Mateo 14
14
Ang Pagpatay kay Juan nga Manugbautiso
(Mar. 6:14-29; Luc. 9:7-9)
1Sa sadto nga tion si Herodes nga pangulo sang Galilea nakabati nahanungod kay Jesus. 2Nagsiling sia sa iya mga opisyales, “Sia amo si Juan nga manugbautiso nga nabanhaw. Amo ina kon ngaa may gahom sia sa paghimo sang mga milagro.”
3Kay#Luc. 3:19-20. ginpadakop sadto anay ni Herodes si Juan, ginpagapos sia kag ginsulod sa bilangguan. Ginhimo niya ini tungod kay Herodias nga asawa ni Felipe nga iya utod. 4Kay#Lev. 18:16; 20:21. sa pila ka beses si Juan nga manugbautiso nagsiling kay Herodes, “Batok sa kasugoan ang imo pagpuyo upod sa kay Herodias!” 5Ipapatay kuntani ni Herodes si Juan, ugaling nahadlok sia sa mga Judio tungod kay ginakabig nila nga si Juan isa ka propeta.
6Sa kaadlawan ni Herodes, ang anak nga babayi ni Herodias nagsaot sa atubang sang mga bisita sa bagay nga nakunyag gid si Herodes. 7Tungod sini nagtug-an sia sa iya, “Nagasumpa ako nga bisan ano ang imo pangayuon sa akon ihatag ko sa imo!”
8Sa sudyot sang iya iloy nagsiling sia kay Herodes, “Ihatag sa akon subong gid ang ulo ni Juan nga manugbautiso nga nabutang sa bandihado!”
9Nagkasubo ang hari pero tungod sang iya sinumpaan sa atubang sang tanan nga mga bisita nagsugo sia nga ihatag ang pangayo sang dalagita. 10Gani ginpapugotan niya si Juan sa bilangguan. 11Ang ulo gindala nga natungtong sa bandihado kag ginhatag sa dalagita, kag iya ini gindala sa iya iloy. 12Sa tapos sina, nag-abot ang mga gintuton-an ni Juan kag ila ginkuha ang bangkay kag ginlubong. Dayon naglakat sila kag ginsugiran si Jesus.
Ginpakaon ni Jesus ang Lima ka Libo
(Mar. 6:30-44; Luc. 9:10-17; Juan 6:1-14)
13Sang pagkabati ni Jesus sang balita nahanungod kay Juan, naghalin sia sa sadto nga lugar nga nagasakay sa sakayan kag nagkadto sa isa ka baw-ing nga lugar nga isahanon lang. Sang nahibaluan ini sang mga tawo, nagwa sila sa ila mga banwa kag nag-apas kay Jesus nga nagalakat lang. 14Sang pagtakas ni Jesus, nakita niya ang madamo nga mga tawo. Naluoy gid sia sa ila kag gin-ayo niya ang ila mga masakiton.
15Sang sirom na, ang iya mga gintuton-an nagpalapit sa iya kag nagsiling, “Madulom na kag baw-ing ini nga lugar. Palakta ang mga tawo sa pagkadto sa mga barangay agod makabakal sila sang pagkaon para sa ila kaugalingon.”
16Nagsabat si Jesus, “Indi na kinahanglan nga maglakat pa sila. Kamo mismo ang maghatag sa ila sing pagkaon.”
17Nagsabat sila, “Lima gid lang ka bilog nga tinapay kag duha ka isda ang ari sa amon.”
18Nagsiling si Jesus, “Dalha ninyo ina diri sa akon.” 19Ginsugo niya ang mga tawo nga magpungko sa hilamon. Dayon iya ginkuha ang lima ka bilog nga tinapay kag duha ka isda, nagtangla sa langit kag nagpasalamat sa Dios. Ginpamihakpihak niya ang tinapay kag ginhatag niya ini sa iya mga gintuton-an, kag ginhatag ini sang mga gintuton-an sa mga tawo. 20Ang tagsatagsa nagkaon kag nabusog. Dayon gintipon sang mga gintuton-an ang nabilin kag dose pa ka mga alat ang napuno. 21Ang mga nagkalaon mga 5,000 ka mga lalaki, wala labot ang mga babayi kag mga kabataan.
Si Jesus Naglakat sa Ibabaw sang Tubig
(Mar. 6:45-52; Juan 6:15-21)
22Dayon ginsugo ni Jesus ang iya mga gintuton-an sa pagsakay sa sakayan kag sa pag-una sa tabok sang linaw, samtang ginpapauli niya ang mga tawo. 23Sang mapalakat na niya ang mga tawo nagtaklad sia nga nagaisahanon sa isa ka bakulod sa pagpangamuyo. Sang gab-i na, isa lang si Jesus didto. 24Sa amo nga tion, ang sakayan didto na sa tunga sang linaw nga ginabulobalinsay sang mga balod, tungod kay sumpong ang hangin.
