Забур 27

Куьмек гунай дуьа авун

1 Давудан дуьа.

Ребби! За Ваз ийизва эвер, зи Раг.

ЭгечӀ мийир ван текъвезвайди хьиз.

Вун кисна хьайитӀа,

зун ухшар жеда суруз аватдайбуруз.

2Ван хьухь зи дад-бидадрин,

за Ваз минет ийидайла куьмек це лугьуз,

Ви Паквилин Пак чкадихъди

хкаждайла гъилер за.

3Небгетрихъ галаз зунни барбатӀмир,

писвалзавайбурухъ галаз,

масадбурув ислягьдаказ рахазвайбурухъ галаз,

амма рикӀе дакӀанвал авазвайбурухъ галаз.

4Абурув чпин крарай къвезвай

агакьра эвез, чпи авур писвилерай.

Абурун гъилери авур крарин агакьра эвез,

вуч лайих ятӀа, це абуруз гьам.

5Реббидин крарив, Адан гъилери авур кьванбурув

эгечӀайвиляй къайгъу авачиз,

Ада абур, куьгьне дарамат хьиз,

чукӀурда ва мад эциг хъийидач.

6Шукур хьуй Ваз, я Ребби!

Ван атана Адаз зи дад-бидадрин!

7Ребби зи къуватни я,

къалханни я зи,

зи рикӀи умуд кутазва Адак.

Куьмек гана Ада заз,

зи рикӀи еке шадвал ийизва,

шукурда Адаз за жуван манида.

8Ребби Адан халкьдин къуват я,

Адан гуьцӀуьрдиз хилас хьун патал къеле я.

9Куьмек це Жуван халкьдиз,

хийир-дуьа ая Жуван кьадардиз,

абурун Чубан хьухь,

хуьх абур даим яз!

Currently Selected:

Забур 27: ЛезПК

Highlight

Copy

Want to have your highlights saved across all your devices? Sign up or sign in

Learn More About Пак Калам