Кьурумда 2
2
Тухумри кунарал чка кьун
1Реббиди Мусадизни Гьаруназ лагьана: 2«Исраилдин рухвайри кун Гьалтунин Алачухдин къваларив, адалай са тӀимил яргъал хьиз, гьар сада вичин пайдахдик, вичин сихилдин лишанрин кӀаник экӀярай.
3Ягьудан кун вичин пайдахдик кваз рагъэкъечӀдай пата хьурай. Ягьудан тайифадин регьбер – Аминадабан хва Нагьшун я. 4Адан кьушун 74600 итимдикай ибарат я.
5Исахаран тайифади чпин кун гьабурун патав эциграй. Исахаран тайифадин регьбер – Цуаран хва Натанаил я. 6Адан кьушунда 54400 итим ава.
7Патарив Забулунан тайифа хьурай. Забулунан тайифадин регьбер – Гьелунан хва Элиаб я. 8Адан кьушунда 57400 итим ава.
9Вири санлай Ягьудан кундал, кьушунда авай итимрин кьадардал атайла, 186400 итим ала. Сифте абур рекье гьатрай.
10Кьибледихъ вичин пайдахдик кваз Рувенан кьушундин кун хьурай. Рувенан тайифадин регьбер Шедеуран хва Элицур я. 11Адан кьушунда 46500 итим ава.
12Шимунан тайифади вичин кун гьабурун къвалав эциграй. Шимунан тайифадин регьбер Цуришаддаян хва Шелуьмиял я. 13Адан кьушунда 59300 итим ава.
14Патав – Гадан тайифа. Гадан тайифадин регьбер Регуилан хва Элиасаф я. 15Адан кьушунда 45650 итим ава.
16Вири санлай Рувенан кундал, кьушунда авай итимрин кьадардал атайла, 151450 итим ала. Абур кьвед лагьайбур яз рекье гьатрай.
17Ахпа, кунарин арада аваз, Гьалтунин Алачухни левийрин кун рекье гьатрай. Абур кун гьикӀ эцигдатӀа, гьа къайдада, гьар сад вичин чкадал алаз, вичин пайдахдик кваз рекье гьатда.
18РагъакӀидай пата вичин пайдахдик кваз Ифраиман кун хьурай. Ифраиман тайифадин регьбер Амигьудан хва Элишам я. 19Адан кьушунда 40500 итим ава.
20Абурулай кьулухъ Манашедин тайифа жеда. Манашедин тайифадин регьбер Педацуран хва Гамалиял я. 21Адан кьушунда 32200 итим ава.
22Ахпа Бунъяминан тайифа жеда. Бунъяминан тайифадин регьбер – им Гидеунидин хва Абидан я. 23Адан кьушунда 35400 итим ава.
24Вири санлай Ифраиман кундал, кьушунда авай итимрин кьадардал атайла, 108100 итим ала. Абур пуд лагьайбур яз рекье гьатда.
25Кефер пата вичин пайдахдик кваз Данан къушундин кун хьурай. Данан халкьдин регьбер Амишадаян хва Агьиэзер я. 26Адан кьушунда 62700 итим ава.
27Ашеран тайифади кун абурун патав эцигда. Ашеран тайифадин регьбер – Ахранан хва Пагиял я. 28Адан кьушунда 41500 итим ава.
29Ахпа Нифталидин тайифа жеда. Нифталидин тайифадин регьбер – им Энанан хва Агьир я. 30Адан кьушунда 53400 итим ава.
31Вири санлай Данан кундал 157600 итим алай. Абур чпин пайдахрик кваз эхиримжибур яз рекье гьатда».
32Гьа ибур чпин сихилар тирвал къелемдиз къачунвай Исраилдин рухваяр я. Вири кунарал, кьушундин кьадаррал атайла, 603550 итим алай.
33Анжах левияр Исраилдин амай рухвайрихъ галаз санал къелемдиз къачуначир – Реббиди Мусадиз эмир гайивал.
34Исраилдин рухвайри, чпиз Реббиди вуч эмир авунайтӀа, вири кьилиз акъудна. Абур чпин пайдахрик кваз кунар туькӀуьрна акъвазна ва гьа и къайдада рекьени гьатна – гьар сад вичин тухум ва сихил галаз.
