Кьурумда 5
5
Кундал михьивал хьунин къанун
1Реббиди Мусадиз лагьана: 2«Исраилдин рухвайриз вичик жузам квай, вичиз бедендикай хкатунар авай, я тушни вич мейитдик хкӀуна чиркин хьанвай гьар вуж хьайитӀани кундилай алудна ракъурун эмир ая. 3Гьам итимар, гьам папар акъудна ракъура; абуру Зун куь арада авай кун чиркин тавун патал, абур кундин сергьятрилай алудна ракъура». 4Исраилдин рухвайри гьа икӀ авуна. Абур кундин сегьятрай акъудна ракъурна. Абуру Реббиди Мусадиз гьикӀ лагьанатӀа, дуьм-дуьз гьакӀ авуна.
Писвиляй эвез хъувун
5Реббиди Мусадиз лагьана: 6«Исраилдин рухвайриз лагь: „Итимди ва я папа, гьа идалди Реббидиз вафа квадаруналди, маса касдиз писвал авуртӀа, ихьтин кас батӀул я 7ва вичин гунагь хиве кьуна кӀанда. Ада авур писвал михьиз эвез авурай, адал вад лагьай пайни винел эхцигна ва вичи низ писвал авунатӀа, гьадав вахкурай. 8Амма зарар хьайи кас кьейитӀа ва адахъ вичив зарардай вахкуз жедай лап талукь тир мукьва-кьили авачтӀа, эвезун Реббидинди жеда, ва ам вичелди батӀулдан гунагьдилай гъил къахчудай къурбанд гьерни галаз хахамдив вахкун герек я. 9Исраилдин рухвайри хахамдиз гъизвай вири пак тир садакьаяр гьадаз талукь яз жеда. 10Гьар са касди Реббидиз талукьарнавай затӀ – хахамдин хсусият я, ада хахамдиз гайиди – хахамдинди я“».
Вафа гвачир паб патал имтигьан
11Реббиди Мусадиз лагьана: 12«Исраилдин рухвайрихъ галаз рахух ва абуруз лагь: „Садаз папа хиянатвал авуртӀа ва адаз вафа квадарнатӀа, 13ва маса кас адахъ галаз къаткана, амма гъуьлуьз и кардикай хабар тушиз хьайитӀа; ам чинеба чиркин хьанватӀа ва шагьид авачтӀа, ва ам дуьздал акъуднавачтӀа, 14амма гъуьлуь гъайравал ийиз чиркин хьанва лугьуз папал гиман гъизватӀа, – ва я гъайравал ийиз адал гиман гъизва, амма ам чиркин хьанвач, – 15ада паб хахамдин кьилив гъурай. Ада адахъди эфадин цӀуд пай тир мухан гъуьруьн садакьа гъурай, амма ада гъуьрел чӀем илич тавурай ва адак хъсан ни галай шкьакь кутун тавурай, вучиз лагьайтӀа им гунагь рикӀел хкиз тазвай гъайравилин, рикӀел хкунин фан савкьват я.
16Хахамди ам гъана Реббидин вилик акъвазаррай. 17Ада хъенчӀин къапуниз пак яд цурай ва циз Алачухдин чилелай къачунвай накьвар вегьирай. 18Паб Реббидин вилик акъвазарна, хахамди адан чӀарар авадаррай ва адан гъилера рикӀел хкиз тадай савкьват, фан гъайравилин савкьват, вугурай, вичини гъиле лянет гъидай туькьуьл яд кьурай. 19Хахамди паб ихьтин гафаралди ицӀитрай: ‹Маса итим вахъ галаз къатканачтӀа, гъуьлуьк кваз вуна вафа квадарнавачтӀа ва чиркин хьанвачтӀа, лянет гъидай и туькьуьл ци ваз зарар тагурай. 20Амма гъуьлуьк кваз вун гъуьлелай гъейри маса итимдихъ галаз къаткана, вуна вафа квадарнаватӀа ва чиркин хьанватӀа›, – 21и чӀавуз хахамди папав лянетдин кьин кьаз туна адаз лугьурай: ‹Реббиди, ви беден элекьнавайди, амма руфун дакӀунвайди авуна, вун халкьдин арада лянетдин ва экъуьгъунрин иеси авурай. 22И лянет гъидай яд, ви руфун дакӀвадайвал ва беден элекьдайвал, вак акатрай›.
