1 MGA HARI 2
2
Ang Tulin ni David kay Salomon
1Sang nagpalapit na ang mga adlaw ni David nga mapatay sia, nagtulin sia kay Salomon nga iya anak, nga nagasiling, 2“Nagakadto ako sa dalanon sang bug-os nga duta. Magpakabakud ka, kag magpakalalaki ka, 3kag magbantay sang tinulin sang Ginoo nga imo Dios, sa paglakat sa iya mga dalanon kag sa pagbantay sang iya mga palatukuran, sang iya mga sogo, sang iya mga pagsolondan, kag sang iya mga pagpamatuud, sono sa nasulat sa kasogoan ni Moises, agud nga mag-uswag ka sa tanan nga imo ginahimo kag sa bisan diin ka nagaliso; 4agud nga ang Ginoo magpalig-on sang iya polong nga ginpamolong niya sa akon, nga nagasiling, ‘Kon ang imo mga anak maghalong sa ila dalanon, sa paglakat sa atubangan nakon sa kamatooran sa bug-os nilang tagiposoon kag sa bug-os nilang kalag, indi ka mawad-an sing lalaki sa trono sang Israel.’
5“Labut pa nahibaloan mo man ang ginhimo sa akon ni Joab nga anak ni Sarvia, bisan ang ginhimo niya sa duha ka pangolo sang kasoldadosan sa Israel, kay Abner#2 Sam. 3:27. nga anak ni Ner, kag kay Amasa#2 Sam. 20:10. nga anak ni Jeter, nga ginpatay niya, nga nagpaagay sang dugo sang inaway sa tion sang paghidait, kag nagbutang sang dugo sang inaway sa iya wagkus nga yara sa iya hawak, kag sa iya mga sapin nga yara sa iya mga tiil. 6Busa himo-a sono sa imo kaalam, apang dili pagpapanauga sa Sheol ang iya ubanon nga olo sa paghidait. 7Apang pakita-i sing kalolo ang mga anak ni Barsilai nga Galaadnon,#2 Sam. 17:27-29. kag manginbahin sila sang mga nagakaon sa imo latok; kay sila nagkadto sa akon sang nagpalagyo ako gikan kay Absalom nga imo utud. 8Kag yara sa imo man si Simei nga anak ni Gera, ang Benjaminhon sang Bahurim, nga nagpakamalaut sa akon sa mapait nga pagpakamalaut sang adlaw nga ako nagkadto sa Mahanaim;#2 Sam. 16:5-13. apang sang sia nagdulhog sa pagsugata sa akon sa Jordan, ako nagsumpa sa iya sa Ginoo, nga nagasiling, ‘Ako indi magpatay sa imo sa espada.’#2 Sam. 19:16-23. 9Busa karon dili mo sia pagkabigon nga wala sing sala, kay tawo ka nga maalam; makahibalo ka kon ano ang imo himoon sa iya, kag papanaugon mo sa Sheol nga may dugo ang iya ubanon nga olo.”
Ang Pagkapatay ni David
(1 Cron. 29:26-30)
10Niyan si David nagtolog upud sa iya mga ginikanan, kag ginlubung sa banwa ni David. 11Kag ang mga adlaw nga naghari si David sa Israel kap-atan ka tuig; naghari sia sing pito ka tuig sa Hebron, kag naghari sia sing katloan kag tatlo ka tuig sa Jerusalem.#2 Sam. 5:4-5; 1 Cron. 3:4. 12Gani naglingkod si Salomon sa trono ni David nga iya amay;#1 Cron. 29:23. kag ang iya ginharian ginpalig-on gid.
