Забур 36
36
Гьахъ-михьиданни небгетдин кьисмет
1 Давудан дуьа.
Аку гьа, хъел къвемир пис ксарикай,
Пехил жемир къанунсузбурал;
2Бес абур, векь хьиз, кьурадани фад,
къацу хъач хьиз, шуьткьуьда абур?
3Вафа хуьз Реббидиз, умуд кутур Адак,
хъсанвал ая, уьмуьр твах уьлкведа.
4Реббидал шад хьухь,
ви рикӀин мурадар Ада кьилиз акъудда.
5Гвачиз гъараз, жуван рехъ ихтибар ая Реббидал,
Адак умуд кутур, Ада ам кьилиз акъудда,
6къалурда ви гьахъ-михьивал, экв хьиз,
ви адалатвал, нисинин рагъ хьиз.
7Динжвал хуьх Реббидин вилик, умуд кутур Адак.
Небгетрин крара агалкьунар жезвайла,
абуру чпин амалдар къастар
кьилиз акъудзавайла, хъел къвемир.
8Ерли хъел ийиз тахьурай, гадра гъазаб,
наразивал ийимир – бедбахтвилихъ гъида ада.
9Писвалзавайбурун дувул хкатда.
Реббидик умуд кутазвайбуруз уьлкве гьатда.
10Жаду небгетар амукьдач, са тӀимил вахт алатайла,
къекъвез жеда абурухъ, амма абур жагъидач.
11Кесибриз уьлкве гьатда,
аваданвиликай лезет хкудда.
12Зиндикь небгетди гьахъ-михьидаз фенд акъудзава,
адаз акси яз регъвезва сарар,
13амма адал хъуьрезва Агъа,
куьз лагьайтӀа чизва, адан жазадин югъ алукьда.
14КьецӀиларзава небгетри турар,
абуру чӀемерукар акъажзава,
ягъун патал кесибарни саилар,
тергун патал дуьз рекьяйтӀуз физвайбур.
15Амма турар абурун рикӀериз сух жеда чпин,
абурун чӀемерукар кьатӀ жеда.
16Лап тӀимилди хъсан я гьахъ-михьидав гвай
небгетрив гвай гзаф девлетдилай.
17Абурув гвай гьукумни къахчуда.
Мягькемарда гьахъ-михьибур Реббиди.
18Малум я Реббидиз йикъар леке квачирбурун,
абурун ирс даим яз амукьда.
19Бедбахт чӀавуз регъуь жедач абуруз,
каш авай йикъара тух жеда абур.
20Небгетарни терг жеда,
Реббидин душманар квахьда,
вагьши цуьквер хьиз,
гум хьиз, чкӀида.
21Пис небгетди, бурж къачуна, вахгузвач,
гьахъ-михьида жумартдаказ гузва куьмек.
22Реббидалди бахтавар тирбуруз уьлкве гьатда,
Ада лянет авурбур терг жеда.
23Реббиди мягькемарзава инсандин камар,
Адан рекьяй физвайла ам.
24Алукьдач ам, хьайитӀани вич татаб:
Реббиди адан гъил кьада.
25Са чӀавуз зун жегьил тир, гила кьуьзуь хьанва зун,
амма заз акунач гадарнаваз гьахъ-михьиди,
адан аялрини фу тӀалабиз акунач.
26Гьамиша ам жумарт я,
буржуна вугузва хуш аваз,
жеда адан аяларни бахтавар.
27Тухун паталди уьмуьр датӀана,
яргъаз хьухь писвиликай, хъсанвал ая.
28Реббидиз гьахъ дуван кӀанда,
Вичиз вафа хуьзвайбур гадардач Ада.
Уьмуьр абурун жеда датӀана саламатвиле,
небгетрин тухумдин хкатда дувул.
29Гьахъ-михьибуруз уьлкве гьатда,
ана абур даим амукьда чан алаз.
30Фасагьатдиз алахьзава камал гьахъ-михьидан сивелай,
адан меци лугьузва гьахъ.
31 Къанун Аллагьдин рикӀе ава адан,
татаб жедач кӀвачер адан.
32Хуьзва вилив небгетри гьахъ-михьиди чинеба,
алахъзава рекьиз ам.
33Амма абурун гъиле твадач ам Реббиди,
дувандалди тахсирдик кутаз тадач ам.
34Хьухь хуьз рехъ Реббидин,
умуд кутур Адак.
Ада вун хкажда, уьлкве гьатда ваз,
небгетрин дувул хкатунни аквада.
35ЦӀай-хъел квай небгет акуна заз,
хкаж жезвай зурба тар хьиз.
36Амма фена алатна ам, амукьнач ам;
къекъвена зун адахъ, амма жагъанач.
37Ша, вил алаз хьухь рехне квачирдал,
килиг ая гьахъ-михьидаз,
куьз лагьайтӀа кӀандайбуруз ислягьвал
гележег ава.
38Амма квахьда вири гунагькарар,
терг жеда небгетрин къверичӀав.
39Я Реббидилай гьахъбуруз куьмек.
Бедбахт чӀавуз Ам абурун далда я.
40Реббиди абуруз куьмекзава, хиласзава,
Ада абур азадзава небгетрикай,
хиласзава, гьикӀ лагьайтӀа,
абуру далда кьазва Адакай.
