Кьурумда 10
10
Гимишдин къаргъуяр
1Реббиди Мусадиз лагьана: 2«Эл кӀватӀун ва кундилай элячӀун патал гимишдикай гатанвай кьве къаргъу раса. 3Абурай кьведайни ван авурла, вири эл Гьалтунин Алачухдин сивел ви патав кӀватӀ хьурай. 4Садай ван авурла, ви патав регьберар – Исраилдин сихилрин кьиле акъвазнавайбур кӀватӀ хьурай. 5КӀеви ван авурла, рагъэкъечӀдай пата кун кутунвай тайифаяр рекье гьатрай. 6Кьвед лагьай гъилера кӀеви ван атайла, чпин кунар кьибле пата кутунвай тайифаяр рекье гьатрай. КӀеви ван рекье гьатунин лишан жеда. 7Санал кӀватӀ хьуникай хабар гудайла, къаргъуйрив ван ийиз тур, амма кӀеви ванер акъудмир.
8Къаргъуйрив хахамри, Гьарунан рухвайри, ван ийиз тада. Куьн ва къведай несилар патал и къалурнавай къайда даиманди жеда. 9Куь чилел квев чуькьвена кьулухъ чӀугваз тазвай душмандихъ галаз женг чӀугваз экъечӀайла, къайгъуйрай кӀеви ванер акъуд. И чӀавуз куьн Реббидин, куь Аллагьдин, рикӀел хкведа ва душманрикай хуьда. 10Шадвилерин вахтунда, ЦӀийивацран ва маса суварриз, кунугрин ва суварин къурбандрин винел къаргъуяр ягъа – им куь Аллагьдин вилик куьн рикӀел хкун жеда: Зун Ребби, куь Аллагь я».
Синай дагъдилай уьлкведин сергьятдал кьван
(10:11–14:45)
Исраилвияр Синай туна фин
11Кьвед лагьай йисан кьвед лагьай вацран къад лагьай юкъуз циф Шагьидвилин Алачухдин винелай хкаж хьана. 12Исраилдин рухваяр Синай кьурумдай рекьиз экъечӀна ва, циф Паран кьурумдал акъваз жедалди, санай-саниз сиягьат авуна. 13Абур Мусадин мецелай тир Реббидин эмирдалди сифте сефер яз рекье гьатнай.
14Сифте вичин пайдахдик кваз Ягьудан кундал алай кьушунни абурун хизанар юзана. Ягьудан тайифадин кьиле Аминадабан хва Нагьшун акъвазнавай. 15Цуарран хва Натанаил Исахаран тайифадин кьушундин кьиле акъвазнавай, 16Гьелунан хва Элиабни – Забулунан тайифадин кьушундин кьиле. 17Алачух кӀватӀна ва ам ялзавай гершаниярни мерарияр рекье гьатна.
18Гуьгъуьналлаз чпин пайдахдик кваз Рувенан кьушунни абурун хизанар виликди фена. Рувенан тайифадин кьиле Шедеуран хва Элицур акъвазнавай. 19Цуришаддаян хва Шелуьмиял Шимунан тайифадин кьушундин кьиле акъвазнавай, 20Дегуялан хва Элиасаф, – Гадан тайифадин кьушундин. 21Ахпа, пак тир къаб-къажахни гваз къегьатияр рекье гьатна. Алачух абур цӀийи чкадал агакьдалди ягъун лазим тир.
22Гуьгъуьналлаз чпин пайдахдик кваз Ифраиман кундал алай кьушунни абурун хизанар рекье гьатна. Ифраиман тайифадин кьиле Амигьудан хва Элишам акъвазнавай. 23Педацуран хва Гамалиял Манашедин тайифадин кьушундин кьиле акъвазнавай, 24Гидеунидин хва Абиданни – Бунъяминан тайифадин кьушундин.
