JOB 9
9
Si Job Indi Makasabat sa Dios
1Niyan si Job nagsabat:
2“Sa pagkamatuud nahibaloan ko nga amo ini:
Apang paano bala nga magmatarung ang tawo sa Dios?
3Kon buut sia magpakigsuay sa iya,
indi sia makasabat sa iya sing isa sa isa ka libo.
4Sia maalam sa tagiposoon, kag gamhanan sa kusug
—sin-o bala ang nagpatig-a sang iya kaugalingon batok sa iya, kag nag-uswag?—
5sia nga nagahalin sang mga bukid, kag sila wala makahibalo sini,
kon baliskaron niya sila sa iya kaakig;
6nga nagauyog sang duta gikan sa iya duug,
kag ang iya mga haligi nagatay-og;
7nga nagasogo sang adlaw, kag wala ini nagasubang;
nga nagatakud sang mga bitoon;
8nga isa lamang nga nagahumlad sang kalangitan,
kag nagalatay sa kabaluran sang dagat;
9nga naghimo sang Oso kag Orion,
sang mga Pleyades#Job 38:31; Amos 5:8. kag mga hulut sang bagatnan;
10nga nagahimo sing mga butang nga dalagku nga indi matungkad,
hoo, makatilingala nga mga butang nga indi maisip.
11Yari karon, nagalabay sia sa akon, kag wala ko makita sia;
nagaagi man sia, apang wala ako makatalupangud sa iya.
12Yari karon, ginadakup niya ang inagaw; sin-o bala ang makapugung sa iya?
Sin-o bala ang magasiling sa iya, ‘Ano bala ang ginahimo mo’?
13“Ang Dios indi magbawi sang iya kaakig;
ang mga manugbulig sang Rahab nagduko sa idalum niya.
14Daw ano pa gid bala kakubus ang pagsabat ko sa iya,
ang pagpili sang akon mga polong sa pagbais sa iya?
15Sa iya, bisan ako matarung, indi ako magsabat;
magaampo ako sa akon hukom.
16Kon nakapanawag ako kag sia nakasabat sa akon,
indi ako magpati nga nagpamati sia sa akon tingug.
17Kay ginabali niya ako sang unus,
kag ginapadamu ang akon mga pilas sa wala sing kabangdanan;
18indi niya ako pagtugutan nga makaginhawa ako,
kondi ginapuno niya ako sing kapaitan.
19Kon magpamolong kita sang kusug, yari karon gamhanan sia!
Kon sang pagkatarung, sin-o bala ang magatawag sa iya?
20Bisan ako matarung, ang akon baba magatagudili sa akon;
bisan ako himpit, pamatud-an niya ako nga balingag.
21Ako himpit; wala ako nagasapak sang akon kaugalingon;
ginatamay ko ang akon kabuhi.
22Isa lamang ini tanan; busa nagasiling ako,
ginalaglag niya ang himpit kag ang malauton.
23Kon ang bunal nagapatay sa gilayon,
magauligyat sia sa pagtilaw sang wala sing sala.
24Ang duta ginhatag sa kamut sang mga malaut;
ginatabonan niya ang mga nawung sang mga hukom sini—
kon indi ini sia, niyan sin-o bala ini?
25“Karon ang akon mga adlaw madasig pa sa manugdalagan;
Nagpalagyo sila, wala sila sing nakita nga kaayohan.
26Nagataliwan sila subong sang mga sakayan nga madasig,
subong sang aguila nga nagasanggit sa dalagiton.
27Kon magsiling ako, ‘Kalimtan ko ang akon yamo,
huklason ko ang akon masubo nga nawung, kag magkalipay,’
28nahadluk ako sa akon mga kasubo,
nahibaloan ko nga indi mo ako pagkabigon nga wala sing sala.
29Pagatagudilian ako;
ngaa bala niyan nga nagapangabudlay ako sa wala sing pulus?
30Kon magpaninlo ako sang tubig sang nieve,
kag magpaninlo gid sang akon kamut,
31apang itagbong mo ako sa kalog,
kag ang akon kaugalingon nga mga panapton magakangil-ad sa akon.
32Kay indi sia tawo, subong sa akon, nga magsabat ako sa iya,
nga magkadto kami sing tingub sa hulukmanan.
33Wala sing manughusay sa tunga namon,
nga magkaput sa amon nga duha.
34Magkuha sia gikan sa akon sang iya bilogon,
kag dili magpahadluk sa akon ang iya kakugmat.
35Niyan magapamolong ako kag indi mahadluk sa iya,
kay indi ako amo ini sa akon kaugalingon.
