Ang Amba sang Mga Ambahanon 2
2
1Isa lamang ako ka bulak sa talon sang Saron,
isa ka lirio sa kapatagan sang bukid.
Ang Lalaki
2Subong sang isa ka lirio sa tunga sang mga tunok
amo man ang akon hinigugma sa tunga sang mga babayi.
Ang Babayi
3Subong sang kahoy nga mansanas sa tunga sang mga kahoy sa kagulangan,
amo man ang akon kahagugma kon ipaanggid sa iban nga mga lalaki.
Nanamian ako magpungko sa idalom sang landong sini,
kag ang iya bunga matam-is sa akon baba.
4Gindala niya ako sa iya punsyonan
kag ginbayaw niya ang hayahay sang gugma sa ibabaw nakon.
5Iuli ang akon kusog paagi sa mga pasas,
kag paumpawi ako sing mga mansanas!
Maluya ako tungod sang akon balatyagon.
6Ang iya wala nga kamot ginaunlan nakon,
kag ang iya tuo nga kamot nagahakos sa akon.
7Magsaad kamo sa akon, mga babayi sang Jerusalem,
magsumpa kamo paagi sa madasig nga mga usa kag sa mga gasela
nga indi ninyo pagtublagon ang amon paghigugma.
Ang Ikaduha nga Ambahanon
Ang Babayi
8Nabatian ko ang tingog sang akon kahagugma.
Nagapalapit sia nga nagadalagan sa mga kabukiran,
nga nagapanglakbay sa mga kabakuloran pakadto sa akon.
9Ang akon kahagugma subong sang gasela,
subong sang torite nga usa.
Yara sia nagatindog sa likod sang amon dingding.
Nagasid-ing sia sa mga bintana
kag nagatan-aw sa akon sa birha.
10Ang akon kahagugma naghagad sa akon.
Ang Lalaki
Palapit ka, palangga ko,
upod ka sa akon, hinigugma ko.
11Ang tigtulognaw nagligad na, kag ang tingulan tapos na,
12sa mga latagon ang mga bulak nagapamukadkad.
Tion ini sang mga pagkanta,
ang kanta sang mga pating mabatian sa mga kaumhan.
13Ang mga higos bagnas na,
kag nagapangamyon ang nagapamulak nga mga ubas.
Gani dali na, palangga ko,
upod ka sa akon, hinigugma ko.
14Nagapanago ikaw subong sang alimokon
sa gikab sang bato.
Patan-awa ako sang imo matahom nga nawong
kag pabatia ako sang imo malulo nga tingog.
15Dakpa ang mga singgalong, ang magamay nga mga singgalong,
sa wala pa nila masamad ang aton katamnan sang ubas nga nagapamulak.
Ang Babayi
16Ang akon hinigugma akon kag ako iya.
Nagapahalab sia sang iya panong sa tunga sang mga lirio
17tubtob maghuyop ang hangin sa kaagahon
kag ang kadudulman madula.
Balik ka, palangga ko, subong sang gasela,
subong sang torite nga usa sa mga kabukiran sang Beter.#2:17 mga kabukiran sang Beter: ukondalipion nga mga kabukiran.
Currently Selected:
Ang Amba sang Mga Ambahanon 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Ang Amba sang Mga Ambahanon 2
2
1Isa lamang ako ka bulak sa talon sang Saron,
isa ka lirio sa kapatagan sang bukid.
Ang Lalaki
2Subong sang isa ka lirio sa tunga sang mga tunok
amo man ang akon hinigugma sa tunga sang mga babayi.
Ang Babayi
3Subong sang kahoy nga mansanas sa tunga sang mga kahoy sa kagulangan,
amo man ang akon kahagugma kon ipaanggid sa iban nga mga lalaki.
Nanamian ako magpungko sa idalom sang landong sini,
kag ang iya bunga matam-is sa akon baba.
4Gindala niya ako sa iya punsyonan
kag ginbayaw niya ang hayahay sang gugma sa ibabaw nakon.
5Iuli ang akon kusog paagi sa mga pasas,
kag paumpawi ako sing mga mansanas!
Maluya ako tungod sang akon balatyagon.
6Ang iya wala nga kamot ginaunlan nakon,
kag ang iya tuo nga kamot nagahakos sa akon.
7Magsaad kamo sa akon, mga babayi sang Jerusalem,
magsumpa kamo paagi sa madasig nga mga usa kag sa mga gasela
nga indi ninyo pagtublagon ang amon paghigugma.
Ang Ikaduha nga Ambahanon
Ang Babayi
8Nabatian ko ang tingog sang akon kahagugma.
Nagapalapit sia nga nagadalagan sa mga kabukiran,
nga nagapanglakbay sa mga kabakuloran pakadto sa akon.
9Ang akon kahagugma subong sang gasela,
subong sang torite nga usa.
Yara sia nagatindog sa likod sang amon dingding.
Nagasid-ing sia sa mga bintana
kag nagatan-aw sa akon sa birha.
10Ang akon kahagugma naghagad sa akon.
Ang Lalaki
Palapit ka, palangga ko,
upod ka sa akon, hinigugma ko.
11Ang tigtulognaw nagligad na, kag ang tingulan tapos na,
12sa mga latagon ang mga bulak nagapamukadkad.
Tion ini sang mga pagkanta,
ang kanta sang mga pating mabatian sa mga kaumhan.
13Ang mga higos bagnas na,
kag nagapangamyon ang nagapamulak nga mga ubas.
Gani dali na, palangga ko,
upod ka sa akon, hinigugma ko.
14Nagapanago ikaw subong sang alimokon
sa gikab sang bato.
Patan-awa ako sang imo matahom nga nawong
kag pabatia ako sang imo malulo nga tingog.
15Dakpa ang mga singgalong, ang magamay nga mga singgalong,
sa wala pa nila masamad ang aton katamnan sang ubas nga nagapamulak.
Ang Babayi
16Ang akon hinigugma akon kag ako iya.
Nagapahalab sia sang iya panong sa tunga sang mga lirio
17tubtob maghuyop ang hangin sa kaagahon
kag ang kadudulman madula.
Balik ka, palangga ko, subong sang gasela,
subong sang torite nga usa sa mga kabukiran sang Beter.#2:17 mga kabukiran sang Beter: ukondalipion nga mga kabukiran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012