LEVITICO 4
4
Mga Halad-tungud-sa-Sala
1Kag ang Ginoo nagpamolong kay Moises, 2“Ipamolong sa katawohan sang Israel, Kon ang bisan sin-o makasala sing dihungud sa bisan ano sang mga butang nga nasogo sang Ginoo nga indi paghimoon, kag maghimo sang bisan ano sa ila, 3kon ang sacerdote nga hinaplas makasala, sa bagay nga magdala sia sing paglapas sa katawohan, niyan magdolot sia tungud sa iya sala nga iya nahimo sing isa ka tinday nga baka nga lalaki nga walay kasawayan nga halad-tungud-sa-sala sa Ginoo. 4Magdala sia sang tinday nga baka nga lalaki sa ganhaan sang layanglayang nga tiliponan sa atubangan sang Ginoo, kag ibutang niya ang iya kamut sa olo sang tinday nga baka, kag ihawon ang tinday nga baka sa atubangan sang Ginoo. 5Kag ang sacerdote nga hinaplas magkuha sa dugo sang tinday nga baka kag magdala sini sa layanglayang nga tiliponan; 6kag ang sacerdote magtum-oy sang iya tudlo sa dugo kag magwisik sang dugo sing makapito sa atubangan sang Ginoo sa atubangan sang kumbung sang santuario. 7Kag ang sacerdote magpalhit sang dugo sa mga sungay sang halaran sang incienso nga mahamut sa atubangan sang Ginoo nga yara sa sulud sang layanglayang nga tiliponan, kag ang nabilin nga dugo sang tinday nga baka iula niya sa tiilan sang halaran sang halad-nga-sinonog nga yara sa ganhaan sang layanglayang nga tiliponan. 8Kag kuhaon niya sa tinday nga baka nga halad-tungud-sa-sala ang tanan niya nga sapay, ang sapay nga nagaputus sang mga kasudlan kag ang tanan nga sapay sa mga kasudlan, 9kag ang duha ka batobato kag ang sapay nga yara sa ila nga yara sa mga balikawang, kag ang putus sa atay pati ang mga batobato kuhaon niya 10(subong nga ginakuha ini sa baka nga lalaki sang mga halad-sa-paghidait), kag sonogon sila sang sacerdote sa ibabaw sang halaran sang halad-nga-sinonog. 11Apang ang panit sang tinday nga baka nga lalaki kag ang bug-os niya nga unud, pati ang iya olo, ang iya mga tiil, ang iya mga kasudlan, kag ang iya ipot, 12bisan ang bilog nga tinday nga baka dalhon niya sa gowa sang dologan sa duug nga matinlo, diin ginaula ang mga abo, kag sonogon ini sa ibabaw sang gatong sa kalayo; diin ginaula ang mga abo sonogon ini.
13“Kon ang bug-os nga katilingban sang Israel makasala sing dihungud kag ang butang nalipdan sa mga mata sang katilingban, kag nakahimo sila sang bisan ano sang mga butang nga ginsogo sang Ginoo nga indi paghimoon kag naglapas; 14kon mahibaloan ang sala nga nahimo nila, niyan magdolot ang katilingban sing tinday nga baka nga halad-tungud-sa-sala kag dalhon ini sa atubangan sang layanglayang nga tiliponan; 15kag ang mga tigulang sang katilingban magbutang sang ila mga kamut sa olo sang tinday nga baka sa atubangan sang Ginoo, kag ihawon ang tinday nga baka sa atubangan sang Ginoo. 16Niyan ang sacerdote nga hinaplas magdala sang dugo sang tinday nga baka sa sulud sang layanglayang nga tiliponan, 17kag ang sacerdote magtum-oy sang iya tudlo sa dugo kag iwisik ini sing makapito sa atubangan sang Ginoo sa atubangan sang kumbung. 18Kag ipalhit niya ang dugo sa mga sungay sang halaran nga yara sa atubangan sang Ginoo nga yara sa sulud sang layanglayang nga tiliponan; kag ang nabilin nga dugo iula niya sa tiilan sang halaran sang halad-nga-sinonog nga yara sa ganhaan sang layanglayang nga tiliponan. 19Kag kuhaon niya sa sini ang tanan nga sapay kag sonogon ini sa ibabaw sang halaran. 20Amo ini ang himoon niya sa tinday nga baka; subong sang ginhimo niya sa tinday nga baka nga halad-tungud-sa-sala, amo ang himoon niya sa sini; kag ang sacerdote maghimo sing katumbasan tungud sa ila, kag patawaron sila. 21Kag dalhon niya sa gowa sang dologan ang tinday nga baka, kag sonogon ini subong nga ginsonog niya ang nahauna nga tinday nga baka; halad-tungud-sa-sala ini nga sa katilingban.
