EXODO 39
39
Ang Paghimo sang mga Panapton sang mga Sacerdote
(Ex. 28:1-43)
1Kag gikan sa asul kag sa purpura kag sa escarlata ginhimo nila ang mga panapton nga nahabol sing mapino, nga sa pag-alagad sa balaan nga duug; ginhimo nila ang mga panapton nga balaan nga iya ni Aaron; sono sa ginsogo sang Ginoo kay Moises.
2Kag ginhimo niya ang efod gikan sa bulawan, sa asul kag sa purpura kag sa escarlata, kag sa lino nga manipis nga binolong. 3Kag ginpapa nila ang bulawan sa mga pinanid nga manipis kag gingihaygihay ini sa mga nahotnahot sa pagsamay sini sa asul kag sa purpura sa escarlata, kag sa lino nga manipis, nga himo sang sampaton nga manugbuhat. 4Naghimo sila nga sa efod sing mga hombrera, nga natakud sa sini sa iya duha ka ukbung. 5Kag ang nahabol sing matahum nga banda nga yara sa sini, nga inugwagkus, unay sa iya kag kaangay nga buhat sini, sa bulawan, sa asul kag sa purpura kag sa escarlata, kag sa lino nga manipis nga binolong; sono sa ginsogo sang Ginoo kay Moises.
6Gintakud nila ang mga bato nga onice, nga nalibutan sing mga engaste nga bulawan kag natigban kaangay sang mga pagtigib sang singsing nga inugpat-in, sono sa mga ngalan sang mga anak sang Israel. 7Kag iya ginbutang sila sa ibabaw sang mga hombrera sang efod, nga mga bato sang handumanan sa mga anak sang Israel; sono sa ginsogo sang Ginoo kay Moises.
8Ginhimo niya ang hapin sa dughan, nga himo sang sampaton nga manugbuhat, kaangay sang pagbuhat sang efod, gikan sa bulawan, sa asul kag sa purpura kag sa escarlata, kag sa lino nga manipis nga binolong. 9Kasilo ini; ginhimo nila ang hapin sa dughan nga dupli, ang iya kalaba isa ka dangaw kag isa ka dangaw ang iya kasangkad nga dupli. 10Kag ginbutangan nila ini sing apat ka kubay nga mga bato. Isa ka kubay nga sardio, topacio, kag carbunclo amo ang nahaunang kubay; 11kag ang kubay nga ikaduha, esmeralda, zafiro, kag diamante; 12kag ang kubay nga ikatlo, jacinto, agata, kag ametista; 13kag ang kubay nga ikap-at, berilo, onice, kag jaspe; napalibutan sila sing bulawan sa ila mga engaste. 14Ang mga bato napulog duha sono sa mga ngalan sang mga anak sang Israel; kaangay sila sa mga pagtigib sa singsing nga inugpat-in, ang tagsatagsa sono sa ngalan niya, nga sa napulog duha ka kabikahan. 15Kag ginhimoan nila ang hapin sa dughan sing mga tinalikala nga kaangay sang mga lubid, nga linubag nga bulawan nga ulay; 16kag ginhimoan nila sing duha ka engaste nga bulawan kag duha ka singsing nga bulawan, kag gintakud ang duha ka singsing sa duha ka pamusud sang hapin sa dughan; 17kag gintakud nila ang tinalikala nga bulawan nga linubag sa duha ka singsing sa mga pamusud sang hapin sa dughan. 18Ang duha pa ka ukbung sang duha ka tinalikala nga linubag gintakud nila sa duha ka engaste; sa amo gintakud sila sa mga hombrera sang efod ngyon sa atubangan sini. 19Niyan naghimo sila sing duha ka singsing nga bulawan, kag gintakud sila sa duha ka pamusud sang hapin sa dughan, sa iya sidsid nayon sa kilid sang efod pasulud. 20Kag ginhimo nila ang duha singsing nga bulawan, kag gintakud sila sa duha ka hombrera sang efod sa idalum, sa iya bahin sa atubangan malapit sa iya tinabuan sa ibabaw sang hinabol sing sinampaton nga wagkus sang efod. 21Kag ginhigot nila ang hapin sa dughan paagi sa iya mga singsing sa mga singsing sang efod sang laso nga asul, agud nga ini manginsa ibabaw sang hinabol sing sinampaton nga wagkus sang efod, kag agud nga indi mapalus sa efod ang hapin sa dughan; sono sa ginsogo sang Ginoo kay Moises.
