ГалатӀвийриз 1
1
Саламар
1Инсанри хкягъ тавунвай ва инсандин куьмек галачиз, анжах Иса Месигьди ва Ам кьейидалай кьулухъ Адал чан хканвай Аллагь Бубади илчи яз тайинарнавай Павелан 2ва захъ галаз авай вири стхайрин ва вахарин патай.
ГалатӀда авай иманийрин кӀватӀалриз.
3Аллагьдин, чи Бубадин, ва Ребби Иса Месигьдин патай берекат ва саламатвал хьурай квез. 4Чи Аллагь Бубадин ихтиярдалди Иса Месигьди чи гунагьар михьун ва чун алай девирдин напаквилерикай азад авун паталди Вич къурбанд авуна. 5Аллагьдиз эбеди яз шукур хьурай! Амин.
Тек са Шад Хабар
6Маса са Шад Хабардин паталай Иса Месигьдин берекатдалди квез эверай Аллагь куьне икьван фад рикӀелай алудунал зун мягьтел я. 7Гьакъикъатда маса Шад Хабар авайди туш! Амма, куьн чӀуру рекье тваз, Иса Месигьдин Шад Хабар чӀуриз алахъзавайбур ава. 8ЯтӀани я чна, я тахьайтӀа цаварилай атай са малаикди хьайитӀани, чна квез ракъурнавай Шад Хабардиз акси са затӀ Шад Хабар хьиз халкьдин арада чукӀурайтӀа, къуй адаз лянет хьурай! 9За эвелдай лагьай гафар мад тикрарзава: ни квез куьне кьабулнавай Шад Хабардиз акси са затӀ таблигъиз хьайитӀа, къуй адаз лянет хьурай! 10Гила за нин разивал къачун герек я: инсанрин ва я Аллагьдин? Белки зун инсанриз хуш атун паталди алахъзава? Инсанар рази авун паталди алахъзавайтӀа, зун Иса Месигьдин лукӀ жедачир.
Павел илчи хьуникай
11Стхаяр-вахар, квез чир хьурай, за квез гъанвай Шад Хабар инсанрин патай туш. 12За Ам инсанривай кьабулнач ва Адан гъавурда зун инсанри тунач. Адан мана заз Иса Месигьди ачухарна.
13 Чувудрин диндихъ галаз алакъада авай чӀавуз за гьихьтин уьмуьр кьиле тухузвайтӀа квез ван хьана. Зун Аллагьдин иманийрин кӀватӀалдиз акси тир ва ам чукӀуриз алахъзавай. 14За чувудрин диндиз къуллугъзавай чӀавуз зун жуван юлдашрилай парабурулай вилик квай. Чи чӀехи бубайрин адетар хуьнин кардал зун рикӀин сидкьидай алахъзавай. 15Амма гьеле дидедин къене амаз, заз Вичин берекатдалди Вичиз къуллугъиз эверай Аллагьди зун хкяна, 16Адакай чувудар туширбуруз Шад Хабар гун патал Вичин Хва заз малумар авунал Аллагь рази хьайила, за гьасятда инсанрихъ галаз меслятнач. 17Зун Ярусалимдиз, залай вилик илчи хьайибурун патав ваъ, Арабистандиз фена, ахпа мад Шам шегьердиз хтана.
18Ахпа, пуд йис алатайдалай кьулухъ, Кифадихъ галаз таниш хьун патал зун Ярусалимдиз фена ва цӀувад юкъуз адан патав амукьна. 19Муькуь илчийрикай заз садни акунач. Тек са Реббидин стха Якьуб акуна. 20За квез кхьенвай гафар тапарар туширди за Аллагьдин вилик тестикьарзава. 21Ахпа зун Суьриядиз ва Киликатдиз фена. 22Ягьудатда авай иманийрин кӀватӀалриз а чӀавуз зун гьеле, чинай акуна, чизвачир. 23Абурув анжах ихьтин ванер агакьзавай: «Виликан вахтара чи геле къекъвей касди, вичи тергиз алахъай имандикай гила вичи муштулухар гузва». 24Гьа икӀ, абуру заз килигна Аллагьдиз баркалла ийизвай.
