1-Каринфвийриз 10
10
Исраилдин тарихдай тарсар
1Стхаяр-вахар, заз чи вири бан-бубаяр циферик кваз хьайидакай ва гьуьляй тӀуз фейидакай куьн са хабарни авачиз таз кӀанзавач. 2Циферани гьуьле абурув виридав Мусадиз талукьбур яз цик акахьун къачуз тунай. 3Абуру вирида цаварилай атай гьа са тӀуьн незвай 4ва гьа са хъвадайди хъвазвай. Абуру чпихъ галаз къвезвай Руьгьдин гьа са рагай хъвазвай, гьа раг Месигь тир. 5Амма абурукай гзафбуруз Аллагьди майил ийизвачир ва эхирни абурун мейитар кьурум тирвал чкӀанай.
6Им чаз виридаз чешне я: чна, абуру тӀалабайвал, писвал тӀалабна кӀандач. 7Каламда: «Халкь нез-хъваз ацукьна, гуьгъуьнлайни къугъунариз къарагъна»#ЭхкъечӀун 32:6., – кхьенвайвал, абурукай бязибуру авур хьиз, бутриз икрам ийимир. 8Абурукай бязибуру авур хьиз, чнани явавал тийин, гьа явавили са юкъуз къанни пуд агъзур кас рекьидайвал авунай. 9Гуьгъуьнлай гъуьлягъри кӀасна кьейи абуру авур саягъда тежедайвал, чна Месигь синагъ тийин. 10Абурукай бязибуру хьиз, наразивални ийимир, гьавиляй терг ийидай малаикди абур кьенай.
11И крар абурун кьилел чешне яз атанай. Им эхирзаманда авай чун патал тагьким яз кхьенва. 12ГьакӀ хьайила, са низ ятӀани вич мягькемдиз акъвазнавайди хьиз аватӀа, къуй ам вич ярх тахьун патал мукъаят хьурай! 13Квел икьван чӀавалди ацалтзавай вири четинвилер инсанрал гьалтзавай адетдин синагъар хьунилай гъейри маса затӀ туш. Куьн кьадардилай артух синагъ авуниз Аллагьди рехъ гудач, Ада вичи гайи гафуниз вафа хуьзва. Квевай а четинвал эхиз хьун патал, куь кьилел четинвал атай чӀавуз Ада квез ам алуддай рехъни къалурзава.
14Гьавиляй, зи играмибур, бутриз икрам авуникай кьил къакъуд. 15За квез акьул авай инсанриз хьиз лугьузва, веревирд куьне ая. 16Чна хийир-дуьа ийизвай мубарак сукӀради чун Месигьдин Ивидиз шерик ийизвачни кьван? Чна атӀузвай фа чун Месигьдин Бедендиз шерик ийизвачни кьван?
17Фу сад тир хьиз, чунни, гзаф ятӀани, са беден я, вучиз лагьайтӀа сад тир фа чи пайни ава.
18 Исраилдин халкьдиз килиг: къурбанд авунвайди незвайбур вири са къурбангандиз шерик жезвачни? 19За лугьузвани кьван: бутдихъ ва я къурбанддиз акъуднавайдахъ са гьихьтин ятӀани метлеб ава? 20Гьелбетда, ваъ, амма кар ана ава хьи, мажусийри чпин къурбандар гуналди, абур Аллагьдиз ваъ, чӀуру жинерриз къурбанд ийизва. Амма заз куьн жинеррихъ галаз алакъада хьана кӀанзавач. 21Квевай гьа са вахтунда Реббидин сукӀрадайни жинеррин сукӀрадай хъваз жедач, гьа са вахтунда Реббидин суфрадилай ва жинеррин суфрадилай нез жедач. 22Ва я чна Аллагьдик хъилен цӀай кутазва лагьана фикирзавани? Чаз Адалай гзаф къуват гвайди авани кьван?
Вири Аллагьдин баркалла паталди я
23Куьне лугьузва: «Вири ихтиярар ава». Амма виридакай хийир авач. «Вири ихтиярар ава», амма вирида са вуч ятӀа арадал гъуниз къуллугъзавач. 24Къуй садни жуваз кӀандайвал ийиз алахъ тавурай, амма масадбурун хийирдихъ гелкъуьрай.
25Базардал маса гузвай вири як, ам гьинай атанватӀа чир тавуна, рикӀин секинвилив неъ, 26вучиз лагьайтӀа
«чил ва чилел алай кьван вири
Реббидинди я» #
Забур 23:1. .
27 Иман гвачир касди квез фу нез эверай чкадиз квез физ кӀан хьайитӀа, квез теклифзавай кьван вири затӀар, жузунар тавуна, рикӀин секинвиливди неъ. 28Амма квез ихьтин чӀавуз «Им къурбанддин як я», – лугьуз хьайитӀа, квез икӀ лагьай касдин ва виждандин секинвилин хатурдай ам немир – 29зи фикирда авайди ви хсуси виждан ваъ, маса касдин виждан я. Вучиз зи азадвал чарадан вижданди айибдайвал жеда кьван? 30За Аллагьдиз шукур ийиз незватӀа, а тӀуьн себеб яз зун вучиз айиб авурай кьван?
31Гьа икӀ, куьне вуч ийиз хьайитӀани, нез ва хъваз хьайитӀани, Аллагьдиз шукур ийидайвал ая. 32Сад паталдини кӀвач галкӀидай къван жемир – я чувудар паталди, я муькуьбур паталди, я Аллагьдин иманийрин кӀватӀал паталди. 33За хьиз, вирибуруз вири крара абур рази жедайвал ая. Зун жуван хийирдихъ ваъ, гзафбур хилас хьун патал, гьабурун хийирдихъ къекъвезва.
