Забур 28
28
Аллагьдин баркалладин тариф
1 Давудан мани.
Цавараллайбур, агакьара Реббидив тариф,
баркалладиз ва къудратдиз килигна Адан!
2Агакьара шукурни Реббидин ТӀварцӀив,
Реббидин паквилин иервилиз икрам ая.
3Реббидин ван ала ятарал,
баркалладин Аллагьди гугрумарзава,
гур ятарал гугрумзава Реббиди.
4Реббидин ван къуватдив ацӀанва,
Реббидин ван зурба я.
5Реббидин ванци ярхарзава муьтквер тарар,
ярхарзава Реббиди Либандин муьткверар.
6Ада цӀингав ийиз туна, данади хьиз, Либандив,
Гьерман дагъдив – чамар ийиз туна, жунгавди хьиз.
7Реббидин ванци язава,
цӀайлапанди хьиз.
8Реббидин ванци къарсурзава кьурум,
къарсурзава Реббиди Къадеш кьурум.
9Реббидин ванци какурзава мегъуьн тарар#28:9 Чувуд чӀалал и цӀарцӀихъ ихьтин манани хьун мумкин я: «Реббидин ванци жейранрив рухуз тазва».,
тамни тазва кьецӀил яз.
Адан Ибадатханада гьарайзава вирида:
«Шукур хьурай!»
10Ядаландал ацукьнавайди Ребби я,
Ребби ацукьда, Пачагь хьиз, даим яз.
11Реббиди Вичин халкьдиз къуват гузва,
хийир-дуьа ийизва, саламатвал гуналди Реббиди.
Currently Selected:
Забур 28: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
