LEVITICO 13
13
Mga Kasogoan nahanungud sa Aro
1Ang Ginoo nagpamolong kay Moises kag kay Aaron, 2“Kon ang isa ka tawo may panghabal sa panit sang iya unud ukon dukut ukon lamuti, kag nahimo nga balatian nga aro sa panit sang iya unud, niyan dalhon sia kay Aaron nga sacerdote ukon sa isa sang iya mga anak nga mga sacerdote, 3kag ang sacerdote magtan-aw sang balatian sa panit sang iya unud; kag kon ang bulbul sa balatian nagputi kag ang dagway sang balatian madalum pa sa panit sang iya unud, ini balatian nga aro; kag tan-awon sia sang sacerdote kag lawagon sia nga dimatinlo. 4Apang kon ang lamuti maputi sa panit sang iya unud, kag ang iya dagway indi madalum pa sa panit, kag ang bulbul sa iya wala magputi, niyan bukuton sang sacerdote ang may balatian sing pito ka adlaw; 5kag tan-awon sia sang sacerdote sa adlaw nga ikapito, kag kon sa iya itololok ang balatian nagdolog kag wala maglapta ang balatian sa panit, niyan bukuton sia sang sacerdote sing pito pa ka adlaw; 6kag tan-awon sia liwat sang sacerdote sa ikapito nga adlaw, kag kon ang balatian nalaya kag wala maglapta sa panit ang balatian, niyan ang sacerdote maglawag sa iya nga matinlo; dukut ini; kag magbunak sia sang iya mga panapton, kag magmatinlo. 7Apang kon ang dukut naglapta sa panit, sa tapus nga nakapakita sia sa sacerdote nga sa iya pagpaninlo, magpatan-aw sia liwat sa sacerdote; 8kag ang sacerdote magtan-aw, kag kon ang dukut naglapad sa panit, niyan ang sacerdote maglawag sa iya nga dimatinlo; aro ini.
9“Kon ang balatian sang aro yara sa tawo, niyan dalhon sia sa sacerdote; 10kag ang sacerdote magtan-aw, kag kon may nagabut-ul nga maputi sa panit, kag nagpaputi sang bulbul, kag may nagabuad-ad nga unud nga buhi sa but-ul, 11aro ini nga daan sa panit sang iya unud, kag ang sacerdote maglawag sa iya nga dimatinlo; dili niya sia pagbukuton, kay dimatinlo sia. 12Kag kon ang aro nagbuka sing lapta sa panit, kag ang aro nagbuka sa bug-os nga panit sang may balatian kutub sa olo tubtub sa iya mga tiil, tubtub sa nagapahayag sa sacerdote, 13niyan magtan-aw ang sacerdote, kag kon ang aro naghil-ob sang bug-os niya nga unud, lawagon niya nga matinlo sia nga may balatian; nagputi ini tanan, kag matinlo sia. 14Apang bisan san-o nga magalutaw sa iya ang unud nga buhi, mangindimatinlo sia. 15Kag ang sacerdote magtan-aw sang unud nga buhi, kag maglawag sa iya nga dimatinlo; ang unud nga buhi dimatinlo, aro ini. 16Apang kon ang unud nga buhi magbaylo kag magputi, niyan sia magkadto sa sacerdote, 17kag tan-awon sia sang sacerdote, kag kon nagputi ang balatian, niyan lawagon nga matinlo sang sacerdote sia nga may balatian; matinlo sia.
18“Kag kon ang unud may hubag sa panit niya, kag ini nag-ayo, 19kag sa duug sang hubag may but-ul nga maputi ukon lamuti nga mapulapula nga maputi, niyan ipatan-aw ini sa sacerdote; 20kag ang sacerdote magtan-aw, kag kon ang dagway niya madalum pa sa panit kag ang bulbul sa iya nagputi, niyan ang sacerdote maglawag sa iya nga dimatinlo; balatian ini nga aro, nagbuka ini sa hubag. 21Apang kon ang sacerdote magtan-aw sini, kag wala sing bulbul nga maputi sa sini kag ini indi madalum pa sa panit, kondi nalaya, niyan bukuton sia sang sacerdote sing pito ka adlaw; 22kag kon naglapta ini sa panit, niyan ang sacerdote maglawag sa iya nga dimatinlo; balatian ini. 23Apang kon ang lamuti nagdolog sa iya duug kag wala maglapad, pinalian ini sang hubag; kag ang sacerdote maglawag sa iya nga matinlo.