Currently Selected:
JOB 9: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
JOB 9
9
Si Job Indi Makasabat sa Dios
1Niyan si Job nagsabat:
2“Sa pagkamatuud nahibaloan ko nga amo ini:
Apang paano bala nga magmatarung ang tawo sa Dios?
3Kon buut sia magpakigsuay sa iya,
indi sia makasabat sa iya sing isa sa isa ka libo.
4Sia maalam sa tagiposoon, kag gamhanan sa kusug
—sin-o bala ang nagpatig-a sang iya kaugalingon batok sa iya, kag nag-uswag?—
5sia nga nagahalin sang mga bukid, kag sila wala makahibalo sini,
kon baliskaron niya sila sa iya kaakig;
6nga nagauyog sang duta gikan sa iya duug,
kag ang iya mga haligi nagatay-og;
7nga nagasogo sang adlaw, kag wala ini nagasubang;
nga nagatakud sang mga bitoon;
8nga isa lamang nga nagahumlad sang kalangitan,
kag nagalatay sa kabaluran sang dagat;
9nga naghimo sang Oso kag Orion,
sang mga Pleyades#Job 38:31; Amos 5:8. kag mga hulut sang bagatnan;
10nga nagahimo sing mga butang nga dalagku nga indi matungkad,
hoo, makatilingala nga mga butang nga indi maisip.
11Yari karon, nagalabay sia sa akon, kag wala ko makita sia;
nagaagi man sia, apang wala ako makatalupangud sa iya.
12Yari karon, ginadakup niya ang inagaw; sin-o bala ang makapugung sa iya?
Sin-o bala ang magasiling sa iya, ‘Ano bala ang ginahimo mo’?
13“Ang Dios indi magbawi sang iya kaakig;
ang mga manugbulig sang Rahab nagduko sa idalum niya.
14Daw ano pa gid bala kakubus ang pagsabat ko sa iya,
ang pagpili sang akon mga polong sa pagbais sa iya?
15Sa iya, bisan ako matarung, indi ako magsabat;
magaampo ako sa akon hukom.
16Kon nakapanawag ako kag sia nakasabat sa akon,
indi ako magpati nga nagpamati sia sa akon tingug.
17Kay ginabali niya ako sang unus,
kag ginapadamu ang akon mga pilas sa wala sing kabangdanan;
18indi niya ako pagtugutan nga makaginhawa ako,
kondi ginapuno niya ako sing kapaitan.
19Kon magpamolong kita sang kusug, yari karon gamhanan sia!
Kon sang pagkatarung, sin-o bala ang magatawag sa iya?
20Bisan ako matarung, ang akon baba magatagudili sa akon;
bisan ako himpit, pamatud-an niya ako nga balingag.
21Ako himpit; wala ako nagasapak sang akon kaugalingon;
ginatamay ko ang akon kabuhi.
22Isa lamang ini tanan; busa nagasiling ako,
ginalaglag niya ang himpit kag ang malauton.
23Kon ang bunal nagapatay sa gilayon,
magauligyat sia sa pagtilaw sang wala sing sala.
24Ang duta ginhatag sa kamut sang mga malaut;
ginatabonan niya ang mga nawung sang mga hukom sini—
kon indi ini sia, niyan sin-o bala ini?
25“Karon ang akon mga adlaw madasig pa sa manugdalagan;
Nagpalagyo sila, wala sila sing nakita nga kaayohan.
26Nagataliwan sila subong sang mga sakayan nga madasig,
subong sang aguila nga nagasanggit sa dalagiton.
27Kon magsiling ako, ‘Kalimtan ko ang akon yamo,
huklason ko ang akon masubo nga nawung, kag magkalipay,’
28nahadluk ako sa akon mga kasubo,
nahibaloan ko nga indi mo ako pagkabigon nga wala sing sala.
29Pagatagudilian ako;
ngaa bala niyan nga nagapangabudlay ako sa wala sing pulus?
30Kon magpaninlo ako sang tubig sang nieve,
kag magpaninlo gid sang akon kamut,
31apang itagbong mo ako sa kalog,
kag ang akon kaugalingon nga mga panapton magakangil-ad sa akon.
32Kay indi sia tawo, subong sa akon, nga magsabat ako sa iya,
nga magkadto kami sing tingub sa hulukmanan.
33Wala sing manughusay sa tunga namon,
nga magkaput sa amon nga duha.
34Magkuha sia gikan sa akon sang iya bilogon,
kag dili magpahadluk sa akon ang iya kakugmat.
35Niyan magapamolong ako kag indi mahadluk sa iya,
kay indi ako amo ini sa akon kaugalingon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society