22“Kon ang isa ka manuggahum makasala, kag makahimo sing dihungud sang bisan ano sang tanan nga butang nga nasogo sang Ginoo nga iya Dios nga indi paghimoon, kag naglapas, 23kon napahibalo sa iya ang sala nga nahimo niya, magdala sia sing halad nga kanding nga lalaki, nga walay kasawayan, 24kag ibutang niya ang iya kamut sa olo sang kanding, kag ihawon ini sa duug diin ginaihaw ang halad-nga-sinonog sa atubangan sang Ginoo; halad-tungud-sa-sala ini. 25Niyan ang sacerdote magkuha sa iya tudlo sang dugo sang halad-tungud-sa-sala kag ipalhit ini sa mga sungay sang halaran sang halad-nga-sinonog, kag ang dugo sini iula niya sa tiilan sang halaran sang halad-nga-sinonog. 26Kag ang tanan nga sapay sini sonogon niya sa halaran, subong sang sapay sang halad sang mga halad-sa-paghidait; kag ang sacerdote maghimo sing katumbasan tungud sa iya nahanungud sang iya sala, kag patawaron sia.
27“Kon ang bisan sin-o sang mga tawo nga timawa makasala sing dihungud sa paghimo sang bisan ano sang mga butang nga nasogo sang Ginoo nga indi paghimoon, kag naglapas, 28Kon mapahibalo sa iya ang sala nga nahimo niya niyan magdala sia nga iya halad sing kanding, isa ka dumalaga nga walay kasawayan, tungud sa sala nga nahimo niya. 29Kag ibutang niya ang iya kamut sa olo sang halad-tungud-sa-sala, kag ihawon ang halad-tungud-sa-sala sa duug sang halad-nga-sinonog. 30Kag ang sacerdote magkuha sa iya tudlo sang dugo sini kag ipaihit ini sa mga sungay sang halaran sang halad-nga-sinonog, kag ang nabilin nga dugo sini iula niya sa tiilan sang halaran. 31Kag kuhaon niya sa sini ang tanan nga sapay, subong sang pagkuha sang sapay sa mga halad-sa-paghidait, kag sonogon ini sang sacerdote sa halaran subong nga maamyon sa Ginoo; kag ang sacerdote maghimo sing katumbasan tungud sa iya, kag patawaron sia.#Num. 15:27-28.
32“Kon magdala sia sing cordero subong nga iya halad-tungud-sa-sala, magdala sia sing bakiya nga wala sing kasawayan, 33kag ibutang niya ang iya kamut sa olo sang halad-tungud-sa-sala, kag ihawon ini subong nga halad-tungud-sa-sala sa duug diin gin-ihaw nila ang halad-nga-sinonog. 34Niyan ang sacerdote magkuha sa iya tudlo sang dugo sang halad-tungud-sa-sala kag ipalhit ini sa mga sungay sang halaran sang halad-nga-sinonog, kag ang nabilin nga dugo iula sa tiilan sang halaran. 35Kag kuhaon niya ang tanan nga sapay subong nga ginkuha ang sapay sa cordero gikan sa dolot sang mga halad-sa-paghidait, kag ang sacerdote magsonog sa ila sa halaran, kaangay sang mga halad tungud sa kalayo sa Ginoo; kag ang sacerdote maghimo sing katumbasan tungud sa iya nahanungud sang iya sala nga nahimo niya, kay patawaron sia.
