TITO 3
3
Pinakamatarung bangud sa Iya Bugay
1Pahanumduma sila nga magpasakup sa mga punoan kag mga pagbulut-an, nga magmasinolondon, nga maghanda sa tagsa ka maayong buluhaton, 2nga dili maghambal sing malaut nahanungud kay bisan sin-o, nga maglikaw sa pagkamapinuyason, nga magmalolo, kag magpakita sang himpit nga pagtahud ayon sa tanan nga tawo. 3Kay kita aton sang una mga buangbuang, dimatinumanon, ginpatalang, mga ulipon sa sarisaring mga kailigbon kag mga kinasadya, nga nagkabuhi sa malaut nga kabubut-on kag kahisa, nadumtan sang mga tawo kag nagadinumtanay; 4apang sang napahayag ang kaayo kag ang mahigugmaon nga kalolo sang Dios nga aton Manluluwas, 5ginluwas niya kita indi bangud sa mga buhat nga aton nahimo sa pagkamatarung, kondi sa gahum sang iya kalooy, paagi sa panghugas sang bag-ong pagkatawo kag pagbag-o sa Espiritu Santo, 6nga iya ginpasagahay sa aton sing bugana paagi kay Jesu-Cristo nga aton Manluluwas, 7agud nga mapakamatarung kita sang iya bugay kag manginmanunubli kita sa paglaum sa kabuhi nga walay katapusan. 8Matuud ang pinamolong.
Buut ko nga ipatuman gid nimo ining mga butang, agud nga ang mga nagtoo sa Dios magmahinalongon sa paghimo sang maayong mga buhat; ini sila halangdon kag mapuslanon sa mga tawo. 9Apang likawi ang mga pagsinuay nga binuang, mga lista sang kaliwatan, mga pagpinuyasay, kag mga pagbinanggianay nahanungud sa kasogoan, kay sila walay kapuslanan kag walay kaayohan. 10Isikway mo ang tawo nga mabinahinbahinon, sa tapus ang makaisa ukon makaduha nga laygay, 11nga nahibal-an mo nga ang among tawo nagtalang kag nagapakasala; sia gintagudilian sang iya kaugalingon.
Mga Laygay nga Kinaugalingon kag mga Pag-abiabi
12Kon mapadala ko sa imo si Artemas ukon si Tiquico,#Binu. 20:4; Efe. 6:21-22; Col. 4:7-8; 2 Tim. 4:12. magpaninguha ka gid sa pagkari sa akon sa Nicopolis, kay nagtapat ako sa pagpabilin didto sa tigtulugnaw. 13Patigayona sing makugi sa ila panlakatan si Zenas nga mangin-alamon sa kasogoan kag si Apolos;#Binu. 18:24; 1 Cor. 16:12. tan-awa nga walay makulang sa ila. 14Kag magtoon ang aton katawohan sa paghimo sang maayong mga buhat, agud nga mabuligan ang kinahanglanon nga mga kakulangan, kag indi sila manginwalay bunga.
15Ang tanan nga upud sa akon nagaabiabi sa imo. Abiabiha ang mga nagahigugma sa aton sa pagtoo.
Ang bugay manginkaupud ninyo nga tanan.
Currently Selected:
TITO 3: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
TITO 3
3
Pinakamatarung bangud sa Iya Bugay
1Pahanumduma sila nga magpasakup sa mga punoan kag mga pagbulut-an, nga magmasinolondon, nga maghanda sa tagsa ka maayong buluhaton, 2nga dili maghambal sing malaut nahanungud kay bisan sin-o, nga maglikaw sa pagkamapinuyason, nga magmalolo, kag magpakita sang himpit nga pagtahud ayon sa tanan nga tawo. 3Kay kita aton sang una mga buangbuang, dimatinumanon, ginpatalang, mga ulipon sa sarisaring mga kailigbon kag mga kinasadya, nga nagkabuhi sa malaut nga kabubut-on kag kahisa, nadumtan sang mga tawo kag nagadinumtanay; 4apang sang napahayag ang kaayo kag ang mahigugmaon nga kalolo sang Dios nga aton Manluluwas, 5ginluwas niya kita indi bangud sa mga buhat nga aton nahimo sa pagkamatarung, kondi sa gahum sang iya kalooy, paagi sa panghugas sang bag-ong pagkatawo kag pagbag-o sa Espiritu Santo, 6nga iya ginpasagahay sa aton sing bugana paagi kay Jesu-Cristo nga aton Manluluwas, 7agud nga mapakamatarung kita sang iya bugay kag manginmanunubli kita sa paglaum sa kabuhi nga walay katapusan. 8Matuud ang pinamolong.
Buut ko nga ipatuman gid nimo ining mga butang, agud nga ang mga nagtoo sa Dios magmahinalongon sa paghimo sang maayong mga buhat; ini sila halangdon kag mapuslanon sa mga tawo. 9Apang likawi ang mga pagsinuay nga binuang, mga lista sang kaliwatan, mga pagpinuyasay, kag mga pagbinanggianay nahanungud sa kasogoan, kay sila walay kapuslanan kag walay kaayohan. 10Isikway mo ang tawo nga mabinahinbahinon, sa tapus ang makaisa ukon makaduha nga laygay, 11nga nahibal-an mo nga ang among tawo nagtalang kag nagapakasala; sia gintagudilian sang iya kaugalingon.
Mga Laygay nga Kinaugalingon kag mga Pag-abiabi
12Kon mapadala ko sa imo si Artemas ukon si Tiquico,#Binu. 20:4; Efe. 6:21-22; Col. 4:7-8; 2 Tim. 4:12. magpaninguha ka gid sa pagkari sa akon sa Nicopolis, kay nagtapat ako sa pagpabilin didto sa tigtulugnaw. 13Patigayona sing makugi sa ila panlakatan si Zenas nga mangin-alamon sa kasogoan kag si Apolos;#Binu. 18:24; 1 Cor. 16:12. tan-awa nga walay makulang sa ila. 14Kag magtoon ang aton katawohan sa paghimo sang maayong mga buhat, agud nga mabuligan ang kinahanglanon nga mga kakulangan, kag indi sila manginwalay bunga.
15Ang tanan nga upud sa akon nagaabiabi sa imo. Abiabiha ang mga nagahigugma sa aton sa pagtoo.
Ang bugay manginkaupud ninyo nga tanan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society