Levitico 7
7
Mga Halad tungod sang mga Balayran
1“Amo ini ang mga pagsulondan para sa mga halad tungod sang mga balayran. Tama ini ka balaan nga halad. 2Ang sapat para sa sini nga halad pagaihawon sa naaminhan nga kilid sang altar, sa diin ginaihaw ang mga sapat para sa mga halad nga sinunog, kag ang dugo sini iwisik sa apat ka mga kilid sang altar. 3Pagakuhaon ang tanan nga sapay sini kag ihalad sa altar: ang matambok nga ikog, ang sapay nga nagaputos sang mga kasudlan, 4ang mga batubato kag ang sapay nga yara sa sini, kag ang labing maayo nga bahin sang atay. 5Ang pari magasunog sang tanan nga sapay sa altar subong isa ka halad nga kalan-on sa akon. Isa ini ka halad nga bayad. 6Ang bisan sin-o nga lalaki sa mga panimalay sang pari sarang makakaon sini. Kinahanglan kaunon ini sa isa ka balaan nga duog tungod kay tama ini ka balaan.
7“May isa lamang ka pagsulondan para sa halad tungod sa sala kag sa halad nga bayad: ang karne iya sang pari nga nagadulot sang halad. 8Ang panit sang sapat nga ginadulot subong isa ka halad nga sinunog iya sang pari nga nagadulot sang halad. 9Ang tagsa ka halad nga kalan-on nga ginluto sa horno ukon ginluto sa kalaha ukon sa sartin, iya sang pari nga naghalad sini sa akon. 10Pero ang tanan nga halad nga kalan-on nga wala maluto, nasamuan sing lana ukon mamala, iya sang tanan nga mga pari nga kaliwat ni Aaron, kag kinahanglan partidahon nila ini sing palareho.
Mga Halad sa Paghiambit
11“Amo ini ang masunod nga mga pagsulondan para sa mga halad sa paghiambit nga ginadulot sa akon. 12Kon ang isa ka tawo maghimo sini subong isa ka halad sa pagpasalamat sa akon, magadulot sia sang sapat nga pagaihalad upod sa halad nga tinapay nga wala sing lebadora: ayhan madamol nga mga tinapay nga nahimo sa pinili nga harina nga nasamuan sing lana sang olivo ukon manipis nga mga tinapay nga nahamlitan sing lana sang olivo ukon kalan-unon nga nahimo sa pinili nga harina nga nasamuan sing lana sang olivo. 13Wala labot sini, magadulot sia sing mga tinapay nga naluto nga may lebadora. 14Idulot niya ang isa ka bahin sang tagsa ka sahi sang tinapay subong isa ka pinasahi nga bahin para sa akon, mangin-iya ini sang pari nga nagakuha sang dugo sang sapat kag nagawisik sini sa altar. 15Ang karne sang sapat dapat kaunon sa adlaw nga ginhalad ini, wala sing bahin sini nga ibilin tubtob sa madason nga aga.
16“Kon ang isa ka tawo magdala sang isa ka halad sa paghiambit subong nga pagtuman sang isa ka panaad ukon subong iya kaugalingon nga halad nga kinabubot-on, indi kinahanglan nga kaunon ini tanan sa adlaw nga ginhalad ini. Kon may mabilin, sarang ini makaon sa madason nga adlaw. 17Kon may mabilin pa nga karne sa ikatlo nga adlaw kinahanglan sunogon ini. 18Kon may mabilin nga kaunon sa ikatlo nga adlaw, indi ako magbaton sang halad sang amo nga tawo. Ang halad manginwalay pulos, kundi kabigon nga di-matinlo, kag ang bisan sin-o nga magkaon sini magaantos sang silot. 19Kon ang karne matandog sang bisan ano nga di-matinlo, indi ini dapat kaunon, kundi pagasunogon.
“Ang bisan sin-o nga matinlo sarang makakaon sini, 20pero ang bisan sin-o nga di-matinlo nga magkaon sini, indi na pagkabigon nga isa sang akon mga tawo. 21Subong man, ang bisan sin-o nga magkaon sang karne sini nga halad sa tapos sia makatandog sang bisan ano nga di-matinlo, tawo ukon sapat, indi na sia pagkabigon nga isa sang akon mga katawhan.”
22Ang Ginoo naghatag kay Moises sang masunod nga mga pagsulondan: 23“Ihambal sa mga katawhan sang Israel nga wala sing sapay sang mga baka, sang mga karnero, ukon sang mga kanding nga pagakaunon. 24Ang sapay sang sapat nga napatay, ukon ginpatay sang talunon nga sapat indi dapat kaunon, pero sarang ini magamit sa iban nga tinutuyo. 25Ang bisan sin-o nga magkaon sang sapay sang sapat nga ginahalad subong isa ka halad nga kalan-on para sa akon, indi na pagkabigon nga isa sang akon mga katawhan.” 26Bisan#Gen. 9:4; Lev. 17:10-14; 19:26; Deut. 12:16, 23; 15:23. diin nagaestar ang mga Israelinhon, indi gid sila magkaon sang dugo sang mga pispis ukon mga sapat. 27Ang bisan sin-o nga maglapas sini nga kasugoan indi na pagkabigon nga isa sang akon mga katawhan.”
