Эфесвийриз 6
6
1Аялар, Реббидихъ иман ийиз куь диде-бубайрин чӀалаз килиг, гьа икӀ дуьз жеда. 2«Бубадизни дидедиз гьуьрмет ая»#ЭхкъечӀун 20:12; Киххьей Къанун 5:16. – им сифтегьан тагьким я, вичихъ ихьтин хиве кьун галай: 3«Чилел ви уьмуьр яргъиди хьун патал ва ваз а чилел хъсан хьун патал».
4Бубаяр, куь аялрик хкуьрна хъел гъимир, амма абуруз Реббидин тербетдив ва несигьатдив кьадайвал тербия це.
ЛукӀаринни абурун иесийрин алакъаяр
(Каласвийриз 3:22–4:1)
5ЛукӀар, и чилел куь иесийриз гьуьрметдивди ва рикӀик зурзун кваз, михьи рикӀелди, куьн Месигьдиз муьтӀуьгъ жедайвал, муьтӀуьгъ хьухь. 6И кар гьакӀ къалурун патал, анжах абур квев регьимвилелди эгечӀун патал ваъ, руьгьдалди Аллагьдин къаст кьилиз акъудзавай Месигьдин лукӀари хьиз ая. 7Куьне инсанриз ваъ, Реббидиз гьикӀ къуллугъдайтӀа, гьакӀ рикӀ алаз къуллугъ ая. 8Реббиди гьар са хъсан кардай, ам ни – лукӀра ва я азад касди – авуртӀани, савкьват гудайди рикӀел хуьх.
9Куьнни, иесияр, куь лукӀарив гьа саягъда эгечӀа. Абуруз гьелягьар кьун акъвазара. Цаварал гьабурун ва куь винел иесивалзавай Ребби алайди ва Ада садни муькуьдалай вине кьан тийизвайди рикӀел хуьх.
Аллагьдин руьгьани яракь ва женгинин парталар
10Эхирки, Реббидилай аслу яз, Адан къудратдалди ва къуватдалди мягькем жез хьухь. 11Квевай иблисдин фендигарвилерин хура акъвазиз жедайвал, квез Аллагьди ганвай вири яракьарни женгинин парталар жувал алукӀа. 12Вучиз лагьайтӀа чна инсанрин аксина ваъ, гьакимрин, гьукумрин, и мичӀивилин дуьньядин эмиррин ва цаварин кӀаник квай чӀуру руьгьерин аксина женг чӀугвазва. 13Гьавиляй писвили гьужумдай юкъуз абурун хура квевай акъваз жедайвал ва куьн, вири гьужумар алудна, дурум авайбур жедайвал, Аллагьдин вири яракьар къачу. 14-15Гьакъикъат хьиз чӀул юкьва туна, гьахъ-михьивал кьеркь хьиз алукӀна, кӀвачерал Аллагьдихъ галаз туькӀвенвайдакай Шад Хабар гуниз гьазурвал алукӀна, кӀевиз акъваз. 16Ибурулай виридалай гъейри, имандин къалхан къачу, адалди квевай шийирдин кузвай хьелер туьхуьриз жеда. 17Хиласвилин ракьун-кӀукӀ алукӀ ва Руьгьдин тур – Аллагьдин Гаф яхъ.
18Гьар са чӀавуз Руьгьдин куьмекдалди гьар жуьредин тӀалабунралди ва минетралди дуьаяр ая. И кар патал уях хьухь ва вири Аллагьдиз талукьбурун гьакъиндай ийизвай дуьада дегиш тахьана дурум гваз хьухь. 19Зун рахазвайла, заз лазим тир гафар гун патал ва завай Шад Хабардин сирдин гъавурда викӀегьдаказ тваз хьун патал, зи гьакъиндайни дуьа ая. 20Лап и зунжурра аватӀани, зун Шад Хабардин векил я. Завай адакай викӀегьдиз, лазим тир саягъда муштулухар гуз хьун патал, дуьаяр ая.
Эхиримжи саламар
21Квез зи крарикай чир жедайвал, чи играми стха ва Реббидиз вафа тир къуллугъзавай Туьхика квез вири ахъайда. 22Чун авай гьаларикай квез чир хьун патал ва куьн кӀубан авун патал, за ам куь патав ракъурни ийизва.
23Къуй квез, стхаяр, Аллагь Бубадин ва Ребби Иса Месигьдин патай саламатвал, муьгьуьббат ва иман хьурай. 24Ребби Иса Месигь эхир авачир кьван кӀанзавай вирибурухъ берекат хьурай.
