2-Каринфвийриз 1
1
Саламар
1Аллагьдин къастуналди хкянавай Иса Месигьдин илчи Павелан ва стха ТӀиматӀеян патай Каринфда авай Аллагьдиз талукь иманийрин кӀватӀалдиз ва Ахайда Аллагьдиз талукь вирибуруз.
2Аллагьдин, чи Бубадин ва Ребби Иса Месигьдин патай берекат ва саламатвал хьурай квез.
Азабра сабур гузвай Аллагьдиз шукур
3Шукур хьурай Аллагьдиз, чи Ребби Иса Месигьдин Бубадиз, мергьемет авай Бубадиз, гьар жуьредин теселли гузвай Аллагьдиз. 4Ада вири чи четинвилера чаз теселли гузва, чавайни, чи нубатда, Аллагьди чаз гузвай теселлидалди масадбуруз абурун вири азабра теселли гуз хьун патал. 5Чна Месигьдин чӀехи азабра гьикӀ иштирак ийизватӀа, гьакӀ чав Аллагьдилай Месигьдин куьмекдалди чӀехи теселлини агакьзава. 6Чи четинвилер чна квез теселли ва хиласвал хьун паталди эхна алудзава. Чав агакьзавай теселли чаз куьне сабур хуьн паталди гузва. Ада квезни чна эхзавай гьа са азабар дурумдивди алудиз куьмек гуда. 7Чна кӀевелай квек умуд кутунва ва, куьне чахъ галаз чи азабар гьикӀ пайзаватӀа, гьакӀ чаз гузвай теселлини пайзавайди чаз чизва.
8Стхаяр-вахар, Асия вилаятда чи кьилел атайдакай заз куьн са хабарни авачиз таз кӀанзавач. Ана чи кьилел атай кьван азабар чи вири къуватрилай акьван гзаф хьана хьи, чан алаз амукьуникай чи гьатта умуд атӀанай. 9Чаз акӀ тир хьи, чаз кьиникьин жазадалди кар атӀанва, амма акӀ чаз жувахъ ваъ, кьейибурал чан хкизвай Аллагьдихъ далу акализ чир хьун патал хьана. 10Ада чун кьиникьин хатавиликай хилас авуна ва мад хилас хъийида. Ада чун мад хилас ийида лагьана чна Адак умуд кутунва. 11Куьнени чаз куь дуьайралди куьмек це, гзафбуру Аллагьдиз, Ада чаз абурун дуьайриз килигна берекат гузвайвиляй, шукур авун паталди.
Павела вич вучиз атаначтӀа лугьун
12Чавай чи михьи виждандал дамах ийиз жеда. Чна чун и дуьньядани, иллаки квехъ галаз авай чи алакъайра, намус гваз ва рикӀин михьивилелди тухвана, им чаз Аллагьдин патай ганвай. Чна чи крар и дуьньядин «камалдиз» хас жуьреда ваъ, Аллагьдин берекатдиз хас жуьреда кьиле тухуз хьана.
13Чна квез кхьей кьван чарара куьне кӀелна гъавурда такьадай хьтин са затӀни авач. За умудзава хьи, эхирдал кьван чи гъавурда акьада, – 14са кьадар куьн исятда чи гъавурда акьунвайвал, – чи Ребби Иса хкведай юкъуз квевай чални, чна квел дамахзавайвал, дамах ийиз жеда.
15Зун и кардихъ агъунва ва гьавиляй, квез кьведра берекат хьун патал, заз сифте куь патав атанайтӀа кӀандай. 16МакӀедандиз фидай рекье заз куь патав акъваздай ва элкъвена хкведай рекьени квел кьил чӀугвадай фикир авай, гьа чӀавуз куьне заз Ягьудатдиз физни куьмек гудай. 17Квез и фикир фагьум тавуна авунвайди яз аквазва жал? Ва я инсанриз хас тирвал, за гьа са вахтунда гагь «эхь», гагьни «ваъ» лугьузва жал? 18За квез Аллагьдин вилик тестикьзава хьи, за квез лугьузвайди ян тагана лугьузва. 19Вичикай квез за, Силава ва ТӀиматӀея хабар гайи Аллагьдин Хва Иса Месигьда са тайин туширвални авач, гагь «эхь», гагьни «ваъ» жезвач, Ада датӀана авайди анжах «эхь» я. 20Аллагьди гайи вири гафар Иса Месигьда «эхь» яз тестикь хьанва! Гьавиляй чна Гьадалди Аллагьдин гьуьрметдай «Амин» лугьузва. 21Месигьдихъ иман авур чакай квехъ галаз ян тагудайбур ийизвайди Аллагь я. Ада чал чи къуллугъ тестикьзавай гуьцӀуьр эцигнава 22ва Вичин муьгьуьр гьалчнава. Ада, Вичи хиве кьур вири крар кьилиз акъатунин замин яз, чи рикӀера Вичин Руьгь тунва.
23Аллагь шагьид я: зун икьван чӀавалди куь патав Каринфдиз анжах куь язухдай атанач. 24Чаз куь имандал гьакимвал ийиз кӀанзавач, ваъ, чна вири кӀвалахар куьн анжах шад хьун паталди ийизва, вучиз лагьайтӀа куьн имандал кӀевиз акъвазнава.
