JOB 7
7
Si Job Nagapakigsuay sa Dios
1“Wala bala sing pagpakig-away sa tawo sa duta,
kag ang iya mga adlaw indi bala kaangay sang mga adlaw sang mamumugon?
2Subong sang alagad nga nagahandum sing hanuut sang landong,
kag subong sang mamumugon nga nagapangita sang iya sohol,
3sa amo ginpaangkon ako sing mga bulan sang pagkamakalolooy,
kag makatalaka nga mga kagab-ihon ginpat-ud sa akon.
4Kon maghigda ako nagasiling ako, ‘San-o bala ako magabangon?’
Apang ang kagab-ihon malawig,
kag puno ako sang pagbulubaliskad tubtub sa pamanagbanag.
5Ang akon unud napanaptan sing mga ulud kag mga kugan nga yab-ok;
ang akon panit nagapali, kag nagabuka sing bag-o.
6Ang akon mga adlaw madasig pa sa lansadera sang manughabol,
kag ginhinguyang nga wala sing paglaum.
7“O dumduma nga ang akon kabuhi isa ka gininhawa;
ang akon mga mata indi na makakita sing kaayohan.
8Ang mata sang nagatan-aw sa akon indi na makakita sa akon;
ang imo mga mata magatolok sa akon, kag wala na ako.
9Subong sang panganud nga nagakapanas kag nagakawala,
sa amo ang nagapanaug sa Sheol indi na magsaka;
10indi na sia magbalik sa iya balay,
kag ang iya duug indi na makakilala sa iya.
11“Busa indi ako magpugung sang akon baba;
magapamolong ako sa kangitngitan sang akon espiritu;
magayamo ako sa kapaitan sang akon kalag.
12Dagat bala ako, ukon dragon sa dagat,
nga ginapabantayan mo ako?
13Kon magsiling ako, ‘Lipayon ako sang akon higdaan,
ang akon hiligdaan magapahaganhagan sang akon kasakit,’
14niyan ginapahadluk mo ako sing mga damgo
kag ginapakugmat ako paagi sa mga palanan-awon,
15sa bagay nga ang akon kalag nagapili sang pagkuga
kag kamatayon sang sa akon mga tul-an.
16Ginatak-an ako sang akon kabuhi; indi ako buut magkabuhi sa gihapon.
Pabaya-i ako, kay ang akon mga adlaw isa ka gininhawa.
17Ano bala ang tawo, nga pakadakuon mo sia,
kag nga pagsapakon mo sia,#Sal. 8:4; 144:3.
18nga duawon mo sia agaaga,
kag tilawan sia tiontion?
19Tubtub bala san-o nga indi ka na magtolok sa akon,
ukon pabay-an mo ako tubtub nga matolon ko ang akon laway?
20Kon nakasala ako, ano bala ang ginahimo ko sa imo, O ikaw nga manugbantay sang mga tawo?
Ngaa bala nga ginbutang mo ako nga iligoon mo?
Ngaa bala nga nanginlulan ako sa imo?
21Ngaa bala nga wala mo pagpatawara ang akon paglalis
kag pagkuhaa ang akon kalautan?
Kay karon magahigda ako sa yab-ok;
ikaw magapangita sa akon sing makugihon, apang wala na ako.”
Currently Selected:
JOB 7: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
JOB 7
7
Si Job Nagapakigsuay sa Dios
1“Wala bala sing pagpakig-away sa tawo sa duta,
kag ang iya mga adlaw indi bala kaangay sang mga adlaw sang mamumugon?
2Subong sang alagad nga nagahandum sing hanuut sang landong,
kag subong sang mamumugon nga nagapangita sang iya sohol,
3sa amo ginpaangkon ako sing mga bulan sang pagkamakalolooy,
kag makatalaka nga mga kagab-ihon ginpat-ud sa akon.
4Kon maghigda ako nagasiling ako, ‘San-o bala ako magabangon?’
Apang ang kagab-ihon malawig,
kag puno ako sang pagbulubaliskad tubtub sa pamanagbanag.
5Ang akon unud napanaptan sing mga ulud kag mga kugan nga yab-ok;
ang akon panit nagapali, kag nagabuka sing bag-o.
6Ang akon mga adlaw madasig pa sa lansadera sang manughabol,
kag ginhinguyang nga wala sing paglaum.
7“O dumduma nga ang akon kabuhi isa ka gininhawa;
ang akon mga mata indi na makakita sing kaayohan.
8Ang mata sang nagatan-aw sa akon indi na makakita sa akon;
ang imo mga mata magatolok sa akon, kag wala na ako.
9Subong sang panganud nga nagakapanas kag nagakawala,
sa amo ang nagapanaug sa Sheol indi na magsaka;
10indi na sia magbalik sa iya balay,
kag ang iya duug indi na makakilala sa iya.
11“Busa indi ako magpugung sang akon baba;
magapamolong ako sa kangitngitan sang akon espiritu;
magayamo ako sa kapaitan sang akon kalag.
12Dagat bala ako, ukon dragon sa dagat,
nga ginapabantayan mo ako?
13Kon magsiling ako, ‘Lipayon ako sang akon higdaan,
ang akon hiligdaan magapahaganhagan sang akon kasakit,’
14niyan ginapahadluk mo ako sing mga damgo
kag ginapakugmat ako paagi sa mga palanan-awon,
15sa bagay nga ang akon kalag nagapili sang pagkuga
kag kamatayon sang sa akon mga tul-an.
16Ginatak-an ako sang akon kabuhi; indi ako buut magkabuhi sa gihapon.
Pabaya-i ako, kay ang akon mga adlaw isa ka gininhawa.
17Ano bala ang tawo, nga pakadakuon mo sia,
kag nga pagsapakon mo sia,#Sal. 8:4; 144:3.
18nga duawon mo sia agaaga,
kag tilawan sia tiontion?
19Tubtub bala san-o nga indi ka na magtolok sa akon,
ukon pabay-an mo ako tubtub nga matolon ko ang akon laway?
20Kon nakasala ako, ano bala ang ginahimo ko sa imo, O ikaw nga manugbantay sang mga tawo?
Ngaa bala nga ginbutang mo ako nga iligoon mo?
Ngaa bala nga nanginlulan ako sa imo?
21Ngaa bala nga wala mo pagpatawara ang akon paglalis
kag pagkuhaa ang akon kalautan?
Kay karon magahigda ako sa yab-ok;
ikaw magapangita sa akon sing makugihon, apang wala na ako.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society