Si Salomon Nagapalig-on sang Iya Ginharian
13Niyan si Adonias nga anak ni Haguit nagkadto kay Bat-seba nga iloy ni Salomon. Kag sia nagsiling, “Nagkari ka bala sa paghidait?” Kag nagsabat sia, “Sa paghidait.” 14Niyan nagsiling sia, “May isiling ako sa imo.” Sia nagsiling, “Isiling.” 15Sia nagsiling, “Ikaw nakahibalo nga ang ginharian akon, kag nga ang bug-os nga Israel nagahulat nga ako maghari; apang ang ginharian ginsaylo kag nangin-iya sang akon utud nga lalaki, kay iya ini gikan sa Ginoo. 16Kag karon nagapangayo ako sa imo sang isa ka pangabay; dili ako pagdumilii.” Sia nagsiling sa iya, “Isiling.” 17Kag sia nagsiling, “Ako nagaampo sa imo ipamolong kay Hari Salomon—sia indi magsiling sa imo nga indi—nga ipaasawa niya sa akon si Abisag nga Sunamnon.” 18Si Bat-seba nagsiling, “Maayo; ako magapamolong sa hari tungud sa imo.”
19Gani si Bat-seba nagsulud sa hari nga si Salomon, sa pagpamolong sa iya tungud kay Adonias. Kag ang hari nagtindug sa pagsugata sa iya, kag nagyaub sa iya; niyan naglingkod sa iya trono, kag nagpabutang sing trono sa iloy sang hari; kag naglingkod sia sa iya too. 20Niyan nagsiling sia, “Nagapangayo ako sing pangabay sa imo; dili ako pagdumilii.” Kag ang hari nagsiling sa iya, “Pangayo ka, iloy ko; kay indi ako magdumili sa imo.” 21Nagsiling sia, “Ipaasawa si Abisag nga Sunamnon sa imo utud nga si Adonias.” 22Si Hari Salomon nagsabat sa iya iloy, “Kag ngaa bala ginapangayo mo si Abisag nga Sunamnon nga kay Adonias? Pangayoa man nga sa iya ang ginharian; kay sia akon utud nga magulang, kag nga sa iya si Abiatar nga sacerdote kag si Joab nga anak ni Sarvia.” 23Niyan si Hari Salomon nagsumpa sa Ginoo, nga nagasiling, “Amo ini ang himoon sang Dios sa akon kag labi pa man kon si Adonias wala magpamolong sini nga polong batok sa iya kabuhi! 24Busa karon sa nagakabuhi ang Ginoo, nga nagpalig-on sa akon, kag nagbutang sa akon sa trono ni David nga akon amay, kag nga nagbuhat sa akon sing balay, sono sa iya ginsaad, si Adonias patyon sining adlaw.” 25Gani si Hari Salomon nagpadala kay Benaya nga anak ni Joiada; kag gindamhagan niya sia, sa bagay nga napatay sia.
26Kag kay Abiatar nga sacerdote nagsiling ang hari, “Kadto ka sa Anatot, sa imo kaugalingon nga mga latagon; kay ikaw takus sa kamatayon. Apang indi ko ikaw pagpatyon sa sining tion, bangud nga nagdala ka sang kaban sang Ginoong Dios sa atubangan ni David nga akon amay,#2 Sam. 15:24. kag bangud nga ginsakit ka sa tanan nga kasakit sang akon amay.#1 Sam. 22:20-23. 27Gani ginpahalin ni Salomon si Abiatar sa pagkasacerdote sa Ginoo, agud nga matuman niya ang polong sang Ginoo nga ginpamolong niya nahanungud sa panimalay ni Eli sa Silo.#1 Sam. 2:27-36.