Currently Selected:
Кьурумда 2: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 2
2
Тухумри кунарал чка кьун
1Реббиди Мусадизни Гьаруназ лагьана: 2«Исраилдин рухвайри кун Гьалтунин Алачухдин къваларив, адалай са тӀимил яргъал хьиз, гьар сада вичин пайдахдик, вичин сихилдин лишанрин кӀаник экӀярай.
3Ягьудан кун вичин пайдахдик кваз рагъэкъечӀдай пата хьурай. Ягьудан тайифадин регьбер – Аминадабан хва Нагьшун я. 4Адан кьушун 74600 итимдикай ибарат я.
5Исахаран тайифади чпин кун гьабурун патав эциграй. Исахаран тайифадин регьбер – Цуаран хва Натанаил я. 6Адан кьушунда 54400 итим ава.
7Патарив Забулунан тайифа хьурай. Забулунан тайифадин регьбер – Гьелунан хва Элиаб я. 8Адан кьушунда 57400 итим ава.
9Вири санлай Ягьудан кундал, кьушунда авай итимрин кьадардал атайла, 186400 итим ала. Сифте абур рекье гьатрай.
10Кьибледихъ вичин пайдахдик кваз Рувенан кьушундин кун хьурай. Рувенан тайифадин регьбер Шедеуран хва Элицур я. 11Адан кьушунда 46500 итим ава.
12Шимунан тайифади вичин кун гьабурун къвалав эциграй. Шимунан тайифадин регьбер Цуришаддаян хва Шелуьмиял я. 13Адан кьушунда 59300 итим ава.
14Патав – Гадан тайифа. Гадан тайифадин регьбер Регуилан хва Элиасаф я. 15Адан кьушунда 45650 итим ава.
16Вири санлай Рувенан кундал, кьушунда авай итимрин кьадардал атайла, 151450 итим ала. Абур кьвед лагьайбур яз рекье гьатрай.
17Ахпа, кунарин арада аваз, Гьалтунин Алачухни левийрин кун рекье гьатрай. Абур кун гьикӀ эцигдатӀа, гьа къайдада, гьар сад вичин чкадал алаз, вичин пайдахдик кваз рекье гьатда.
18РагъакӀидай пата вичин пайдахдик кваз Ифраиман кун хьурай. Ифраиман тайифадин регьбер Амигьудан хва Элишам я. 19Адан кьушунда 40500 итим ава.
20Абурулай кьулухъ Манашедин тайифа жеда. Манашедин тайифадин регьбер Педацуран хва Гамалиял я. 21Адан кьушунда 32200 итим ава.
22Ахпа Бунъяминан тайифа жеда. Бунъяминан тайифадин регьбер – им Гидеунидин хва Абидан я. 23Адан кьушунда 35400 итим ава.
24Вири санлай Ифраиман кундал, кьушунда авай итимрин кьадардал атайла, 108100 итим ала. Абур пуд лагьайбур яз рекье гьатда.
25Кефер пата вичин пайдахдик кваз Данан къушундин кун хьурай. Данан халкьдин регьбер Амишадаян хва Агьиэзер я. 26Адан кьушунда 62700 итим ава.
27Ашеран тайифади кун абурун патав эцигда. Ашеран тайифадин регьбер – Ахранан хва Пагиял я. 28Адан кьушунда 41500 итим ава.
29Ахпа Нифталидин тайифа жеда. Нифталидин тайифадин регьбер – им Энанан хва Агьир я. 30Адан кьушунда 53400 итим ава.
31Вири санлай Данан кундал 157600 итим алай. Абур чпин пайдахрик кваз эхиримжибур яз рекье гьатда».
32Гьа ибур чпин сихилар тирвал къелемдиз къачунвай Исраилдин рухваяр я. Вири кунарал, кьушундин кьадаррал атайла, 603550 итим алай.
33Анжах левияр Исраилдин амай рухвайрихъ галаз санал къелемдиз къачуначир – Реббиди Мусадиз эмир гайивал.
34Исраилдин рухвайри, чпиз Реббиди вуч эмир авунайтӀа, вири кьилиз акъудна. Абур чпин пайдахрик кваз кунар туькӀуьрна акъвазна ва гьа и къайдада рекьени гьатна – гьар сад вичин тухум ва сихил галаз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024