2-Каринфвийриз 8
8
Ярусалимдин кесиб иманийриз пул кӀватӀун
1Стхаяр-вахар, Аллагьди МакӀеданда авай кӀватӀалриз гьихьтин берекат ганатӀа, чаз гьадакайни квез лугьуз кӀанзава. 2Четин тир гзаф синагъра аватӀани, абурун шадвал акьван зурба тир хьи, абурухъ акьалтӀай пис кесибвиле жумартвилин булвал авай. 3Абуру чпивай жедай кьван вири ва гьатта адалай артухни хушуналди къурбанд ийиз хьайивилин шагьид я зун. 4Абуру чпи чавай хабар кьуна ва Ярусалимда Месигьдиз талукьбуруз куьмек гунин пай кутадай ихтияр, чӀехи берекат хьиз, кӀевелай тӀалабна. 5Абуру авурди чна умуд кутурдалай гзаф хьана. Абуру эвелни-эвел чпи чеб Реббидиз, ахпани Аллагьдин къастуналди чаз гана. 6Гьавиляй чна, ТӀитӀа кьил кутуниз килигна, и мергьеметдин кар ада куь патавни эхирдалди кьилиз акъудун патал адак руьгь кутуна. 7Квехъ вири булвилелди хьуниз килигна: квехъ иман, дилаварвал, чирвал, алахъвал ва чахъди куь муьгьуьббат ава, – чаз куьне и мергьеметдин кардани куь лап хъсан чкаяр къалурна кӀанзава.
8За квез эмир гузвач, амма масадбуру къалурзавай алахъуникай лугьуналди, заз куь муьгьуьббатни рикӀяй къвезвайди хьун синагъ ийиз кӀанзава. 9Квез чи Ребби Иса Месигьдин берекат чизва эхир. Адахъ девлет авай, амма чун паталди Ам кесиб хьана, Вичин кесибвилиз килигна, чун девлет авайбур хьун паталди.
10-11За квез икӀ авун меслятзава: куьне шаз ийиз эгечӀай кар куьтягьа, ам гьа квез хийир я. ГьикӀ лагьайтӀа куьн и кар ийиз эгечӀай сифтебурни я, и кар авун куьне сифте яз ниятни авунай. ГьакӀ, кар куьтягьдайлани, и кар ният ийидайла къалурай хьтин гьакъисагъвал#8:10-11 Гьакъисагъвал – гьахъ-намус хьунухь. къалура. Куь агьвалди гьикьван квез мумкинвал гузватӀа, гьакьван це. 12Кьилинди – ийиз кӀан хьунухь я, гьа чӀавуз куьне кутур паюниз Аллагьди къимет гуда. Адаз куьне квез авачирдакай ваъ, авайдакай гана кӀанзава.
13Чаз куь гьисабдай масадбуруз регьят хьана кӀанзавач, амма барабарвал хьана кӀанзава. 14-15Алай вахтунда куь агьвалди – абурун муьгьтежвал, абурун агьвалди, лагьайтӀа, герек чӀавуз куь муьгьтежвал кьезиларда. Гьа чӀавуз
«Гзаф кӀватӀайдаз артуханди авачир,
тӀимил кӀватӀайдаз муьгьтежвал авачир» #
ЭхкъечӀун 16:18. , –
лугьуз кхьенвай хьтин барабарвал жеда.
ТӀитӀ ва адан амадагар
16Зи рикӀел эцигай хьиз, ТӀитӀан рикӀелни куь къайгъу чӀугун эцигай Аллагьдиз за шукур ийизва. 17ГьикӀ лагьайтӀа ТӀитӀа чи тӀалабдиз гьакӀ гьай лагьанач, ам куь патав хушуналди, вичи кьил кутуналди къвезва. 18Чна адахъ галаз санал вири кӀватӀалра Шад Хабардиз хъсандиз къуллугъзавайди яз чизвай мад са стха ракъурнава. 19Идалайни гъейри, чи ялав квай ниятдин лишан яз, Ребби Вич машгьур авун патал, чна ийизвай мергьеметдин карда чахъ галаз атун патал ва чаз куьмек гун патал, а кас кӀватӀалри хкянавайди я. 20Гъил ахъадаказ гузвай и савкьватрихъ галаз чун кьиле физвайвилиз садавайни туьгьмет ийиз тежедайвал хьана кӀанзава чаз. 21Чун вири крар дуьздаказ ийиз алахъзава – са Реббидин вилик ваъ, гьакӀ инсанрин виликни.
22Чна куь патав гзаф гъилера ва гзаф крара вичин рикӀивай тир къайгъударвал къалурай мад са стха абурухъ галаз ракъурнава. Гила лагьайтӀа квехъ гзаф агъун себеб яз, ам кардив генани рикӀивай эгечӀзава. 23ТӀитӀакай лагьайтӀа, ам зи амадаг ва куь арада захъ галаз санал кӀвалахзавайди я. Амай стхайрикай рахайтӀа, абур кӀватӀалри ракъурнавайбур я ва Месигьдин баркалла къалурзавай. 24Гьавиляй абуруз куь патай авай муьгьуьббат субут ая, вири кӀватӀалриз чна квел ийизвай дамах гьаваянди туширди аквадайвал.
