2-Каринфвийриз 12
12
Павелан карагунар ва адан бедендик мизмиз кутун
1ИкӀ авуни са затӀни гузвачтӀани, зун жуван тарифар-дамахар авун давамаруниз мажбур я. Аллагьдилай къвезвай карагунрал ва керематрал элячӀин. 2Заз Месигьдиз талукь са кас чида. А кас цӀукьуд йис идалай вилик пуд лагьай цавуз кьуна хкажнай. Ам вичин беденда авайни, я туштӀа, адалай къеце авайни заз чидач, и кар анжах Аллагьдиз чида. 3Заз чида хьи, и кас – заз чидач ам вичин беденда авайни, адалай къеце авайни, и кар анжах Аллагьдиз чида – 4женнетдиз тухванай ва адаз инсанди хълагьдай ихтияр авачир ва чеб лугьуз тежедай гафар ван хьана. 5За гьахьтин касдалди дамахарда, амма жувалди дамахардач, авуртӀа – жуван зайифвилералди дамахда. 6Заз дамахариз кӀан хьайитӀани, им ахмакь кар жедачир, вучиз лагьайтӀа за гьакъикъат лугьудай. Амма, инсанриз зун аквазвай чӀавуз ва зи ван жезвай чӀавуз садани заз жув тирдалай гзаф метлеб авайди яз къалуриз кӀанзава лагьана фикир тавун патал, за икӀ ийидач.
7Зав ихьтин чӀехи керематар агакьнава лугьуз зак дамахар акат тавун патал, зи бедендиз, заз азаб гун патал, Аллагьди сух, иблисдин векил, ганва. 8Зун идакай хилас авун патал за Реббидиз пуд гъилера минет авунай, 9Адани заз икӀ жаваб гуз хьана: «Ваз Зи берекат бес я, гьикӀ лагьайтӀа Зи къуват зайифвиле хъсандиз винел акьалтзава». Гьавиляй заз, жувак Месигьдин къуват хьун патал, ихьтин шадвилелди жуван зайифвилел мадни гзаф дамахариз кӀанзава. 10Гьавиляй зун зайифвилерални, намусдик хкуьрунрал ва муьгьтежвилерал, геле къекъвез хьунрални, Месигь паталди ацалтзавай четинвилерални рази я, вучиз лагьайтӀа зун зайиф тир чӀавуз захъ къуват ава.
Каринфдин кӀватӀалдихъ Павелан рикӀ кун
11Гьа икӀ, зун михьиз ахмакь хьанва, амма икӀ хьун патал зун куьне мажбур авуна. Зи тарифар куьне авуна кӀанзавайди тир, гьикӀ лагьайтӀа зун, гьакъикъатда са затӀ туштӀани, «акьалтӀай чӀехи илчийрилай» са куьналдини усал туш. 12Халисан илчидин керемат-ишараяр квез къалурнай: лап чӀехи сабур, аламатар, керемат-ишараяр ва къудратдин крар. 13Зи патай амай кӀватӀалрив агакьна квев агакь тавур затӀ хьанани? Анжах са кар хьана: закай квез пар хьанач. За икӀ куь хатур хунай залай гъил къахчу.
14Ингье, зун квел пуд лагьай гъилера кьил чӀугваз гьазур жезва ва заз жувакай квез пар хьана кӀанзавач. Заз лагьайтӀа квехъ авайди ваъ, куьн кӀанзава. Жуван диде-бубаяр патал аялри ваъ, аялар патал диде-бубайри девлет кӀватӀна кӀанда эхир. 15Зун лагьайтӀа куьн паталди ашкъидалди захъ авай вири гуз ва куьн паталди жуван чанни эцигиз гьазур я. Мегер заз куьн гзаф кӀан хьунивай квез зун тӀимил кӀан жезвани? 16Гьар гьикӀ хьайитӀани, закай квез пар хьанач, амма, белки, куьне за гьикӀ хьайитӀани куьн са квелди ятӀани алцурарна лугьузватӀа?
17Белки, за куь патав ракъурзавай инсанрин куьмекдалди квекай хийир хкудиз хьанатӀа? 18За куь патав атун ТӀитӀавай тӀалабна ва адахъ галаз мад са стха ракъурнава. Белки, ТӀитӀа куь са куькай ятӀани менфят къачуна? Мегер чна чи къуллугъ адахъ галаз санал кьиле тухуз хьаначирни, чахъ авайбур гьа сад хьтин макьсадар туширни?
19Куьне, мумкин я, чна чун куь вилик хуьзва лугьуз фадлай фикирзава жеди. Ваъ, чун Аллагьди ракъурнавай ксар яз, Адан вилик рахазва: зи рикӀ алайбур, чна ийизвай кьван вири крар куьн мягькем хьун паталди ийизвайбур я. 20Зун куь патав атай чӀавуз заз куьн зи рикӀи, зунни куь рикӀи кьан тийиз кичӀезва. Зун квев квез кӀанзавайвал ваъ, масакӀа эгечӀуниз мажбур жеда. Куь арадай гьуьжетар, пехилвал, хъел, къалмакъалар, буьгьтен, фитнеяр, лавгъавал ва къайда тахьун жагъиз кичӀе я заз. 21Мад гъилера зун куь патав атай чӀавуз заз Аллагьди зун куь вилик русвагь ийиз кичӀезва. Виликдай гунагьар авур, амма чпел тахсир яз аватнавай чиркинвал, явавал, фасикьвал авуникай туба тавур гзафбурухъ шехьуниз мажбур жеда зун.