28Ang Ginoo naghatag kay Moises sang masunod nga mga pagsulondan: 29“Ihambal sa mga katawhan sang Israel nga ang bisan sin-o nga magdulot sang isa ka halad sa paghiambit, kinahanglan magdala sang bahin sini subong isa ka pinasahi nga dulot sa akon, 30nga nagadala sini sa iya kaugalingon nga mga kamot subong isa ka halad nga kalan-on. Dalhon niya ang sapay sang sapat upod sang dughan sini, kag ihalad ini subong isa ka pinasahi nga dulot sa akon. 31Ang pari magasunog sang sapay sa altar, pero ang dughan iya sang mga pari. 32Ang pangulihi nga tuo nga tiil sang sapat ihatag subong pinasahi nga bahin 33sang pari nga nagadulot sang dugo kag sang sapay subong halad sa paghiambit. 34Ang dughan sang sapat isa ka pinasahi nga dulot kag ang pangulihi nga tuo nga tiil isa ka pinasahi nga bahin nga ginkuha ko halin sa mga katawhan sang Israel kag ginhatag sa mga pari. Amo ini ang dapat ihatag sang mga tawo sang Israel sa mga pari sa tanan nga panahon nga palaabuton. 35Amo ini ang bahin sang kalan-on nga ginhalad sa akon nga ginhatag kay Aaron kag sa iya mga anak nga lalaki sa adlaw nga gin-ordinan sila subong mga pari. 36Sadto nga adlaw, nagsugo ako sa katawhan sang Israel sa paghatag sa mga pari sini nga bahin sang halad. Amo ini ang pagsulondan nga dapat tumanon sang mga tawo sang Israel sa tanan nga panahon nga magaabot.”
37Gani, amo ini ang mga pagsulondan para sa mga halad nga sinunog, mga halad nga kalan-on, mga halad tungod sa sala, mga halad tungod sa balayran, mga halad sa pag-orden, kag mga halad sa paghiambit. 38Ang Ginoo naghatag sini nga mga sugo kay Moises sa Bukid sang Sinai, didto sa desierto, sa adlaw nga ginsingganan niya ang mga tawo sang Israel sa paghimo sang ila mga halad.
Currently Selected:
Levitico 7: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Levitico 7
7
Mga Halad tungod sang mga Balayran
1“Amo ini ang mga pagsulondan para sa mga halad tungod sang mga balayran. Tama ini ka balaan nga halad. 2Ang sapat para sa sini nga halad pagaihawon sa naaminhan nga kilid sang altar, sa diin ginaihaw ang mga sapat para sa mga halad nga sinunog, kag ang dugo sini iwisik sa apat ka mga kilid sang altar. 3Pagakuhaon ang tanan nga sapay sini kag ihalad sa altar: ang matambok nga ikog, ang sapay nga nagaputos sang mga kasudlan, 4ang mga batubato kag ang sapay nga yara sa sini, kag ang labing maayo nga bahin sang atay. 5Ang pari magasunog sang tanan nga sapay sa altar subong isa ka halad nga kalan-on sa akon. Isa ini ka halad nga bayad. 6Ang bisan sin-o nga lalaki sa mga panimalay sang pari sarang makakaon sini. Kinahanglan kaunon ini sa isa ka balaan nga duog tungod kay tama ini ka balaan.
7“May isa lamang ka pagsulondan para sa halad tungod sa sala kag sa halad nga bayad: ang karne iya sang pari nga nagadulot sang halad. 8Ang panit sang sapat nga ginadulot subong isa ka halad nga sinunog iya sang pari nga nagadulot sang halad. 9Ang tagsa ka halad nga kalan-on nga ginluto sa horno ukon ginluto sa kalaha ukon sa sartin, iya sang pari nga naghalad sini sa akon. 10Pero ang tanan nga halad nga kalan-on nga wala maluto, nasamuan sing lana ukon mamala, iya sang tanan nga mga pari nga kaliwat ni Aaron, kag kinahanglan partidahon nila ini sing palareho.
Mga Halad sa Paghiambit
11“Amo ini ang masunod nga mga pagsulondan para sa mga halad sa paghiambit nga ginadulot sa akon. 12Kon ang isa ka tawo maghimo sini subong isa ka halad sa pagpasalamat sa akon, magadulot sia sang sapat nga pagaihalad upod sa halad nga tinapay nga wala sing lebadora: ayhan madamol nga mga tinapay nga nahimo sa pinili nga harina nga nasamuan sing lana sang olivo ukon manipis nga mga tinapay nga nahamlitan sing lana sang olivo ukon kalan-unon nga nahimo sa pinili nga harina nga nasamuan sing lana sang olivo. 13Wala labot sini, magadulot sia sing mga tinapay nga naluto nga may lebadora. 14Idulot niya ang isa ka bahin sang tagsa ka sahi sang tinapay subong isa ka pinasahi nga bahin para sa akon, mangin-iya ini sang pari nga nagakuha sang dugo sang sapat kag nagawisik sini sa altar. 15Ang karne sang sapat dapat kaunon sa adlaw nga ginhalad ini, wala sing bahin sini nga ibilin tubtob sa madason nga aga.