28Sang nag-abut ang mga balita kay Joab—kay si Joab nagsaylo sa pagsonod kay Adonias bisan nga wala sia magsaylo sa pagsonod kay Absalom—si Joab nagpalagyo pakadto sa Layanglayang sang Ginoo kag nagkapyut sa mga sungay sang halaran. 29Kag sang ginsugid ini kay Hari Salomon, “Si Joab nagpalagyo pakadto sa Layanglayang sang Ginoo, kag yari karon, yara sia sa halaran,” ginpadala ni Salomon si Benaya nga anak ni Joiada, nga nagsiling, “Lakat, damhagi sia.” 30Gani si Benaya nagkadto sa Layanglayang sang Ginoo, kag nagsiling kay Joab, “Amo ini ang ginasiling sang hari, ‘Maggowa ka.’” Apang sia nagsabat “Indi, kondi manginmatay ako diri.” Niyan si Benaya nagdala liwat sing polong sa hari, nga nagasiling, “Amo ini ang ginsiling ni Joab, kag amo ini ang ginsabat niya sa akon.” 31Ang hari nagsiling sa iya, “Himoa sono sa iya ginsiling, damhagi sia kag ilubung sia; agud nga makuha mo ang dugo nga ginpaagay ni Joab sa wala sing kabangdanan gikan sa akon kag gikan sa panimalay sang akon amay. 32Pabalikon sang Ginoo ang iya dugo sa iya kaugalingon nga olo, bangud nga gindamhagan niya ang duha ka lalaki nga matarung pa kag maayo pa sa iya kag ginpatay sila sa espada, kag wala makahibalo sini ang akon amay nga si David, si Abner nga anak ni Ner, pangolo sang kasoldadosan sang Israel, kag si Amasa nga anak ni Jeter, pangolo sang kasoldadosan sang Juda. 33Gani ang dugo nila magabalik sa olo ni Joab kag sa olo sang iya mga kaliwatan sa gihapon; apang kay David, kag sa iya mga kaliwatan, kag sa iya panimalay, kag sa iya trono, may paghidait gihapon gikan sa Ginoo.” 34Niyan si Benaya nga anak ni Joiada nagtaklad, kag nagdamhag sa iya kag ginpatay sia; kag ginlubung sia sa iya kaugalingon nga balay sa kamingawan. 35Ginbutang sang hari si Benaya nga anak ni Joiada sa tal-us ni Joab sa ibabaw sang kasoldadosan, kag si Sadoc nga sacerdote ginbutang sang hari sa tal-us ni Abiatar.
36Niyan nagpadala ang hari kag ginpatawag si Simei, kag nagsiling sa iya, “Patindug ka sing balay sa Jerusalem, kag puyo didto, kag dili maggowa gikan didto bisan diin. 37Kay sa adlaw nga maggowa ka, kag magtabok sa sapa sang Cedron, mahibaloan mo sa pagkamatuud nga mapatay ka sing totoo; ang imo dugo maholog sa imo olo.” 38Kag si Simei nagsiling sa hari, “Ang pinamolong mo maayo; sono sa ginsiling sang akon ginoong hari, amo ang himoon sang imo alagad.” Gani nagpuyo si Simei sa sulud sang Jerusalem sing madamung adlaw.
39Apang nahanabu sa tapus ang tatlo ka tuig nga nagpalagyo ang duha ka alagad ni Simei kay Aquis, anak ni Maaca, hari sang Gat. Kag sang ginsugiran nila si Simei, “Yari karon, ang imo mga alagad yadto sa Gat,” 40si Simei nagtindug kag nagsiya sang iya asno, kag nagkadto kay Aquis sa Gat, sa pagpangita sang iya mga alagad; nagkadto si Simei kag gindala ang iya mga alagad gikan sa Gat. 41Kag sang ginsugid kay Salomon nga si Simei naghalin sa Jerusalem pakadto sa Gat kag nagbalik, 42ang hari nagpadala kag gintawag si Simei, kag nagsiling sa iya, “Wala bala ako magpasumpa sa imo sa Ginoo, kag nagpaandam sa imo, nga nagasiling, ‘Kilalaha sa pagkamatuud nga sa adlaw nga maggowa ka kag maglagaw sa gowa bisan diin, mapatay ka sing totoo’? Kag ikaw nagsiling sa akon, ‘Ang pinamolong nga nabatian ko maayo.’ 43Ngaa bala niyan nga wala mo pagbantayi ang sumpa sa Ginoo kag ang sogo nga akon gintulin sa imo?” 44Nagsiling man ang hari kay Simei, “Ikaw nakahibalo sang tanan nga pagkamalaut nga nahuptan sa imo tagiposoon nga ginhimo mo kay David nga akon amay; gani ang Ginoo magapabalik sang imo pagkamalaut sa imo kaugalingon nga olo. 45Apang si Hari Salomon pakamaayohon, kag ang trono ni David manginmalig-on sa gihapon sa atubangan sang Ginoo.” 46Niyan ang hari nagsogo kay Benaya nga ank ni Joiada; kag naggowa sia kag nagdamhag sa iya, sa bagay nga napatay sia.
Gani ang ginharian ginpalig-on sa kamut ni Salomon.
