Кьурумда 20
20
Уьлкведин сергьятдал
(20–21 кьилер)
Рагай акъатай яд
1Сад лагьай вацра Исраилдин эл Цин кьурумдиз атана ва Къадешда акъваз хьана. Ана Мириам кьена ва кучукна. 2Элдиз яд авачир ва абур Мусадиз ва Гьаруназ акси яз кӀватӀ хьана. 3Абуру Мусадиз арза гузвай ва хъел кваз лугьузвай: «Чи инсанар Реббиди кьейи вахтунда чунни вучиз кьеначир! 4Вучиз куьне Реббидин жемят и кьурумдиз гъанва? Чунни чи мал-къара ина кьиникь патал яни? 5Вучиз куьне чун Мисридай акъудна ва хаф ядай и чкадиз гъана? Ина я техил, я инжил, я ципицӀ, я анар экъечӀдач. Ина гьатта хъвадай ядни авач!»
6Мусани Гьарун жемят алай чкадилай Гьалтунин Алачухдин сивел фена, метӀерал аватна ва абурун вилик Реббидин баркалла пайда хьана. 7Реббиди Мусадиз лагьана: 8«Лаш къачу ва жуван стха Гьарунахъ галаз санал эл кӀватӀа. Абуруз акваз рагаз лагь, ва ада вичяй яд экъичда. Вуна, абуру чпин ва маларин гьараратвал кьин патал, элдиз рагай экъечӀзавай яд гуда».
9Мусади, Ада Вичи адаз эмир гайивал, Реббидин вилик эцигнавай лаш къачуна. 10Адани Гьаруна жемят раган вилик кӀватӀна, ва Мусади абуруз лагьана: «Яб це, гъулгъулабазар, яраб чна квез и рагай яд гуда жал?»
11Мусади гъил хкажна хьиз ва вичин лашуналди кьведра раг яна. Анай сел хьиз яд акъатна ва элди ва абурун малари чеб цяй тухарна. 12Амма Реббиди Мусадизни Гьаруназ лагьана: «Исраилдин рухвайриз Зи паквал тестикьарун патал квез иман бес тахьунай куьне и жемят За абуруз гузвай чилел гъидач».
13Им Мерибадин#20:13 Мериба – чувуд чӀалалди «къалмакъал». чешме я. Анал Исраилдин рухвайри Реббидихъ галаз къалмакъалар авуна, ва Ада абуруз Вичин паквал къалурна.
Эдамди Исраилаз рехъ тагун
14Мусади Къадешдай Эдамдин пачагьдин кьилив икӀ лугьуз векилар ракъурна: «Рахазвайди ви стха Исраил я: ваз чаз кьисмет хьайи вири азабрикай хабар я. 15Чи бубаяр Мисридиз фенай ва чна ана гзаф йисара уьмуьр тухванай. Мисривийри гьам чаз, гьамни чи бубайриз пис рафтарвал авуна, 16амма чна Реббидиз дад-бидад авурла, Адаз чи ван хьана, малаик ракъурна ва чун Мисридай ахкъудна.
Ингье чун Къадешда, чи чилин къерехда авай шегьерда ава. 17Тавакъу я, чаз ви уьлкведай яна фидай мумкинвал це. Чун я никӀерай, я ципицӀ багъларайтӀуз фидач ва къуйрай яд хъвадач. Чун Пачагьдин рекьяйтӀуз фида, чун, ви чилелай элячӀдалди, я эрчӀи, я чапла патахъ элкъведач». 18Амма Эдамдин пачагьди жаваб гана: «Куьн инай яна фена жедач. ТахьайтӀа, чун куь къаршидиз тур гваз экъечӀда».
19Исраилдин рухвайри лагьана: «Чун кьилин рекьяйтӀуз фида, ва чна ва я чи малари куь къуйра авай яд хъвайитӀа, чна адан къимет гуда. Чаз кӀанзавайди анжах яхдиз фена элячӀун я – мад са затӀни». 20Абуру жаваб гана: «Куьн фидач».
Эдамдин пачагь чӀехи ва къудрат авай кьушун гваз абурун къаршидиз экъечӀна. 21Эдамди абур вичин чилелай ахъайнач, ва Исраил адал элкъвена фена. 22Исраилдин вири эл Къадешдай рекьиз экъечӀна ва атана Гьур дагъдив агакьна.
Гьарунан кьиникь
23Эдамдин сергьятдал алай Гьур дагъдин патарив Реббиди Мусадизни Гьаруназ лагьана: 24«Гьарун вичин бан-бубайрихъ галаз сад хъижеда. Ада За Исраилдин рухвайриз гузвай чилел кам къачудач, вучиз лагьайтӀа куьн Мерибадин ятарин патав Зи чӀалай экъечӀнай. 25Гьаруназни адан хва Элазараз эвера ва абур Гьур дагъдал гъваш. 26Гьаруналай адан парталар хтӀуна ва абур адан хва Элазарал алукӀ, вучиз лагьайтӀа Гьарун секинвилиз экъечӀда ва вичин бан-бубайрин патав хъфида – ам анал рекьида».
27Мусади Реббиди эмир гайивал авуна: вири элдин вилик абур Гьур дагъдиз хкаж хьана. 28Мусади Гьаруналай адан парталар хутӀунна ва абур адан хва Элазарал алукӀна. Гьарунни гьанал дагъдин кукӀушдал кьена. Мусани Элазар дагъдай эвичӀна ва 29вири элдиз Гьарун кьейиди малум хьайи чӀавуз, Исраилдин кӀвале къанни цӀуд юкъуз адахъ шелар авуна.
