2 SAMUEL 23
23
Ang Katapusan nga mga Polong ni David
1Karon amo ini ang katapusan nga mga polong ni David:
Si David nga anak ni Jesse nagasiling,
ang lalaki nga ginbayaw sa kataasan nagasiling,
ang ginhaplas sang Dios ni Jacob,
ang mayuyum nga manugsalmo sang Israel:
2“Ang Espiritu sang Ginoo nagpamolong paagi sa akon,
ang iya polong yari sa akon dila.
3Ang Dios sang Israel nagsiling,
ang Igang sang Israel nagpamolong sa akon:
Isa nga nagagahum sing matarung sa mga tawo
nga nagagahum sa kahadluk sa Dios,
4manginsubong sang kasanag sang kaagahon,
subong sang nagasubang nga adlaw sa kaagahon nga walay gal-um,
kon ang hilaw nga hilamon nagatubo sa duta sa masanag nga pagsilak sa tapus ang ulan.
5Sa pagkamatuud, indi bala subong sini ang akon balay upud sa Dios?
Kay sia naghimo upud sa akon sing katipan nga dayon,
nagpahamtang sing nagakaigo sa tanan nga butang kag malig-on.
Kay ini bug-os kong kaluwasan kag bug-os kong handum bisan ini wala niya pagapatuboa.
6Apang ang mga didiosnon manginsubong sila tanan sa mga tonok nga isikway;
bangud nga indi sila makuha sang kamut;
7kondi nga ang tawo nga nagatandug sa ila
dapat sangkapan sing salsalon kag sang olongan sang bangkaw,
kag sonogon sila sing bug-os sa kalayo sa ila duug.”
Ang mga Gamhanan nga Tawo ni David
(1 Cron. 11:10-47)
8Amo ini ang mga ngalan sang gamhanan nga mga tawo nga iya ni David: si Joseb-basevet nga Taquemonhon; sia puno sang mga pangolo; amo man si Adino nga Ezninhon, batok sa walo ka gatus nga pinatay sa isa ka tion.
9Kag madason sa iya si Eleazar nga anak nga lalaki ni Doda, nga anak sang Ahohanon. Isa sia sang tatlo ka gamhanan nga mga tawo upud kay David sang pagsumpung nila sa mga Filistinhon nga nagtilipon sing tingub didto sa inaway, kag ang mga tawo sang Israel nagtaklad. 10Sia nagtindug kag ginpanglabo niya ang mga Filistinhon tubtub nga kinapoy ang iya kamut, kag nagtapik sa espada ang iya kamut; kag ang Ginoo naghikot sing dakung pagluwas sadtong adlaw; kag nagbalik ang katawohan sa olihi niya lamang sa pagkuha sing inagaw.
11Kag madason sa iya si Sama, lalaking anak ni Age nga Hararnon. Nagtilipon sing tingub ang mga Filistinhon sa isa ka kabon, diin may puna nga duta nga hil-ub sing mga lentijas; kag ang katawohan nagpalagyo gikan sa mga Filistinhon. 12Apang sia nagtindug sa tunga sang puna, kag gin-apinan ini, kag ginpatay ang mga Filistinhon; kag ang Ginoo naghikot sing dakung pagluwas.
13Kag ang tatlo sang katloan ka puno nga mga tawo nagdulhog, kag nagkadto kay David sang tig-alani sa lungib sang Adullam, sang nagpahamtang ang kabon sang mga Filistinhon sing dologan sa nalupyakan sang Refaim. 14Si David didto niyan sa pamakud; kag ang pamakud nga balantayan sang mga Filistinhon didto anay sa Bet-lehem. 15Kag naghandum si David kag nagsiling, “O kabay nga ang isa maghatag sa pagpainum sa akon sing tubig gikan sa bobon sang Bet-lehem nga yara sa luyo sang gawang!” 16Niyan ang tatlo ka gamhanan nga mga lalaki nagbulwang sang kasoldadosan sang mga Filistinhon, kag nagsag-ob sing tubig sa bobon sang Bet-lehem nga yara sa luyo sang gawang, kag nagkuha sini kag nagdala sini kay David. Apang indi sia buut mag-inum sini; kondi gin-ula niya ini sa Ginoo, 17kag nagsiling sia, “Malayo ini sa akon, O Ginoo, nga ako maghimo sini. Imnon ko bala ang dugo sang mga lalaki nga naglakat nga nagpakatalagman sang ila kabuhi?” Busa indi sia buut mag-inum sini. Ini nga mga butang ginhimo sang tatlo ka gamhanan nga mga lalaki.
18Karon si Abisai, ang utud ni Joab, ang anak ni Sarvia, amo ang puno sang tatlo. Kag nagbayaw sia sang iya bangkaw batok sa tatlo ka gatus kag ginpatay sila, kag may kabantugan sa tunga sang tatlo. 19Indi bala sia ang labi gid kadungganon sa tatlo? Busa ginhimo sia nga pangolo nila; apang wala sia makatupung sa tatlo nga nahauna.