Currently Selected:
1 MGA HARI 2: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
1 MGA HARI 2
2
Ang Tulin ni David kay Salomon
1Sang nagpalapit na ang mga adlaw ni David nga mapatay sia, nagtulin sia kay Salomon nga iya anak, nga nagasiling, 2“Nagakadto ako sa dalanon sang bug-os nga duta. Magpakabakud ka, kag magpakalalaki ka, 3kag magbantay sang tinulin sang Ginoo nga imo Dios, sa paglakat sa iya mga dalanon kag sa pagbantay sang iya mga palatukuran, sang iya mga sogo, sang iya mga pagsolondan, kag sang iya mga pagpamatuud, sono sa nasulat sa kasogoan ni Moises, agud nga mag-uswag ka sa tanan nga imo ginahimo kag sa bisan diin ka nagaliso; 4agud nga ang Ginoo magpalig-on sang iya polong nga ginpamolong niya sa akon, nga nagasiling, ‘Kon ang imo mga anak maghalong sa ila dalanon, sa paglakat sa atubangan nakon sa kamatooran sa bug-os nilang tagiposoon kag sa bug-os nilang kalag, indi ka mawad-an sing lalaki sa trono sang Israel.’
5“Labut pa nahibaloan mo man ang ginhimo sa akon ni Joab nga anak ni Sarvia, bisan ang ginhimo niya sa duha ka pangolo sang kasoldadosan sa Israel, kay Abner#2 Sam. 3:27. nga anak ni Ner, kag kay Amasa#2 Sam. 20:10. nga anak ni Jeter, nga ginpatay niya, nga nagpaagay sang dugo sang inaway sa tion sang paghidait, kag nagbutang sang dugo sang inaway sa iya wagkus nga yara sa iya hawak, kag sa iya mga sapin nga yara sa iya mga tiil. 6Busa himo-a sono sa imo kaalam, apang dili pagpapanauga sa Sheol ang iya ubanon nga olo sa paghidait. 7Apang pakita-i sing kalolo ang mga anak ni Barsilai nga Galaadnon,#2 Sam. 17:27-29. kag manginbahin sila sang mga nagakaon sa imo latok; kay sila nagkadto sa akon sang nagpalagyo ako gikan kay Absalom nga imo utud. 8Kag yara sa imo man si Simei nga anak ni Gera, ang Benjaminhon sang Bahurim, nga nagpakamalaut sa akon sa mapait nga pagpakamalaut sang adlaw nga ako nagkadto sa Mahanaim;#2 Sam. 16:5-13. apang sang sia nagdulhog sa pagsugata sa akon sa Jordan, ako nagsumpa sa iya sa Ginoo, nga nagasiling, ‘Ako indi magpatay sa imo sa espada.’#2 Sam. 19:16-23. 9Busa karon dili mo sia pagkabigon nga wala sing sala, kay tawo ka nga maalam; makahibalo ka kon ano ang imo himoon sa iya, kag papanaugon mo sa Sheol nga may dugo ang iya ubanon nga olo.”
Ang Pagkapatay ni David
(1 Cron. 29:26-30)
10Niyan si David nagtolog upud sa iya mga ginikanan, kag ginlubung sa banwa ni David. 11Kag ang mga adlaw nga naghari si David sa Israel kap-atan ka tuig; naghari sia sing pito ka tuig sa Hebron, kag naghari sia sing katloan kag tatlo ka tuig sa Jerusalem.#2 Sam. 5:4-5; 1 Cron. 3:4. 12Gani naglingkod si Salomon sa trono ni David nga iya amay;#1 Cron. 29:23. kag ang iya ginharian ginpalig-on gid.
