ЭхкъечӀун 38
38
Кунугрин къурбанган ва лат
(ЭхкъечӀун 27:1-8)
1Бесалела акӀаждин кӀарасдикай кунугрин къурбанган гьазурна – дуьз пипӀеринди – вад кьуьнт яргъивал алай ва вадни гьяркьуьвал, кьакьанвални пуд кьуьнт. 2Адан кьуд пипӀел ада крчар туькӀуьрна – абуру къурбангандихъ галаз сих битаввал арадал гъизвай – ва вири буьруьнждалди кӀевна. 3Ада къурбанган патал тадаракар гьазурна: кукӀваяр, гъвечӀи перер, иви хъичирдай бадияр, як патал шишер ва цӀивинар патал хекендазар. Вири и тадаракар ада буьруьнждикай расна. 4Ада къурбандар ийидай затӀуниз буьруьнждин чил расна ва ам къурбангандин куьбедик кутуна мягькемарна, ам адан юкьвал кьван агакьдайвал. 5Ада паяяр патал цӀурурна кӀалубда туна кьуд гьалкъа расна ва абур буьруьнждин чилдин кьуд пипӀехъ галкӀурна, 6паяяр чеб акӀаждикай расна ва буьруьнждалди кӀевна. 7Къурбанган ялиз хьун патал Бесалела паяяр адан къваларихъ галай гьалкъайрай туна. Къурбанган ичӀи къен аваз тахтайрикай расна.
8Ада гьакӀ лат ва Гьалтунин Алачухдин сивел къуллугъзавай папарив гвай буьруьнждин гуьзгуьйрикай адан кӀаник кутадай затӀни расна.
Гьалтунин Алачухдин гъен
(ЭхкъечӀун 27:9-19)
9Ахпа Бесалела гъен кутуна. Кьибле патахъай, гъен тирвал, кьелечӀ кушдикай хранвай, виш кьуьнт яргъивал алай, 10буьруьнждин къад пунал акъвазнавай къад гулунихъ галкӀурнавай перде чӀугунвай. КӀирер ва пунар галкӀурзавай къармахар гимишдинбур тир. 11Кефер патахъай гъен тирвал кӀаник буьруьнждин къад пун квай къад гулунихъ галкӀурнавай ва вичин яргъивал виш кьуьнт тир перде чӀугунвай. Гуларал алай кӀирер ва къармахар гимишдинбур тир. 12РагъакӀидай патахъай вичел яхцӀурни цӀуд кьуьнт яргъивал алай, цӀуд пунал акъвазнавай цӀуд гулунихъ галкӀурнавай перде чӀугунвай. КӀирер ва пунар галкӀурнавай къармахар гимишдинбур тир. 13РагъэкъечӀдай патахъай гъенин гьяркьуьвал яхцӀурни цӀуд кьуьнт тир. 14Гьахьдай чкадин са патахъай цӀувад кьуьнт яргъивал алай, пуд пунал акъвазнавай пуд гулуникай куьрсарнавай перде чӀугунвай. 15Гъенин варарин муькуь патахъайни чпин кӀаник пуд пун квай, пуд гулуникай куьрсарнавай перде чӀугунвай. 16Гъен тирвал чӀугунвай вири пердеяр кьелечӀ кушдикай хранвайбур тир, 17гуларин кӀаник квай пунар буьруьнждинбур тир, гуларин кӀирер ва къармахар – гимишдинбур; гуларин вини кьилер гимишдалди кӀевнавай. Гъенин вири гулар гимишдин кӀирералди галкӀурнавай. 18Варарин перде гьар жуьредин рангарин – вили, мичӀи яру, икьи яру рангарин гъаларикай ва кьелечӀ кушдикай хранвай, яргъивални – къад кьуьнт. Адан кьакьанвал ракӀарин пердедин хьиз вад кьуьнт тир. 19Варарихъ буьруьнждин кьуд пунал акъвазнавай кьуд гул авай; гуларин кӀирер гимишдинбур тир. Гуларин вини кьилер гимишдалди кӀевнавай, абурук квай къармахар – гимишдинбур тир. 20Алачухдин вири хкар ва гъен тирвал авай пердедин хкар буьруьнждинбур тир.
