Крар 25
25
Павелан тӀалабун
1Гьакимдин везифайрив эгечӀай пуд йикъалай, ФестӀ Кесардай Ярусалимдиз фена. 2Ярусалимда адан патав чӀехи хахамар ва чувудрин вилик-кьилик квай ксар атана, абуру Павелан хиве авай тахсиррикай гьакимдиз лагьана. 3Абуру Павел Ярусалимдиз хкунин патахъай ва чпихъ галаз разивиле хьунин патахъай ФестӀавай кӀевелай тӀалабна. Абуруз ам хкидай рекье яна рекьидай къаст авай. 4ФестӀа жаваб гана:
– Павел Кесарда къазаматвиле жеда. Къе-пака зунни гьаниз фида. 5Къуй куь векиларни захъ галаз атурай. Павела рикӀивайни авунвай чӀуру кар аватӀа, абуру гьана адак квай тахсирар лугьурай.
6ФестӀа абурун арада муьжуьд-цӀуд йикъалай гзаф тушиз йикъар акъудна, ахпа элкъвена Кесардиз хтана. Пакагьан юкъуз ада, гьакимдин чкадал ацукьна, Павел дувандиз гъунин эмир гана. 7Павел дуванханадиз гъана. Ярусалимдай атай чувудри Павел юкьва туна адак гзаф ва еке тахсирар кутаз хьана, амма абурувай а тахсирар субутариз жезвачир. 8Павела вич хуьн патал лагьана:
– За я чувудрин Къанундиз, я Аллагьдин КӀвализ, я Римдин пачагьдиз акси гьич са чӀуру карни авунач.
9ФестӀа, чувудар рази жедайвал ийиз кӀанз, Павелавай хабар кьуна:
– Ви дуван Ярусалимда за авун патал вун гьаниз ракъурунал вун рази яни?
10– Зун Римдин пачагьдин дувандин вилик акъвазнава, гьада зи дуванни авун лазим я, – жаваб гана Павела. – Ваз хъсандиз чизвайвал, чувудриз за гьич са пис карни авунвайди туш. 11АвунватӀа, за кьиникьикай кьил къакъудзавач. Чувудри зак кутазвай тахсирар садни за авунвайбур туштӀа, гьич садазни зун абурун гъиле твадай ихтияр авач. За зи дуван Римдин пачагьди авун тӀалабзава!
12Меслятар авурдалай кьулухъ, ФестӀа малумарна:
– Вуна ви дуван пачагьди авун тӀалабзаватӀа, вун гьадан патав финни ийида.
АгърипӀ пачагьдин вилик
13Са кьадар вахт алатайла, ФестӀал илифун патал Кесардиз АгърипӀ пачагьни Беренисе атана. 14Вичин патав абур са шумуд югъ санал хьайидалай кьулухъ ФестӀа пачагьдихъ галаз Павелан кардикай ихтилатна.
– Ина гьеле Феликса къазаматда тур са инсан ама, – лагьана ада. 15– Зун Ярусалимда авайла, чувудрин чӀехи хахамри ва агъсакъалри адак тахсирар кутуна. Абуру завай адаз кар атӀун тӀалабзавай. 16За абуруз лагьана хьи, инсандиз вичик тахсирар кутазвайбурукай чин-чинал акъвазна вич хуьдай мумкинвал тахьанмаз, са нин ятӀани гьуьрметдай кар атӀун Римдин къайдайрихъ галаз кьазвач. 17Абур захъ галаз иниз атана акурла, и кар яргъалди вегьин тавуна за дуван пакадин юкъуз тайинарна ва а кас дувандал гъун эмир гана. 18Абуру адак кутазвай тахсирар лугьуз эгечӀайла, за вилив хвейи хьтин тахсиркарвилерикай анал са гафни хьаначир. 19Амма абуру кутазвай тахсирар чпин диндин са бязи месэлайрикай тир. Кьилди къачуртӀа, Павела Иса лугьудай кьенвай са Касдикай Адал чан ала лугьуз тестикьарзавай. 20Зун кӀеве акӀанай, заз вуч авуна кӀандатӀа чизвачир. ГьакӀ хьайила, за адавай вичин дуван Ярусалимда авунал ам рази яни лагьана хабар кьуна. 21Амма Павела вичин дуван авунин месэладай эхиримжи гаф Римдин пачагьди лугьун ва вич ина тун тӀалабна. Римдин пачагьдин патав ракъурдай мумкинвал жедалди, за ам ина къаравулар алаз тун эмирна.
