Sirac 29
29
Mga Pagpautang kag Pagbayad
1Ang#Exo. 22:25; Lev. 25:35-38. pagpautang sa imo isigkatawo isa ka buhat sang kaluoy,
paagi sa pagbulig sa iya ginatuman mo ang mga sugo.
2Pahulama ang imo isigkatawo sa tion sang kinawad-on,
kag bayari ang imo hulam sa iya sa husto nga tion.
3Tumana ang imo ginasiling kag saligi sia,
kag indi ka pagkulangon sang imo kinahanglan sa tanan nga tion.
4Ang iban nagakabig sang utang nga daw hulog sang langit
kag nagadala sing kabug-atan sa mga nagabulig sa ila.
5Agod makahulam sia, ang isa ka tawo nagabisa sa iya isigkatawo,
kag nagadayaw sang iya manggad nga may pagpaubos.
Pero kon tion na sa pagbayad nagapabuyanbuyan sia,
pirme lang balibad ang iya ginabayad
kag nagasiling nga pigado gid sia.
6Kon mapilitan gid man sia sa pagbayad, maayo na kon makakuha ang nagpahulam sa iya sang katunga,
kag magapabugal pa sia nahanungod sini.
Kon indi sia makabayad, ginpamintahaan niya ang kwarta sang isa,
kag nahimo sia nga kaaway sa indi husto nga tion.
Bayaran sia niya sing mga pagpakamalaut kag mga pasipala,
pagpakahuya sa baylo sang pagtahod.
7Tungod sini nga mga kalainan, ang iban indi na magpahulam,
sa kahadlok nga basi sila man pamintahaan.
Ang Pagkaalwan
8Wala sapayan magpailob ka sa wala sing kwarta,
indi na sila pagpahulata sang imo kaalwan.
9Tungod sa mga sugo buligi ang tawo nga imol,
kag sa iya kinawad-on indi sia pagpapaulia nga wala sing dala.
10Maghanda ka sa paggasto para sa isa ka utod ukon abyan,
indi pagpabay-i ang imo kwarta nga matuktokan man lang sa idalom sang bato.
11Gamita ang imo manggad suno sa mga sugo sang Labing Mataas,
kag magahatag ini sa imo sing kaayuhan labaw pa sang sa bulawan.
12Magtago ka sing kaalwan sa imo talaguan,
kag magaluwas ini sa imo sa mga kalalat-an.
13Mangin-imo ini hinganiban batok sa kaaway
nga maayo pa sang sa mabakod nga taming ukon sa mabug-at nga bangkaw.
Mga Piansa
14Ang maayo nga tawo magapiansa para sa iya isigkatawo,
pero ang tawo lamang nga wala sing huya amo ang magapaslaw sa iya.
15Kon ang isa ka tawo magpiansa para sa imo, indi pagkalimti ang iya kaayo,
kay gintaya niya ang iya kaugalingon para sa imo.
16Ang malaut nagausik sang pagkabutang sang nagapiansa sa iya,
17ang wala sing kabalaslan nga tawo nagakalimot sang nagtabang sa iya.
18Ang pagpiansa nagguba sang kauswagan sang madamo,
kag naglaglag sa ila kaangay sang mga balod sa dagat.
Nagtabog ini sang gamhanan nga mga tawo halin sa ila balay,
kag ginpadalangdalang sila sa iban nga mga pungsod.
19Kon ang isa ka malaut nga tawo magpiansa,
ang iya pagtinguha nga makaganansya magaulamid sa iya sa mga asunto.
20Buligi ang imo isigkatawo suno sa imo masarangan,
pero mag-andam ka nga indi ka matam-an.
Ang Balay kag ang Pagkamaabi-abihon
21Ang mga kinahanglanon sa pangabuhi amo ang tubig, kalan-on, mga bayu,
kag isa ka balay agod ikaw makakinaugalingon.
22Mas maayo pa ang pangabuhi sang isa ka imol sa iya kaugalingon nga hayubhayob
sang sa manamit nga kalan-on sa balay sang iban nga tawo.
23Magkuntento ka sang yara sa imo, diutay man ukon madamo,
kag likawi ang pagpamati sa bisan kay sin-o nga luyag magpakanubo sang imo panimalay.
24Makaluluoy ang pagpangabuhi sang nagapanglumon,
nga nagapugong sang imo kaugalingon tungod kay nagalumon ka lamang.
25Isa ikaw ka dumoluong nahibaluan mo ang kapait sang pagpakanubo,
wala labot sang masakit nga mga pulong nga imo mabatian:
26“Dali diri, dumoluong, kag ihanda ang lamisa,
ang bisan ano nga para sa imo ihatag sa akon agod kaunon ko.
27Halin ka dira, dumoluong! Pasudla ang dumoluaw nga dungganon.
Ang akon utod nag-abot kag magaestar diri, kinahanglan ko ang akon kwarto.”
28Daw ano kabudlay para sa tawo nga may tinun-an, sa pagbatas sang mga hambal nga masakit halin sa tagbalay
tungod sang iya paglumon, kag sa pagbatas sang insulto gikan sa iya nautangan.
