1 MGA HARI 21
21
Si Acab kag ang Ulubasan ni Nabot
1Karon si Nabot nga Jezreelnon may ulubasan sa Jezreel, sa luyo sang palacio ni Acab nga hari sang Samaria. 2Kag sa tapus sini si Acab nagpamolong kay Nabot, “Ihatag sa akon ang imo ulubasan, agud nga mahimo ko ini nga talamnan sang mga ulutanon, bangud nga malapit sa akon balay; kag baylohan ko ikaw sing maayo pa sining ulubasan; ukon, kon maayo sa imo, bayaran ko ikaw sang bili sini sa cuarta.” 3Apang si Nabot nagsiling kay Acab, “Ang Ginoo nagadumili sa akon sini nga ihatag ko sa imo ang panublion sang akon mga ginikanan.” 4Kag nag-abut si Acab sa iya balay nga buringut kag naakig bangud sang polong nga napamolong sa iya ni Nabot nga Jezreelnon; kay nakasiling sia, “Indi ko pag-ihatag sa imo ang panublion sang akon mga ginikanan.” Kag naghigda sia sa iya higdaan, kag nagtalingi sia, kag indi magkaon.
5Apang nag-abut sa iya si Jezabel nga iya asawa, kag nagsiling sa iya, “Ngaa bala nga tama kaburingut sang imo espiritu nga wala ka nagakaon?” 6Kag nagsiling sia sa iya, “Bangud nga nagpamolong ako kay Nabot nga Jezreelnon, kag nagsiling sa iya, ‘Ihatag sa akon ang imo ulubasan tungud sa cuarta; kon indi, kon nahamut-an mo, baylohan ko ikaw sing ulubasan tungud sini’; kag nagsabat sia, ‘Indi ko pag-ihatag sa imo ang akon ulubasan.’” 7Kag si Jezabel nga iya asawa nagsiling sa iya, “Nagagahum ka bala karon sang ginharian sang Israel? Tindug ka, kag magkaon, kag magkalipay ang imo tagiposoon; ako magahatag sa imo sang ulubasan ni Nabot nga Jezreelnon.”
8Gani nagsulat sia sing mga sulat sa ngalan ni Acab kag ginpat-inan sila sang iya pat-in, kag ginpadala ang mga sulat sa mga tigulang kag sa mga dungganon nga yara sa iya banwa kag nga nagpuyo upud kay Nabot. 9Kag nagsulat sia sa mga sulat, “Bantala kamo sing puasa, kag papangoloha ninyo si Nabot sa tunga sang katawohan; 10kag pahamtang kamo sing duha ka tawo nga mga huroshuros sa atubangan niya, kag pasaksiha batok sa iya, nga nagasiling, ‘Ikaw nagpakamalaut sang Dios kag sang hari.’ Niyan dalhon sia sa gowa, kag batohon sia sa kamatayon.”
11Kag ang mga tawo sang iya banwa, ang mga tigulang kag ang mga dungganon nga nagpuyo sa iya banwa, naghimo sono sa ginpadala sa ila ni Jezabel. Sono sa nasulat sa mga sulat nga ginpadala niya sa ila, 12nagbantala sila sing puasa, kag ginpahamtang nila si Nabot nga pangolo sa tunga sang katawohan. 13Kag ang duha ka tawo nga mga huroshuros nagsulud kag naglingkod sa atubangan niya; kag ang mga tawo nga huroshuros nagsaksi batok kay Nabot, sa atubangan sang katawohan, nga nagasiling, “Si Nabot nagpakamalaut sang Dios kag sang hari.” Niyan gindala nila sia sa gowa sang banwa, kag ginbato sia sa kamatayon. 14Niyan nagpadala sila kay Jezabel, nga nagasiling, “Si Nabot ginbato; sia napatay.”
15Sang nabatian ni Jezabel nga ginbato si Nabot kag napatay, si Jezabel nagsiling kay Acab, “Tindug ka, panag-iyahi ang ulubasan ni Nabot nga Jezreelnon, nga gindumilian niya sa paghatag sa imo sa cuarta; kay si Nabot indi buhi, kondi patay.” 16Kag sang nabatian ni Acab nga si Nabot patay na, nagtindug sia sa pagdulhog sa ulubasan ni Nabot nga Jezreelnon, sa pagtag-iya sini.
