OSEAS 2
2
Ang Paghigugma sang Ginoo sa Iya Dimatutum nga Katawohan
1Isiling ninyo sa inyo mga utud, Ami,#2:1 Kon sayoron Akon katawohan. kag sa inyo mga utud nga babayi, Ruhama.#2:1 Kon sayoron Ang nakaagum sing kalooy.
2“Suaya ang inyo iloy, suaya—
kay sia indi ko asawa,
kag ako indi iya bana—
ipasikway sa iya ang iya mga pagkamakihilawason sa iya nawung,
kag ang iya mga pagkamakihilahion sa ulut sang iya mga soso;
3basi nga hublasan ko sia
kag bayaan sia subong sang sa adlaw nga natawo sia,
kag himoon sia nga kamingawan,
kag bayaan sia kaangay sang kigas nga duta,
kag patyon sia sa kauhaw.
4Indi ko pagkalooyan ang iya mga anak,
kay mga anak sila sang pagkamakihilawason.
5Kay ang ila iloy nagmakihilawason;
ang nagpanamkon sa ila naghimo sing kahuluy-an.
Kay nagsiling sia, ‘Magasonod ako sa akon mga hinigugma,
nga nagahatag sa akon sang akon kalan-on kag sang akon tubig,
sang akon dilana kag sang akon lino, sang akon lana kag sang akon ilimnon.’
6Busa pulpulan ko ang imo dalan sing mga tunuk;
kag patindugon ko ang kuta batok sa iya,
agud nga indi niya matultulan ang iya mga banas.
7Magasonod sia sa iya mga hinigugma,
apang indi niya sila malambut;
kag pangitaon niya sila,
apang indi sila makita.
Niyan magasiling sia, ‘Magalakat ako
kag magabalik sa akon nahauna nga bana,
kay maayo pa sa akon sang una sang sa karon.’
8Kag wala sia makahibalo
nga ako ang naghatag sa iya
sang uyas, sang bag-o nga alak, kag sang lana,
kag nagpabuad sa iya sang pilak
kag bulawan nga gingamit nila kay Baal.
9Busa bawion ko
ang akon uyas sa iya tion,
kag ang akon bag-o nga alak sa iya panag-on;
kag kakason ang akon dilana kag akon lino,
nga magtabon kuntani sang iya kahubo.
10Karon buksan ko ang iya kahuluy-an
sa itololok sang iya mga hinigugma,
kag wala gid sing magaluwas sa iya sa akon kamut.
11Kag pauntaton ko man ang iya tanan nga kasadyahan,
ang iya mga piesta, ang iya mga lati, ang iya mga inugpahuway,
kag ang iya tanan pagtilipon nga maligdong.
12Kag laglagon ko ang iya mga uvas kag ang iya mga higuera,
nga nahanungud sa ila nagsiling sia,
‘Ini sila amo ang akon hinakay,
nga ginhatag sa akon sang akon mga hinigugma.’
Himoon ko sila nga talon,
kag kaonon sila sang kasapatan sang latagon.
13Kag iduaw ko sa iya ang mga adlaw sang mga Baal
nga sa ila nagsonog sia sing incienso
kag nagpamuni sia sang iya kaugalingon sang iya mga aritos kag iya mga huluyason,
kag nagsonod sa iya mga hinigugma,
kag nalipat sa akon, nagasiling ang Ginoo.
14“Busa, yari karon, haylohon ko sia,
kag dal-on sia sa kamingawan,
kag hambalon sia sing malolo.
15Kag kutub niyan ihatag ko sa iya ang iya mga ulubasan,
kag ang nalupyakan sa Acor#Jos. 7:24-26. nga ganhaan sang paglaum.
Kag didto magasabat sia subong sa mga adlaw sang iya pagkapamatan-on,
subong sang sa mga adlaw sang iya pagtaklad gikan sa duta sang Egipto.
16“Kag sa sadto nga adlaw, nagasiling ang Ginoo, tawgon mo ako, Ishi,#2:16 Kon sayoron Bana ko. kag indi ka na magatawag sa akon, Baali.#2:16 Kon sayoron Agalon ko. 17Kay kuhaon ko sa iya baba ang mga ngalan sang mga Baal, kag indi na gid pagsambiton sa ila ngalan. 18Kag sa sadto nga adlaw magapakigkatipan ako sa ila upud sa kasapatan sang latagon, upud sa kapispisan sang langit, kag upud sa mga butang nga nagasaug sa duta; kag balion ko ang pana kag ang espada kag untaton ang inaway gikan sa duta; kag pahigdaon ko sila sing malig-on. 19Kag itiayon ko ikaw sa akon sing dayon; itiayon ko ikaw sa akon sa pagkamatarung kag sa katarungan, sa malig-on nga paghigugma, kag sa mga kalooy. 20Itiayon ko gid ikaw sa akon sa katutum; kag makilala mo ang Ginoo.
21“Kag sa sadto nga adlaw, nagasiling ang Ginoo,
sabton ko ang mga langit,
kag sabton nila ang duta;
22kag sabton sang duta ang uyas,
ang bag-o nga alak, kag ang lana,
kag sabton nila ang Jezreel;
23kag isab-ug ko sia sa akon sa duta.
Kag kalooyan ko ang wala makaagum sing kalooy,
kag isiling ko sa mga indi akon katawohan, ‘Ikaw katawohan ko’;#Roma 9:25; 1 Ped. 2:10.
kag sila magasiling, ‘Ikaw Dios ko.’”