Currently Selected:
Забур 36: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 36
36
Гьахъ-михьиданни небгетдин кьисмет
1 Давудан дуьа.
Аку гьа, хъел къвемир пис ксарикай,
Пехил жемир къанунсузбурал;
2Бес абур, векь хьиз, кьурадани фад,
къацу хъач хьиз, шуьткьуьда абур?
3Вафа хуьз Реббидиз, умуд кутур Адак,
хъсанвал ая, уьмуьр твах уьлкведа.
4Реббидал шад хьухь,
ви рикӀин мурадар Ада кьилиз акъудда.
5Гвачиз гъараз, жуван рехъ ихтибар ая Реббидал,
Адак умуд кутур, Ада ам кьилиз акъудда,
6къалурда ви гьахъ-михьивал, экв хьиз,
ви адалатвал, нисинин рагъ хьиз.
7Динжвал хуьх Реббидин вилик, умуд кутур Адак.
Небгетрин крара агалкьунар жезвайла,
абуру чпин амалдар къастар
кьилиз акъудзавайла, хъел къвемир.
8Ерли хъел ийиз тахьурай, гадра гъазаб,
наразивал ийимир – бедбахтвилихъ гъида ада.
9Писвалзавайбурун дувул хкатда.
Реббидик умуд кутазвайбуруз уьлкве гьатда.
10Жаду небгетар амукьдач, са тӀимил вахт алатайла,
къекъвез жеда абурухъ, амма абур жагъидач.
11Кесибриз уьлкве гьатда,
аваданвиликай лезет хкудда.
12Зиндикь небгетди гьахъ-михьидаз фенд акъудзава,
адаз акси яз регъвезва сарар,
13амма адал хъуьрезва Агъа,
куьз лагьайтӀа чизва, адан жазадин югъ алукьда.
14КьецӀиларзава небгетри турар,
абуру чӀемерукар акъажзава,
ягъун патал кесибарни саилар,
тергун патал дуьз рекьяйтӀуз физвайбур.
15Амма турар абурун рикӀериз сух жеда чпин,
абурун чӀемерукар кьатӀ жеда.
16Лап тӀимилди хъсан я гьахъ-михьидав гвай
небгетрив гвай гзаф девлетдилай.
17Абурув гвай гьукумни къахчуда.
Мягькемарда гьахъ-михьибур Реббиди.
18Малум я Реббидиз йикъар леке квачирбурун,
абурун ирс даим яз амукьда.
19Бедбахт чӀавуз регъуь жедач абуруз,
каш авай йикъара тух жеда абур.
20Небгетарни терг жеда,
Реббидин душманар квахьда,
вагьши цуьквер хьиз,
гум хьиз, чкӀида.
21Пис небгетди, бурж къачуна, вахгузвач,
гьахъ-михьида жумартдаказ гузва куьмек.
22Реббидалди бахтавар тирбуруз уьлкве гьатда,
Ада лянет авурбур терг жеда.
23Реббиди мягькемарзава инсандин камар,
Адан рекьяй физвайла ам.
24Алукьдач ам, хьайитӀани вич татаб:
Реббиди адан гъил кьада.
25Са чӀавуз зун жегьил тир, гила кьуьзуь хьанва зун,
амма заз акунач гадарнаваз гьахъ-михьиди,
адан аялрини фу тӀалабиз акунач.
26Гьамиша ам жумарт я,
буржуна вугузва хуш аваз,
жеда адан аяларни бахтавар.
27Тухун паталди уьмуьр датӀана,
яргъаз хьухь писвиликай, хъсанвал ая.
28Реббидиз гьахъ дуван кӀанда,
Вичиз вафа хуьзвайбур гадардач Ада.
Уьмуьр абурун жеда датӀана саламатвиле,
небгетрин тухумдин хкатда дувул.
29Гьахъ-михьибуруз уьлкве гьатда,
ана абур даим амукьда чан алаз.
30Фасагьатдиз алахьзава камал гьахъ-михьидан сивелай,
адан меци лугьузва гьахъ.
31 Къанун Аллагьдин рикӀе ава адан,
татаб жедач кӀвачер адан.
32Хуьзва вилив небгетри гьахъ-михьиди чинеба,
алахъзава рекьиз ам.
33Амма абурун гъиле твадач ам Реббиди,
дувандалди тахсирдик кутаз тадач ам.
34Хьухь хуьз рехъ Реббидин,
умуд кутур Адак.
Ада вун хкажда, уьлкве гьатда ваз,
небгетрин дувул хкатунни аквада.
35ЦӀай-хъел квай небгет акуна заз,
хкаж жезвай зурба тар хьиз.
36Амма фена алатна ам, амукьнач ам;
къекъвена зун адахъ, амма жагъанач.
37Ша, вил алаз хьухь рехне квачирдал,
килиг ая гьахъ-михьидаз,
куьз лагьайтӀа кӀандайбуруз ислягьвал
гележег ава.
38Амма квахьда вири гунагькарар,
терг жеда небгетрин къверичӀав.
39Я Реббидилай гьахъбуруз куьмек.
Бедбахт чӀавуз Ам абурун далда я.
40Реббиди абуруз куьмекзава, хиласзава,
Ада абур азадзава небгетрикай,
хиласзава, гьикӀ лагьайтӀа,
абуру далда кьазва Адакай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024