Гъилик авунвай затӀарин сиягь
21Ингье Шагьидвилин Алачух патал Мусадин эмирдалди хахам Гьарунан хва Итамаран регьбервилик кваз левийри туькӀуьрай харжийрин сиягь. 22(Ягьудрин тайифадай тир Гьуран хтул, Уридин хва Бецалела Реббиди Мусадилай агакьарай эмирда къалурнавайвал вири кьилиз акъудна. 23Адахъ Дан тайифадай тир Ахисамахан хва, вичихъ къванцел нехишар атӀудай устадвал, гьакӀни нехиш акъуднавай ва вили, мичӀи яру, ва икьи яру рангарин гъаларикай ва кьелечӀ кушдикай парча храдай устадвал авай Агьалиабни галай).
24Ибадатхана эцигун патал гъилик авур къизилдин – къурбандрин къизилдин – кьадарни къанни кӀуьд киккарни ирид вишни къанни цӀуд шекъел (ибадатханадин шекъелрин гьисабдай) хьана.
25Эл къелемдиз къачудайла, кӀватӀай гимишдин кьадарни виш киккарни агъзурни ирид вишни пудкъанни цӀувад шекъел (ибадатханадин шекъелрин гьисабдай) хьана; 26къелемдиз къачунвай гьар садавай, къад йис ва гьадалай гзаф йисар хьанвайбур, – ругуд вишни пуд агъзурни вад вишни яхцӀурни цӀуд кас – са бека (ибадатханадин шекъелрин гьисабдай зур шекъел) къачунай. 27Виш киккар гимиш ибадатханадин гуларин пунар ва адан гъенин пердейрин гулар патал пунар кӀалубда туна цӀуруруниз серфнай: виш пуниз – виш киккар, гьар са пун патал са киккар. 28Агъзурни ирид вишни пудкъанни цӀувад шекъел гимиш гуларин гимишдин кӀирерни къармахар авуниз ва абурун вини кьилер гимишдалди кӀевунин кардиз серф авуна.
29Къурбандрин буьруьнждин кьадарни пудкъанни цӀуд киккарни кьве агъзурни кьуд виш шекъел хьана. 30Адакай Гьалтунин Алачухдиз гьахьдай чкадин гуларин пунар, къурбанган ва къурбангандин буьруьнждин чил ва адан къаб-къажах, 31гъен тирвал авай ва гъенин варарин гуларин пунар, гьакӀни Алачух патал ва гъен тирвал авай пердедин хкар раснай.
Currently Selected:
ЭхкъечӀун 38: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
ЭхкъечӀун 38
38
Кунугрин къурбанган ва лат
(ЭхкъечӀун 27:1-8)
1Бесалела акӀаждин кӀарасдикай кунугрин къурбанган гьазурна – дуьз пипӀеринди – вад кьуьнт яргъивал алай ва вадни гьяркьуьвал, кьакьанвални пуд кьуьнт. 2Адан кьуд пипӀел ада крчар туькӀуьрна – абуру къурбангандихъ галаз сих битаввал арадал гъизвай – ва вири буьруьнждалди кӀевна. 3Ада къурбанган патал тадаракар гьазурна: кукӀваяр, гъвечӀи перер, иви хъичирдай бадияр, як патал шишер ва цӀивинар патал хекендазар. Вири и тадаракар ада буьруьнждикай расна. 4Ада къурбандар ийидай затӀуниз буьруьнждин чил расна ва ам къурбангандин куьбедик кутуна мягькемарна, ам адан юкьвал кьван агакьдайвал. 5Ада паяяр патал цӀурурна кӀалубда туна кьуд гьалкъа расна ва абур буьруьнждин чилдин кьуд пипӀехъ галкӀурна, 6паяяр чеб акӀаждикай расна ва буьруьнждалди кӀевна. 7Къурбанган ялиз хьун патал Бесалела паяяр адан къваларихъ галай гьалкъайрай туна. Къурбанган ичӀи къен аваз тахтайрикай расна.
8Ада гьакӀ лат ва Гьалтунин Алачухдин сивел къуллугъзавай папарив гвай буьруьнждин гуьзгуьйрикай адан кӀаник кутадай затӀни расна.