Ва папани лугьурай: ‹Эхь, амин›.
23Хахамди и лянетар къаргъуда кхьида ва туькьуьл целди чуьхуьда. 24Ада папаз лянет гъидай а туькьуьл яд гурай; ам батӀул ятӀа, а яд адак акатда ва адав залан азият чӀугваз тада. 25Хахамди адан гъиле авай фан къурбанд къахчурай, Реббидин вилик юзур авурай ва къурбангандин патав гъурай. 26Ада фан къурбанддикай къурбанддин рикӀел хуьнин пай яз са мекве авайди къачуда ва къурбангандал куда. Ахпа ада папаз яд гуда. 27Ам чиркин хьанватӀа, гъуьлуьз вафа квадарнайтӀа, ада адаз лянет гъидай яд гайила, яд адак акатда ва залан азият чӀугваз тада: руфун адан дакӀвада, амма беден элекьда ва вири халкьди адаз лянет гуда. 28Амма паб чиркин хьаначтӀа ва михьивал гватӀа, ам зарар хкӀун тавуна амукьда ва аялар хаз жеда.
29-30Гъуьлуьк квай паб, вафавал чӀурна, чиркин хьайитӀа, ва я папал гиман гъизвай гъуьл гъайравилик акатайтӀа, гъайравилин къанун гьа ихьтинди я. Хахамди ам Реббидин вилик эциграй ва вири патарихъай адахъ галаз гьа къанунда лагьанвайвал рафтарвал авурай. 31Гъуьл гунагьдикай михьи жеда, папа лагьайтӀа, гунагьдин нетижаяр кьабулда“».
Currently Selected:
Кьурумда 5: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 5
5
Кундал михьивал хьунин къанун
1Реббиди Мусадиз лагьана: 2«Исраилдин рухвайриз вичик жузам квай, вичиз бедендикай хкатунар авай, я тушни вич мейитдик хкӀуна чиркин хьанвай гьар вуж хьайитӀани кундилай алудна ракъурун эмир ая. 3Гьам итимар, гьам папар акъудна ракъура; абуру Зун куь арада авай кун чиркин тавун патал, абур кундин сергьятрилай алудна ракъура». 4Исраилдин рухвайри гьа икӀ авуна. Абур кундин сегьятрай акъудна ракъурна. Абуру Реббиди Мусадиз гьикӀ лагьанатӀа, дуьм-дуьз гьакӀ авуна.
Писвиляй эвез хъувун
5Реббиди Мусадиз лагьана: 6«Исраилдин рухвайриз лагь: „Итимди ва я папа, гьа идалди Реббидиз вафа квадаруналди, маса касдиз писвал авуртӀа, ихьтин кас батӀул я 7ва вичин гунагь хиве кьуна кӀанда. Ада авур писвал михьиз эвез авурай, адал вад лагьай пайни винел эхцигна ва вичи низ писвал авунатӀа, гьадав вахкурай. 8Амма зарар хьайи кас кьейитӀа ва адахъ вичив зарардай вахкуз жедай лап талукь тир мукьва-кьили авачтӀа, эвезун Реббидинди жеда, ва ам вичелди батӀулдан гунагьдилай гъил къахчудай къурбанд гьерни галаз хахамдив вахкун герек я. 9Исраилдин рухвайри хахамдиз гъизвай вири пак тир садакьаяр гьадаз талукь яз жеда. 10Гьар са касди Реббидиз талукьарнавай затӀ – хахамдин хсусият я, ада хахамдиз гайиди – хахамдинди я“».
