1-Саланиквийриз 5
5
1Стхаяр-вахар, чаз йисарикайни йикъарикай рахунин лазимвал авач. 2Квез и кар кьетӀидаказ чизва хьи, Ребби къведай югъ хабарни авачиз, йифиз угъри хьиз, атана алукьда. 3Инсанар «ислягьвал ва хата галачир саламатвал» лугьуз жеда, амма абурув, руфунал залан папаз аял хадайла тӀарвилер жедай саягъда, садлагьана бала агакьда, а чӀавуз садни катдач.
4Амма, стхаяр-вахар, а югъ квел, угъри хьиз, садлагьана туьш жедайвал, куьн мичӀи авамвиле авач. 5Куьн вири экуьнинни йикъан рухваяр я эхир. Чун йифиз ва я мичӀивилиз талукь туш, 6гьавиляй ша, чун, масадбур хьиз, ксун тийин, чун уях жен ва кьил кьилеллаз жен. 7Ксузвайбур йифиз ксузва, хъвазвайбуруни йифиз хъивегьзава. 8Гьавиляй, чун йикъаз талукьбур тирла, ша чун кьил кьилеллаз, имандинни муьгьуьббатдин кьеркь жувал алукӀнаваз, кьилелни хилас хьунихъ умуддин ракьун бармак алаз амукьин. 9ГьикӀ лагьайтӀа Аллагьди чун хъел патал ваъ, чи Ребби Иса Месигьдилай чав агакьзавай хиласвал патал тайинарнавайди я. 10А юкъуз чун кьейибурун ва я чан алайбурун арада хьайитӀани-тахьайтӀани, чна Вичихъ галаз санал уьмуьр тухун патал, Ада чун патал чан гана. 11Гьавиляй сада сад кӀубан ва мягькем ийиз хьухь.
Иман гвайбур патал несигьат
12Чна квевай тӀалабзава, стхаяр-вахар: ни куь арада зегьмет чӀугвазватӀа, ни куь кӀватӀалда Иса Месигьдалди регьбервал ийизватӀа ва квез несигьатар гузватӀа, гьабуруз гьуьрмет ая. 13Абуру ийизвай кӀвалахдай абуруз гзаф майил къалура. Сад садахъ галаз тукӀвена хьухь. 14Чна квез тагькимзава, стхаяр-вахар: кӀвалахиз кӀан тийизвайбур чӀалал гъваш, кичӀебур кӀубан ая; зайифбуруз куьмек це, виридахъ галаз сабур гваз хьухь. 15Килиг, садани садазни писвиляй писвал тахъвурай, амма сад садахъ галаз ва вирибурухъ галаз датӀана дугъри жез алахъа.
16ДатӀана шад хьухь, 17датӀана дуьаяр ая, 18гьихьтин гьалара хьайитӀани Аллагьдиз шукур ая, вучиз лагьайтӀа Иса Месигьдихъ галай куьн патал Аллагьдин къаст гьахьтинди я.
19 Руьгь туьхуьрмир, 20пайгъамбаррин гафар кьулухъди ийимир, 21амма виридай кьил акъуд ва хъсанвилин пад яхъ. 22Гьар жуьредин писвиликай кьил къакъуд.
Хийир-дуьадин ва чара хъхьунин гафар
23Гьа икӀ, куь чан, куь руьгь ва беден рехне квачиз чи Ребби Иса Месигь къведалди сагъдиз амукьун патал къуй ислягьвал гузвай Аллагьди Вичи куьн тамамдиз пак авурай. 24Квез Вичин рекьиз эверай Аллагь гафунал кӀеви я, гайи гаф Ада кьилиз акъудда.
25Стхаяр-вахар, чи гьакъиндайни дуьаяр ая. 26Пак темендалди вири стхайриз салам це. 27За Аллагьдин вилик квез тагькимзава, и чар вири стхайриз-вахариз кӀела!
28Къуй чи Ребби Иса Месигьдин берекат квехъ галаз хьурай.