22Naghimo man sia sang malaba nga bayo sang efod nga hinabol nga bug-os nga asul; 23kag ang li-ab sang bayo nga malaba sa tunga niya subong sang li-ab sang limbutong, nga may aporo palibut sa iya li-ab, agud nga indi ini magisi. 24Naghimo sila sa mga sidsid sang malaba nga bayo sing granada nga asul kag purpura kag escarlata kag lino nga binolong. 25Naghimo sila sing mga kampanilya nga bulawan nga ulay, kag ginbal-utbal-ut ang mga kampanilya sa mga granada sa mga sidsid sang bayo nga malaba palibut, nga nabal-utbal-ut sa mga granada; 26isa ka kampanilya kag isa ka granada, isa pa ka kampanilya kag isa ka granada palibut sa sidsid sang bayo nga malaba sa pag-alagad; sono sa ginsogo sang Ginoo kay Moises.
27Naghimo man sila sing mga bayo, lino nga manipis nga hinabol, kay Aaron kag sa iya mga anak, 28kag turbante nga lino nga manipis, kag mga gora nga matahum nga lino nga manipis, kag mga poroy nga lino nga manipis nga binolong, 29kag wagkus nga lino nga manipis nga binolong kag asul kag purpura kag escarlata, ang buhat sang manugborda; sono sa ginsogo sang Ginoo kay Moises.
30Kag naghimo sila sang pinanid nga balaan nga purungpurung nga bulawan nga ulay, kag nagsulat sa sini sing sinulat, kaangay sang mga pagtigib sang singsing nga inugpat-in, “Balaan sa Ginoo.” 31Kag sa sini ginhigut nila ang laso nga asul, sa pagtakud sini sa turbante sa ibabaw; sono sa ginsogo sang Ginoo kay Moises.
Ang mga Gamit sa Kayangkayang Natapus
(Ex. 35:10-19)
32Sa amo nahuman ang tanan nga buluhaton sang kayangkayang sang layanglayang nga tiliponan; kag ginhimo sang katawohan sang Israel sono sa tanan nga ginsogo sang Ginoo kay Moises; subong sini ang paghimo nila. 33Kag gindala nila kay Moises ang kayangkayang, ang layanglayang kag ang tanan niyang kasangkapan, ang iya mga kaw-it, ang iya mga tapi, ang iya mga balabag, ang iya mga haligi, kag ang iya mga boho nga palatindugan; 34ang taklap nga mga panit sang mga carnero nga linugum sing pula kag ang taklap nga mga panit sang kanding, kag ang kumbung sang lipon; 35ang kaban sang pagpamatuud upud ang iya mga yayongan kag ang pakilooyan; 36ang latok upud ang tanan niya nga gamit, kag ang tinapay nga Pahayag; 37ang candelero nga bus-og nga bulawan kag ang iya mga suga nga amo ang mga suga nga ipahamtang sing nagakaigo kag ang tanan niyang gamit, kag ang lana nga sa kapawa; 38ang halaran nga bulawan, ang lana nga ihalaplas kag ang incienso nga mahamut, kag ang lipon sa ganhaan sang layanglayang; 39ang halaran nga saway, kag ang iya saladang nga saway, ang iya mga yayongan, kag ang tanan niyang gamit; ang batiya kag ang iya tulungtungan; 40ang mga bungbung sang luwang, ang iya mga haligi, kag ang iya mga boho nga palatindugan, kag ang lipon sa gawang sang luwang, ang iya mga banting, kag ang iya mga palpal; kag ang tanan nga gamit nga sa pag-alagdan sang kayangkayang, sa layanglayang nga tiliponan; 41ang mga panapton nga nahimo sing matahum nga sa pag-alagad sa balaan nga duug, kag ang mga panapton nga balaan nga kay Aaron nga sacerdote, kag ang mga panapton sang iya mga anak sa pag-alagad sa pagkasacerdote. 42Sono sa tanan nga ginsogo sang Ginoo kay Moises, amo ini tanan nga buluhaton ang ginhimo sang katawohan sang Israel. 43Kag nakita ni Moises ang tanan nga nabuhat, kag yari karon, nahimo nila ini; sono sa nasogo sang Ginoo, amo gid ini ang nahimo nila. Kag ginpakamaayo sila ni Moises.