16“Kon ang isa ka tawo magdala sang isa ka halad sa paghiambit subong nga pagtuman sang isa ka panaad ukon subong iya kaugalingon nga halad nga kinabubot-on, indi kinahanglan nga kaunon ini tanan sa adlaw nga ginhalad ini. Kon may mabilin, sarang ini makaon sa madason nga adlaw. 17Kon may mabilin pa nga karne sa ikatlo nga adlaw kinahanglan sunogon ini. 18Kon may mabilin nga kaunon sa ikatlo nga adlaw, indi ako magbaton sang halad sang amo nga tawo. Ang halad manginwalay pulos, kundi kabigon nga di-matinlo, kag ang bisan sin-o nga magkaon sini magaantos sang silot. 19Kon ang karne matandog sang bisan ano nga di-matinlo, indi ini dapat kaunon, kundi pagasunogon.
“Ang bisan sin-o nga matinlo sarang makakaon sini, 20pero ang bisan sin-o nga di-matinlo nga magkaon sini, indi na pagkabigon nga isa sang akon mga tawo. 21Subong man, ang bisan sin-o nga magkaon sang karne sini nga halad sa tapos sia makatandog sang bisan ano nga di-matinlo, tawo ukon sapat, indi na sia pagkabigon nga isa sang akon mga katawhan.”
22Ang Ginoo naghatag kay Moises sang masunod nga mga pagsulondan: 23“Ihambal sa mga katawhan sang Israel nga wala sing sapay sang mga baka, sang mga karnero, ukon sang mga kanding nga pagakaunon. 24Ang sapay sang sapat nga napatay, ukon ginpatay sang talunon nga sapat indi dapat kaunon, pero sarang ini magamit sa iban nga tinutuyo. 25Ang bisan sin-o nga magkaon sang sapay sang sapat nga ginahalad subong isa ka halad nga kalan-on para sa akon, indi na pagkabigon nga isa sang akon mga katawhan.” 26Bisan#Gen. 9:4; Lev. 17:10-14; 19:26; Deut. 12:16, 23; 15:23. diin nagaestar ang mga Israelinhon, indi gid sila magkaon sang dugo sang mga pispis ukon mga sapat. 27Ang bisan sin-o nga maglapas sini nga kasugoan indi na pagkabigon nga isa sang akon mga katawhan.”
28Ang Ginoo naghatag kay Moises sang masunod nga mga pagsulondan: 29“Ihambal sa mga katawhan sang Israel nga ang bisan sin-o nga magdulot sang isa ka halad sa paghiambit, kinahanglan magdala sang bahin sini subong isa ka pinasahi nga dulot sa akon, 30nga nagadala sini sa iya kaugalingon nga mga kamot subong isa ka halad nga kalan-on. Dalhon niya ang sapay sang sapat upod sang dughan sini, kag ihalad ini subong isa ka pinasahi nga dulot sa akon. 31Ang pari magasunog sang sapay sa altar, pero ang dughan iya sang mga pari. 32Ang pangulihi nga tuo nga tiil sang sapat ihatag subong pinasahi nga bahin 33sang pari nga nagadulot sang dugo kag sang sapay subong halad sa paghiambit. 34Ang dughan sang sapat isa ka pinasahi nga dulot kag ang pangulihi nga tuo nga tiil isa ka pinasahi nga bahin nga ginkuha ko halin sa mga katawhan sang Israel kag ginhatag sa mga pari. Amo ini ang dapat ihatag sang mga tawo sang Israel sa mga pari sa tanan nga panahon nga palaabuton. 35Amo ini ang bahin sang kalan-on nga ginhalad sa akon nga ginhatag kay Aaron kag sa iya mga anak nga lalaki sa adlaw nga gin-ordinan sila subong mga pari. 36Sadto nga adlaw, nagsugo ako sa katawhan sang Israel sa paghatag sa mga pari sini nga bahin sang halad. Amo ini ang pagsulondan nga dapat tumanon sang mga tawo sang Israel sa tanan nga panahon nga magaabot.”
37Gani, amo ini ang mga pagsulondan para sa mga halad nga sinunog, mga halad nga kalan-on, mga halad tungod sa sala, mga halad tungod sa balayran, mga halad sa pag-orden, kag mga halad sa paghiambit. 38Ang Ginoo naghatag sini nga mga sugo kay Moises sa Bukid sang Sinai, didto sa desierto, sa adlaw nga ginsingganan niya ang mga tawo sang Israel sa paghimo sang ila mga halad.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012