24“Ukon, kon sa panit sang unud may paso sang kalayo kag ang buad-ad nga unud sang paso mahimo nga lamuti, mapulapula nga maputi ukon maputi, 25tan-awon ini sang sacerdote, kag kon ang bulbul nagputi sa lamuti kag ang dagway madalum pa sa panit, aro ini; nagbuka ini sa paso, kag ang sacerdote maglawag sa iya nga dimatinlo; balatian nga aro ini. 26Apang kon ang sacerdote magtan-aw sini, kag wala sing bulbul nga maputi sa lamuti kag indi madalum pa sa panit, kondi nagpali, niya ang sacerdote magbukut sa iya sing pito ka adlaw, 27kag tan-awon sia sang sacerdote sa ikapito nga adlaw; kon naglapta ini sa panit, niyan ang sacerdote magalawag sa iya nga dimatinlo; balatian nga aro ini. 28Apang kon ang lamuti magdolog sa iya duug kag wala maglapad sa panit, kondi nalaya, habok sang paso ini, kag ang sacerdote maglawag sa iya nga matinlo; kay ini pinalian sang paso.
29“Kon ang isa ka lalaki ukon babayi may balatian sa olo ukon sa bungut, 30ang sacerdote magtan-aw sang balatian; kag kon ang iya dagway madalum pa sa panit, kag sa iya may bohok nga pino nga dalag, niyan ang sacerdote magalawag sa iya nga dimatinlo; kagidkid ini, aro ini sa olo ukon sa bungut. 31Kag kon ang sacerdote magtan-aw sang balatian sang kagidkid, kag ang dagway niya indi madalum pa sa panit kag sa iya wala sing bohok nga maitum, niyan sia nga may balatian sang kagidkid bukuton sang sacerdote sing pito ka adlaw, 32kag tan-awon sang sacerdote ang balatian sa ikapito nga adlaw; kag kon ang kagidkid wala maglapad, kag wala sa iya sing bohok nga dalag, kag ang dagway sang kagidkid indi madalum pa sa panit, 33niyan kiskisan sia, apang indi niya pagkiskisan ang kagidkid; kag bukuton sang sacerdote ang may kagidkid sing pito pa ka adlaw; 34kag tan-awon sang sacerdote ang kagidkid sa ikapito nga adlaw, kag kon ang kagidkid wala maglapad sa panit kag ang iya dagway indi madalum pa sa panit, niyan ang sacerdote maglawag sa iya nga matinlo; kag bunakan niya ang iya mga panapton, kag magmatinlo. 35Apang kon ang kagidkid maglapta sa panit sa tapus sang iya pagpaninlo, 36Iniyan tan-awon sia sang sacerdote, kag kon ang kagidkid naglapad sa panit, ang sacerdote dili na magpangita sang bohok nga dalag; dimatinlo sia. 37Apang kon sa iya itololok ang kagidkid nagdolog, kag nagtubo sa iya ang bohok nga maitum, nag-ayo ang kagidkid, matinlo sia; kag ang sacerdote maglawag sa iya nga matinlo.
38“Kon ang isa ka lalaki ukon babayi may mga lamuti sa panit sang iya unud, mga lamuti nga maputi, 39tan-awon sia sang sacerdote, kag kon ang mga lamuti sa panit sang unud maputi nga malubog, katikati ini nga nagbuka sa panit; matinlo sia.