Currently Selected:
LEVITICO 4: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
LEVITICO 4
4
Mga Halad-tungud-sa-Sala
1Kag ang Ginoo nagpamolong kay Moises, 2“Ipamolong sa katawohan sang Israel, Kon ang bisan sin-o makasala sing dihungud sa bisan ano sang mga butang nga nasogo sang Ginoo nga indi paghimoon, kag maghimo sang bisan ano sa ila, 3kon ang sacerdote nga hinaplas makasala, sa bagay nga magdala sia sing paglapas sa katawohan, niyan magdolot sia tungud sa iya sala nga iya nahimo sing isa ka tinday nga baka nga lalaki nga walay kasawayan nga halad-tungud-sa-sala sa Ginoo. 4Magdala sia sang tinday nga baka nga lalaki sa ganhaan sang layanglayang nga tiliponan sa atubangan sang Ginoo, kag ibutang niya ang iya kamut sa olo sang tinday nga baka, kag ihawon ang tinday nga baka sa atubangan sang Ginoo. 5Kag ang sacerdote nga hinaplas magkuha sa dugo sang tinday nga baka kag magdala sini sa layanglayang nga tiliponan; 6kag ang sacerdote magtum-oy sang iya tudlo sa dugo kag magwisik sang dugo sing makapito sa atubangan sang Ginoo sa atubangan sang kumbung sang santuario. 7Kag ang sacerdote magpalhit sang dugo sa mga sungay sang halaran sang incienso nga mahamut sa atubangan sang Ginoo nga yara sa sulud sang layanglayang nga tiliponan, kag ang nabilin nga dugo sang tinday nga baka iula niya sa tiilan sang halaran sang halad-nga-sinonog nga yara sa ganhaan sang layanglayang nga tiliponan. 8Kag kuhaon niya sa tinday nga baka nga halad-tungud-sa-sala ang tanan niya nga sapay, ang sapay nga nagaputus sang mga kasudlan kag ang tanan nga sapay sa mga kasudlan, 9kag ang duha ka batobato kag ang sapay nga yara sa ila nga yara sa mga balikawang, kag ang putus sa atay pati ang mga batobato kuhaon niya 10(subong nga ginakuha ini sa baka nga lalaki sang mga halad-sa-paghidait), kag sonogon sila sang sacerdote sa ibabaw sang halaran sang halad-nga-sinonog. 11Apang ang panit sang tinday nga baka nga lalaki kag ang bug-os niya nga unud, pati ang iya olo, ang iya mga tiil, ang iya mga kasudlan, kag ang iya ipot, 12bisan ang bilog nga tinday nga baka dalhon niya sa gowa sang dologan sa duug nga matinlo, diin ginaula ang mga abo, kag sonogon ini sa ibabaw sang gatong sa kalayo; diin ginaula ang mga abo sonogon ini.
13“Kon ang bug-os nga katilingban sang Israel makasala sing dihungud kag ang butang nalipdan sa mga mata sang katilingban, kag nakahimo sila sang bisan ano sang mga butang nga ginsogo sang Ginoo nga indi paghimoon kag naglapas; 14kon mahibaloan ang sala nga nahimo nila, niyan magdolot ang katilingban sing tinday nga baka nga halad-tungud-sa-sala kag dalhon ini sa atubangan sang layanglayang nga tiliponan; 15kag ang mga tigulang sang katilingban magbutang sang ila mga kamut sa olo sang tinday nga baka sa atubangan sang Ginoo, kag ihawon ang tinday nga baka sa atubangan sang Ginoo. 16Niyan ang sacerdote nga hinaplas magdala sang dugo sang tinday nga baka sa sulud sang layanglayang nga tiliponan, 17kag ang sacerdote magtum-oy sang iya tudlo sa dugo kag iwisik ini sing makapito sa atubangan sang Ginoo sa atubangan sang kumbung. 18Kag ipalhit niya ang dugo sa mga sungay sang halaran nga yara sa atubangan sang Ginoo nga yara sa sulud sang layanglayang nga tiliponan; kag ang nabilin nga dugo iula niya sa tiilan sang halaran sang halad-nga-sinonog nga yara sa ganhaan sang layanglayang nga tiliponan. 19Kag kuhaon niya sa sini ang tanan nga sapay kag sonogon ini sa ibabaw sang halaran. 20Amo ini ang himoon niya sa tinday nga baka; subong sang ginhimo niya sa tinday nga baka nga halad-tungud-sa-sala, amo ang himoon niya sa sini; kag ang sacerdote maghimo sing katumbasan tungud sa ila, kag patawaron sila. 21Kag dalhon niya sa gowa sang dologan ang tinday nga baka, kag sonogon ini subong nga ginsonog niya ang nahauna nga tinday nga baka; halad-tungud-sa-sala ini nga sa katilingban.
