ЭхкъечӀун 13
13
Сифте ругулар Реббидин ТӀварцӀиз акъудун
1Реббиди Мусадиз лагьана: 2«Исраилдин рухвайриз жедай сифте ругулар – гьам инсанрин сад лагьайбур, гьам гьайванрин сифте балаяр – Зи ТӀварцӀиз акъуд. Абур зибур я».
ТӀили фарин сувар ва Сифте хьайи ругулрин гьакъиндай къанун
3Мусади халкьдиз лагьана: «Реббидин кӀеви гъили куьн Мисридай, лукӀвиляй акъуднавай и югъ рикӀел хуьх. Гьа и юкъуз гъвар квай фу немир. 4Куьн къе, Авивдин вацра, экъечӀзава.
5Реббиди квез къенанвийрин, хетийрин, амарийрин, гьивийрин ва ябусвийрин чил гуда лагьана куь бубайриз кьин кьунай. Ада куьн, вичикай некни вирт хкатзавай, и чилел гъайила, куьне гьа и вацра ихьтин адет кьиле тухвана кӀанда: 6тӀили фу ирид йикъан къене неъ, ирид лагьай юкъузни Реббидин сувар ая. 7Ирид юкъуз вахъ гъвар квай фу тахьурай. Куь чилерални гьич санани гъвар виже къведач. Гьа ирид юкъуз тӀили фу неъ.
8А юкъуз куьне куь рухвайриз лагь: „Им чун Мисридай экъечӀдайла, Реббиди чаз вуч авунатӀа, рикӀел хкун патал я“. 9Ам квез гъилел алай лишан хьиз, пелел алай рикӀел хкунин лишан хьиз хьана кӀанда – ва Реббидин Къанун датӀана куь мецел алаз хьурай, вучиз лагьайтӀа Реббиди куьн Мисридай Вичин чӀехи къудратдалди ахкъуднай. 10И къалурнавай къайда гьар йисуз тайинарнавай вахтунда кьиле твах.
11Реббиди квезни куь бубайриз и чилер гуда лагьана кьин кьунвайвал авурла ва Ада куьн къенанвийрин чилерал гъайила, 12куьне куь вири сифте хьайи ругулар Адав вахце. Куь маларин гьар сад лагьай дулни ругулди ятӀа Реббидинди я. 13Ламран сифте ругул шаркӀунтӀдин эвез яз кӀел вахце, амма шаркӀунтӀдихъ эвез гуз кӀандачтӀа – адан кьам хух. Куь рухвайрин арадай сифте хьайибурун эвез вахце.
14Гележегда рухвайри квевай: „Им вуч лагьай чӀал я?“ лагьана хабар кьур чӀавуз абуруз икӀ жаваб це: „Реббиди чун Мисридай кӀеви гъилелди ахкъуднай. 15Фиръавандиз, кьиле ял туна, чун ахъайиз кӀан тахьайла, Реббиди Мисрида авай кьван вири инсанрин ва маларин сифте хьайи ругулар кьенай. Ингье вучиз чна сад лагьай ругул гьайванар Реббидиз къурбанд ийизва, жуван сифте рухвайрихъни эвез гузва“.
16И адет квез гъилел алай лишан хьиз, пелек кутӀуннавай парчадин кӀус хьиз хьунухь лазим я, вучиз лагьайтӀа Реббиди чун Мисридай вичин кӀеви гъилелди ахкъуднай».
Цифедин ва цӀун гул
17 Фиръаванди Исраилдин халкь ахъаяй чӀавуз, Аллагьди абур, им виридилай куьруь рехъ ятӀани, филиштийрин чилерайтӀуз тухванач. Аллагьди фикир авунай хьи, абуруз чпин вилик дяве авунин везифа акъвазнаваз акурла, абур фикирдилай элкъвена мадни Мисридиз хтун мумкин я. 18Аллагьди абур кьурумдайтӀуз, НацӀун гьуьлуьн патавай элкъвена къерехдай фидай рекьяй тухвана. Мисри гадарнавай Исраилдин рухваяр низамдин къайдада аваз физвай.
19Мусади Мисридай Юсуфан кӀарабар хутахна. Вучиз лагьайтӀа Юсуфа абурун бан-бубайриз лагьанвай хьи, Аллагьди са шакни алачиз квез куьмекда. Гьа чӀавуз зи кӀарабарни инай хутаха лагьана, абурув кьин кьаз тунвай.
20Халкь Сукат туна кьурумдин къерехда авай Этамда акъваз хьана. 21Ребби Вич абурун вилик кваз физвай: юкъуз цифедин гул хьиз, рехъ къалуриз, йифизни, цӀун гул хьана, абурун рехъ экуь ийизвай, абурувай юкъузни йифизни рехъ давамариз хьун патал. 22Исраилдин халкьдихъай юкъуз цифедин гул гелячӀзавачир, йифизни – цӀун гул.