Si Salomon Nagapalig-on sang Iya Ginharian
13Niyan si Adonias nga anak ni Haguit nagkadto kay Bat-seba nga iloy ni Salomon. Kag sia nagsiling, “Nagkari ka bala sa paghidait?” Kag nagsabat sia, “Sa paghidait.” 14Niyan nagsiling sia, “May isiling ako sa imo.” Sia nagsiling, “Isiling.” 15Sia nagsiling, “Ikaw nakahibalo nga ang ginharian akon, kag nga ang bug-os nga Israel nagahulat nga ako maghari; apang ang ginharian ginsaylo kag nangin-iya sang akon utud nga lalaki, kay iya ini gikan sa Ginoo. 16Kag karon nagapangayo ako sa imo sang isa ka pangabay; dili ako pagdumilii.” Sia nagsiling sa iya, “Isiling.” 17Kag sia nagsiling, “Ako nagaampo sa imo ipamolong kay Hari Salomon—sia indi magsiling sa imo nga indi—nga ipaasawa niya sa akon si Abisag nga Sunamnon.” 18Si Bat-seba nagsiling, “Maayo; ako magapamolong sa hari tungud sa imo.”
19Gani si Bat-seba nagsulud sa hari nga si Salomon, sa pagpamolong sa iya tungud kay Adonias. Kag ang hari nagtindug sa pagsugata sa iya, kag nagyaub sa iya; niyan naglingkod sa iya trono, kag nagpabutang sing trono sa iloy sang hari; kag naglingkod sia sa iya too. 20Niyan nagsiling sia, “Nagapangayo ako sing pangabay sa imo; dili ako pagdumilii.” Kag ang hari nagsiling sa iya, “Pangayo ka, iloy ko; kay indi ako magdumili sa imo.” 21Nagsiling sia, “Ipaasawa si Abisag nga Sunamnon sa imo utud nga si Adonias.” 22Si Hari Salomon nagsabat sa iya iloy, “Kag ngaa bala ginapangayo mo si Abisag nga Sunamnon nga kay Adonias? Pangayoa man nga sa iya ang ginharian; kay sia akon utud nga magulang, kag nga sa iya si Abiatar nga sacerdote kag si Joab nga anak ni Sarvia.” 23Niyan si Hari Salomon nagsumpa sa Ginoo, nga nagasiling, “Amo ini ang himoon sang Dios sa akon kag labi pa man kon si Adonias wala magpamolong sini nga polong batok sa iya kabuhi! 24Busa karon sa nagakabuhi ang Ginoo, nga nagpalig-on sa akon, kag nagbutang sa akon sa trono ni David nga akon amay, kag nga nagbuhat sa akon sing balay, sono sa iya ginsaad, si Adonias patyon sining adlaw.” 25Gani si Hari Salomon nagpadala kay Benaya nga anak ni Joiada; kag gindamhagan niya sia, sa bagay nga napatay sia.
26Kag kay Abiatar nga sacerdote nagsiling ang hari, “Kadto ka sa Anatot, sa imo kaugalingon nga mga latagon; kay ikaw takus sa kamatayon. Apang indi ko ikaw pagpatyon sa sining tion, bangud nga nagdala ka sang kaban sang Ginoong Dios sa atubangan ni David nga akon amay,#2 Sam. 15:24. kag bangud nga ginsakit ka sa tanan nga kasakit sang akon amay.#1 Sam. 22:20-23. 27Gani ginpahalin ni Salomon si Abiatar sa pagkasacerdote sa Ginoo, agud nga matuman niya ang polong sang Ginoo nga ginpamolong niya nahanungud sa panimalay ni Eli sa Silo.#1 Sam. 2:27-36.