40“Kon ang olo sang isa ka tawo naunutan sing bohok, upaw sia apang matinlo sia. 41Kag kon ang iya bohok naunut nayon sa iya agtang, upaw sia sa agtang apang matinlo sia. 42Apang kon sa upaw nga olo ukon sa upaw nga agtang may mapulapula nga maputi nga balatian, aro ini nga nagbuka sa upaw nga olo ukon sa iya upaw nga agtang. 43Niyan tan-awon sia sang sacerdote, kag kon ang habal sang balatian mapulapula nga maputi sa iya upaw nga olo ukon sa iya upaw nga agtang, subong sang dagway sang aro sa panit sang unud, 44aroon sia nga tawo, dimatinlo sia; ang sacerdote dapat maglawag sa iya nga dimatinlo; yara sa iya olo ang iya balatian.
45“Ang aroon nga yara sa iya ang balatian ang iya mga panapton kusniton kag ang bohok sang iya olo pabunghayon, kag lipnan niya ang iya naibabaw nga bibig kag magsinggit, ‘Dimatinlo, dimatinlo. 46Sa tanan nga mga adlaw nga yara sa iya ang balatian mangindimatinlo sia; dimatinlo sia; magpuyo sia nga isa lamang sa puluy-an sa gowa sang dologan.
47“Kon ang panapton man may balatian nga aro, bisan ini panapton nga dilana ukon panapton nga lino, 48bisan ini yara sa patindug ukon sa pugawa nga lino ukon dilana, ukon sa panit ukon sa bisan ano nga butang nga ginhimo sa panit, 49kon ang balatian buluberde ukon mapulapula sa panapton, ukon sa panit ukon sa patindug ukon sa pugawa ukon sa bisan ano nga butang nga ginhimo sa panit, balatian nga aro ini kag ipakita sa sacerdote. 50Kag tan-awon sang sacerdote ang balatian, kag bukuton ang may balatian sing pito ka adlaw; 51niyan tan-awon niya ang balatian sa ikapito nga adlaw. Kon ang balatian naglapad sa panapton, bisan sa patindug ukon sa pugawa, ukon sa panit, sa bisan ano nga buluhaton nga ginagamit ang panit, ini malala nga aro; dimatinlo ini. 52Kag sonogon niya ang panapton, bisan ang patindug ukon ang pugawa, nga dilana ukon lino, ukon bisan ano nga butang nga panit, nga yara ang balatian, kay malala ini nga aro; sonogon ini sa kalayo.
53“Kag tan-awon sang sacerdote, kag kon ang balatian wala maglapad sa panapton sa patindug ukon sa pugawa ukon sa bisan ano nga butang nga panit, 54niyan ang sacerdote magsogo nga bunakan nila ang butang nga sa iya yara ang balatian, kag bukuton niya ini sing pito pa ka adlaw; 55kag tan-awon sang sacerdote ang balatian sa tapus na mabunakan. Kag kon ang balatian wala magbalhin ang iya duag, kag wala maglapad ang balatian, dimatinlo ini; sonogon mo ini sa kalayo, malala ini, bisan ang paglubad sa sulud ukon sa kadaygan.
56“Apang kon tan-awon sang sacerdote, kag ang balatian nalaya sa tapus nga nabunakan ini, pakniton niya ini gikan sa panapton ukon gikan sa panit ukon gikan sa patindug ukon gikan sa pugawa; 57Iniyan kon maglutaw pa liwat sa panapton, sa patindug ukon sa pugawa, ukon sa bisan anong butang nga panit, ini nagbuka; sonogon mo sa kalayo ang butang nga sa iya yara ang balatian. 58Apang ang panapton, patindug ukon pugawa, ukon anong butang nga panit nga nabunakan mo, kon madula sa ila ang balatian, niyan bunakan ini sa ikaduhang tion, kag magamatinlo.”
59Ini amo ang kasogoan nahanungud sang balatian nga aro sa panapton nga dilana ukon sa lino, sa patindug ukon sa pugawa, ukon sa bisan anong butang nga panit, sa paglawag sini nga matinlo ukon dimatinlo.