22– Зазни а инсандиз яб гуз кӀанзава, – лагьана АгърипӀа.
– Вуна адаз пака яб це, – лагьана жаваб гана ФестӀа.
23Пакадин юкъуз АгърипӀни Беренисе дамахар авуна, дуванханадиз атана. Абурухъ чӀехи дережаяр авай эфсерар ва шегьердин вилик-кьилик квай инсанар галай. ФестӀан эмирдалди Павел аниз гъана. 24ФестӀа лагьана:
– АгърипӀ пачагь ва ина чахъ галаз кӀватӀ хьанвай ксар! Куьн и касдиз килиг. Ярусалимда ва Кесарда авай вири чувудри, зи патав къвез, и касдилай шикаятар ийиз хьанай. А касдал мад чан аламаз хьун лазим туш лугьуз, абуру гьараярнай. 25Заз, лагьайтӀа, ам кьиникьиз акъуддай хьтин са тахсирни адак кваз жагъанач. Амма и касди вичин дуван Римдин пачагьди авун тӀалабна, гьавиляй за ам Римдиз ракъурдай къарар кьабулна. 26Амма адан гьакъиндай пачагьдиз кхьидай якъин делилар тахьуниз килигна, за ам куь вилик, иллаки ви вилик, АгърипӀ пачагь, гъанва. Адавай жузун-качузун авурла, белки, заз адакай кхьидай делилар жагъин. 27Квай тахсирар къалур тавуна къазаматнавайди Римдин пачагьдин патав ракъурун за акьулдив кьур кар яз гьисабзавач.
Currently Selected:
Крар 25: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Крар 25
25
Павелан тӀалабун
1Гьакимдин везифайрив эгечӀай пуд йикъалай, ФестӀ Кесардай Ярусалимдиз фена. 2Ярусалимда адан патав чӀехи хахамар ва чувудрин вилик-кьилик квай ксар атана, абуру Павелан хиве авай тахсиррикай гьакимдиз лагьана. 3Абуру Павел Ярусалимдиз хкунин патахъай ва чпихъ галаз разивиле хьунин патахъай ФестӀавай кӀевелай тӀалабна. Абуруз ам хкидай рекье яна рекьидай къаст авай. 4ФестӀа жаваб гана:
– Павел Кесарда къазаматвиле жеда. Къе-пака зунни гьаниз фида. 5Къуй куь векиларни захъ галаз атурай. Павела рикӀивайни авунвай чӀуру кар аватӀа, абуру гьана адак квай тахсирар лугьурай.
6ФестӀа абурун арада муьжуьд-цӀуд йикъалай гзаф тушиз йикъар акъудна, ахпа элкъвена Кесардиз хтана. Пакагьан юкъуз ада, гьакимдин чкадал ацукьна, Павел дувандиз гъунин эмир гана. 7Павел дуванханадиз гъана. Ярусалимдай атай чувудри Павел юкьва туна адак гзаф ва еке тахсирар кутаз хьана, амма абурувай а тахсирар субутариз жезвачир. 8Павела вич хуьн патал лагьана:
– За я чувудрин Къанундиз, я Аллагьдин КӀвализ, я Римдин пачагьдиз акси гьич са чӀуру карни авунач.
9ФестӀа, чувудар рази жедайвал ийиз кӀанз, Павелавай хабар кьуна:
– Ви дуван Ярусалимда за авун патал вун гьаниз ракъурунал вун рази яни?