Currently Selected:
Sirac 29: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 29
29
Mga Pagpautang kag Pagbayad
1Ang#Exo. 22:25; Lev. 25:35-38. pagpautang sa imo isigkatawo isa ka buhat sang kaluoy,
paagi sa pagbulig sa iya ginatuman mo ang mga sugo.
2Pahulama ang imo isigkatawo sa tion sang kinawad-on,
kag bayari ang imo hulam sa iya sa husto nga tion.
3Tumana ang imo ginasiling kag saligi sia,
kag indi ka pagkulangon sang imo kinahanglan sa tanan nga tion.
4Ang iban nagakabig sang utang nga daw hulog sang langit
kag nagadala sing kabug-atan sa mga nagabulig sa ila.
5Agod makahulam sia, ang isa ka tawo nagabisa sa iya isigkatawo,
kag nagadayaw sang iya manggad nga may pagpaubos.
Pero kon tion na sa pagbayad nagapabuyanbuyan sia,
pirme lang balibad ang iya ginabayad
kag nagasiling nga pigado gid sia.
6Kon mapilitan gid man sia sa pagbayad, maayo na kon makakuha ang nagpahulam sa iya sang katunga,
kag magapabugal pa sia nahanungod sini.
Kon indi sia makabayad, ginpamintahaan niya ang kwarta sang isa,
kag nahimo sia nga kaaway sa indi husto nga tion.
Bayaran sia niya sing mga pagpakamalaut kag mga pasipala,
pagpakahuya sa baylo sang pagtahod.
7Tungod sini nga mga kalainan, ang iban indi na magpahulam,
sa kahadlok nga basi sila man pamintahaan.
Ang Pagkaalwan
8Wala sapayan magpailob ka sa wala sing kwarta,
indi na sila pagpahulata sang imo kaalwan.
9Tungod sa mga sugo buligi ang tawo nga imol,
kag sa iya kinawad-on indi sia pagpapaulia nga wala sing dala.
10Maghanda ka sa paggasto para sa isa ka utod ukon abyan,
indi pagpabay-i ang imo kwarta nga matuktokan man lang sa idalom sang bato.
11Gamita ang imo manggad suno sa mga sugo sang Labing Mataas,
kag magahatag ini sa imo sing kaayuhan labaw pa sang sa bulawan.
12Magtago ka sing kaalwan sa imo talaguan,
kag magaluwas ini sa imo sa mga kalalat-an.
13Mangin-imo ini hinganiban batok sa kaaway
nga maayo pa sang sa mabakod nga taming ukon sa mabug-at nga bangkaw.
Mga Piansa
14Ang maayo nga tawo magapiansa para sa iya isigkatawo,
pero ang tawo lamang nga wala sing huya amo ang magapaslaw sa iya.
15Kon ang isa ka tawo magpiansa para sa imo, indi pagkalimti ang iya kaayo,
kay gintaya niya ang iya kaugalingon para sa imo.
16Ang malaut nagausik sang pagkabutang sang nagapiansa sa iya,
17ang wala sing kabalaslan nga tawo nagakalimot sang nagtabang sa iya.
18Ang pagpiansa nagguba sang kauswagan sang madamo,
kag naglaglag sa ila kaangay sang mga balod sa dagat.
Nagtabog ini sang gamhanan nga mga tawo halin sa ila balay,
kag ginpadalangdalang sila sa iban nga mga pungsod.
19Kon ang isa ka malaut nga tawo magpiansa,
ang iya pagtinguha nga makaganansya magaulamid sa iya sa mga asunto.
20Buligi ang imo isigkatawo suno sa imo masarangan,
pero mag-andam ka nga indi ka matam-an.
Ang Balay kag ang Pagkamaabi-abihon
21Ang mga kinahanglanon sa pangabuhi amo ang tubig, kalan-on, mga bayu,
kag isa ka balay agod ikaw makakinaugalingon.
22Mas maayo pa ang pangabuhi sang isa ka imol sa iya kaugalingon nga hayubhayob
sang sa manamit nga kalan-on sa balay sang iban nga tawo.
23Magkuntento ka sang yara sa imo, diutay man ukon madamo,
kag likawi ang pagpamati sa bisan kay sin-o nga luyag magpakanubo sang imo panimalay.
24Makaluluoy ang pagpangabuhi sang nagapanglumon,
nga nagapugong sang imo kaugalingon tungod kay nagalumon ka lamang.
25Isa ikaw ka dumoluong nahibaluan mo ang kapait sang pagpakanubo,
wala labot sang masakit nga mga pulong nga imo mabatian:
26“Dali diri, dumoluong, kag ihanda ang lamisa,
ang bisan ano nga para sa imo ihatag sa akon agod kaunon ko.
27Halin ka dira, dumoluong! Pasudla ang dumoluaw nga dungganon.
Ang akon utod nag-abot kag magaestar diri, kinahanglan ko ang akon kwarto.”
28Daw ano kabudlay para sa tawo nga may tinun-an, sa pagbatas sang mga hambal nga masakit halin sa tagbalay
tungod sang iya paglumon, kag sa pagbatas sang insulto gikan sa iya nautangan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012