25Sang kaagahon na, si Jesus nag-apas sa iya mga gintuton-an nga nagalakat sa ibabaw sang tubig. 26Sang makita nila sia nga nagalakat sa ibabaw sang tubig, kinulbaan gid sila. Nagsinggit sila sa kahadlok nga nagasiling, “Bagat!”
27Sa gilayon si Jesus nagsiling sa ila, “Magpakaisog kamo! Ako ini. Indi kamo magkahadlok!”
28Dayon si Pedro nagsiling, “Ginoo, kon ikaw gid ina, pakadtua ako sa imo nga nagalakat sa ibabaw sang tubig.”
29Si Jesus nagsabat, “Dali diri!” Gani nagpanaog si Pedro sa sakayan kag naglakat sa ibabaw sang tubig pakadto kay Jesus. 30Pero sang matalupangdan niya nga mabaskog ang hangin, hinadlukan sia kag nag-amat-amat sia lugdang sa tubig. Nagsinggit sia, “Ginoo, tabangi ako!”
31Sa gilayon gindawhat sia ni Jesus kag gin-uyatan nga nagasiling, “Kadiutay sang imo pagtuo! Ngaa bala nagpangduhaduha ka?”
32Nagbalik sila nga duha sa sakayan, kag naglinaw. 33Dayon ang mga gintuton-an sa sakayan nagsimba kay Jesus nga nagsiling, “Matuod gid nga ikaw ang Anak sang Dios!”
Ginpang-ayo ni Jesus ang mga Masakiton sa Genesaret
(Mar. 6:53-56)
34Nagtabok sila sa linaw kag nagdungka sa Genesaret, 35sa diin si Jesus nakilala sang mga tawo. Gani ginpahibalo nila ang mga tawo sa palibot nga mga lugar nga si Jesus ato didto. Dayon gindala sang mga tawo kay Jesus ang tanan nga mga masakiton. 36Nagpangabay sila sa iya nga kon mahimo ang mga masakiton makatandog bisan sa sidsid lang sang iya bayu, kag ang tanan nga nakatandog sini nag-alayo.
Currently Selected:
Mateo 14: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Mateo 14
14
Ang Pagpatay kay Juan nga Manugbautiso
(Mar. 6:14-29; Luc. 9:7-9)
1Sa sadto nga tion si Herodes nga pangulo sang Galilea nakabati nahanungod kay Jesus. 2Nagsiling sia sa iya mga opisyales, “Sia amo si Juan nga manugbautiso nga nabanhaw. Amo ina kon ngaa may gahom sia sa paghimo sang mga milagro.”
3Kay#Luc. 3:19-20. ginpadakop sadto anay ni Herodes si Juan, ginpagapos sia kag ginsulod sa bilangguan. Ginhimo niya ini tungod kay Herodias nga asawa ni Felipe nga iya utod. 4Kay#Lev. 18:16; 20:21. sa pila ka beses si Juan nga manugbautiso nagsiling kay Herodes, “Batok sa kasugoan ang imo pagpuyo upod sa kay Herodias!” 5Ipapatay kuntani ni Herodes si Juan, ugaling nahadlok sia sa mga Judio tungod kay ginakabig nila nga si Juan isa ka propeta.
6Sa kaadlawan ni Herodes, ang anak nga babayi ni Herodias nagsaot sa atubang sang mga bisita sa bagay nga nakunyag gid si Herodes. 7Tungod sini nagtug-an sia sa iya, “Nagasumpa ako nga bisan ano ang imo pangayuon sa akon ihatag ko sa imo!”
8Sa sudyot sang iya iloy nagsiling sia kay Herodes, “Ihatag sa akon subong gid ang ulo ni Juan nga manugbautiso nga nabutang sa bandihado!”
9Nagkasubo ang hari pero tungod sang iya sinumpaan sa atubang sang tanan nga mga bisita nagsugo sia nga ihatag ang pangayo sang dalagita. 10Gani ginpapugotan niya si Juan sa bilangguan. 11Ang ulo gindala nga natungtong sa bandihado kag ginhatag sa dalagita, kag iya ini gindala sa iya iloy. 12Sa tapos sina, nag-abot ang mga gintuton-an ni Juan kag ila ginkuha ang bangkay kag ginlubong. Dayon naglakat sila kag ginsugiran si Jesus.