Currently Selected:
2-Каринфвийриз 1: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
2-Каринфвийриз 1
1
Саламар
1Аллагьдин къастуналди хкянавай Иса Месигьдин илчи Павелан ва стха ТӀиматӀеян патай Каринфда авай Аллагьдиз талукь иманийрин кӀватӀалдиз ва Ахайда Аллагьдиз талукь вирибуруз.
2Аллагьдин, чи Бубадин ва Ребби Иса Месигьдин патай берекат ва саламатвал хьурай квез.
Азабра сабур гузвай Аллагьдиз шукур
3Шукур хьурай Аллагьдиз, чи Ребби Иса Месигьдин Бубадиз, мергьемет авай Бубадиз, гьар жуьредин теселли гузвай Аллагьдиз. 4Ада вири чи четинвилера чаз теселли гузва, чавайни, чи нубатда, Аллагьди чаз гузвай теселлидалди масадбуруз абурун вири азабра теселли гуз хьун патал. 5Чна Месигьдин чӀехи азабра гьикӀ иштирак ийизватӀа, гьакӀ чав Аллагьдилай Месигьдин куьмекдалди чӀехи теселлини агакьзава. 6Чи четинвилер чна квез теселли ва хиласвал хьун паталди эхна алудзава. Чав агакьзавай теселли чаз куьне сабур хуьн паталди гузва. Ада квезни чна эхзавай гьа са азабар дурумдивди алудиз куьмек гуда. 7Чна кӀевелай квек умуд кутунва ва, куьне чахъ галаз чи азабар гьикӀ пайзаватӀа, гьакӀ чаз гузвай теселлини пайзавайди чаз чизва.
8Стхаяр-вахар, Асия вилаятда чи кьилел атайдакай заз куьн са хабарни авачиз таз кӀанзавач. Ана чи кьилел атай кьван азабар чи вири къуватрилай акьван гзаф хьана хьи, чан алаз амукьуникай чи гьатта умуд атӀанай. 9Чаз акӀ тир хьи, чаз кьиникьин жазадалди кар атӀанва, амма акӀ чаз жувахъ ваъ, кьейибурал чан хкизвай Аллагьдихъ далу акализ чир хьун патал хьана. 10Ада чун кьиникьин хатавиликай хилас авуна ва мад хилас хъийида. Ада чун мад хилас ийида лагьана чна Адак умуд кутунва. 11Куьнени чаз куь дуьайралди куьмек це, гзафбуру Аллагьдиз, Ада чаз абурун дуьайриз килигна берекат гузвайвиляй, шукур авун паталди.
Павела вич вучиз атаначтӀа лугьун
12Чавай чи михьи виждандал дамах ийиз жеда. Чна чун и дуьньядани, иллаки квехъ галаз авай чи алакъайра, намус гваз ва рикӀин михьивилелди тухвана, им чаз Аллагьдин патай ганвай. Чна чи крар и дуьньядин «камалдиз» хас жуьреда ваъ, Аллагьдин берекатдиз хас жуьреда кьиле тухуз хьана.
13Чна квез кхьей кьван чарара куьне кӀелна гъавурда такьадай хьтин са затӀни авач. За умудзава хьи, эхирдал кьван чи гъавурда акьада, – 14са кьадар куьн исятда чи гъавурда акьунвайвал, – чи Ребби Иса хкведай юкъуз квевай чални, чна квел дамахзавайвал, дамах ийиз жеда.
15Зун и кардихъ агъунва ва гьавиляй, квез кьведра берекат хьун патал, заз сифте куь патав атанайтӀа кӀандай. 16МакӀедандиз фидай рекье заз куь патав акъваздай ва элкъвена хкведай рекьени квел кьил чӀугвадай фикир авай, гьа чӀавуз куьне заз Ягьудатдиз физни куьмек гудай. 17Квез и фикир фагьум тавуна авунвайди яз аквазва жал? Ва я инсанриз хас тирвал, за гьа са вахтунда гагь «эхь», гагьни «ваъ» лугьузва жал? 18За квез Аллагьдин вилик тестикьзава хьи, за квез лугьузвайди ян тагана лугьузва. 19Вичикай квез за, Силава ва ТӀиматӀея хабар гайи Аллагьдин Хва Иса Месигьда са тайин туширвални авач, гагь «эхь», гагьни «ваъ» жезвач, Ада датӀана авайди анжах «эхь» я. 20Аллагьди гайи вири гафар Иса Месигьда «эхь» яз тестикь хьанва! Гьавиляй чна Гьадалди Аллагьдин гьуьрметдай «Амин» лугьузва. 21Месигьдихъ иман авур чакай квехъ галаз ян тагудайбур ийизвайди Аллагь я. Ада чал чи къуллугъ тестикьзавай гуьцӀуьр эцигнава 22ва Вичин муьгьуьр гьалчнава. Ада, Вичи хиве кьур вири крар кьилиз акъатунин замин яз, чи рикӀера Вичин Руьгь тунва.
23Аллагь шагьид я: зун икьван чӀавалди куь патав Каринфдиз анжах куь язухдай атанач. 24Чаз куь имандал гьакимвал ийиз кӀанзавач, ваъ, чна вири кӀвалахар куьн анжах шад хьун паталди ийизва, вучиз лагьайтӀа куьн имандал кӀевиз акъвазнава.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024