Currently Selected:
Кьурумда 20: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 20
20
Уьлкведин сергьятдал
(20–21 кьилер)
Рагай акъатай яд
1Сад лагьай вацра Исраилдин эл Цин кьурумдиз атана ва Къадешда акъваз хьана. Ана Мириам кьена ва кучукна. 2Элдиз яд авачир ва абур Мусадиз ва Гьаруназ акси яз кӀватӀ хьана. 3Абуру Мусадиз арза гузвай ва хъел кваз лугьузвай: «Чи инсанар Реббиди кьейи вахтунда чунни вучиз кьеначир! 4Вучиз куьне Реббидин жемят и кьурумдиз гъанва? Чунни чи мал-къара ина кьиникь патал яни? 5Вучиз куьне чун Мисридай акъудна ва хаф ядай и чкадиз гъана? Ина я техил, я инжил, я ципицӀ, я анар экъечӀдач. Ина гьатта хъвадай ядни авач!»
6Мусани Гьарун жемят алай чкадилай Гьалтунин Алачухдин сивел фена, метӀерал аватна ва абурун вилик Реббидин баркалла пайда хьана. 7Реббиди Мусадиз лагьана: 8«Лаш къачу ва жуван стха Гьарунахъ галаз санал эл кӀватӀа. Абуруз акваз рагаз лагь, ва ада вичяй яд экъичда. Вуна, абуру чпин ва маларин гьараратвал кьин патал, элдиз рагай экъечӀзавай яд гуда».
9Мусади, Ада Вичи адаз эмир гайивал, Реббидин вилик эцигнавай лаш къачуна. 10Адани Гьаруна жемят раган вилик кӀватӀна, ва Мусади абуруз лагьана: «Яб це, гъулгъулабазар, яраб чна квез и рагай яд гуда жал?»
11Мусади гъил хкажна хьиз ва вичин лашуналди кьведра раг яна. Анай сел хьиз яд акъатна ва элди ва абурун малари чеб цяй тухарна. 12Амма Реббиди Мусадизни Гьаруназ лагьана: «Исраилдин рухвайриз Зи паквал тестикьарун патал квез иман бес тахьунай куьне и жемят За абуруз гузвай чилел гъидач».
13Им Мерибадин#20:13 Мериба – чувуд чӀалалди «къалмакъал». чешме я. Анал Исраилдин рухвайри Реббидихъ галаз къалмакъалар авуна, ва Ада абуруз Вичин паквал къалурна.
Эдамди Исраилаз рехъ тагун
14Мусади Къадешдай Эдамдин пачагьдин кьилив икӀ лугьуз векилар ракъурна: «Рахазвайди ви стха Исраил я: ваз чаз кьисмет хьайи вири азабрикай хабар я. 15Чи бубаяр Мисридиз фенай ва чна ана гзаф йисара уьмуьр тухванай. Мисривийри гьам чаз, гьамни чи бубайриз пис рафтарвал авуна, 16амма чна Реббидиз дад-бидад авурла, Адаз чи ван хьана, малаик ракъурна ва чун Мисридай ахкъудна.
Ингье чун Къадешда, чи чилин къерехда авай шегьерда ава. 17Тавакъу я, чаз ви уьлкведай яна фидай мумкинвал це. Чун я никӀерай, я ципицӀ багъларайтӀуз фидач ва къуйрай яд хъвадач. Чун Пачагьдин рекьяйтӀуз фида, чун, ви чилелай элячӀдалди, я эрчӀи, я чапла патахъ элкъведач». 18Амма Эдамдин пачагьди жаваб гана: «Куьн инай яна фена жедач. ТахьайтӀа, чун куь къаршидиз тур гваз экъечӀда».
19Исраилдин рухвайри лагьана: «Чун кьилин рекьяйтӀуз фида, ва чна ва я чи малари куь къуйра авай яд хъвайитӀа, чна адан къимет гуда. Чаз кӀанзавайди анжах яхдиз фена элячӀун я – мад са затӀни». 20Абуру жаваб гана: «Куьн фидач».
Эдамдин пачагь чӀехи ва къудрат авай кьушун гваз абурун къаршидиз экъечӀна. 21Эдамди абур вичин чилелай ахъайнач, ва Исраил адал элкъвена фена. 22Исраилдин вири эл Къадешдай рекьиз экъечӀна ва атана Гьур дагъдив агакьна.
Гьарунан кьиникь
23Эдамдин сергьятдал алай Гьур дагъдин патарив Реббиди Мусадизни Гьаруназ лагьана: 24«Гьарун вичин бан-бубайрихъ галаз сад хъижеда. Ада За Исраилдин рухвайриз гузвай чилел кам къачудач, вучиз лагьайтӀа куьн Мерибадин ятарин патав Зи чӀалай экъечӀнай. 25Гьаруназни адан хва Элазараз эвера ва абур Гьур дагъдал гъваш. 26Гьаруналай адан парталар хтӀуна ва абур адан хва Элазарал алукӀ, вучиз лагьайтӀа Гьарун секинвилиз экъечӀда ва вичин бан-бубайрин патав хъфида – ам анал рекьида».
27Мусади Реббиди эмир гайивал авуна: вири элдин вилик абур Гьур дагъдиз хкаж хьана. 28Мусади Гьаруналай адан парталар хутӀунна ва абур адан хва Элазарал алукӀна. Гьарунни гьанал дагъдин кукӀушдал кьена. Мусани Элазар дагъдай эвичӀна ва 29вири элдиз Гьарун кьейиди малум хьайи чӀавуз, Исраилдин кӀвале къанни цӀуд юкъуз адахъ шелар авуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024