Currently Selected:
1-Каринфвийриз 10: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
1-Каринфвийриз 10
10
Исраилдин тарихдай тарсар
1Стхаяр-вахар, заз чи вири бан-бубаяр циферик кваз хьайидакай ва гьуьляй тӀуз фейидакай куьн са хабарни авачиз таз кӀанзавач. 2Циферани гьуьле абурув виридав Мусадиз талукьбур яз цик акахьун къачуз тунай. 3Абуру вирида цаварилай атай гьа са тӀуьн незвай 4ва гьа са хъвадайди хъвазвай. Абуру чпихъ галаз къвезвай Руьгьдин гьа са рагай хъвазвай, гьа раг Месигь тир. 5Амма абурукай гзафбуруз Аллагьди майил ийизвачир ва эхирни абурун мейитар кьурум тирвал чкӀанай.
6Им чаз виридаз чешне я: чна, абуру тӀалабайвал, писвал тӀалабна кӀандач. 7Каламда: «Халкь нез-хъваз ацукьна, гуьгъуьнлайни къугъунариз къарагъна»#ЭхкъечӀун 32:6., – кхьенвайвал, абурукай бязибуру авур хьиз, бутриз икрам ийимир. 8Абурукай бязибуру авур хьиз, чнани явавал тийин, гьа явавили са юкъуз къанни пуд агъзур кас рекьидайвал авунай. 9Гуьгъуьнлай гъуьлягъри кӀасна кьейи абуру авур саягъда тежедайвал, чна Месигь синагъ тийин. 10Абурукай бязибуру хьиз, наразивални ийимир, гьавиляй терг ийидай малаикди абур кьенай.
11И крар абурун кьилел чешне яз атанай. Им эхирзаманда авай чун патал тагьким яз кхьенва. 12ГьакӀ хьайила, са низ ятӀани вич мягькемдиз акъвазнавайди хьиз аватӀа, къуй ам вич ярх тахьун патал мукъаят хьурай! 13Квел икьван чӀавалди ацалтзавай вири четинвилер инсанрал гьалтзавай адетдин синагъар хьунилай гъейри маса затӀ туш. Куьн кьадардилай артух синагъ авуниз Аллагьди рехъ гудач, Ада вичи гайи гафуниз вафа хуьзва. Квевай а четинвал эхиз хьун патал, куь кьилел четинвал атай чӀавуз Ада квез ам алуддай рехъни къалурзава.
14Гьавиляй, зи играмибур, бутриз икрам авуникай кьил къакъуд. 15За квез акьул авай инсанриз хьиз лугьузва, веревирд куьне ая. 16Чна хийир-дуьа ийизвай мубарак сукӀради чун Месигьдин Ивидиз шерик ийизвачни кьван? Чна атӀузвай фа чун Месигьдин Бедендиз шерик ийизвачни кьван?
17Фу сад тир хьиз, чунни, гзаф ятӀани, са беден я, вучиз лагьайтӀа сад тир фа чи пайни ава.
18 Исраилдин халкьдиз килиг: къурбанд авунвайди незвайбур вири са къурбангандиз шерик жезвачни? 19За лугьузвани кьван: бутдихъ ва я къурбанддиз акъуднавайдахъ са гьихьтин ятӀани метлеб ава? 20Гьелбетда, ваъ, амма кар ана ава хьи, мажусийри чпин къурбандар гуналди, абур Аллагьдиз ваъ, чӀуру жинерриз къурбанд ийизва. Амма заз куьн жинеррихъ галаз алакъада хьана кӀанзавач. 21Квевай гьа са вахтунда Реббидин сукӀрадайни жинеррин сукӀрадай хъваз жедач, гьа са вахтунда Реббидин суфрадилай ва жинеррин суфрадилай нез жедач. 22Ва я чна Аллагьдик хъилен цӀай кутазва лагьана фикирзавани? Чаз Адалай гзаф къуват гвайди авани кьван?
Вири Аллагьдин баркалла паталди я
23Куьне лугьузва: «Вири ихтиярар ава». Амма виридакай хийир авач. «Вири ихтиярар ава», амма вирида са вуч ятӀа арадал гъуниз къуллугъзавач. 24Къуй садни жуваз кӀандайвал ийиз алахъ тавурай, амма масадбурун хийирдихъ гелкъуьрай.
25Базардал маса гузвай вири як, ам гьинай атанватӀа чир тавуна, рикӀин секинвилив неъ, 26вучиз лагьайтӀа
«чил ва чилел алай кьван вири
Реббидинди я» #
Забур 23:1. .
27 Иман гвачир касди квез фу нез эверай чкадиз квез физ кӀан хьайитӀа, квез теклифзавай кьван вири затӀар, жузунар тавуна, рикӀин секинвиливди неъ. 28Амма квез ихьтин чӀавуз «Им къурбанддин як я», – лугьуз хьайитӀа, квез икӀ лагьай касдин ва виждандин секинвилин хатурдай ам немир – 29зи фикирда авайди ви хсуси виждан ваъ, маса касдин виждан я. Вучиз зи азадвал чарадан вижданди айибдайвал жеда кьван? 30За Аллагьдиз шукур ийиз незватӀа, а тӀуьн себеб яз зун вучиз айиб авурай кьван?
31Гьа икӀ, куьне вуч ийиз хьайитӀани, нез ва хъваз хьайитӀани, Аллагьдиз шукур ийидайвал ая. 32Сад паталдини кӀвач галкӀидай къван жемир – я чувудар паталди, я муькуьбур паталди, я Аллагьдин иманийрин кӀватӀал паталди. 33За хьиз, вирибуруз вири крара абур рази жедайвал ая. Зун жуван хийирдихъ ваъ, гзафбур хилас хьун патал, гьабурун хийирдихъ къекъвезва.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024