25Эхиримжибур яз, вири дестейрин далу пад хуьз, чпин пайдахдик кваз Данан кундал алай кьушунни абурун хизанар рекьиз экъечӀна. Данан тайифадин кьиле Амишадаян хва Агьиэзер акъвазнавай. 26Ашеран тайифадин кьушундин кьиле Ахранан хва Пагиял, 27Энанан хва Агьирни – Нифталидин тайифадин кьушундин кьиле. 28Абур рекье гьатдайла, Исраилдин рухвайрин кьушун жергейра аваз финин къайда гьа ихьтинди тир.
Вичин халкь Аллагьди Вичи тухун
29Мусадин яран буба тир мидиянви Регуилан яни ЙитӀаран хва Гьабабаз Мусади икӀ лагьана: «Чун Реббиди вичикай: „За ам квез гуда“ – лагьай вилаятдиз рекье гьатда. Чахъ галаз ша, чнани вахъ галаз хъсан рафтарвал ийида, Реббиди Исраилдиз хъсанвилер хиве кьунва эхир». 30«Ваъ, зун фидач. Зун жуван чилел мукьва-кьилийрин патав хъфида».
31Амма Мусади лагьана: «Тавакъу ийизва, чун тамир. Ваз кьурумда чна гьинал кун кутуна кӀандатӀа чида эхир, ва чаз рехъ къалурдайди жеда. 32Вун чахъ галаз фейитӀа, чна Реббиди чи гъиле твадай вири кван вахъ галаз пайда».
33Абур Реббидин дагъдилай рекье гьатна ва пуд юкъуз фена. Реббидин Икьрардин сандух абуруз ял ядай чка къалуриз, пуд юкъуз абурун вилик кваз фена, 34Реббидин циф лагьайтӀа, кундилай элячӀна абур рекье гьатай чӀавуз, юкъуз абурун винел алай. 35Икьрардин сандух рекье гьатайла, Мусади лугьудай:
«Къарагъ, Ребби!
Вири душманар гьарнихъ чукӀурай;
Вун гзаф такӀанбур Ви вилик акатна катрай».
36Сандух акъваз хьайила, ада лугьудай:
«Ребби, элкъвена хъша
Исраилдин сан-гьисаб авачир агъзуррин патав».
Currently Selected:
Кьурумда 10: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 10
10
Гимишдин къаргъуяр
1Реббиди Мусадиз лагьана: 2«Эл кӀватӀун ва кундилай элячӀун патал гимишдикай гатанвай кьве къаргъу раса. 3Абурай кьведайни ван авурла, вири эл Гьалтунин Алачухдин сивел ви патав кӀватӀ хьурай. 4Садай ван авурла, ви патав регьберар – Исраилдин сихилрин кьиле акъвазнавайбур кӀватӀ хьурай. 5КӀеви ван авурла, рагъэкъечӀдай пата кун кутунвай тайифаяр рекье гьатрай. 6Кьвед лагьай гъилера кӀеви ван атайла, чпин кунар кьибле пата кутунвай тайифаяр рекье гьатрай. КӀеви ван рекье гьатунин лишан жеда. 7Санал кӀватӀ хьуникай хабар гудайла, къаргъуйрив ван ийиз тур, амма кӀеви ванер акъудмир.
8Къаргъуйрив хахамри, Гьарунан рухвайри, ван ийиз тада. Куьн ва къведай несилар патал и къалурнавай къайда даиманди жеда. 9Куь чилел квев чуькьвена кьулухъ чӀугваз тазвай душмандихъ галаз женг чӀугваз экъечӀайла, къайгъуйрай кӀеви ванер акъуд. И чӀавуз куьн Реббидин, куь Аллагьдин, рикӀел хкведа ва душманрикай хуьда. 10Шадвилерин вахтунда, ЦӀийивацран ва маса суварриз, кунугрин ва суварин къурбандрин винел къаргъуяр ягъа – им куь Аллагьдин вилик куьн рикӀел хкун жеда: Зун Ребби, куь Аллагь я».