Currently Selected:
LEVITICO 13: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
LEVITICO 13
13
Mga Kasogoan nahanungud sa Aro
1Ang Ginoo nagpamolong kay Moises kag kay Aaron, 2“Kon ang isa ka tawo may panghabal sa panit sang iya unud ukon dukut ukon lamuti, kag nahimo nga balatian nga aro sa panit sang iya unud, niyan dalhon sia kay Aaron nga sacerdote ukon sa isa sang iya mga anak nga mga sacerdote, 3kag ang sacerdote magtan-aw sang balatian sa panit sang iya unud; kag kon ang bulbul sa balatian nagputi kag ang dagway sang balatian madalum pa sa panit sang iya unud, ini balatian nga aro; kag tan-awon sia sang sacerdote kag lawagon sia nga dimatinlo. 4Apang kon ang lamuti maputi sa panit sang iya unud, kag ang iya dagway indi madalum pa sa panit, kag ang bulbul sa iya wala magputi, niyan bukuton sang sacerdote ang may balatian sing pito ka adlaw; 5kag tan-awon sia sang sacerdote sa adlaw nga ikapito, kag kon sa iya itololok ang balatian nagdolog kag wala maglapta ang balatian sa panit, niyan bukuton sia sang sacerdote sing pito pa ka adlaw; 6kag tan-awon sia liwat sang sacerdote sa ikapito nga adlaw, kag kon ang balatian nalaya kag wala maglapta sa panit ang balatian, niyan ang sacerdote maglawag sa iya nga matinlo; dukut ini; kag magbunak sia sang iya mga panapton, kag magmatinlo. 7Apang kon ang dukut naglapta sa panit, sa tapus nga nakapakita sia sa sacerdote nga sa iya pagpaninlo, magpatan-aw sia liwat sa sacerdote; 8kag ang sacerdote magtan-aw, kag kon ang dukut naglapad sa panit, niyan ang sacerdote maglawag sa iya nga dimatinlo; aro ini.
9“Kon ang balatian sang aro yara sa tawo, niyan dalhon sia sa sacerdote; 10kag ang sacerdote magtan-aw, kag kon may nagabut-ul nga maputi sa panit, kag nagpaputi sang bulbul, kag may nagabuad-ad nga unud nga buhi sa but-ul, 11aro ini nga daan sa panit sang iya unud, kag ang sacerdote maglawag sa iya nga dimatinlo; dili niya sia pagbukuton, kay dimatinlo sia. 12Kag kon ang aro nagbuka sing lapta sa panit, kag ang aro nagbuka sa bug-os nga panit sang may balatian kutub sa olo tubtub sa iya mga tiil, tubtub sa nagapahayag sa sacerdote, 13niyan magtan-aw ang sacerdote, kag kon ang aro naghil-ob sang bug-os niya nga unud, lawagon niya nga matinlo sia nga may balatian; nagputi ini tanan, kag matinlo sia. 14Apang bisan san-o nga magalutaw sa iya ang unud nga buhi, mangindimatinlo sia. 15Kag ang sacerdote magtan-aw sang unud nga buhi, kag maglawag sa iya nga dimatinlo; ang unud nga buhi dimatinlo, aro ini. 16Apang kon ang unud nga buhi magbaylo kag magputi, niyan sia magkadto sa sacerdote, 17kag tan-awon sia sang sacerdote, kag kon nagputi ang balatian, niyan lawagon nga matinlo sang sacerdote sia nga may balatian; matinlo sia.
18“Kag kon ang unud may hubag sa panit niya, kag ini nag-ayo, 19kag sa duug sang hubag may but-ul nga maputi ukon lamuti nga mapulapula nga maputi, niyan ipatan-aw ini sa sacerdote; 20kag ang sacerdote magtan-aw, kag kon ang dagway niya madalum pa sa panit kag ang bulbul sa iya nagputi, niyan ang sacerdote maglawag sa iya nga dimatinlo; balatian ini nga aro, nagbuka ini sa hubag. 21Apang kon ang sacerdote magtan-aw sini, kag wala sing bulbul nga maputi sa sini kag ini indi madalum pa sa panit, kondi nalaya, niyan bukuton sia sang sacerdote sing pito ka adlaw; 22kag kon naglapta ini sa panit, niyan ang sacerdote maglawag sa iya nga dimatinlo; balatian ini. 23Apang kon ang lamuti nagdolog sa iya duug kag wala maglapad, pinalian ini sang hubag; kag ang sacerdote maglawag sa iya nga matinlo.