Currently Selected:
1-Саланиквийриз 5: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
1-Саланиквийриз 5
5
1Стхаяр-вахар, чаз йисарикайни йикъарикай рахунин лазимвал авач. 2Квез и кар кьетӀидаказ чизва хьи, Ребби къведай югъ хабарни авачиз, йифиз угъри хьиз, атана алукьда. 3Инсанар «ислягьвал ва хата галачир саламатвал» лугьуз жеда, амма абурув, руфунал залан папаз аял хадайла тӀарвилер жедай саягъда, садлагьана бала агакьда, а чӀавуз садни катдач.
4Амма, стхаяр-вахар, а югъ квел, угъри хьиз, садлагьана туьш жедайвал, куьн мичӀи авамвиле авач. 5Куьн вири экуьнинни йикъан рухваяр я эхир. Чун йифиз ва я мичӀивилиз талукь туш, 6гьавиляй ша, чун, масадбур хьиз, ксун тийин, чун уях жен ва кьил кьилеллаз жен. 7Ксузвайбур йифиз ксузва, хъвазвайбуруни йифиз хъивегьзава. 8Гьавиляй, чун йикъаз талукьбур тирла, ша чун кьил кьилеллаз, имандинни муьгьуьббатдин кьеркь жувал алукӀнаваз, кьилелни хилас хьунихъ умуддин ракьун бармак алаз амукьин. 9ГьикӀ лагьайтӀа Аллагьди чун хъел патал ваъ, чи Ребби Иса Месигьдилай чав агакьзавай хиласвал патал тайинарнавайди я. 10А юкъуз чун кьейибурун ва я чан алайбурун арада хьайитӀани-тахьайтӀани, чна Вичихъ галаз санал уьмуьр тухун патал, Ада чун патал чан гана. 11Гьавиляй сада сад кӀубан ва мягькем ийиз хьухь.
Иман гвайбур патал несигьат
12Чна квевай тӀалабзава, стхаяр-вахар: ни куь арада зегьмет чӀугвазватӀа, ни куь кӀватӀалда Иса Месигьдалди регьбервал ийизватӀа ва квез несигьатар гузватӀа, гьабуруз гьуьрмет ая. 13Абуру ийизвай кӀвалахдай абуруз гзаф майил къалура. Сад садахъ галаз тукӀвена хьухь. 14Чна квез тагькимзава, стхаяр-вахар: кӀвалахиз кӀан тийизвайбур чӀалал гъваш, кичӀебур кӀубан ая; зайифбуруз куьмек це, виридахъ галаз сабур гваз хьухь. 15Килиг, садани садазни писвиляй писвал тахъвурай, амма сад садахъ галаз ва вирибурухъ галаз датӀана дугъри жез алахъа.
16ДатӀана шад хьухь, 17датӀана дуьаяр ая, 18гьихьтин гьалара хьайитӀани Аллагьдиз шукур ая, вучиз лагьайтӀа Иса Месигьдихъ галай куьн патал Аллагьдин къаст гьахьтинди я.
19 Руьгь туьхуьрмир, 20пайгъамбаррин гафар кьулухъди ийимир, 21амма виридай кьил акъуд ва хъсанвилин пад яхъ. 22Гьар жуьредин писвиликай кьил къакъуд.
Хийир-дуьадин ва чара хъхьунин гафар
23Гьа икӀ, куь чан, куь руьгь ва беден рехне квачиз чи Ребби Иса Месигь къведалди сагъдиз амукьун патал къуй ислягьвал гузвай Аллагьди Вичи куьн тамамдиз пак авурай. 24Квез Вичин рекьиз эверай Аллагь гафунал кӀеви я, гайи гаф Ада кьилиз акъудда.
25Стхаяр-вахар, чи гьакъиндайни дуьаяр ая. 26Пак темендалди вири стхайриз салам це. 27За Аллагьдин вилик квез тагькимзава, и чар вири стхайриз-вахариз кӀела!
28Къуй чи Ребби Иса Месигьдин берекат квехъ галаз хьурай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024