Кьурумда 17
17
Цуьк акъудай лаш
1Реббиди Мусадиз лагьана: 2«Исраилдин рухвайрихъ галаз рахух ва регьберривай цӀикьвед лаш къачу, абурун бубайрин гьар са тайифадивай сад. Гьар са касдин тӀвар адан лашунал кхьихь, 3Левидин лашунал лагьайтӀа Гьарунан тӀвар кхьихь. Бубайрин тайифайрин регьберрикай гьар садахъ са лаш хьунухь лазим я. 4Абур Гьалтунин Алачухда, Зун вал гьалтзавай Икьрардин сандухдин вилик, эциг. 5За хкянавай касдин лашуни цӀир ахъайда, ва За Исраилдин рухвайри квез малумарзавай наразивилин эхир эцигда».
6Муса Исраилдин рухвайрихъ галаз рахана ва абурун регьберри адав цӀикьвед лаш вугана – бубайрин гьар са тайифадин патай сад. Абурук Гьарунан лашни квай. 7Мусади лашар Шагьидвилин Алачухда Реббидин вилик эцигна.
8Пакадин юкъуз Муса Шагьидвилин Алачухдик фена ва акуна хьи, Левидин кӀвалин векилвал ийизвай Гьарунан лашуни неинки цӀир ахъайнава, гьакӀ тӀурар гъана, цуьк акъудна бадамар арадал гъанва. 9И чӀавуз Мусади вири лашар Реббидин патавай Исраилдин рухвайрин вилик акъудна. Абурни вири патарихъай абуруз килигна, ва гьар сада вичин лаш къахчуна.
10Реббиди Мусадиз лагьана: «Гьарунан лаш элкъвена Икьрардин сандухдин вилик эхцига. Ам гафуна авачирбур патал рикӀел аламукьун яз хьурай. Абур рекьин тавун патал ада абуру Залай наразивал малумарунал эхир эциграй».
11Мусади вичиз Реббиди гьикӀ эмир ганатӀа, гьакӀ дуьм-дуьз кьилиз акъудна.
12Исраилдин рухвайри Мусадиз лагьана: «Чун телеф жезва! Чун гелни галачиз квахьнава! Чун вири гелни галачиз квахьнава! 13Реббидин Алачухдиз мукьва хьайи гьар гьим хьайитӀани рекьида. Яраб чун вири рекьида жал?»
Currently Selected:
Кьурумда 17: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