22“Kon ang isa ka manuggahum makasala, kag makahimo sing dihungud sang bisan ano sang tanan nga butang nga nasogo sang Ginoo nga iya Dios nga indi paghimoon, kag naglapas, 23kon napahibalo sa iya ang sala nga nahimo niya, magdala sia sing halad nga kanding nga lalaki, nga walay kasawayan, 24kag ibutang niya ang iya kamut sa olo sang kanding, kag ihawon ini sa duug diin ginaihaw ang halad-nga-sinonog sa atubangan sang Ginoo; halad-tungud-sa-sala ini. 25Niyan ang sacerdote magkuha sa iya tudlo sang dugo sang halad-tungud-sa-sala kag ipalhit ini sa mga sungay sang halaran sang halad-nga-sinonog, kag ang dugo sini iula niya sa tiilan sang halaran sang halad-nga-sinonog. 26Kag ang tanan nga sapay sini sonogon niya sa halaran, subong sang sapay sang halad sang mga halad-sa-paghidait; kag ang sacerdote maghimo sing katumbasan tungud sa iya nahanungud sang iya sala, kag patawaron sia.
27“Kon ang bisan sin-o sang mga tawo nga timawa makasala sing dihungud sa paghimo sang bisan ano sang mga butang nga nasogo sang Ginoo nga indi paghimoon, kag naglapas, 28Kon mapahibalo sa iya ang sala nga nahimo niya niyan magdala sia nga iya halad sing kanding, isa ka dumalaga nga walay kasawayan, tungud sa sala nga nahimo niya. 29Kag ibutang niya ang iya kamut sa olo sang halad-tungud-sa-sala, kag ihawon ang halad-tungud-sa-sala sa duug sang halad-nga-sinonog. 30Kag ang sacerdote magkuha sa iya tudlo sang dugo sini kag ipaihit ini sa mga sungay sang halaran sang halad-nga-sinonog, kag ang nabilin nga dugo sini iula niya sa tiilan sang halaran. 31Kag kuhaon niya sa sini ang tanan nga sapay, subong sang pagkuha sang sapay sa mga halad-sa-paghidait, kag sonogon ini sang sacerdote sa halaran subong nga maamyon sa Ginoo; kag ang sacerdote maghimo sing katumbasan tungud sa iya, kag patawaron sia.#Num. 15:27-28.
32“Kon magdala sia sing cordero subong nga iya halad-tungud-sa-sala, magdala sia sing bakiya nga wala sing kasawayan, 33kag ibutang niya ang iya kamut sa olo sang halad-tungud-sa-sala, kag ihawon ini subong nga halad-tungud-sa-sala sa duug diin gin-ihaw nila ang halad-nga-sinonog. 34Niyan ang sacerdote magkuha sa iya tudlo sang dugo sang halad-tungud-sa-sala kag ipalhit ini sa mga sungay sang halaran sang halad-nga-sinonog, kag ang nabilin nga dugo iula sa tiilan sang halaran. 35Kag kuhaon niya ang tanan nga sapay subong nga ginkuha ang sapay sa cordero gikan sa dolot sang mga halad-sa-paghidait, kag ang sacerdote magsonog sa ila sa halaran, kaangay sang mga halad tungud sa kalayo sa Ginoo; kag ang sacerdote maghimo sing katumbasan tungud sa iya nahanungud sang iya sala nga nahimo niya, kay patawaron sia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society