Currently Selected:
EXODO 39: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 39
39
Ang Paghimo sang mga Panapton sang mga Sacerdote
(Ex. 28:1-43)
1Kag gikan sa asul kag sa purpura kag sa escarlata ginhimo nila ang mga panapton nga nahabol sing mapino, nga sa pag-alagad sa balaan nga duug; ginhimo nila ang mga panapton nga balaan nga iya ni Aaron; sono sa ginsogo sang Ginoo kay Moises.
2Kag ginhimo niya ang efod gikan sa bulawan, sa asul kag sa purpura kag sa escarlata, kag sa lino nga manipis nga binolong. 3Kag ginpapa nila ang bulawan sa mga pinanid nga manipis kag gingihaygihay ini sa mga nahotnahot sa pagsamay sini sa asul kag sa purpura sa escarlata, kag sa lino nga manipis, nga himo sang sampaton nga manugbuhat. 4Naghimo sila nga sa efod sing mga hombrera, nga natakud sa sini sa iya duha ka ukbung. 5Kag ang nahabol sing matahum nga banda nga yara sa sini, nga inugwagkus, unay sa iya kag kaangay nga buhat sini, sa bulawan, sa asul kag sa purpura kag sa escarlata, kag sa lino nga manipis nga binolong; sono sa ginsogo sang Ginoo kay Moises.
6Gintakud nila ang mga bato nga onice, nga nalibutan sing mga engaste nga bulawan kag natigban kaangay sang mga pagtigib sang singsing nga inugpat-in, sono sa mga ngalan sang mga anak sang Israel. 7Kag iya ginbutang sila sa ibabaw sang mga hombrera sang efod, nga mga bato sang handumanan sa mga anak sang Israel; sono sa ginsogo sang Ginoo kay Moises.
8Ginhimo niya ang hapin sa dughan, nga himo sang sampaton nga manugbuhat, kaangay sang pagbuhat sang efod, gikan sa bulawan, sa asul kag sa purpura kag sa escarlata, kag sa lino nga manipis nga binolong. 9Kasilo ini; ginhimo nila ang hapin sa dughan nga dupli, ang iya kalaba isa ka dangaw kag isa ka dangaw ang iya kasangkad nga dupli. 10Kag ginbutangan nila ini sing apat ka kubay nga mga bato. Isa ka kubay nga sardio, topacio, kag carbunclo amo ang nahaunang kubay; 11kag ang kubay nga ikaduha, esmeralda, zafiro, kag diamante; 12kag ang kubay nga ikatlo, jacinto, agata, kag ametista; 13kag ang kubay nga ikap-at, berilo, onice, kag jaspe; napalibutan sila sing bulawan sa ila mga engaste. 14Ang mga bato napulog duha sono sa mga ngalan sang mga anak sang Israel; kaangay sila sa mga pagtigib sa singsing nga inugpat-in, ang tagsatagsa sono sa ngalan niya, nga sa napulog duha ka kabikahan. 15Kag ginhimoan nila ang hapin sa dughan sing mga tinalikala nga kaangay sang mga lubid, nga linubag nga bulawan nga ulay; 16kag ginhimoan nila sing duha ka engaste nga bulawan kag duha ka singsing nga bulawan, kag gintakud ang duha ka singsing sa duha ka pamusud sang hapin sa dughan; 17kag gintakud nila ang tinalikala nga bulawan nga linubag sa duha ka singsing sa mga pamusud sang hapin sa dughan. 18Ang duha pa ka ukbung sang duha ka tinalikala nga linubag gintakud nila sa duha ka engaste; sa amo gintakud sila sa mga hombrera sang efod ngyon sa atubangan sini. 19Niyan naghimo sila sing duha ka singsing nga bulawan, kag gintakud sila sa duha ka pamusud sang hapin sa dughan, sa iya sidsid nayon sa kilid sang efod pasulud. 20Kag ginhimo nila ang duha singsing nga bulawan, kag gintakud sila sa duha ka hombrera sang efod sa idalum, sa iya bahin sa atubangan malapit sa iya tinabuan sa ibabaw sang hinabol sing sinampaton nga wagkus sang efod. 21Kag ginhigot nila ang hapin sa dughan paagi sa iya mga singsing sa mga singsing sang efod sang laso nga asul, agud nga ini manginsa ibabaw sang hinabol sing sinampaton nga wagkus sang efod, kag agud nga indi mapalus sa efod ang hapin sa dughan; sono sa ginsogo sang Ginoo kay Moises.
