Хьунухь 48
48
Якьуба Юсуфан рухвайриз хийир-дуьа авун
1Са кьадар вахт алатайла, буба азарди кьунвайди хабар хьайи Юсуфа адан патав вичин рухваяр тир Манашени Ифраим гъана.
2«Ви хва Юсуф атанва», – лагьана Якьубаз. Адани вичин вири къуватар кӀватӀна, месел хкаж хьана, 3Юсуфахъ элкъвена икӀ лагьана: «Са мус ятӀани Лузда, Къенандин чилел, зи вилик вири алакьдай Аллагь атанай. Ада заз хийир-дуьа авунай 4ва лагьанай: „За ви тухум гзаф аладдайди ва кьадардиз чӀехиди ийида, валай гзаф халкьар арадал гъида, и чилни эбеди яз ви несилриз гуда“».
5«Ингье гила, – лагьана Якьуба, – зун къведалди Мисрида хьайи ви кьве аялни за хвавиле кьабулда. Гила Ифраимни Манаше Рувенахъ ва Шимунахъ галаз барабар яз зибур жеда. 6Ваз ахпа хьайи рухваяр – абур вибур я, амма ибур стхайрин тухумдай яз гьисабда ва абурун паюникай ирс къачуда».
7«Зи Рахилни, – лагьана Якьуба, – зун Падандай элкъвена хкведайла, Къенанда, Эфратадин патарив, рекье кьена. Гьана, Эфратадиз фидай рекье за ам кучукни авуна». Аниз гила Бетлегьем лугьузва.
8Юсуфан гадайриз килигна Исраила адавай хабар кьуна: «Ибур вужар я?» 9«Ибур, – жаваб гана Юсуфа, – заз ина Аллагьди пишкеш авур зи рухваяр я». «Абур зи мукьув гъваш, – лагьана Исраила, – за абуруз хийир-дуьа ийидайвал».
10Кьуьзуьвили Исраилан вилер зайиф авунвай – адаз саки са затӀни аквазмачир. Юсуфа аялар адав агудна: Исраила абуруз теменар гана, къужахда кьуна 11ва Юсуфаз лагьана: «Захъ гьатта вун ахквада лагьана умуд амачир, амма ингье Аллагьди заз ви балаярни аквадай мумкинвал гана».
12Юсуфа Исраилан метӀерив ацукьнавай вичин аялар къарагъарна ва бубадиз пел чилив агакьдайвал икрам авуна.
13Юсуфа вичин рухваяр Исраилав агудайла, Ифраим адан эрчӀи патахъ, Исраилан чапла патахъ, Манаше чапла патахъ, Исраилан эрчӀи патахъ, галай. 14Амма Исраила эрчӀи гъил Ифраиман кьилел эцигна – гъвечӀидан, чапладини – Манашедин кьилел – чӀехидан, гьавиляй ада гъилер кирсеба кьунвай.
15Исраила Юсуфаз ихьтин гафаралди хийир-дуьа авуна:
– Аллагьди – адан вилик зи бубайри уьмуьр тухвана, Ибрагьимни Исакь!
Аллагьди, зун хвейиди вири зи уьмуьрда къенин йикъалдини,
16 малаикди, зун гьар жуьредин писвилерикай хиласай, –
жегьил-жаванриз хийир-дуьа авурай!
Абура зи тӀвар давам хьурай
ва зи бубайрин – Ибрагьиманни Исакьан, – тӀварар.
Абурун несилар чилел кьадардиз гзаф жеда.
17Юсуфа, бубади вичин эрчӀи гъил Ифраиман кьилел эцигнавайди акуна ва и кардикай хуш татана, Ифраиман кьилелай Манашедин кьилел эхцигун патал бубадин гъил кьуна. 18«ИкӀ ваъ, буба, – лагьана Юсуфа. – Ингье сифте хва, эрчӀи гъил гьадан кьилел эциг».
19«Заз чида, – рази тахьана жаваб гана Исраила, – заз чида, чан хва. Гьадалайни чӀехи халкь арадал къведа. Амма икӀ ятӀани, гъвечӀи стхади вичин артуханвал къалурда ва гзаф тайифайрин эвел кутада».
20Ингье а юкъуз Исраила абуруз авур хийир-дуьадин гафар:
– Иврияр патал куьн хийир-дуьа жеда.
Абуру сада садаз нуьсрет гудайла, лугьуда:
«Аллагьди вун авурай
Ифраимни Манаше хьтинди!»
Гьа икӀ ада Ифраим Манашедилай вилик эцигна.
21Ахпа Исраила Юсуфаз лагьана: «Зун и мукьвара рекьида, амма Аллагь квехъ галаз жеда, ва куьн куь бубайрин чилел хкида. 22Ваз за дагъларин цӀиргъ гузва: вун стхайрилай вине жеда. За ам амарийривай турунинни хьелерин куьмекдалди къахчурди я».