20Kag si Benaya nga anak ni Joiada nga anak sang isganan nga lalaki sang Cabzel, nakahimo sing gamhanan nga mga buhat; sia nagpatay sang duha ka lalaki nga anak ni Ariel sang Moab. Sia nagdulhog man kag ginpatay ang isa ka leon sa tunga sang awang sa panag-on sang nieve. 21Kag ginpatay niya ang isa ka Egiptohanon, lalaki nga may tindug. Ang Egiptohanon may bangkaw sa iya kamut; apang nagdulhog sia sa iya nga may sungkud, kag gin-agaw sa kamut sang Egiptohanon ang bangkaw, kag ginpatay sia sang iya kaugalingon nga bangkaw. 22Ini nga mga butang ginhimo ni Benaya nga anak ni Joiada, kag may kabantugan sa tunga sang tatlo ka gamhanan nga mga lalaki. 23Sa katloan labi pa kadungganon sia, apang wala sia makatupung sa tatlo nga nahauna. Kag ginpadumala sia ni David sa iya kasapul.
24Si Asael nga utud ni Joab isa sang katloan; si Elhanan nga anak ni Dodo sang Bet-lehem, 25si Samma nga Harodnon, si Elica nga Harodnon, 26si Helez nga Paletnon, si Ira nga lalaking anak ni Iques nga Tekoanhon, 27si Abiezer nga Anatotnon, si Mebunai nga Husanhon, 28si Zalmon nga Ahohanon, si Maharai nga Netofanhon, 29si Heleb nga lalaking anak ni Baana nga Netofanhon, si Itai nga lalaking anak ni Ribai sang Gabaa gikan sa mga anak ni Benjamin, 30si Benaya nga Piratnon, si Hidai nga gikan sa mga sapa sang Gaas, 31si Abialbon nga Arbanhon, si Azmavet nga Barhumnon, 32si Eliaba nga Saalbonhon, ang mga lalaking anak ni Jasen, si Jonatan, 33si Samma nga Hararnon, si Ahiam nga lalaking anak ni Sarar nga Ararnon, 34si Elifelet nga anak ni Ahasbai, ang anak sang isa ka Maacanhon, si Eliam nga anak ni Ahitofel nga Gilonhon, 35si Hezrai nga Carmelonhon, si Paarai nga Arbanhon, 36si Igal nga lalaking anak ni Natan sang Soba, si Bani nga Gadhanon, 37si Selec nga Amonhon, si Naharai nga Beerotnon, mga manugdala sing hinganib kay Joab nga anak ni Sarvia, 38si Ira nga Itranhon, si Gareb nga Itranhon, 39si Urias nga Hethanon: tanan katloan kag pito.
Currently Selected:
2 SAMUEL 23: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
2 SAMUEL 23
23
Ang Katapusan nga mga Polong ni David
1Karon amo ini ang katapusan nga mga polong ni David:
Si David nga anak ni Jesse nagasiling,
ang lalaki nga ginbayaw sa kataasan nagasiling,
ang ginhaplas sang Dios ni Jacob,
ang mayuyum nga manugsalmo sang Israel:
2“Ang Espiritu sang Ginoo nagpamolong paagi sa akon,
ang iya polong yari sa akon dila.
3Ang Dios sang Israel nagsiling,
ang Igang sang Israel nagpamolong sa akon:
Isa nga nagagahum sing matarung sa mga tawo
nga nagagahum sa kahadluk sa Dios,
4manginsubong sang kasanag sang kaagahon,
subong sang nagasubang nga adlaw sa kaagahon nga walay gal-um,
kon ang hilaw nga hilamon nagatubo sa duta sa masanag nga pagsilak sa tapus ang ulan.
5Sa pagkamatuud, indi bala subong sini ang akon balay upud sa Dios?
Kay sia naghimo upud sa akon sing katipan nga dayon,
nagpahamtang sing nagakaigo sa tanan nga butang kag malig-on.
Kay ini bug-os kong kaluwasan kag bug-os kong handum bisan ini wala niya pagapatuboa.
6Apang ang mga didiosnon manginsubong sila tanan sa mga tonok nga isikway;
bangud nga indi sila makuha sang kamut;
7kondi nga ang tawo nga nagatandug sa ila
dapat sangkapan sing salsalon kag sang olongan sang bangkaw,
kag sonogon sila sing bug-os sa kalayo sa ila duug.”
Ang mga Gamhanan nga Tawo ni David
(1 Cron. 11:10-47)
8Amo ini ang mga ngalan sang gamhanan nga mga tawo nga iya ni David: si Joseb-basevet nga Taquemonhon; sia puno sang mga pangolo; amo man si Adino nga Ezninhon, batok sa walo ka gatus nga pinatay sa isa ka tion.
9Kag madason sa iya si Eleazar nga anak nga lalaki ni Doda, nga anak sang Ahohanon. Isa sia sang tatlo ka gamhanan nga mga tawo upud kay David sang pagsumpung nila sa mga Filistinhon nga nagtilipon sing tingub didto sa inaway, kag ang mga tawo sang Israel nagtaklad. 10Sia nagtindug kag ginpanglabo niya ang mga Filistinhon tubtub nga kinapoy ang iya kamut, kag nagtapik sa espada ang iya kamut; kag ang Ginoo naghikot sing dakung pagluwas sadtong adlaw; kag nagbalik ang katawohan sa olihi niya lamang sa pagkuha sing inagaw.