22Naghimo man sia sang malaba nga bayo sang efod nga hinabol nga bug-os nga asul; 23kag ang li-ab sang bayo nga malaba sa tunga niya subong sang li-ab sang limbutong, nga may aporo palibut sa iya li-ab, agud nga indi ini magisi. 24Naghimo sila sa mga sidsid sang malaba nga bayo sing granada nga asul kag purpura kag escarlata kag lino nga binolong. 25Naghimo sila sing mga kampanilya nga bulawan nga ulay, kag ginbal-utbal-ut ang mga kampanilya sa mga granada sa mga sidsid sang bayo nga malaba palibut, nga nabal-utbal-ut sa mga granada; 26isa ka kampanilya kag isa ka granada, isa pa ka kampanilya kag isa ka granada palibut sa sidsid sang bayo nga malaba sa pag-alagad; sono sa ginsogo sang Ginoo kay Moises.
27Naghimo man sila sing mga bayo, lino nga manipis nga hinabol, kay Aaron kag sa iya mga anak, 28kag turbante nga lino nga manipis, kag mga gora nga matahum nga lino nga manipis, kag mga poroy nga lino nga manipis nga binolong, 29kag wagkus nga lino nga manipis nga binolong kag asul kag purpura kag escarlata, ang buhat sang manugborda; sono sa ginsogo sang Ginoo kay Moises.
30Kag naghimo sila sang pinanid nga balaan nga purungpurung nga bulawan nga ulay, kag nagsulat sa sini sing sinulat, kaangay sang mga pagtigib sang singsing nga inugpat-in, “Balaan sa Ginoo.” 31Kag sa sini ginhigut nila ang laso nga asul, sa pagtakud sini sa turbante sa ibabaw; sono sa ginsogo sang Ginoo kay Moises.
Ang mga Gamit sa Kayangkayang Natapus
(Ex. 35:10-19)
32Sa amo nahuman ang tanan nga buluhaton sang kayangkayang sang layanglayang nga tiliponan; kag ginhimo sang katawohan sang Israel sono sa tanan nga ginsogo sang Ginoo kay Moises; subong sini ang paghimo nila. 33Kag gindala nila kay Moises ang kayangkayang, ang layanglayang kag ang tanan niyang kasangkapan, ang iya mga kaw-it, ang iya mga tapi, ang iya mga balabag, ang iya mga haligi, kag ang iya mga boho nga palatindugan; 34ang taklap nga mga panit sang mga carnero nga linugum sing pula kag ang taklap nga mga panit sang kanding, kag ang kumbung sang lipon; 35ang kaban sang pagpamatuud upud ang iya mga yayongan kag ang pakilooyan; 36ang latok upud ang tanan niya nga gamit, kag ang tinapay nga Pahayag; 37ang candelero nga bus-og nga bulawan kag ang iya mga suga nga amo ang mga suga nga ipahamtang sing nagakaigo kag ang tanan niyang gamit, kag ang lana nga sa kapawa; 38ang halaran nga bulawan, ang lana nga ihalaplas kag ang incienso nga mahamut, kag ang lipon sa ganhaan sang layanglayang; 39ang halaran nga saway, kag ang iya saladang nga saway, ang iya mga yayongan, kag ang tanan niyang gamit; ang batiya kag ang iya tulungtungan; 40ang mga bungbung sang luwang, ang iya mga haligi, kag ang iya mga boho nga palatindugan, kag ang lipon sa gawang sang luwang, ang iya mga banting, kag ang iya mga palpal; kag ang tanan nga gamit nga sa pag-alagdan sang kayangkayang, sa layanglayang nga tiliponan; 41ang mga panapton nga nahimo sing matahum nga sa pag-alagad sa balaan nga duug, kag ang mga panapton nga balaan nga kay Aaron nga sacerdote, kag ang mga panapton sang iya mga anak sa pag-alagad sa pagkasacerdote. 42Sono sa tanan nga ginsogo sang Ginoo kay Moises, amo ini tanan nga buluhaton ang ginhimo sang katawohan sang Israel. 43Kag nakita ni Moises ang tanan nga nabuhat, kag yari karon, nahimo nila ini; sono sa nasogo sang Ginoo, amo gid ini ang nahimo nila. Kag ginpakamaayo sila ni Moises.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society