28Sang nag-abut ang mga balita kay Joab—kay si Joab nagsaylo sa pagsonod kay Adonias bisan nga wala sia magsaylo sa pagsonod kay Absalom—si Joab nagpalagyo pakadto sa Layanglayang sang Ginoo kag nagkapyut sa mga sungay sang halaran. 29Kag sang ginsugid ini kay Hari Salomon, “Si Joab nagpalagyo pakadto sa Layanglayang sang Ginoo, kag yari karon, yara sia sa halaran,” ginpadala ni Salomon si Benaya nga anak ni Joiada, nga nagsiling, “Lakat, damhagi sia.” 30Gani si Benaya nagkadto sa Layanglayang sang Ginoo, kag nagsiling kay Joab, “Amo ini ang ginasiling sang hari, ‘Maggowa ka.’” Apang sia nagsabat “Indi, kondi manginmatay ako diri.” Niyan si Benaya nagdala liwat sing polong sa hari, nga nagasiling, “Amo ini ang ginsiling ni Joab, kag amo ini ang ginsabat niya sa akon.” 31Ang hari nagsiling sa iya, “Himoa sono sa iya ginsiling, damhagi sia kag ilubung sia; agud nga makuha mo ang dugo nga ginpaagay ni Joab sa wala sing kabangdanan gikan sa akon kag gikan sa panimalay sang akon amay. 32Pabalikon sang Ginoo ang iya dugo sa iya kaugalingon nga olo, bangud nga gindamhagan niya ang duha ka lalaki nga matarung pa kag maayo pa sa iya kag ginpatay sila sa espada, kag wala makahibalo sini ang akon amay nga si David, si Abner nga anak ni Ner, pangolo sang kasoldadosan sang Israel, kag si Amasa nga anak ni Jeter, pangolo sang kasoldadosan sang Juda. 33Gani ang dugo nila magabalik sa olo ni Joab kag sa olo sang iya mga kaliwatan sa gihapon; apang kay David, kag sa iya mga kaliwatan, kag sa iya panimalay, kag sa iya trono, may paghidait gihapon gikan sa Ginoo.” 34Niyan si Benaya nga anak ni Joiada nagtaklad, kag nagdamhag sa iya kag ginpatay sia; kag ginlubung sia sa iya kaugalingon nga balay sa kamingawan. 35Ginbutang sang hari si Benaya nga anak ni Joiada sa tal-us ni Joab sa ibabaw sang kasoldadosan, kag si Sadoc nga sacerdote ginbutang sang hari sa tal-us ni Abiatar.
36Niyan nagpadala ang hari kag ginpatawag si Simei, kag nagsiling sa iya, “Patindug ka sing balay sa Jerusalem, kag puyo didto, kag dili maggowa gikan didto bisan diin. 37Kay sa adlaw nga maggowa ka, kag magtabok sa sapa sang Cedron, mahibaloan mo sa pagkamatuud nga mapatay ka sing totoo; ang imo dugo maholog sa imo olo.” 38Kag si Simei nagsiling sa hari, “Ang pinamolong mo maayo; sono sa ginsiling sang akon ginoong hari, amo ang himoon sang imo alagad.” Gani nagpuyo si Simei sa sulud sang Jerusalem sing madamung adlaw.
39Apang nahanabu sa tapus ang tatlo ka tuig nga nagpalagyo ang duha ka alagad ni Simei kay Aquis, anak ni Maaca, hari sang Gat. Kag sang ginsugiran nila si Simei, “Yari karon, ang imo mga alagad yadto sa Gat,” 40si Simei nagtindug kag nagsiya sang iya asno, kag nagkadto kay Aquis sa Gat, sa pagpangita sang iya mga alagad; nagkadto si Simei kag gindala ang iya mga alagad gikan sa Gat. 41Kag sang ginsugid kay Salomon nga si Simei naghalin sa Jerusalem pakadto sa Gat kag nagbalik, 42ang hari nagpadala kag gintawag si Simei, kag nagsiling sa iya, “Wala bala ako magpasumpa sa imo sa Ginoo, kag nagpaandam sa imo, nga nagasiling, ‘Kilalaha sa pagkamatuud nga sa adlaw nga maggowa ka kag maglagaw sa gowa bisan diin, mapatay ka sing totoo’? Kag ikaw nagsiling sa akon, ‘Ang pinamolong nga nabatian ko maayo.’ 43Ngaa bala niyan nga wala mo pagbantayi ang sumpa sa Ginoo kag ang sogo nga akon gintulin sa imo?” 44Nagsiling man ang hari kay Simei, “Ikaw nakahibalo sang tanan nga pagkamalaut nga nahuptan sa imo tagiposoon nga ginhimo mo kay David nga akon amay; gani ang Ginoo magapabalik sang imo pagkamalaut sa imo kaugalingon nga olo. 45Apang si Hari Salomon pakamaayohon, kag ang trono ni David manginmalig-on sa gihapon sa atubangan sang Ginoo.” 46Niyan ang hari nagsogo kay Benaya nga ank ni Joiada; kag naggowa sia kag nagdamhag sa iya, sa bagay nga napatay sia.
Gani ang ginharian ginpalig-on sa kamut ni Salomon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society