Currently Selected:
OSEAS 2: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
OSEAS 2
2
Ang Paghigugma sang Ginoo sa Iya Dimatutum nga Katawohan
1Isiling ninyo sa inyo mga utud, Ami,#2:1 Kon sayoron Akon katawohan. kag sa inyo mga utud nga babayi, Ruhama.#2:1 Kon sayoron Ang nakaagum sing kalooy.
2“Suaya ang inyo iloy, suaya—
kay sia indi ko asawa,
kag ako indi iya bana—
ipasikway sa iya ang iya mga pagkamakihilawason sa iya nawung,
kag ang iya mga pagkamakihilahion sa ulut sang iya mga soso;
3basi nga hublasan ko sia
kag bayaan sia subong sang sa adlaw nga natawo sia,
kag himoon sia nga kamingawan,
kag bayaan sia kaangay sang kigas nga duta,
kag patyon sia sa kauhaw.
4Indi ko pagkalooyan ang iya mga anak,
kay mga anak sila sang pagkamakihilawason.
5Kay ang ila iloy nagmakihilawason;
ang nagpanamkon sa ila naghimo sing kahuluy-an.
Kay nagsiling sia, ‘Magasonod ako sa akon mga hinigugma,
nga nagahatag sa akon sang akon kalan-on kag sang akon tubig,
sang akon dilana kag sang akon lino, sang akon lana kag sang akon ilimnon.’
6Busa pulpulan ko ang imo dalan sing mga tunuk;
kag patindugon ko ang kuta batok sa iya,
agud nga indi niya matultulan ang iya mga banas.
7Magasonod sia sa iya mga hinigugma,
apang indi niya sila malambut;
kag pangitaon niya sila,
apang indi sila makita.
Niyan magasiling sia, ‘Magalakat ako
kag magabalik sa akon nahauna nga bana,
kay maayo pa sa akon sang una sang sa karon.’
8Kag wala sia makahibalo
nga ako ang naghatag sa iya
sang uyas, sang bag-o nga alak, kag sang lana,
kag nagpabuad sa iya sang pilak
kag bulawan nga gingamit nila kay Baal.
9Busa bawion ko
ang akon uyas sa iya tion,
kag ang akon bag-o nga alak sa iya panag-on;
kag kakason ang akon dilana kag akon lino,
nga magtabon kuntani sang iya kahubo.
10Karon buksan ko ang iya kahuluy-an
sa itololok sang iya mga hinigugma,
kag wala gid sing magaluwas sa iya sa akon kamut.
11Kag pauntaton ko man ang iya tanan nga kasadyahan,
ang iya mga piesta, ang iya mga lati, ang iya mga inugpahuway,
kag ang iya tanan pagtilipon nga maligdong.
12Kag laglagon ko ang iya mga uvas kag ang iya mga higuera,
nga nahanungud sa ila nagsiling sia,
‘Ini sila amo ang akon hinakay,
nga ginhatag sa akon sang akon mga hinigugma.’
Himoon ko sila nga talon,
kag kaonon sila sang kasapatan sang latagon.
13Kag iduaw ko sa iya ang mga adlaw sang mga Baal
nga sa ila nagsonog sia sing incienso
kag nagpamuni sia sang iya kaugalingon sang iya mga aritos kag iya mga huluyason,
kag nagsonod sa iya mga hinigugma,
kag nalipat sa akon, nagasiling ang Ginoo.
14“Busa, yari karon, haylohon ko sia,
kag dal-on sia sa kamingawan,
kag hambalon sia sing malolo.
15Kag kutub niyan ihatag ko sa iya ang iya mga ulubasan,
kag ang nalupyakan sa Acor#Jos. 7:24-26. nga ganhaan sang paglaum.
Kag didto magasabat sia subong sa mga adlaw sang iya pagkapamatan-on,
subong sang sa mga adlaw sang iya pagtaklad gikan sa duta sang Egipto.
16“Kag sa sadto nga adlaw, nagasiling ang Ginoo, tawgon mo ako, Ishi,#2:16 Kon sayoron Bana ko. kag indi ka na magatawag sa akon, Baali.#2:16 Kon sayoron Agalon ko. 17Kay kuhaon ko sa iya baba ang mga ngalan sang mga Baal, kag indi na gid pagsambiton sa ila ngalan. 18Kag sa sadto nga adlaw magapakigkatipan ako sa ila upud sa kasapatan sang latagon, upud sa kapispisan sang langit, kag upud sa mga butang nga nagasaug sa duta; kag balion ko ang pana kag ang espada kag untaton ang inaway gikan sa duta; kag pahigdaon ko sila sing malig-on. 19Kag itiayon ko ikaw sa akon sing dayon; itiayon ko ikaw sa akon sa pagkamatarung kag sa katarungan, sa malig-on nga paghigugma, kag sa mga kalooy. 20Itiayon ko gid ikaw sa akon sa katutum; kag makilala mo ang Ginoo.
21“Kag sa sadto nga adlaw, nagasiling ang Ginoo,
sabton ko ang mga langit,
kag sabton nila ang duta;
22kag sabton sang duta ang uyas,
ang bag-o nga alak, kag ang lana,
kag sabton nila ang Jezreel;
23kag isab-ug ko sia sa akon sa duta.
Kag kalooyan ko ang wala makaagum sing kalooy,
kag isiling ko sa mga indi akon katawohan, ‘Ikaw katawohan ko’;#Roma 9:25; 1 Ped. 2:10.
kag sila magasiling, ‘Ikaw Dios ko.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society