ЭхкъечӀун 40
40
Гьалтунин Алачух хкажун ва паквилиз акъудун
1Реббиди Мусадиз лагьана: 2«Сифте вацран сад лагьай юкъуз Гьалтунин Алачух эциг. 3Аниз Икьрардин сандух гъана, ам пердедалди кӀева. 4Аниз экӀягъан гъана, адал герек тир вири затӀар эциг; чирагъган гъана, адал чирагъар эцига. 5Икьрардин сандухдин вилик хуш ни галай гум гун патал къизилдин къурбанган эциг. Алачухдин къенез гьахьдай чка пердедалди кӀева. 6Гьалтунин Алачухдиз гьахьдай чкадин вилик кунугрин къурбанган эциг. 7Гьалтунин Алачухдинни санлай цӀай яна кудай къурбангандин арада лат эциг ва ам яд цана ацӀур ая. 8Кьуд патахъди гъен туькӀуьра, гъенин варарни пердедалди кӀева. 9Ахпа гуьцӀдай чӀем къачуна, Алачухдивай ва ана авай кьван вири затӀаривай гуьцӀа. Алачух ва адан вири къаб-къажах паквилиз акъуд. Абур пак тирбур жеда. 10ГьакӀ кунугрин къурбангандивайни, адаз талукь вири къаб-къажахдивайни гуьцӀа: къурбанган паквилиз акъуд, ва ам паквилерин пак тирди жеда. 11Латавай ва адан кӀаник кутадай затӀунивай гуьцӀа, абур паквилиз акъуд. 12Ахпа Гьарунни адан рухваяр Гьалтунин Алачухдин вилик гъана, абур чуьхуьх. 13Гьарунал пак тир парталар алукӀ ва адавай чӀем гуьцӀа: ам паквилиз акъуд, адакай Зи хахам жедайвал. 14Адан рухваяр гъана, абурал перемар алукӀ 15ва абурувай, вуна абурун бубадивай чӀем гуьцӀайвал, чӀем гуьцӀа, чпикай Зи хахамар жедайвал. ЧӀем гуьцӀ авуни абурун кӀвачихъ эбеди яз хахамрин тӀвар галкӀурда – несилдилай несилдалди».
16Мусади вичиз Реббиди гьикӀ эмир авунатӀа, гьакӀ дуьм-дуьз кьилизни акъудна.
17Кьвед лагьай йисан сад лагьай вацран сад лагьай юкъуз Алачух эцигнай. 18Мусади Алачух эцигна: ада пунар эцигна, даяхар акӀурна, абурал, турвакьралди галкӀурна, кьулар эцигна, 19Алачухдал винел патан къат чӀугуна, адан винел падни мад са къатуналди кӀевна – вичиз Реббиди эмир гайивал.
20Мусади Икьрар къачуна ва ам Икьрардин сандухда эцигна, Икьрардин сандухдик паяяр кукӀурна ва адал «Гунагьар алудзавай чка» лугьудай къапсах эцигна, 21Икьрардин сандух Алачухдиз гъана ва, перде куьрсарна, адалди Икьрардин сандух кӀевна, – вичиз Реббиди эмир гайивал.
22Гьалтунин Алачухдин кефер патан паюна Мусади пердедин вилик экӀягъан эцигна 23ва адан винел Реббидин вилик жедай фу эцигна – Реббиди адаз эмир гайивал.
24Гьалтунин Алачухдин кьибледихъ галай паюна, экӀягъандин вилик Мусади чирагъган эцигна 25ва адахъ Реббидин вилик жедайвал чирагъар эцигна – адаз Реббиди эмир гайивал.
26Гьалтунин Алачухда, пердедин вилик ада къизилдин къурбанган эцигна 27ва ана хуш ни галай затӀарай кана гум акъудна – адаз Реббиди эмир гайивал.
28Алачухдиз гьахьдай чкадикай ада перде куьрсарна. 29Гьалтунин Алачухдиз гьахьдай чкадин сивив ада кунугрин къурбанган эцигна ва ана кунуг авуна ва фан къурбанд гана – адаз Реббиди эмир гайивал.
30Гьалтунин Алачухдин ва къурбангандин арада ада лат эцигна ва ам гъилер чуьхуьн къачудай целди ацӀурна. 31-32Мусади, Гьаруна ва адан рухвайри, абуруз Гьалтунин Алачухдик физ кӀан хьайила, я тушни къурбангандин патав физ кӀан хьайила, ана гъилер ва кӀвачер чуьхуьн къачузвай, – Реббиди Мусадиз эмир гайивал.
33Алачухдин ва къурбангандин элкъвена вири патарихъ ада гъен туькӀуьрна, гъенин варарни пердедалди кӀевна.
Реббидин баркалла
Куьтягьна Мусади кӀвалах вичин –
34ва цифеди Гьалтунин Алачух кӀевна,
ва вилериз аквадай Реббидин баркаллади Алачух ацӀурна.
35Мусадивай Гьалтунин Алачухдиз гьахьизни хьанач,
вучиз лагьайтӀа, Гьалтунин Алачух цифеди кьуна
ва вилериз аквадай Реббидин баркаллади Алачух ацӀурна.
36И циф Алачухдин винел хкаж хьайи чӀавуз, сейирда хьайи вири девирда Исраилдин рухваяр рекье гьатдай. 37Циф хкаж тахьайтӀа, абур алай чкадилай юзадачир ва ам хкаж жедалди вилив хуьдай.
38Юкъуз Алачухдин винел Реббидин циф акъвазнаваз жедай, йифиз лагьайтӀа, и цифеда цӀай кудай. Имни вири исраилвийриз аквадай. Абуру сиягьат авур вири девирда датӀана гьа икӀ тир.