Синай дагъдилай уьлкведин сергьятдал кьван
(10:11–14:45)
Исраилвияр Синай туна фин
11Кьвед лагьай йисан кьвед лагьай вацран къад лагьай юкъуз циф Шагьидвилин Алачухдин винелай хкаж хьана. 12Исраилдин рухваяр Синай кьурумдай рекьиз экъечӀна ва, циф Паран кьурумдал акъваз жедалди, санай-саниз сиягьат авуна. 13Абур Мусадин мецелай тир Реббидин эмирдалди сифте сефер яз рекье гьатнай.
14Сифте вичин пайдахдик кваз Ягьудан кундал алай кьушунни абурун хизанар юзана. Ягьудан тайифадин кьиле Аминадабан хва Нагьшун акъвазнавай. 15Цуарран хва Натанаил Исахаран тайифадин кьушундин кьиле акъвазнавай, 16Гьелунан хва Элиабни – Забулунан тайифадин кьушундин кьиле. 17Алачух кӀватӀна ва ам ялзавай гершаниярни мерарияр рекье гьатна.
18Гуьгъуьналлаз чпин пайдахдик кваз Рувенан кьушунни абурун хизанар виликди фена. Рувенан тайифадин кьиле Шедеуран хва Элицур акъвазнавай. 19Цуришаддаян хва Шелуьмиял Шимунан тайифадин кьушундин кьиле акъвазнавай, 20Дегуялан хва Элиасаф, – Гадан тайифадин кьушундин. 21Ахпа, пак тир къаб-къажахни гваз къегьатияр рекье гьатна. Алачух абур цӀийи чкадал агакьдалди ягъун лазим тир.
22Гуьгъуьналлаз чпин пайдахдик кваз Ифраиман кундал алай кьушунни абурун хизанар рекье гьатна. Ифраиман тайифадин кьиле Амигьудан хва Элишам акъвазнавай. 23Педацуран хва Гамалиял Манашедин тайифадин кьушундин кьиле акъвазнавай, 24Гидеунидин хва Абиданни – Бунъяминан тайифадин кьушундин.
25Эхиримжибур яз, вири дестейрин далу пад хуьз, чпин пайдахдик кваз Данан кундал алай кьушунни абурун хизанар рекьиз экъечӀна. Данан тайифадин кьиле Амишадаян хва Агьиэзер акъвазнавай. 26Ашеран тайифадин кьушундин кьиле Ахранан хва Пагиял, 27Энанан хва Агьирни – Нифталидин тайифадин кьушундин кьиле. 28Абур рекье гьатдайла, Исраилдин рухвайрин кьушун жергейра аваз финин къайда гьа ихьтинди тир.
Вичин халкь Аллагьди Вичи тухун
29Мусадин яран буба тир мидиянви Регуилан яни ЙитӀаран хва Гьабабаз Мусади икӀ лагьана: «Чун Реббиди вичикай: „За ам квез гуда“ – лагьай вилаятдиз рекье гьатда. Чахъ галаз ша, чнани вахъ галаз хъсан рафтарвал ийида, Реббиди Исраилдиз хъсанвилер хиве кьунва эхир». 30«Ваъ, зун фидач. Зун жуван чилел мукьва-кьилийрин патав хъфида».
31Амма Мусади лагьана: «Тавакъу ийизва, чун тамир. Ваз кьурумда чна гьинал кун кутуна кӀандатӀа чида эхир, ва чаз рехъ къалурдайди жеда. 32Вун чахъ галаз фейитӀа, чна Реббиди чи гъиле твадай вири кван вахъ галаз пайда».
33Абур Реббидин дагъдилай рекье гьатна ва пуд юкъуз фена. Реббидин Икьрардин сандух абуруз ял ядай чка къалуриз, пуд юкъуз абурун вилик кваз фена, 34Реббидин циф лагьайтӀа, кундилай элячӀна абур рекье гьатай чӀавуз, юкъуз абурун винел алай. 35Икьрардин сандух рекье гьатайла, Мусади лугьудай:
«Къарагъ, Ребби!
Вири душманар гьарнихъ чукӀурай;
Вун гзаф такӀанбур Ви вилик акатна катрай».
36Сандух акъваз хьайила, ада лугьудай:
«Ребби, элкъвена хъша
Исраилдин сан-гьисаб авачир агъзуррин патав».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024