24“Ukon, kon sa panit sang unud may paso sang kalayo kag ang buad-ad nga unud sang paso mahimo nga lamuti, mapulapula nga maputi ukon maputi, 25tan-awon ini sang sacerdote, kag kon ang bulbul nagputi sa lamuti kag ang dagway madalum pa sa panit, aro ini; nagbuka ini sa paso, kag ang sacerdote maglawag sa iya nga dimatinlo; balatian nga aro ini. 26Apang kon ang sacerdote magtan-aw sini, kag wala sing bulbul nga maputi sa lamuti kag indi madalum pa sa panit, kondi nagpali, niya ang sacerdote magbukut sa iya sing pito ka adlaw, 27kag tan-awon sia sang sacerdote sa ikapito nga adlaw; kon naglapta ini sa panit, niyan ang sacerdote magalawag sa iya nga dimatinlo; balatian nga aro ini. 28Apang kon ang lamuti magdolog sa iya duug kag wala maglapad sa panit, kondi nalaya, habok sang paso ini, kag ang sacerdote maglawag sa iya nga matinlo; kay ini pinalian sang paso.
29“Kon ang isa ka lalaki ukon babayi may balatian sa olo ukon sa bungut, 30ang sacerdote magtan-aw sang balatian; kag kon ang iya dagway madalum pa sa panit, kag sa iya may bohok nga pino nga dalag, niyan ang sacerdote magalawag sa iya nga dimatinlo; kagidkid ini, aro ini sa olo ukon sa bungut. 31Kag kon ang sacerdote magtan-aw sang balatian sang kagidkid, kag ang dagway niya indi madalum pa sa panit kag sa iya wala sing bohok nga maitum, niyan sia nga may balatian sang kagidkid bukuton sang sacerdote sing pito ka adlaw, 32kag tan-awon sang sacerdote ang balatian sa ikapito nga adlaw; kag kon ang kagidkid wala maglapad, kag wala sa iya sing bohok nga dalag, kag ang dagway sang kagidkid indi madalum pa sa panit, 33niyan kiskisan sia, apang indi niya pagkiskisan ang kagidkid; kag bukuton sang sacerdote ang may kagidkid sing pito pa ka adlaw; 34kag tan-awon sang sacerdote ang kagidkid sa ikapito nga adlaw, kag kon ang kagidkid wala maglapad sa panit kag ang iya dagway indi madalum pa sa panit, niyan ang sacerdote maglawag sa iya nga matinlo; kag bunakan niya ang iya mga panapton, kag magmatinlo. 35Apang kon ang kagidkid maglapta sa panit sa tapus sang iya pagpaninlo, 36Iniyan tan-awon sia sang sacerdote, kag kon ang kagidkid naglapad sa panit, ang sacerdote dili na magpangita sang bohok nga dalag; dimatinlo sia. 37Apang kon sa iya itololok ang kagidkid nagdolog, kag nagtubo sa iya ang bohok nga maitum, nag-ayo ang kagidkid, matinlo sia; kag ang sacerdote maglawag sa iya nga matinlo.
38“Kon ang isa ka lalaki ukon babayi may mga lamuti sa panit sang iya unud, mga lamuti nga maputi, 39tan-awon sia sang sacerdote, kag kon ang mga lamuti sa panit sang unud maputi nga malubog, katikati ini nga nagbuka sa panit; matinlo sia.