Вафа гвачир паб патал имтигьан
11Реббиди Мусадиз лагьана: 12«Исраилдин рухвайрихъ галаз рахух ва абуруз лагь: „Садаз папа хиянатвал авуртӀа ва адаз вафа квадарнатӀа, 13ва маса кас адахъ галаз къаткана, амма гъуьлуьз и кардикай хабар тушиз хьайитӀа; ам чинеба чиркин хьанватӀа ва шагьид авачтӀа, ва ам дуьздал акъуднавачтӀа, 14амма гъуьлуь гъайравал ийиз чиркин хьанва лугьуз папал гиман гъизватӀа, – ва я гъайравал ийиз адал гиман гъизва, амма ам чиркин хьанвач, – 15ада паб хахамдин кьилив гъурай. Ада адахъди эфадин цӀуд пай тир мухан гъуьруьн садакьа гъурай, амма ада гъуьрел чӀем илич тавурай ва адак хъсан ни галай шкьакь кутун тавурай, вучиз лагьайтӀа им гунагь рикӀел хкиз тазвай гъайравилин, рикӀел хкунин фан савкьват я.
16Хахамди ам гъана Реббидин вилик акъвазаррай. 17Ада хъенчӀин къапуниз пак яд цурай ва циз Алачухдин чилелай къачунвай накьвар вегьирай. 18Паб Реббидин вилик акъвазарна, хахамди адан чӀарар авадаррай ва адан гъилера рикӀел хкиз тадай савкьват, фан гъайравилин савкьват, вугурай, вичини гъиле лянет гъидай туькьуьл яд кьурай. 19Хахамди паб ихьтин гафаралди ицӀитрай: ‹Маса итим вахъ галаз къатканачтӀа, гъуьлуьк кваз вуна вафа квадарнавачтӀа ва чиркин хьанвачтӀа, лянет гъидай и туькьуьл ци ваз зарар тагурай. 20Амма гъуьлуьк кваз вун гъуьлелай гъейри маса итимдихъ галаз къаткана, вуна вафа квадарнаватӀа ва чиркин хьанватӀа›, – 21и чӀавуз хахамди папав лянетдин кьин кьаз туна адаз лугьурай: ‹Реббиди, ви беден элекьнавайди, амма руфун дакӀунвайди авуна, вун халкьдин арада лянетдин ва экъуьгъунрин иеси авурай. 22И лянет гъидай яд, ви руфун дакӀвадайвал ва беден элекьдайвал, вак акатрай›.
Ва папани лугьурай: ‹Эхь, амин›.
23Хахамди и лянетар къаргъуда кхьида ва туькьуьл целди чуьхуьда. 24Ада папаз лянет гъидай а туькьуьл яд гурай; ам батӀул ятӀа, а яд адак акатда ва адав залан азият чӀугваз тада. 25Хахамди адан гъиле авай фан къурбанд къахчурай, Реббидин вилик юзур авурай ва къурбангандин патав гъурай. 26Ада фан къурбанддикай къурбанддин рикӀел хуьнин пай яз са мекве авайди къачуда ва къурбангандал куда. Ахпа ада папаз яд гуда. 27Ам чиркин хьанватӀа, гъуьлуьз вафа квадарнайтӀа, ада адаз лянет гъидай яд гайила, яд адак акатда ва залан азият чӀугваз тада: руфун адан дакӀвада, амма беден элекьда ва вири халкьди адаз лянет гуда. 28Амма паб чиркин хьаначтӀа ва михьивал гватӀа, ам зарар хкӀун тавуна амукьда ва аялар хаз жеда.
29-30Гъуьлуьк квай паб, вафавал чӀурна, чиркин хьайитӀа, ва я папал гиман гъизвай гъуьл гъайравилик акатайтӀа, гъайравилин къанун гьа ихьтинди я. Хахамди ам Реббидин вилик эциграй ва вири патарихъай адахъ галаз гьа къанунда лагьанвайвал рафтарвал авурай. 31Гъуьл гунагьдикай михьи жеда, папа лагьайтӀа, гунагьдин нетижаяр кьабулда“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024