Currently Selected:
ЭхкъечӀун 13: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
ЭхкъечӀун 13
13
Сифте ругулар Реббидин ТӀварцӀиз акъудун
1Реббиди Мусадиз лагьана: 2«Исраилдин рухвайриз жедай сифте ругулар – гьам инсанрин сад лагьайбур, гьам гьайванрин сифте балаяр – Зи ТӀварцӀиз акъуд. Абур зибур я».
ТӀили фарин сувар ва Сифте хьайи ругулрин гьакъиндай къанун
3Мусади халкьдиз лагьана: «Реббидин кӀеви гъили куьн Мисридай, лукӀвиляй акъуднавай и югъ рикӀел хуьх. Гьа и юкъуз гъвар квай фу немир. 4Куьн къе, Авивдин вацра, экъечӀзава.
5Реббиди квез къенанвийрин, хетийрин, амарийрин, гьивийрин ва ябусвийрин чил гуда лагьана куь бубайриз кьин кьунай. Ада куьн, вичикай некни вирт хкатзавай, и чилел гъайила, куьне гьа и вацра ихьтин адет кьиле тухвана кӀанда: 6тӀили фу ирид йикъан къене неъ, ирид лагьай юкъузни Реббидин сувар ая. 7Ирид юкъуз вахъ гъвар квай фу тахьурай. Куь чилерални гьич санани гъвар виже къведач. Гьа ирид юкъуз тӀили фу неъ.
8А юкъуз куьне куь рухвайриз лагь: „Им чун Мисридай экъечӀдайла, Реббиди чаз вуч авунатӀа, рикӀел хкун патал я“. 9Ам квез гъилел алай лишан хьиз, пелел алай рикӀел хкунин лишан хьиз хьана кӀанда – ва Реббидин Къанун датӀана куь мецел алаз хьурай, вучиз лагьайтӀа Реббиди куьн Мисридай Вичин чӀехи къудратдалди ахкъуднай. 10И къалурнавай къайда гьар йисуз тайинарнавай вахтунда кьиле твах.
11Реббиди квезни куь бубайриз и чилер гуда лагьана кьин кьунвайвал авурла ва Ада куьн къенанвийрин чилерал гъайила, 12куьне куь вири сифте хьайи ругулар Адав вахце. Куь маларин гьар сад лагьай дулни ругулди ятӀа Реббидинди я. 13Ламран сифте ругул шаркӀунтӀдин эвез яз кӀел вахце, амма шаркӀунтӀдихъ эвез гуз кӀандачтӀа – адан кьам хух. Куь рухвайрин арадай сифте хьайибурун эвез вахце.
14Гележегда рухвайри квевай: „Им вуч лагьай чӀал я?“ лагьана хабар кьур чӀавуз абуруз икӀ жаваб це: „Реббиди чун Мисридай кӀеви гъилелди ахкъуднай. 15Фиръавандиз, кьиле ял туна, чун ахъайиз кӀан тахьайла, Реббиди Мисрида авай кьван вири инсанрин ва маларин сифте хьайи ругулар кьенай. Ингье вучиз чна сад лагьай ругул гьайванар Реббидиз къурбанд ийизва, жуван сифте рухвайрихъни эвез гузва“.
16И адет квез гъилел алай лишан хьиз, пелек кутӀуннавай парчадин кӀус хьиз хьунухь лазим я, вучиз лагьайтӀа Реббиди чун Мисридай вичин кӀеви гъилелди ахкъуднай».
Цифедин ва цӀун гул
17 Фиръаванди Исраилдин халкь ахъаяй чӀавуз, Аллагьди абур, им виридилай куьруь рехъ ятӀани, филиштийрин чилерайтӀуз тухванач. Аллагьди фикир авунай хьи, абуруз чпин вилик дяве авунин везифа акъвазнаваз акурла, абур фикирдилай элкъвена мадни Мисридиз хтун мумкин я. 18Аллагьди абур кьурумдайтӀуз, НацӀун гьуьлуьн патавай элкъвена къерехдай фидай рекьяй тухвана. Мисри гадарнавай Исраилдин рухваяр низамдин къайдада аваз физвай.
19Мусади Мисридай Юсуфан кӀарабар хутахна. Вучиз лагьайтӀа Юсуфа абурун бан-бубайриз лагьанвай хьи, Аллагьди са шакни алачиз квез куьмекда. Гьа чӀавуз зи кӀарабарни инай хутаха лагьана, абурув кьин кьаз тунвай.
20Халкь Сукат туна кьурумдин къерехда авай Этамда акъваз хьана. 21Ребби Вич абурун вилик кваз физвай: юкъуз цифедин гул хьиз, рехъ къалуриз, йифизни, цӀун гул хьана, абурун рехъ экуь ийизвай, абурувай юкъузни йифизни рехъ давамариз хьун патал. 22Исраилдин халкьдихъай юкъуз цифедин гул гелячӀзавачир, йифизни – цӀун гул.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024