10– Зун Римдин пачагьдин дувандин вилик акъвазнава, гьада зи дуванни авун лазим я, – жаваб гана Павела. – Ваз хъсандиз чизвайвал, чувудриз за гьич са пис карни авунвайди туш. 11АвунватӀа, за кьиникьикай кьил къакъудзавач. Чувудри зак кутазвай тахсирар садни за авунвайбур туштӀа, гьич садазни зун абурун гъиле твадай ихтияр авач. За зи дуван Римдин пачагьди авун тӀалабзава!
12Меслятар авурдалай кьулухъ, ФестӀа малумарна:
– Вуна ви дуван пачагьди авун тӀалабзаватӀа, вун гьадан патав финни ийида.
АгърипӀ пачагьдин вилик
13Са кьадар вахт алатайла, ФестӀал илифун патал Кесардиз АгърипӀ пачагьни Беренисе атана. 14Вичин патав абур са шумуд югъ санал хьайидалай кьулухъ ФестӀа пачагьдихъ галаз Павелан кардикай ихтилатна.
– Ина гьеле Феликса къазаматда тур са инсан ама, – лагьана ада. 15– Зун Ярусалимда авайла, чувудрин чӀехи хахамри ва агъсакъалри адак тахсирар кутуна. Абуру завай адаз кар атӀун тӀалабзавай. 16За абуруз лагьана хьи, инсандиз вичик тахсирар кутазвайбурукай чин-чинал акъвазна вич хуьдай мумкинвал тахьанмаз, са нин ятӀани гьуьрметдай кар атӀун Римдин къайдайрихъ галаз кьазвач. 17Абур захъ галаз иниз атана акурла, и кар яргъалди вегьин тавуна за дуван пакадин юкъуз тайинарна ва а кас дувандал гъун эмир гана. 18Абуру адак кутазвай тахсирар лугьуз эгечӀайла, за вилив хвейи хьтин тахсиркарвилерикай анал са гафни хьаначир. 19Амма абуру кутазвай тахсирар чпин диндин са бязи месэлайрикай тир. Кьилди къачуртӀа, Павела Иса лугьудай кьенвай са Касдикай Адал чан ала лугьуз тестикьарзавай. 20Зун кӀеве акӀанай, заз вуч авуна кӀандатӀа чизвачир. ГьакӀ хьайила, за адавай вичин дуван Ярусалимда авунал ам рази яни лагьана хабар кьуна. 21Амма Павела вичин дуван авунин месэладай эхиримжи гаф Римдин пачагьди лугьун ва вич ина тун тӀалабна. Римдин пачагьдин патав ракъурдай мумкинвал жедалди, за ам ина къаравулар алаз тун эмирна.
22– Зазни а инсандиз яб гуз кӀанзава, – лагьана АгърипӀа.
– Вуна адаз пака яб це, – лагьана жаваб гана ФестӀа.
23Пакадин юкъуз АгърипӀни Беренисе дамахар авуна, дуванханадиз атана. Абурухъ чӀехи дережаяр авай эфсерар ва шегьердин вилик-кьилик квай инсанар галай. ФестӀан эмирдалди Павел аниз гъана. 24ФестӀа лагьана:
– АгърипӀ пачагь ва ина чахъ галаз кӀватӀ хьанвай ксар! Куьн и касдиз килиг. Ярусалимда ва Кесарда авай вири чувудри, зи патав къвез, и касдилай шикаятар ийиз хьанай. А касдал мад чан аламаз хьун лазим туш лугьуз, абуру гьараярнай. 25Заз, лагьайтӀа, ам кьиникьиз акъуддай хьтин са тахсирни адак кваз жагъанач. Амма и касди вичин дуван Римдин пачагьди авун тӀалабна, гьавиляй за ам Римдиз ракъурдай къарар кьабулна. 26Амма адан гьакъиндай пачагьдиз кхьидай якъин делилар тахьуниз килигна, за ам куь вилик, иллаки ви вилик, АгърипӀ пачагь, гъанва. Адавай жузун-качузун авурла, белки, заз адакай кхьидай делилар жагъин. 27Квай тахсирар къалур тавуна къазаматнавайди Римдин пачагьдин патав ракъурун за акьулдив кьур кар яз гьисабзавач.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024