17Niyan ang polong sang Ginoo nag-abut kay Elias nga Tisbinhon, nga nagasiling, 18“Tindug ka, dulhog sa pagsugata kay Acab nga hari sang Israel, nga nagapuyo sa Samaria; yari karon, yara sia sa ulubasan ni Nabot, diin sia nagdulhog sa pagtag-iya sini. 19Kag magpamolong ka sa iya, ‘Amo ini ang ginasiling sang Ginoo, “Nakapatay ka bala, kag nakapanag-iya man?” ’ Kag magpamolong ka sa iya, ‘Amo ini ang ginasiling sang Ginoo: “Sa duug diin nagdilap ang mga ido sang dugo ni Nabot ang mga ido magadilap sang imo gid dugo.” ’”
20Si Acab nagsiling kay Elias, “Nakita mo bala ako, O kaaway ko?” Nagsabat sia, “Nakita ko ikaw, bangud nga nagbaligya ka sang imo kaugalingon sa paghimo sang malaut sa itololok sang Ginoo. 21Yari karon, ako magadala sing malaut sa imo; magasilhig ako sa imo sing bug-os, kag magautud gikan kay Acab sang tagsa ka lalaki nga bata, sia nga ginbokot kag sia nga layaw, sa Israel. 22Kag himoon ko ang imo panimalay kaangay sang panimalay ni Jeroboam nga anak ni Nabat, kag kaangay sang panimalay ni Baasa nga anak ni Ahias, tungud sang pagpaakig nga napaakig mo ako, kag nagpapakasala sang Israel. 23Kag ang Ginoo nagpamolong nahanungud kay Jezabel man, ‘Ang mga ido magagus-ab kay Jezabel sa trinsera sang Jezreel.’#2 Hari 9:36. 24Ang mapatay kay Acab sa banwa kaonon sang ido; kag ang mapatay sa latagon kaonon sang kapispisan sang kalangitan.”
25Wala gid sing kaangay kay Acab nga nagbaligya sang iya kaugalingon sa paghimo sang malaut sa itololok sang Ginoo, nga ginsugyot ni Jezabel nga iya asawa. 26Naghimo sia sing tama gid kangil-ad sa pagsonod sang mga diosdios, sono sa tanan nga ginhimo sang mga Amornon, nga gintabog sang Ginoo gikan sa atubangan sang katawohan sang Israel.
27Kag sang nabatian ni Acab yadtong mga polong, ginkusnit niya ang iya mga panapton, kag nagsuklub sing mga panapton nga sako sa iya lawas, kag nagpuasa kag naghigda sa panapton nga sako, kag naglakat sing mahinay. 28Kag ang polong sang Ginoo nag-abut kay Elias nga Tisbinhon, nga nagasiling, 29“Nakita mo bala kon paano nga si Acab nagpaubus sa atubangan nakon? Bangud nga nagpaubus sia sa atubangan nakon, indi ko pagdalhon ang malaut sa iya kaadlawan; kondi sa kaadlawan sang iya anak dalhon ko ang malaut sa iya panimalay.”
Currently Selected:
1 MGA HARI 21: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
1 MGA HARI 21
21
Si Acab kag ang Ulubasan ni Nabot
1Karon si Nabot nga Jezreelnon may ulubasan sa Jezreel, sa luyo sang palacio ni Acab nga hari sang Samaria. 2Kag sa tapus sini si Acab nagpamolong kay Nabot, “Ihatag sa akon ang imo ulubasan, agud nga mahimo ko ini nga talamnan sang mga ulutanon, bangud nga malapit sa akon balay; kag baylohan ko ikaw sing maayo pa sining ulubasan; ukon, kon maayo sa imo, bayaran ko ikaw sang bili sini sa cuarta.” 3Apang si Nabot nagsiling kay Acab, “Ang Ginoo nagadumili sa akon sini nga ihatag ko sa imo ang panublion sang akon mga ginikanan.” 4Kag nag-abut si Acab sa iya balay nga buringut kag naakig bangud sang polong nga napamolong sa iya ni Nabot nga Jezreelnon; kay nakasiling sia, “Indi ko pag-ihatag sa imo ang panublion sang akon mga ginikanan.” Kag naghigda sia sa iya higdaan, kag nagtalingi sia, kag indi magkaon.
5Apang nag-abut sa iya si Jezabel nga iya asawa, kag nagsiling sa iya, “Ngaa bala nga tama kaburingut sang imo espiritu nga wala ka nagakaon?” 6Kag nagsiling sia sa iya, “Bangud nga nagpamolong ako kay Nabot nga Jezreelnon, kag nagsiling sa iya, ‘Ihatag sa akon ang imo ulubasan tungud sa cuarta; kon indi, kon nahamut-an mo, baylohan ko ikaw sing ulubasan tungud sini’; kag nagsabat sia, ‘Indi ko pag-ihatag sa imo ang akon ulubasan.’” 7Kag si Jezabel nga iya asawa nagsiling sa iya, “Nagagahum ka bala karon sang ginharian sang Israel? Tindug ka, kag magkaon, kag magkalipay ang imo tagiposoon; ako magahatag sa imo sang ulubasan ni Nabot nga Jezreelnon.”