Currently Selected:
ГалатӀвийриз 1: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
ГалатӀвийриз 1
1
Саламар
1Инсанри хкягъ тавунвай ва инсандин куьмек галачиз, анжах Иса Месигьди ва Ам кьейидалай кьулухъ Адал чан хканвай Аллагь Бубади илчи яз тайинарнавай Павелан 2ва захъ галаз авай вири стхайрин ва вахарин патай.
ГалатӀда авай иманийрин кӀватӀалриз.
3Аллагьдин, чи Бубадин, ва Ребби Иса Месигьдин патай берекат ва саламатвал хьурай квез. 4Чи Аллагь Бубадин ихтиярдалди Иса Месигьди чи гунагьар михьун ва чун алай девирдин напаквилерикай азад авун паталди Вич къурбанд авуна. 5Аллагьдиз эбеди яз шукур хьурай! Амин.
Тек са Шад Хабар
6Маса са Шад Хабардин паталай Иса Месигьдин берекатдалди квез эверай Аллагь куьне икьван фад рикӀелай алудунал зун мягьтел я. 7Гьакъикъатда маса Шад Хабар авайди туш! Амма, куьн чӀуру рекье тваз, Иса Месигьдин Шад Хабар чӀуриз алахъзавайбур ава. 8ЯтӀани я чна, я тахьайтӀа цаварилай атай са малаикди хьайитӀани, чна квез ракъурнавай Шад Хабардиз акси са затӀ Шад Хабар хьиз халкьдин арада чукӀурайтӀа, къуй адаз лянет хьурай! 9За эвелдай лагьай гафар мад тикрарзава: ни квез куьне кьабулнавай Шад Хабардиз акси са затӀ таблигъиз хьайитӀа, къуй адаз лянет хьурай! 10Гила за нин разивал къачун герек я: инсанрин ва я Аллагьдин? Белки зун инсанриз хуш атун паталди алахъзава? Инсанар рази авун паталди алахъзавайтӀа, зун Иса Месигьдин лукӀ жедачир.
Павел илчи хьуникай
11Стхаяр-вахар, квез чир хьурай, за квез гъанвай Шад Хабар инсанрин патай туш. 12За Ам инсанривай кьабулнач ва Адан гъавурда зун инсанри тунач. Адан мана заз Иса Месигьди ачухарна.
13 Чувудрин диндихъ галаз алакъада авай чӀавуз за гьихьтин уьмуьр кьиле тухузвайтӀа квез ван хьана. Зун Аллагьдин иманийрин кӀватӀалдиз акси тир ва ам чукӀуриз алахъзавай. 14За чувудрин диндиз къуллугъзавай чӀавуз зун жуван юлдашрилай парабурулай вилик квай. Чи чӀехи бубайрин адетар хуьнин кардал зун рикӀин сидкьидай алахъзавай. 15Амма гьеле дидедин къене амаз, заз Вичин берекатдалди Вичиз къуллугъиз эверай Аллагьди зун хкяна, 16Адакай чувудар туширбуруз Шад Хабар гун патал Вичин Хва заз малумар авунал Аллагь рази хьайила, за гьасятда инсанрихъ галаз меслятнач. 17Зун Ярусалимдиз, залай вилик илчи хьайибурун патав ваъ, Арабистандиз фена, ахпа мад Шам шегьердиз хтана.
18Ахпа, пуд йис алатайдалай кьулухъ, Кифадихъ галаз таниш хьун патал зун Ярусалимдиз фена ва цӀувад юкъуз адан патав амукьна. 19Муькуь илчийрикай заз садни акунач. Тек са Реббидин стха Якьуб акуна. 20За квез кхьенвай гафар тапарар туширди за Аллагьдин вилик тестикьарзава. 21Ахпа зун Суьриядиз ва Киликатдиз фена. 22Ягьудатда авай иманийрин кӀватӀалриз а чӀавуз зун гьеле, чинай акуна, чизвачир. 23Абурув анжах ихьтин ванер агакьзавай: «Виликан вахтара чи геле къекъвей касди, вичи тергиз алахъай имандикай гила вичи муштулухар гузва». 24Гьа икӀ, абуру заз килигна Аллагьдиз баркалла ийизвай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024