Забур 107
107
Куьмек кӀанз дуьа авун
1 Давудан мани.
2Аллагь, кӀеви я зи рикӀ.
Мани лугьуда, тариф ийида
руьгьдалди за жуван.
3Арфани кинур, ахварай ават!
За экуьнин яр авудда ахварай.
4 Ребби, за Ваз шукурда халкьарин юкьва,
тайифайрин арада Вакай мани лугьуда,
5куьз лагьайтӀа Ви регьим цаварилай кьакьан я,
Ви гьахъ агакьда цавун циферив кьван.
6Цаварилайни вине хьурай Вун,
я Аллагь,
вири чилерал хьуй баркалла Ви!
7Хилас хьурай Ви рикӀ алайбур,
хуьх чун Жуван эрчӀи гъиливди,
жаваб це заз.
8Аллагьди гаф гана Вичин пакханада:
«Шадвал ийиз, Шехем шегьер пайда за:
Сукат дере алцумда За.
9Гилеад зиди я,
Манаше зиди я,
Ифраим зи кӀукӀ я ракьун,
Ягьудат пачагьвилин лаш я Зи.
10Магьаб Зун патал
лат я кӀвачер чуьхуьдай.
За вегьида Жуван чекме Эдамдал,
филиштийрин чилел
гъалибвилелди гьарайда кӀевиз».
11Мягькемнавай шегьердиз зун ни гъидай?
Ни гъидай зун Эдамдал кьван?
12Ам Вун тушни, я Аллагь, гадарайди чун?
Чи кьушунрихъ галаз экъечӀ тийизвайдини Вун тушни?
13Чаз куьмек це женгина душмандихъ галаз,
вучиз лагьайтӀа инсанрин куьмек
тапанди я.
14Аллагьдихъ галаз чун
гъалиб жеда дяведа.
Ярхда Ада душманар чи.
Currently Selected:
Забур 107: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
