Забур 22
22
Хъсан чубан
1 Давудан мани.
Ребби зи Чубан я,
са куьнихъни игьтияжвал жедач зи.
2Динжарзава зун Ада яйлахра къацу,
тухузва зун Ада умун ятарал.
3Зи уьмуьрни Ада хъийизва цӀийи.
Гьахъвилин рекьяй Ада тухузва зун
Вичин тӀварцӀин хатурдай.
4ФейитӀани мичӀи кӀамуз,
бедбахтвиликай жедач заз кичӀе,
вучиз лагьайтӀа Вун галазва захъ.
Ви чумахъди, Ви кӀекӀецди хуьзва зун.
5Зи душманрин вилик Вуна
заз тӀуьн-хъун патал ахъайна суфра.
На зи кьилиз яна чӀем,
ацӀана зи жем.
6Гьа икӀ жеда захъ галаз
хийирни регьим,
жеда захъ галаз
зи уьмуьрдин вири йикъара,
зи уьмуьрдин эхиримжи йикъалди
зун Реббидин жеда КӀвале.
Currently Selected:
Забур 22: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