Currently Selected:
ЭхкъечӀун 40: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
ЭхкъечӀун 40
40
Гьалтунин Алачух хкажун ва паквилиз акъудун
1Реббиди Мусадиз лагьана: 2«Сифте вацран сад лагьай юкъуз Гьалтунин Алачух эциг. 3Аниз Икьрардин сандух гъана, ам пердедалди кӀева. 4Аниз экӀягъан гъана, адал герек тир вири затӀар эциг; чирагъган гъана, адал чирагъар эцига. 5Икьрардин сандухдин вилик хуш ни галай гум гун патал къизилдин къурбанган эциг. Алачухдин къенез гьахьдай чка пердедалди кӀева. 6Гьалтунин Алачухдиз гьахьдай чкадин вилик кунугрин къурбанган эциг. 7Гьалтунин Алачухдинни санлай цӀай яна кудай къурбангандин арада лат эциг ва ам яд цана ацӀур ая. 8Кьуд патахъди гъен туькӀуьра, гъенин варарни пердедалди кӀева. 9Ахпа гуьцӀдай чӀем къачуна, Алачухдивай ва ана авай кьван вири затӀаривай гуьцӀа. Алачух ва адан вири къаб-къажах паквилиз акъуд. Абур пак тирбур жеда. 10ГьакӀ кунугрин къурбангандивайни, адаз талукь вири къаб-къажахдивайни гуьцӀа: къурбанган паквилиз акъуд, ва ам паквилерин пак тирди жеда. 11Латавай ва адан кӀаник кутадай затӀунивай гуьцӀа, абур паквилиз акъуд. 12Ахпа Гьарунни адан рухваяр Гьалтунин Алачухдин вилик гъана, абур чуьхуьх. 13Гьарунал пак тир парталар алукӀ ва адавай чӀем гуьцӀа: ам паквилиз акъуд, адакай Зи хахам жедайвал. 14Адан рухваяр гъана, абурал перемар алукӀ 15ва абурувай, вуна абурун бубадивай чӀем гуьцӀайвал, чӀем гуьцӀа, чпикай Зи хахамар жедайвал. ЧӀем гуьцӀ авуни абурун кӀвачихъ эбеди яз хахамрин тӀвар галкӀурда – несилдилай несилдалди».
16Мусади вичиз Реббиди гьикӀ эмир авунатӀа, гьакӀ дуьм-дуьз кьилизни акъудна.
17Кьвед лагьай йисан сад лагьай вацран сад лагьай юкъуз Алачух эцигнай. 18Мусади Алачух эцигна: ада пунар эцигна, даяхар акӀурна, абурал, турвакьралди галкӀурна, кьулар эцигна, 19Алачухдал винел патан къат чӀугуна, адан винел падни мад са къатуналди кӀевна – вичиз Реббиди эмир гайивал.
20Мусади Икьрар къачуна ва ам Икьрардин сандухда эцигна, Икьрардин сандухдик паяяр кукӀурна ва адал «Гунагьар алудзавай чка» лугьудай къапсах эцигна, 21Икьрардин сандух Алачухдиз гъана ва, перде куьрсарна, адалди Икьрардин сандух кӀевна, – вичиз Реббиди эмир гайивал.
22Гьалтунин Алачухдин кефер патан паюна Мусади пердедин вилик экӀягъан эцигна 23ва адан винел Реббидин вилик жедай фу эцигна – Реббиди адаз эмир гайивал.
24Гьалтунин Алачухдин кьибледихъ галай паюна, экӀягъандин вилик Мусади чирагъган эцигна 25ва адахъ Реббидин вилик жедайвал чирагъар эцигна – адаз Реббиди эмир гайивал.
26Гьалтунин Алачухда, пердедин вилик ада къизилдин къурбанган эцигна 27ва ана хуш ни галай затӀарай кана гум акъудна – адаз Реббиди эмир гайивал.
28Алачухдиз гьахьдай чкадикай ада перде куьрсарна. 29Гьалтунин Алачухдиз гьахьдай чкадин сивив ада кунугрин къурбанган эцигна ва ана кунуг авуна ва фан къурбанд гана – адаз Реббиди эмир гайивал.
30Гьалтунин Алачухдин ва къурбангандин арада ада лат эцигна ва ам гъилер чуьхуьн къачудай целди ацӀурна. 31-32Мусади, Гьаруна ва адан рухвайри, абуруз Гьалтунин Алачухдик физ кӀан хьайила, я тушни къурбангандин патав физ кӀан хьайила, ана гъилер ва кӀвачер чуьхуьн къачузвай, – Реббиди Мусадиз эмир гайивал.
33Алачухдин ва къурбангандин элкъвена вири патарихъ ада гъен туькӀуьрна, гъенин варарни пердедалди кӀевна.
Реббидин баркалла
Куьтягьна Мусади кӀвалах вичин –
34ва цифеди Гьалтунин Алачух кӀевна,
ва вилериз аквадай Реббидин баркаллади Алачух ацӀурна.
35Мусадивай Гьалтунин Алачухдиз гьахьизни хьанач,
вучиз лагьайтӀа, Гьалтунин Алачух цифеди кьуна
ва вилериз аквадай Реббидин баркаллади Алачух ацӀурна.
36И циф Алачухдин винел хкаж хьайи чӀавуз, сейирда хьайи вири девирда Исраилдин рухваяр рекье гьатдай. 37Циф хкаж тахьайтӀа, абур алай чкадилай юзадачир ва ам хкаж жедалди вилив хуьдай.
38Юкъуз Алачухдин винел Реббидин циф акъвазнаваз жедай, йифиз лагьайтӀа, и цифеда цӀай кудай. Имни вири исраилвийриз аквадай. Абуру сиягьат авур вири девирда датӀана гьа икӀ тир.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024