Currently Selected:
Хьунухь 48: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Хьунухь 48
48
Якьуба Юсуфан рухвайриз хийир-дуьа авун
1Са кьадар вахт алатайла, буба азарди кьунвайди хабар хьайи Юсуфа адан патав вичин рухваяр тир Манашени Ифраим гъана.
2«Ви хва Юсуф атанва», – лагьана Якьубаз. Адани вичин вири къуватар кӀватӀна, месел хкаж хьана, 3Юсуфахъ элкъвена икӀ лагьана: «Са мус ятӀани Лузда, Къенандин чилел, зи вилик вири алакьдай Аллагь атанай. Ада заз хийир-дуьа авунай 4ва лагьанай: „За ви тухум гзаф аладдайди ва кьадардиз чӀехиди ийида, валай гзаф халкьар арадал гъида, и чилни эбеди яз ви несилриз гуда“».
5«Ингье гила, – лагьана Якьуба, – зун къведалди Мисрида хьайи ви кьве аялни за хвавиле кьабулда. Гила Ифраимни Манаше Рувенахъ ва Шимунахъ галаз барабар яз зибур жеда. 6Ваз ахпа хьайи рухваяр – абур вибур я, амма ибур стхайрин тухумдай яз гьисабда ва абурун паюникай ирс къачуда».
7«Зи Рахилни, – лагьана Якьуба, – зун Падандай элкъвена хкведайла, Къенанда, Эфратадин патарив, рекье кьена. Гьана, Эфратадиз фидай рекье за ам кучукни авуна». Аниз гила Бетлегьем лугьузва.
8Юсуфан гадайриз килигна Исраила адавай хабар кьуна: «Ибур вужар я?» 9«Ибур, – жаваб гана Юсуфа, – заз ина Аллагьди пишкеш авур зи рухваяр я». «Абур зи мукьув гъваш, – лагьана Исраила, – за абуруз хийир-дуьа ийидайвал».
10Кьуьзуьвили Исраилан вилер зайиф авунвай – адаз саки са затӀни аквазмачир. Юсуфа аялар адав агудна: Исраила абуруз теменар гана, къужахда кьуна 11ва Юсуфаз лагьана: «Захъ гьатта вун ахквада лагьана умуд амачир, амма ингье Аллагьди заз ви балаярни аквадай мумкинвал гана».
12Юсуфа Исраилан метӀерив ацукьнавай вичин аялар къарагъарна ва бубадиз пел чилив агакьдайвал икрам авуна.
13Юсуфа вичин рухваяр Исраилав агудайла, Ифраим адан эрчӀи патахъ, Исраилан чапла патахъ, Манаше чапла патахъ, Исраилан эрчӀи патахъ, галай. 14Амма Исраила эрчӀи гъил Ифраиман кьилел эцигна – гъвечӀидан, чапладини – Манашедин кьилел – чӀехидан, гьавиляй ада гъилер кирсеба кьунвай.
15Исраила Юсуфаз ихьтин гафаралди хийир-дуьа авуна:
– Аллагьди – адан вилик зи бубайри уьмуьр тухвана, Ибрагьимни Исакь!
Аллагьди, зун хвейиди вири зи уьмуьрда къенин йикъалдини,
16 малаикди, зун гьар жуьредин писвилерикай хиласай, –
жегьил-жаванриз хийир-дуьа авурай!
Абура зи тӀвар давам хьурай
ва зи бубайрин – Ибрагьиманни Исакьан, – тӀварар.
Абурун несилар чилел кьадардиз гзаф жеда.
17Юсуфа, бубади вичин эрчӀи гъил Ифраиман кьилел эцигнавайди акуна ва и кардикай хуш татана, Ифраиман кьилелай Манашедин кьилел эхцигун патал бубадин гъил кьуна. 18«ИкӀ ваъ, буба, – лагьана Юсуфа. – Ингье сифте хва, эрчӀи гъил гьадан кьилел эциг».
19«Заз чида, – рази тахьана жаваб гана Исраила, – заз чида, чан хва. Гьадалайни чӀехи халкь арадал къведа. Амма икӀ ятӀани, гъвечӀи стхади вичин артуханвал къалурда ва гзаф тайифайрин эвел кутада».
20Ингье а юкъуз Исраила абуруз авур хийир-дуьадин гафар:
– Иврияр патал куьн хийир-дуьа жеда.
Абуру сада садаз нуьсрет гудайла, лугьуда:
«Аллагьди вун авурай
Ифраимни Манаше хьтинди!»
Гьа икӀ ада Ифраим Манашедилай вилик эцигна.
21Ахпа Исраила Юсуфаз лагьана: «Зун и мукьвара рекьида, амма Аллагь квехъ галаз жеда, ва куьн куь бубайрин чилел хкида. 22Ваз за дагъларин цӀиргъ гузва: вун стхайрилай вине жеда. За ам амарийривай турунинни хьелерин куьмекдалди къахчурди я».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024