11Kag madason sa iya si Sama, lalaking anak ni Age nga Hararnon. Nagtilipon sing tingub ang mga Filistinhon sa isa ka kabon, diin may puna nga duta nga hil-ub sing mga lentijas; kag ang katawohan nagpalagyo gikan sa mga Filistinhon. 12Apang sia nagtindug sa tunga sang puna, kag gin-apinan ini, kag ginpatay ang mga Filistinhon; kag ang Ginoo naghikot sing dakung pagluwas.
13Kag ang tatlo sang katloan ka puno nga mga tawo nagdulhog, kag nagkadto kay David sang tig-alani sa lungib sang Adullam, sang nagpahamtang ang kabon sang mga Filistinhon sing dologan sa nalupyakan sang Refaim. 14Si David didto niyan sa pamakud; kag ang pamakud nga balantayan sang mga Filistinhon didto anay sa Bet-lehem. 15Kag naghandum si David kag nagsiling, “O kabay nga ang isa maghatag sa pagpainum sa akon sing tubig gikan sa bobon sang Bet-lehem nga yara sa luyo sang gawang!” 16Niyan ang tatlo ka gamhanan nga mga lalaki nagbulwang sang kasoldadosan sang mga Filistinhon, kag nagsag-ob sing tubig sa bobon sang Bet-lehem nga yara sa luyo sang gawang, kag nagkuha sini kag nagdala sini kay David. Apang indi sia buut mag-inum sini; kondi gin-ula niya ini sa Ginoo, 17kag nagsiling sia, “Malayo ini sa akon, O Ginoo, nga ako maghimo sini. Imnon ko bala ang dugo sang mga lalaki nga naglakat nga nagpakatalagman sang ila kabuhi?” Busa indi sia buut mag-inum sini. Ini nga mga butang ginhimo sang tatlo ka gamhanan nga mga lalaki.
18Karon si Abisai, ang utud ni Joab, ang anak ni Sarvia, amo ang puno sang tatlo. Kag nagbayaw sia sang iya bangkaw batok sa tatlo ka gatus kag ginpatay sila, kag may kabantugan sa tunga sang tatlo. 19Indi bala sia ang labi gid kadungganon sa tatlo? Busa ginhimo sia nga pangolo nila; apang wala sia makatupung sa tatlo nga nahauna.
20Kag si Benaya nga anak ni Joiada nga anak sang isganan nga lalaki sang Cabzel, nakahimo sing gamhanan nga mga buhat; sia nagpatay sang duha ka lalaki nga anak ni Ariel sang Moab. Sia nagdulhog man kag ginpatay ang isa ka leon sa tunga sang awang sa panag-on sang nieve. 21Kag ginpatay niya ang isa ka Egiptohanon, lalaki nga may tindug. Ang Egiptohanon may bangkaw sa iya kamut; apang nagdulhog sia sa iya nga may sungkud, kag gin-agaw sa kamut sang Egiptohanon ang bangkaw, kag ginpatay sia sang iya kaugalingon nga bangkaw. 22Ini nga mga butang ginhimo ni Benaya nga anak ni Joiada, kag may kabantugan sa tunga sang tatlo ka gamhanan nga mga lalaki. 23Sa katloan labi pa kadungganon sia, apang wala sia makatupung sa tatlo nga nahauna. Kag ginpadumala sia ni David sa iya kasapul.
24Si Asael nga utud ni Joab isa sang katloan; si Elhanan nga anak ni Dodo sang Bet-lehem, 25si Samma nga Harodnon, si Elica nga Harodnon, 26si Helez nga Paletnon, si Ira nga lalaking anak ni Iques nga Tekoanhon, 27si Abiezer nga Anatotnon, si Mebunai nga Husanhon, 28si Zalmon nga Ahohanon, si Maharai nga Netofanhon, 29si Heleb nga lalaking anak ni Baana nga Netofanhon, si Itai nga lalaking anak ni Ribai sang Gabaa gikan sa mga anak ni Benjamin, 30si Benaya nga Piratnon, si Hidai nga gikan sa mga sapa sang Gaas, 31si Abialbon nga Arbanhon, si Azmavet nga Barhumnon, 32si Eliaba nga Saalbonhon, ang mga lalaking anak ni Jasen, si Jonatan, 33si Samma nga Hararnon, si Ahiam nga lalaking anak ni Sarar nga Ararnon, 34si Elifelet nga anak ni Ahasbai, ang anak sang isa ka Maacanhon, si Eliam nga anak ni Ahitofel nga Gilonhon, 35si Hezrai nga Carmelonhon, si Paarai nga Arbanhon, 36si Igal nga lalaking anak ni Natan sang Soba, si Bani nga Gadhanon, 37si Selec nga Amonhon, si Naharai nga Beerotnon, mga manugdala sing hinganib kay Joab nga anak ni Sarvia, 38si Ira nga Itranhon, si Gareb nga Itranhon, 39si Urias nga Hethanon: tanan katloan kag pito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society