Ginpakaon ni Jesus ang Lima ka Libo
(Mar. 6:30-44; Luc. 9:10-17; Juan 6:1-14)
13Sang pagkabati ni Jesus sang balita nahanungod kay Juan, naghalin sia sa sadto nga lugar nga nagasakay sa sakayan kag nagkadto sa isa ka baw-ing nga lugar nga isahanon lang. Sang nahibaluan ini sang mga tawo, nagwa sila sa ila mga banwa kag nag-apas kay Jesus nga nagalakat lang. 14Sang pagtakas ni Jesus, nakita niya ang madamo nga mga tawo. Naluoy gid sia sa ila kag gin-ayo niya ang ila mga masakiton.
15Sang sirom na, ang iya mga gintuton-an nagpalapit sa iya kag nagsiling, “Madulom na kag baw-ing ini nga lugar. Palakta ang mga tawo sa pagkadto sa mga barangay agod makabakal sila sang pagkaon para sa ila kaugalingon.”
16Nagsabat si Jesus, “Indi na kinahanglan nga maglakat pa sila. Kamo mismo ang maghatag sa ila sing pagkaon.”
17Nagsabat sila, “Lima gid lang ka bilog nga tinapay kag duha ka isda ang ari sa amon.”
18Nagsiling si Jesus, “Dalha ninyo ina diri sa akon.” 19Ginsugo niya ang mga tawo nga magpungko sa hilamon. Dayon iya ginkuha ang lima ka bilog nga tinapay kag duha ka isda, nagtangla sa langit kag nagpasalamat sa Dios. Ginpamihakpihak niya ang tinapay kag ginhatag niya ini sa iya mga gintuton-an, kag ginhatag ini sang mga gintuton-an sa mga tawo. 20Ang tagsatagsa nagkaon kag nabusog. Dayon gintipon sang mga gintuton-an ang nabilin kag dose pa ka mga alat ang napuno. 21Ang mga nagkalaon mga 5,000 ka mga lalaki, wala labot ang mga babayi kag mga kabataan.
Si Jesus Naglakat sa Ibabaw sang Tubig
(Mar. 6:45-52; Juan 6:15-21)
22Dayon ginsugo ni Jesus ang iya mga gintuton-an sa pagsakay sa sakayan kag sa pag-una sa tabok sang linaw, samtang ginpapauli niya ang mga tawo. 23Sang mapalakat na niya ang mga tawo nagtaklad sia nga nagaisahanon sa isa ka bakulod sa pagpangamuyo. Sang gab-i na, isa lang si Jesus didto. 24Sa amo nga tion, ang sakayan didto na sa tunga sang linaw nga ginabulobalinsay sang mga balod, tungod kay sumpong ang hangin.
25Sang kaagahon na, si Jesus nag-apas sa iya mga gintuton-an nga nagalakat sa ibabaw sang tubig. 26Sang makita nila sia nga nagalakat sa ibabaw sang tubig, kinulbaan gid sila. Nagsinggit sila sa kahadlok nga nagasiling, “Bagat!”
27Sa gilayon si Jesus nagsiling sa ila, “Magpakaisog kamo! Ako ini. Indi kamo magkahadlok!”
28Dayon si Pedro nagsiling, “Ginoo, kon ikaw gid ina, pakadtua ako sa imo nga nagalakat sa ibabaw sang tubig.”
29Si Jesus nagsabat, “Dali diri!” Gani nagpanaog si Pedro sa sakayan kag naglakat sa ibabaw sang tubig pakadto kay Jesus. 30Pero sang matalupangdan niya nga mabaskog ang hangin, hinadlukan sia kag nag-amat-amat sia lugdang sa tubig. Nagsinggit sia, “Ginoo, tabangi ako!”
31Sa gilayon gindawhat sia ni Jesus kag gin-uyatan nga nagasiling, “Kadiutay sang imo pagtuo! Ngaa bala nagpangduhaduha ka?”
32Nagbalik sila nga duha sa sakayan, kag naglinaw. 33Dayon ang mga gintuton-an sa sakayan nagsimba kay Jesus nga nagsiling, “Matuod gid nga ikaw ang Anak sang Dios!”
Ginpang-ayo ni Jesus ang mga Masakiton sa Genesaret
(Mar. 6:53-56)
34Nagtabok sila sa linaw kag nagdungka sa Genesaret, 35sa diin si Jesus nakilala sang mga tawo. Gani ginpahibalo nila ang mga tawo sa palibot nga mga lugar nga si Jesus ato didto. Dayon gindala sang mga tawo kay Jesus ang tanan nga mga masakiton. 36Nagpangabay sila sa iya nga kon mahimo ang mga masakiton makatandog bisan sa sidsid lang sang iya bayu, kag ang tanan nga nakatandog sini nag-alayo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012