MGA SALMO 147
147
Pagdayaw bangud sang Kahamuut sang Dios sa Jerusalem
1Dayawa ninyo ang Ginoo!
Kay maayo ang pag-amba sing pagdayaw sa aton Dios;
kay matahum ini, kag magayon ang pagdayaw.
2Ang Ginoo nagapatindug sang Jerusalem;
ginatipon niya sing tingub ang mga sinobol sang Israel.
3Ginaayo niya ang boong sa tagiposoon,
kag nagabugkos sang ila mga pilas.
4Ginaisip niya ang kadamuon sang mga bitoon,
ginatawag niya sila tanan sa ila mga ngalan.
5Daku ang aton Ginoo, kag gamhanan sa gahum;
ang iya paghangup wala sing katubtuban.
6Ang Ginoo nagabayaw sang mapainubuson,
ginapaubus niya ang malauton tubtub sa duta.
7Amba sa Ginoo nga may pagpasalamat;
amba sing mga pagdayaw nga may arpa sa aton Dios!
8Sia nagatabon sang kalangitan sing mga gal-um,
sia nagaaman sing ulan nga sa duta,
sia nagapatubo sing hilamon sa kabukiran.
9Sia nagahatag sa mga sapat sang ila kalan-on,
kag sa kuyabog sang mga uwak nga nagaiyak.
10Wala sia nagakalipay sa kusug sang kabayo,
wala sia mahamuut sa mga batiis sang tawo;
11apang nagakahamuut ang Ginoo sa mga nagakahadluk sa iya,
sa ila nga nagalaum sa iya malig-on nga paghigugma.
12Dayawa ang Ginoo, O Jerusalem!
Dayawa ang imo Dios, O Sion!
13Kay ginabakud niya ang mga pintal sang imo mga gawang;
ginpakamaayo niya ang imo mga anak sa sulud nimo.
14Nagapakighidait sia sa imo mga ginsakpan;
nagapuno sia sa imo sang pili gid sang trigo.
15Sia nagapadala sang iya sogo sa duta;
ang iya polong nagadalagan sing madasig gid.
16Sia nagahatag sang nieve kaangay sang bulbul nga maputi;
sia nagawasaag sang yab-ok nga hielo kaangay sang abo.
17Ginapilak niya ang hielo kaangay sang mga tinipiktipik;
sin-o bala ang makatindug sa atubangan sang iya tugnaw?
18Nagapadala sia sang iya polong, kag nagatunaw sa ila;
ginapahuyup niya ang iya hangin, kag nagailig ang mga tubig.
19Ginapakita niya ang iya polong kay Jacob,
ang iya mga palatukuran kag ang iya mga pagsolondan kay Israel.
20Wala sia maghisayo sing subong sa bisan ano nga pungsud;
sang iya mga pagsolondan wala sila makahibalo.
Dayawa ninyo ang Ginoo!
Currently Selected:
MGA SALMO 147: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
MGA SALMO 147
147
Pagdayaw bangud sang Kahamuut sang Dios sa Jerusalem
1Dayawa ninyo ang Ginoo!
Kay maayo ang pag-amba sing pagdayaw sa aton Dios;
kay matahum ini, kag magayon ang pagdayaw.
2Ang Ginoo nagapatindug sang Jerusalem;
ginatipon niya sing tingub ang mga sinobol sang Israel.
3Ginaayo niya ang boong sa tagiposoon,
kag nagabugkos sang ila mga pilas.
4Ginaisip niya ang kadamuon sang mga bitoon,
ginatawag niya sila tanan sa ila mga ngalan.
5Daku ang aton Ginoo, kag gamhanan sa gahum;
ang iya paghangup wala sing katubtuban.
6Ang Ginoo nagabayaw sang mapainubuson,
ginapaubus niya ang malauton tubtub sa duta.
7Amba sa Ginoo nga may pagpasalamat;
amba sing mga pagdayaw nga may arpa sa aton Dios!
8Sia nagatabon sang kalangitan sing mga gal-um,
sia nagaaman sing ulan nga sa duta,
sia nagapatubo sing hilamon sa kabukiran.
9Sia nagahatag sa mga sapat sang ila kalan-on,
kag sa kuyabog sang mga uwak nga nagaiyak.
10Wala sia nagakalipay sa kusug sang kabayo,
wala sia mahamuut sa mga batiis sang tawo;
11apang nagakahamuut ang Ginoo sa mga nagakahadluk sa iya,
sa ila nga nagalaum sa iya malig-on nga paghigugma.
12Dayawa ang Ginoo, O Jerusalem!
Dayawa ang imo Dios, O Sion!
13Kay ginabakud niya ang mga pintal sang imo mga gawang;
ginpakamaayo niya ang imo mga anak sa sulud nimo.
14Nagapakighidait sia sa imo mga ginsakpan;
nagapuno sia sa imo sang pili gid sang trigo.
15Sia nagapadala sang iya sogo sa duta;
ang iya polong nagadalagan sing madasig gid.
16Sia nagahatag sang nieve kaangay sang bulbul nga maputi;
sia nagawasaag sang yab-ok nga hielo kaangay sang abo.
17Ginapilak niya ang hielo kaangay sang mga tinipiktipik;
sin-o bala ang makatindug sa atubangan sang iya tugnaw?
18Nagapadala sia sang iya polong, kag nagatunaw sa ila;
ginapahuyup niya ang iya hangin, kag nagailig ang mga tubig.
19Ginapakita niya ang iya polong kay Jacob,
ang iya mga palatukuran kag ang iya mga pagsolondan kay Israel.
20Wala sia maghisayo sing subong sa bisan ano nga pungsud;
sang iya mga pagsolondan wala sila makahibalo.
Dayawa ninyo ang Ginoo!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society