Гьалтунин Алачухдин гъен
(ЭхкъечӀун 27:9-19)
9Ахпа Бесалела гъен кутуна. Кьибле патахъай, гъен тирвал, кьелечӀ кушдикай хранвай, виш кьуьнт яргъивал алай, 10буьруьнждин къад пунал акъвазнавай къад гулунихъ галкӀурнавай перде чӀугунвай. КӀирер ва пунар галкӀурзавай къармахар гимишдинбур тир. 11Кефер патахъай гъен тирвал кӀаник буьруьнждин къад пун квай къад гулунихъ галкӀурнавай ва вичин яргъивал виш кьуьнт тир перде чӀугунвай. Гуларал алай кӀирер ва къармахар гимишдинбур тир. 12РагъакӀидай патахъай вичел яхцӀурни цӀуд кьуьнт яргъивал алай, цӀуд пунал акъвазнавай цӀуд гулунихъ галкӀурнавай перде чӀугунвай. КӀирер ва пунар галкӀурнавай къармахар гимишдинбур тир. 13РагъэкъечӀдай патахъай гъенин гьяркьуьвал яхцӀурни цӀуд кьуьнт тир. 14Гьахьдай чкадин са патахъай цӀувад кьуьнт яргъивал алай, пуд пунал акъвазнавай пуд гулуникай куьрсарнавай перде чӀугунвай. 15Гъенин варарин муькуь патахъайни чпин кӀаник пуд пун квай, пуд гулуникай куьрсарнавай перде чӀугунвай. 16Гъен тирвал чӀугунвай вири пердеяр кьелечӀ кушдикай хранвайбур тир, 17гуларин кӀаник квай пунар буьруьнждинбур тир, гуларин кӀирер ва къармахар – гимишдинбур; гуларин вини кьилер гимишдалди кӀевнавай. Гъенин вири гулар гимишдин кӀирералди галкӀурнавай. 18Варарин перде гьар жуьредин рангарин – вили, мичӀи яру, икьи яру рангарин гъаларикай ва кьелечӀ кушдикай хранвай, яргъивални – къад кьуьнт. Адан кьакьанвал ракӀарин пердедин хьиз вад кьуьнт тир. 19Варарихъ буьруьнждин кьуд пунал акъвазнавай кьуд гул авай; гуларин кӀирер гимишдинбур тир. Гуларин вини кьилер гимишдалди кӀевнавай, абурук квай къармахар – гимишдинбур тир. 20Алачухдин вири хкар ва гъен тирвал авай пердедин хкар буьруьнждинбур тир.
Гъилик авунвай затӀарин сиягь
21Ингье Шагьидвилин Алачух патал Мусадин эмирдалди хахам Гьарунан хва Итамаран регьбервилик кваз левийри туькӀуьрай харжийрин сиягь. 22(Ягьудрин тайифадай тир Гьуран хтул, Уридин хва Бецалела Реббиди Мусадилай агакьарай эмирда къалурнавайвал вири кьилиз акъудна. 23Адахъ Дан тайифадай тир Ахисамахан хва, вичихъ къванцел нехишар атӀудай устадвал, гьакӀни нехиш акъуднавай ва вили, мичӀи яру, ва икьи яру рангарин гъаларикай ва кьелечӀ кушдикай парча храдай устадвал авай Агьалиабни галай).
24Ибадатхана эцигун патал гъилик авур къизилдин – къурбандрин къизилдин – кьадарни къанни кӀуьд киккарни ирид вишни къанни цӀуд шекъел (ибадатханадин шекъелрин гьисабдай) хьана.
25Эл къелемдиз къачудайла, кӀватӀай гимишдин кьадарни виш киккарни агъзурни ирид вишни пудкъанни цӀувад шекъел (ибадатханадин шекъелрин гьисабдай) хьана; 26къелемдиз къачунвай гьар садавай, къад йис ва гьадалай гзаф йисар хьанвайбур, – ругуд вишни пуд агъзурни вад вишни яхцӀурни цӀуд кас – са бека (ибадатханадин шекъелрин гьисабдай зур шекъел) къачунай. 27Виш киккар гимиш ибадатханадин гуларин пунар ва адан гъенин пердейрин гулар патал пунар кӀалубда туна цӀуруруниз серфнай: виш пуниз – виш киккар, гьар са пун патал са киккар. 28Агъзурни ирид вишни пудкъанни цӀувад шекъел гимиш гуларин гимишдин кӀирерни къармахар авуниз ва абурун вини кьилер гимишдалди кӀевунин кардиз серф авуна.
29Къурбандрин буьруьнждин кьадарни пудкъанни цӀуд киккарни кьве агъзурни кьуд виш шекъел хьана. 30Адакай Гьалтунин Алачухдиз гьахьдай чкадин гуларин пунар, къурбанган ва къурбангандин буьруьнждин чил ва адан къаб-къажах, 31гъен тирвал авай ва гъенин варарин гуларин пунар, гьакӀни Алачух патал ва гъен тирвал авай пердедин хкар раснай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024