8Gani nagsulat sia sing mga sulat sa ngalan ni Acab kag ginpat-inan sila sang iya pat-in, kag ginpadala ang mga sulat sa mga tigulang kag sa mga dungganon nga yara sa iya banwa kag nga nagpuyo upud kay Nabot. 9Kag nagsulat sia sa mga sulat, “Bantala kamo sing puasa, kag papangoloha ninyo si Nabot sa tunga sang katawohan; 10kag pahamtang kamo sing duha ka tawo nga mga huroshuros sa atubangan niya, kag pasaksiha batok sa iya, nga nagasiling, ‘Ikaw nagpakamalaut sang Dios kag sang hari.’ Niyan dalhon sia sa gowa, kag batohon sia sa kamatayon.”
11Kag ang mga tawo sang iya banwa, ang mga tigulang kag ang mga dungganon nga nagpuyo sa iya banwa, naghimo sono sa ginpadala sa ila ni Jezabel. Sono sa nasulat sa mga sulat nga ginpadala niya sa ila, 12nagbantala sila sing puasa, kag ginpahamtang nila si Nabot nga pangolo sa tunga sang katawohan. 13Kag ang duha ka tawo nga mga huroshuros nagsulud kag naglingkod sa atubangan niya; kag ang mga tawo nga huroshuros nagsaksi batok kay Nabot, sa atubangan sang katawohan, nga nagasiling, “Si Nabot nagpakamalaut sang Dios kag sang hari.” Niyan gindala nila sia sa gowa sang banwa, kag ginbato sia sa kamatayon. 14Niyan nagpadala sila kay Jezabel, nga nagasiling, “Si Nabot ginbato; sia napatay.”
15Sang nabatian ni Jezabel nga ginbato si Nabot kag napatay, si Jezabel nagsiling kay Acab, “Tindug ka, panag-iyahi ang ulubasan ni Nabot nga Jezreelnon, nga gindumilian niya sa paghatag sa imo sa cuarta; kay si Nabot indi buhi, kondi patay.” 16Kag sang nabatian ni Acab nga si Nabot patay na, nagtindug sia sa pagdulhog sa ulubasan ni Nabot nga Jezreelnon, sa pagtag-iya sini.
17Niyan ang polong sang Ginoo nag-abut kay Elias nga Tisbinhon, nga nagasiling, 18“Tindug ka, dulhog sa pagsugata kay Acab nga hari sang Israel, nga nagapuyo sa Samaria; yari karon, yara sia sa ulubasan ni Nabot, diin sia nagdulhog sa pagtag-iya sini. 19Kag magpamolong ka sa iya, ‘Amo ini ang ginasiling sang Ginoo, “Nakapatay ka bala, kag nakapanag-iya man?” ’ Kag magpamolong ka sa iya, ‘Amo ini ang ginasiling sang Ginoo: “Sa duug diin nagdilap ang mga ido sang dugo ni Nabot ang mga ido magadilap sang imo gid dugo.” ’”
20Si Acab nagsiling kay Elias, “Nakita mo bala ako, O kaaway ko?” Nagsabat sia, “Nakita ko ikaw, bangud nga nagbaligya ka sang imo kaugalingon sa paghimo sang malaut sa itololok sang Ginoo. 21Yari karon, ako magadala sing malaut sa imo; magasilhig ako sa imo sing bug-os, kag magautud gikan kay Acab sang tagsa ka lalaki nga bata, sia nga ginbokot kag sia nga layaw, sa Israel. 22Kag himoon ko ang imo panimalay kaangay sang panimalay ni Jeroboam nga anak ni Nabat, kag kaangay sang panimalay ni Baasa nga anak ni Ahias, tungud sang pagpaakig nga napaakig mo ako, kag nagpapakasala sang Israel. 23Kag ang Ginoo nagpamolong nahanungud kay Jezabel man, ‘Ang mga ido magagus-ab kay Jezabel sa trinsera sang Jezreel.’#2 Hari 9:36. 24Ang mapatay kay Acab sa banwa kaonon sang ido; kag ang mapatay sa latagon kaonon sang kapispisan sang kalangitan.”
25Wala gid sing kaangay kay Acab nga nagbaligya sang iya kaugalingon sa paghimo sang malaut sa itololok sang Ginoo, nga ginsugyot ni Jezabel nga iya asawa. 26Naghimo sia sing tama gid kangil-ad sa pagsonod sang mga diosdios, sono sa tanan nga ginhimo sang mga Amornon, nga gintabog sang Ginoo gikan sa atubangan sang katawohan sang Israel.
27Kag sang nabatian ni Acab yadtong mga polong, ginkusnit niya ang iya mga panapton, kag nagsuklub sing mga panapton nga sako sa iya lawas, kag nagpuasa kag naghigda sa panapton nga sako, kag naglakat sing mahinay. 28Kag ang polong sang Ginoo nag-abut kay Elias nga Tisbinhon, nga nagasiling, 29“Nakita mo bala kon paano nga si Acab nagpaubus sa atubangan nakon? Bangud nga nagpaubus sia sa atubangan nakon, indi ko pagdalhon ang malaut sa iya kaadlawan; kondi sa kaadlawan sang iya anak dalhon ko ang malaut sa iya panimalay.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society