӀуру фикирзава:
9«Ажал галай азарди кьунва ам,
алкӀанва ам, мад къахрагъиз хъжедач».
10За вичел юкь вегьенвай мукьва дустни,
Захъ галаз фу незвайди Заз акси хьана.
11Я Ребби! Вуна заз регьим ая,
хкажа зун, за абурув агакьар хъийида эвез.
12Заз чир жеда зун тирди Ваз играми,
зи душман зал гъалиб тахьайтӀа.
13На зи пад кьазва зал тахсир квачирвиляй,
На Жуван вилик даим яз эцигда зун.
14Я Ребби, Исраилдин Аллагь, шукур хьуй Ваз асиррилай асирралди! Амин! Амин!
Currently Selected:
Забур 40: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 40
40
ТӀазвайдан дуьа
1Манидаррин чӀехидаз. Давудан мани.
2Кесибдикай фикир ийизвайди бахтавар я,
кӀеве гьатайла азадда ам Реббиди.
3Реббиди хуьда ам,
саламатдиз хуьда адан уьмуьрни,
ам бахтавар жеда чилел,
твамир, Ребби, ам душманрин гъиле.
4ТӀазвай чӀавуз ам мягькем ийида Реббиди,
ам азардин къахрагъарда меселай.
5За лагьана: «Ребби, регьим ая заз,
дири хъия зун, за Ви вилик гунагьна».
6Зи душманри хъел кваз лугьузва закай:
«Мус рекьида ам,
мус адан тӀварни квахьда?»
7Са вуж зал кьил чӀугваз атайтӀа,
ада таб лугьузва,
рикӀин къене туькӀуьрзава буьгьтенар,
ахпа экъечӀна абур виридаз ахъайзава.
8Зи вири душманри
кушкушзава заз акси яз,
закай чӀуру фикирзава:
9«Ажал галай азарди кьунва ам,
алкӀанва ам, мад къахрагъиз хъжедач».
10За вичел юкь вегьенвай мукьва дустни,
Захъ галаз фу незвайди Заз акси хьана.
11Я Ребби! Вуна заз регьим ая,
хкажа зун, за абурув агакьар хъийида эвез.
12Заз чир жеда зун тирди Ваз играми,
зи душман зал гъалиб тахьайтӀа.
13На зи пад кьазва зал тахсир квачирвиляй,
На Жуван вилик даим яз эцигда зун.
14Я Ребби, Исраилдин Аллагь, шукур хьуй Ваз асиррилай асирралди! Амин! Амин!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024