Currently Selected:
2-Каринфвийриз 8: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
2-Каринфвийриз 8
8
Ярусалимдин кесиб иманийриз пул кӀватӀун
1Стхаяр-вахар, Аллагьди МакӀеданда авай кӀватӀалриз гьихьтин берекат ганатӀа, чаз гьадакайни квез лугьуз кӀанзава. 2Четин тир гзаф синагъра аватӀани, абурун шадвал акьван зурба тир хьи, абурухъ акьалтӀай пис кесибвиле жумартвилин булвал авай. 3Абуру чпивай жедай кьван вири ва гьатта адалай артухни хушуналди къурбанд ийиз хьайивилин шагьид я зун. 4Абуру чпи чавай хабар кьуна ва Ярусалимда Месигьдиз талукьбуруз куьмек гунин пай кутадай ихтияр, чӀехи берекат хьиз, кӀевелай тӀалабна. 5Абуру авурди чна умуд кутурдалай гзаф хьана. Абуру эвелни-эвел чпи чеб Реббидиз, ахпани Аллагьдин къастуналди чаз гана. 6Гьавиляй чна, ТӀитӀа кьил кутуниз килигна, и мергьеметдин кар ада куь патавни эхирдалди кьилиз акъудун патал адак руьгь кутуна. 7Квехъ вири булвилелди хьуниз килигна: квехъ иман, дилаварвал, чирвал, алахъвал ва чахъди куь муьгьуьббат ава, – чаз куьне и мергьеметдин кардани куь лап хъсан чкаяр къалурна кӀанзава.
8За квез эмир гузвач, амма масадбуру къалурзавай алахъуникай лугьуналди, заз куь муьгьуьббатни рикӀяй къвезвайди хьун синагъ ийиз кӀанзава. 9Квез чи Ребби Иса Месигьдин берекат чизва эхир. Адахъ девлет авай, амма чун паталди Ам кесиб хьана, Вичин кесибвилиз килигна, чун девлет авайбур хьун паталди.
10-11За квез икӀ авун меслятзава: куьне шаз ийиз эгечӀай кар куьтягьа, ам гьа квез хийир я. ГьикӀ лагьайтӀа куьн и кар ийиз эгечӀай сифтебурни я, и кар авун куьне сифте яз ниятни авунай. ГьакӀ, кар куьтягьдайлани, и кар ният ийидайла къалурай хьтин гьакъисагъвал#8:10-11 Гьакъисагъвал – гьахъ-намус хьунухь. къалура. Куь агьвалди гьикьван квез мумкинвал гузватӀа, гьакьван це. 12Кьилинди – ийиз кӀан хьунухь я, гьа чӀавуз куьне кутур паюниз Аллагьди къимет гуда. Адаз куьне квез авачирдакай ваъ, авайдакай гана кӀанзава.
13Чаз куь гьисабдай масадбуруз регьят хьана кӀанзавач, амма барабарвал хьана кӀанзава. 14-15Алай вахтунда куь агьвалди – абурун муьгьтежвал, абурун агьвалди, лагьайтӀа, герек чӀавуз куь муьгьтежвал кьезиларда. Гьа чӀавуз
«Гзаф кӀватӀайдаз артуханди авачир,
тӀимил кӀватӀайдаз муьгьтежвал авачир» #
ЭхкъечӀун 16:18. , –
лугьуз кхьенвай хьтин барабарвал жеда.
ТӀитӀ ва адан амадагар
16Зи рикӀел эцигай хьиз, ТӀитӀан рикӀелни куь къайгъу чӀугун эцигай Аллагьдиз за шукур ийизва. 17ГьикӀ лагьайтӀа ТӀитӀа чи тӀалабдиз гьакӀ гьай лагьанач, ам куь патав хушуналди, вичи кьил кутуналди къвезва. 18Чна адахъ галаз санал вири кӀватӀалра Шад Хабардиз хъсандиз къуллугъзавайди яз чизвай мад са стха ракъурнава. 19Идалайни гъейри, чи ялав квай ниятдин лишан яз, Ребби Вич машгьур авун патал, чна ийизвай мергьеметдин карда чахъ галаз атун патал ва чаз куьмек гун патал, а кас кӀватӀалри хкянавайди я. 20Гъил ахъадаказ гузвай и савкьватрихъ галаз чун кьиле физвайвилиз садавайни туьгьмет ийиз тежедайвал хьана кӀанзава чаз. 21Чун вири крар дуьздаказ ийиз алахъзава – са Реббидин вилик ваъ, гьакӀ инсанрин виликни.
22Чна куь патав гзаф гъилера ва гзаф крара вичин рикӀивай тир къайгъударвал къалурай мад са стха абурухъ галаз ракъурнава. Гила лагьайтӀа квехъ гзаф агъун себеб яз, ам кардив генани рикӀивай эгечӀзава. 23ТӀитӀакай лагьайтӀа, ам зи амадаг ва куь арада захъ галаз санал кӀвалахзавайди я. Амай стхайрикай рахайтӀа, абур кӀватӀалри ракъурнавайбур я ва Месигьдин баркалла къалурзавай. 24Гьавиляй абуруз куь патай авай муьгьуьббат субут ая, вири кӀватӀалриз чна квел ийизвай дамах гьаваянди туширди аквадайвал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024