JOB 32
32
Si Elihu Nagapakamatarung sang Iya Katarungan sa Pagsabat kay Job
1Gani ining tatlo ka tawo nag-untat sa pagsabat kay Job, bangud nga sia matarung sa iya kaugalingon nga mga mata. 2Niyan nagdabdab ang kasingkal ni Elihu nga anak ni Baraquel nga Buzhanon, gikan sa panimalay ni Ram. Nagdabdab ang iya kasingkal batok kay Job bangud nga ginpakamatarung niya ang iya kaugalingon sang sa Dios; 3nagdabdab man ang iya kasingkal batok sa iya tatlo ka abyan bangud nga wala sila makakita sing sabat, bisan pa nagtagudili kay Job. 4Karon si Elihu nag-anganangan sa paghambal kay Job bangud nga sila magulang pa sa iya. 5Kag sang nakita ni Elihu nga walay sabat sa baba sining tatlo ka tawo, ang iya kasingkal nagdabdab.
6Kag si Elihu nga anak ni Baraquel nga Buzhanon nagsabat:
“Ako bataon,
kag kamo tama ka tigulang;
busa nagpaumud ako kag wala magpangahas
sa pagpahayag sa inyo sang akon kaisipan.
7Ako nagsiling, ‘Ang mga adlaw maghambal,
kag ang kadamuon sang mga tuig magtudlo sing kaalam.’
8Apang may espiritu sa tawo,
ang ginhawa sang Makaako,
nagahatag sa ila sing paghangup.
9Indi ang kadalagkuan ang maalam,
ukon ang mga tigulang ang nakahangup sing katarungan.
10Busa nagasiling ako, ‘Pamati kamo sa akon;
ako man magapahayag sang akon kaisipan.’
11“Yari karon, naghulat ako sang inyo mga polong,
nagpamati ako sa inyo mga panghimatarung,
samtang nagpangita kamo sang inyo isiling.
12Nagpamati ako sa inyo,
kag, yari karon, wala gid sing nakabuyok kay Job,
ukon may nakasabat sa inyo sang iya mga polong.
13Mag-andam basi magsiling kamo, ‘Kami nakakita sing kaalam;
ang Dios maglutus sa iya, indi ang tawo.’
14Kay wala niya pag-itumud ang iya mga polong batok sa akon,
kag indi ako magsabat sa iya sa inyo mga hambal.
15“Naorongan sila, wala na sila magsabat;
wala na sila sing polong nga isiling.
16Kag magahulat bala ako, bangud nga wala sila magpamolong,
bangud nga nagpahimonong sila, kag wala na magsabat?
17Ako man magasabat sa akon bahin;
ako man magapahayag sang akon kaisipan.
18Kay puno ako sang mga polong,
ang espiritu sa sulud nakon nagapilit sa akon.
19Yari karon, ang akon dughan subong sang alak nga wala sing sulungawan;
kaangay sang bag-ong mga panit nga suludlan sing alak, ini buut na mabusdik.
20Magapamolong ako, agud nga maumpawan ako;
magatikab ako sang akon mga bibig kag magasabat.
21Indi ako magpasulabi sa bisan sin-ong tawo
ukon maghatag sing pagdayawdayaw sa bisan kay sin-ong tawo.
22Kay indi ako makahibalo maghatag sing pagdayawdayaw,
basi kon kuhaon ako sa madali sang akon Magbubuhat.
Currently Selected:
JOB 32: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
JOB 32
32
Si Elihu Nagapakamatarung sang Iya Katarungan sa Pagsabat kay Job
1Gani ining tatlo ka tawo nag-untat sa pagsabat kay Job, bangud nga sia matarung sa iya kaugalingon nga mga mata. 2Niyan nagdabdab ang kasingkal ni Elihu nga anak ni Baraquel nga Buzhanon, gikan sa panimalay ni Ram. Nagdabdab ang iya kasingkal batok kay Job bangud nga ginpakamatarung niya ang iya kaugalingon sang sa Dios; 3nagdabdab man ang iya kasingkal batok sa iya tatlo ka abyan bangud nga wala sila makakita sing sabat, bisan pa nagtagudili kay Job. 4Karon si Elihu nag-anganangan sa paghambal kay Job bangud nga sila magulang pa sa iya. 5Kag sang nakita ni Elihu nga walay sabat sa baba sining tatlo ka tawo, ang iya kasingkal nagdabdab.
6Kag si Elihu nga anak ni Baraquel nga Buzhanon nagsabat:
“Ako bataon,
kag kamo tama ka tigulang;
busa nagpaumud ako kag wala magpangahas
sa pagpahayag sa inyo sang akon kaisipan.
7Ako nagsiling, ‘Ang mga adlaw maghambal,
kag ang kadamuon sang mga tuig magtudlo sing kaalam.’
8Apang may espiritu sa tawo,
ang ginhawa sang Makaako,
nagahatag sa ila sing paghangup.
9Indi ang kadalagkuan ang maalam,
ukon ang mga tigulang ang nakahangup sing katarungan.
10Busa nagasiling ako, ‘Pamati kamo sa akon;
ako man magapahayag sang akon kaisipan.’
11“Yari karon, naghulat ako sang inyo mga polong,
nagpamati ako sa inyo mga panghimatarung,
samtang nagpangita kamo sang inyo isiling.
12Nagpamati ako sa inyo,
kag, yari karon, wala gid sing nakabuyok kay Job,
ukon may nakasabat sa inyo sang iya mga polong.
13Mag-andam basi magsiling kamo, ‘Kami nakakita sing kaalam;
ang Dios maglutus sa iya, indi ang tawo.’
14Kay wala niya pag-itumud ang iya mga polong batok sa akon,
kag indi ako magsabat sa iya sa inyo mga hambal.
15“Naorongan sila, wala na sila magsabat;
wala na sila sing polong nga isiling.
16Kag magahulat bala ako, bangud nga wala sila magpamolong,
bangud nga nagpahimonong sila, kag wala na magsabat?
17Ako man magasabat sa akon bahin;
ako man magapahayag sang akon kaisipan.
18Kay puno ako sang mga polong,
ang espiritu sa sulud nakon nagapilit sa akon.
19Yari karon, ang akon dughan subong sang alak nga wala sing sulungawan;
kaangay sang bag-ong mga panit nga suludlan sing alak, ini buut na mabusdik.
20Magapamolong ako, agud nga maumpawan ako;
magatikab ako sang akon mga bibig kag magasabat.
21Indi ako magpasulabi sa bisan sin-ong tawo
ukon maghatag sing pagdayawdayaw sa bisan kay sin-ong tawo.
22Kay indi ako makahibalo maghatag sing pagdayawdayaw,
basi kon kuhaon ako sa madali sang akon Magbubuhat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society