Currently Selected:
Эфесвийриз 6: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Эфесвийриз 6
6
1Аялар, Реббидихъ иман ийиз куь диде-бубайрин чӀалаз килиг, гьа икӀ дуьз жеда. 2«Бубадизни дидедиз гьуьрмет ая»#ЭхкъечӀун 20:12; Киххьей Къанун 5:16. – им сифтегьан тагьким я, вичихъ ихьтин хиве кьун галай: 3«Чилел ви уьмуьр яргъиди хьун патал ва ваз а чилел хъсан хьун патал».
4Бубаяр, куь аялрик хкуьрна хъел гъимир, амма абуруз Реббидин тербетдив ва несигьатдив кьадайвал тербия це.
ЛукӀаринни абурун иесийрин алакъаяр
(Каласвийриз 3:22–4:1)
5ЛукӀар, и чилел куь иесийриз гьуьрметдивди ва рикӀик зурзун кваз, михьи рикӀелди, куьн Месигьдиз муьтӀуьгъ жедайвал, муьтӀуьгъ хьухь. 6И кар гьакӀ къалурун патал, анжах абур квев регьимвилелди эгечӀун патал ваъ, руьгьдалди Аллагьдин къаст кьилиз акъудзавай Месигьдин лукӀари хьиз ая. 7Куьне инсанриз ваъ, Реббидиз гьикӀ къуллугъдайтӀа, гьакӀ рикӀ алаз къуллугъ ая. 8Реббиди гьар са хъсан кардай, ам ни – лукӀра ва я азад касди – авуртӀани, савкьват гудайди рикӀел хуьх.
9Куьнни, иесияр, куь лукӀарив гьа саягъда эгечӀа. Абуруз гьелягьар кьун акъвазара. Цаварал гьабурун ва куь винел иесивалзавай Ребби алайди ва Ада садни муькуьдалай вине кьан тийизвайди рикӀел хуьх.
Аллагьдин руьгьани яракь ва женгинин парталар
10Эхирки, Реббидилай аслу яз, Адан къудратдалди ва къуватдалди мягькем жез хьухь. 11Квевай иблисдин фендигарвилерин хура акъвазиз жедайвал, квез Аллагьди ганвай вири яракьарни женгинин парталар жувал алукӀа. 12Вучиз лагьайтӀа чна инсанрин аксина ваъ, гьакимрин, гьукумрин, и мичӀивилин дуьньядин эмиррин ва цаварин кӀаник квай чӀуру руьгьерин аксина женг чӀугвазва. 13Гьавиляй писвили гьужумдай юкъуз абурун хура квевай акъваз жедайвал ва куьн, вири гьужумар алудна, дурум авайбур жедайвал, Аллагьдин вири яракьар къачу. 14-15Гьакъикъат хьиз чӀул юкьва туна, гьахъ-михьивал кьеркь хьиз алукӀна, кӀвачерал Аллагьдихъ галаз туькӀвенвайдакай Шад Хабар гуниз гьазурвал алукӀна, кӀевиз акъваз. 16Ибурулай виридалай гъейри, имандин къалхан къачу, адалди квевай шийирдин кузвай хьелер туьхуьриз жеда. 17Хиласвилин ракьун-кӀукӀ алукӀ ва Руьгьдин тур – Аллагьдин Гаф яхъ.
18Гьар са чӀавуз Руьгьдин куьмекдалди гьар жуьредин тӀалабунралди ва минетралди дуьаяр ая. И кар патал уях хьухь ва вири Аллагьдиз талукьбурун гьакъиндай ийизвай дуьада дегиш тахьана дурум гваз хьухь. 19Зун рахазвайла, заз лазим тир гафар гун патал ва завай Шад Хабардин сирдин гъавурда викӀегьдаказ тваз хьун патал, зи гьакъиндайни дуьа ая. 20Лап и зунжурра аватӀани, зун Шад Хабардин векил я. Завай адакай викӀегьдиз, лазим тир саягъда муштулухар гуз хьун патал, дуьаяр ая.
Эхиримжи саламар
21Квез зи крарикай чир жедайвал, чи играми стха ва Реббидиз вафа тир къуллугъзавай Туьхика квез вири ахъайда. 22Чун авай гьаларикай квез чир хьун патал ва куьн кӀубан авун патал, за ам куь патав ракъурни ийизва.
23Къуй квез, стхаяр, Аллагь Бубадин ва Ребби Иса Месигьдин патай саламатвал, муьгьуьббат ва иман хьурай. 24Ребби Иса Месигь эхир авачир кьван кӀанзавай вирибурухъ берекат хьурай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024