Currently Selected:
2-Каринфвийриз 12: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
2-Каринфвийриз 12
12
Павелан карагунар ва адан бедендик мизмиз кутун
1ИкӀ авуни са затӀни гузвачтӀани, зун жуван тарифар-дамахар авун давамаруниз мажбур я. Аллагьдилай къвезвай карагунрал ва керематрал элячӀин. 2Заз Месигьдиз талукь са кас чида. А кас цӀукьуд йис идалай вилик пуд лагьай цавуз кьуна хкажнай. Ам вичин беденда авайни, я туштӀа, адалай къеце авайни заз чидач, и кар анжах Аллагьдиз чида. 3Заз чида хьи, и кас – заз чидач ам вичин беденда авайни, адалай къеце авайни, и кар анжах Аллагьдиз чида – 4женнетдиз тухванай ва адаз инсанди хълагьдай ихтияр авачир ва чеб лугьуз тежедай гафар ван хьана. 5За гьахьтин касдалди дамахарда, амма жувалди дамахардач, авуртӀа – жуван зайифвилералди дамахда. 6Заз дамахариз кӀан хьайитӀани, им ахмакь кар жедачир, вучиз лагьайтӀа за гьакъикъат лугьудай. Амма, инсанриз зун аквазвай чӀавуз ва зи ван жезвай чӀавуз садани заз жув тирдалай гзаф метлеб авайди яз къалуриз кӀанзава лагьана фикир тавун патал, за икӀ ийидач.
7Зав ихьтин чӀехи керематар агакьнава лугьуз зак дамахар акат тавун патал, зи бедендиз, заз азаб гун патал, Аллагьди сух, иблисдин векил, ганва. 8Зун идакай хилас авун патал за Реббидиз пуд гъилера минет авунай, 9Адани заз икӀ жаваб гуз хьана: «Ваз Зи берекат бес я, гьикӀ лагьайтӀа Зи къуват зайифвиле хъсандиз винел акьалтзава». Гьавиляй заз, жувак Месигьдин къуват хьун патал, ихьтин шадвилелди жуван зайифвилел мадни гзаф дамахариз кӀанзава. 10Гьавиляй зун зайифвилерални, намусдик хкуьрунрал ва муьгьтежвилерал, геле къекъвез хьунрални, Месигь паталди ацалтзавай четинвилерални рази я, вучиз лагьайтӀа зун зайиф тир чӀавуз захъ къуват ава.
Каринфдин кӀватӀалдихъ Павелан рикӀ кун
11Гьа икӀ, зун михьиз ахмакь хьанва, амма икӀ хьун патал зун куьне мажбур авуна. Зи тарифар куьне авуна кӀанзавайди тир, гьикӀ лагьайтӀа зун, гьакъикъатда са затӀ туштӀани, «акьалтӀай чӀехи илчийрилай» са куьналдини усал туш. 12Халисан илчидин керемат-ишараяр квез къалурнай: лап чӀехи сабур, аламатар, керемат-ишараяр ва къудратдин крар. 13Зи патай амай кӀватӀалрив агакьна квев агакь тавур затӀ хьанани? Анжах са кар хьана: закай квез пар хьанач. За икӀ куь хатур хунай залай гъил къахчу.
14Ингье, зун квел пуд лагьай гъилера кьил чӀугваз гьазур жезва ва заз жувакай квез пар хьана кӀанзавач. Заз лагьайтӀа квехъ авайди ваъ, куьн кӀанзава. Жуван диде-бубаяр патал аялри ваъ, аялар патал диде-бубайри девлет кӀватӀна кӀанда эхир. 15Зун лагьайтӀа куьн паталди ашкъидалди захъ авай вири гуз ва куьн паталди жуван чанни эцигиз гьазур я. Мегер заз куьн гзаф кӀан хьунивай квез зун тӀимил кӀан жезвани? 16Гьар гьикӀ хьайитӀани, закай квез пар хьанач, амма, белки, куьне за гьикӀ хьайитӀани куьн са квелди ятӀани алцурарна лугьузватӀа?
17Белки, за куь патав ракъурзавай инсанрин куьмекдалди квекай хийир хкудиз хьанатӀа? 18За куь патав атун ТӀитӀавай тӀалабна ва адахъ галаз мад са стха ракъурнава. Белки, ТӀитӀа куь са куькай ятӀани менфят къачуна? Мегер чна чи къуллугъ адахъ галаз санал кьиле тухуз хьаначирни, чахъ авайбур гьа сад хьтин макьсадар туширни?
19Куьне, мумкин я, чна чун куь вилик хуьзва лугьуз фадлай фикирзава жеди. Ваъ, чун Аллагьди ракъурнавай ксар яз, Адан вилик рахазва: зи рикӀ алайбур, чна ийизвай кьван вири крар куьн мягькем хьун паталди ийизвайбур я. 20Зун куь патав атай чӀавуз заз куьн зи рикӀи, зунни куь рикӀи кьан тийиз кичӀезва. Зун квев квез кӀанзавайвал ваъ, масакӀа эгечӀуниз мажбур жеда. Куь арадай гьуьжетар, пехилвал, хъел, къалмакъалар, буьгьтен, фитнеяр, лавгъавал ва къайда тахьун жагъиз кичӀе я заз. 21Мад гъилера зун куь патав атай чӀавуз заз Аллагьди зун куь вилик русвагь ийиз кичӀезва. Виликдай гунагьар авур, амма чпел тахсир яз аватнавай чиркинвал, явавал, фасикьвал авуникай туба тавур гзафбурухъ шехьуниз мажбур жеда зун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024