40“Kon ang olo sang isa ka tawo naunutan sing bohok, upaw sia apang matinlo sia. 41Kag kon ang iya bohok naunut nayon sa iya agtang, upaw sia sa agtang apang matinlo sia. 42Apang kon sa upaw nga olo ukon sa upaw nga agtang may mapulapula nga maputi nga balatian, aro ini nga nagbuka sa upaw nga olo ukon sa iya upaw nga agtang. 43Niyan tan-awon sia sang sacerdote, kag kon ang habal sang balatian mapulapula nga maputi sa iya upaw nga olo ukon sa iya upaw nga agtang, subong sang dagway sang aro sa panit sang unud, 44aroon sia nga tawo, dimatinlo sia; ang sacerdote dapat maglawag sa iya nga dimatinlo; yara sa iya olo ang iya balatian.
45“Ang aroon nga yara sa iya ang balatian ang iya mga panapton kusniton kag ang bohok sang iya olo pabunghayon, kag lipnan niya ang iya naibabaw nga bibig kag magsinggit, ‘Dimatinlo, dimatinlo. 46Sa tanan nga mga adlaw nga yara sa iya ang balatian mangindimatinlo sia; dimatinlo sia; magpuyo sia nga isa lamang sa puluy-an sa gowa sang dologan.
47“Kon ang panapton man may balatian nga aro, bisan ini panapton nga dilana ukon panapton nga lino, 48bisan ini yara sa patindug ukon sa pugawa nga lino ukon dilana, ukon sa panit ukon sa bisan ano nga butang nga ginhimo sa panit, 49kon ang balatian buluberde ukon mapulapula sa panapton, ukon sa panit ukon sa patindug ukon sa pugawa ukon sa bisan ano nga butang nga ginhimo sa panit, balatian nga aro ini kag ipakita sa sacerdote. 50Kag tan-awon sang sacerdote ang balatian, kag bukuton ang may balatian sing pito ka adlaw; 51niyan tan-awon niya ang balatian sa ikapito nga adlaw. Kon ang balatian naglapad sa panapton, bisan sa patindug ukon sa pugawa, ukon sa panit, sa bisan ano nga buluhaton nga ginagamit ang panit, ini malala nga aro; dimatinlo ini. 52Kag sonogon niya ang panapton, bisan ang patindug ukon ang pugawa, nga dilana ukon lino, ukon bisan ano nga butang nga panit, nga yara ang balatian, kay malala ini nga aro; sonogon ini sa kalayo.
53“Kag tan-awon sang sacerdote, kag kon ang balatian wala maglapad sa panapton sa patindug ukon sa pugawa ukon sa bisan ano nga butang nga panit, 54niyan ang sacerdote magsogo nga bunakan nila ang butang nga sa iya yara ang balatian, kag bukuton niya ini sing pito pa ka adlaw; 55kag tan-awon sang sacerdote ang balatian sa tapus na mabunakan. Kag kon ang balatian wala magbalhin ang iya duag, kag wala maglapad ang balatian, dimatinlo ini; sonogon mo ini sa kalayo, malala ini, bisan ang paglubad sa sulud ukon sa kadaygan.
56“Apang kon tan-awon sang sacerdote, kag ang balatian nalaya sa tapus nga nabunakan ini, pakniton niya ini gikan sa panapton ukon gikan sa panit ukon gikan sa patindug ukon gikan sa pugawa; 57Iniyan kon maglutaw pa liwat sa panapton, sa patindug ukon sa pugawa, ukon sa bisan anong butang nga panit, ini nagbuka; sonogon mo sa kalayo ang butang nga sa iya yara ang balatian. 58Apang ang panapton, patindug ukon pugawa, ukon anong butang nga panit nga nabunakan mo, kon madula sa ila ang balatian, niyan bunakan ini sa ikaduhang tion, kag magamatinlo.”
59Ini amo ang kasogoan nahanungud sang balatian nga aro sa panapton nga dilana ukon sa lino, sa patindug ukon sa pugawa, ukon sa bisan anong butang nga panit, sa paglawag sini nga matinlo ukon dimatinlo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society