Забур 25

Рехъ къалурунай Аллагьдиз дуьа

1 Давудан дуьа.

Я Ребби, зун гьахъ ая, –

за рехне квачир уьмуьр тухванай.

Реббидик за умуд кутунай,

татаб жедач зун.

2Кьил акъуд зай, я Ребби, синагъ ая зун,

чир ая зи рикӀни акьул.

3Ви муьгьуьббат датӀана зи вилик ква,

Ви гьакъикъатдик кваз физва зун.

4Тапан инсанрихъ галаз ацукьзавач зун,

фендигаррихъ галазни рекье фидач зун,

5такӀан я заз небгетрин кӀватӀални,

гунагькаррихъ галазни зун ацукьдач.

6Михьивилин лишан яз чуьхуьда за жуван гъилер,

къурбангандал элкъведа Ви, я Ребби,

7Ваз шукурдин мани лугьуз

ва ван алаз рахаз Ви вири аламатрикай.

8Ребби, заз кӀан хьана Вун авай КӀвал,

Ви баркалла авай чка.

9Гунагькаррихъ галаз телеф мийир зунни,

терг ийимир зи уьмуьр ивидихъ къаних

тирбурухъ галаз,

10чӀуру крар гъиле авай,

эрчӀи гъилер ришветривди ацӀанвай.

11Амма уьмуьр тухузва за рехнеяр квачиз,

азад ая зун, регьим ая.

12Дуьм-дуьз чилел акъвазнава кӀвачер зи,

халкь кӀватӀ хьанвай чкада за Реббидин тарифзава.

Currently Selected:

Забур 25: ЛезПК

Highlight

Copy

Want to have your highlights saved across all your devices? Sign up or sign in

Learn More About Пак Калам