Exodo 24
24
Ang Kasugtanan Ginsilyuhan
1Ang Ginoo nagsiling kay Moises, “Taklad ka sa bukid pakadto diri sa akon upod kay Aaron, Nadab, kag kay Abiu, kag sa setenta ka mga pangulo sang Israel, kag samtang malayo pa kamo, magluhod kamo sa pagsimba sa akon. 2Ikaw lamang ang magpalapit sa akon. Ang iban indi magpalapit, kag bisan pa ang mga tawo indi magtaklad sa bukid.”
3Naglakat si Moises, kag ginsugiran ang mga tawo sang tanan nga ginsugo sang Ginoo, kag sang iya mga pagsulondan. Ang tanan nga mga tawo nagsabat sing dungan, “Tumanon namon ang tanan nga ginsiling sang Ginoo.” 4Ginsulat ni Moises ang tanan nga mga sugo sang Ginoo. Aga pa sang madason nga adlaw nagpatindog sia sing altar sa kunsaran sang bukid kag sang dose ka mga haligi nga bato para sa dose ka mga tribo sang Israel. 5Dayon nagpadala sia sing mga pamatan-on nga lalaki sang Israel, nga nagdulot sang mga halad nga sinunog kag nag-ihaw man sang mga toro nga baka agod ihalad sa Ginoo, subong halad sa paghiambit. 6Ginkuha ni Moises ang katunga sang dugo sang mga sapat kag ginbutang ini sa mga yahong, kag ang katunga ginwisik sa altar. 7Dayon ginkuha niya ang libro sang kasugtanan kag ginbasa ini sing mabaskog sa mga tawo, kag nagsiling sila, “Himuon namon ang tanan nga mga sugo sang Ginoo. Tumanon namon sia.”
8Dayon#Mat. 26:28; Mar. 14:24; Luc. 22:20; 1 Cor. 11:25; Heb. 10:29; Heb. 9:19-20. ginkuha ni Moises ang dugo sa mga yahong kag ginwisik ini sa mga tawo. Nagsiling sia, “Ini amo ang dugo nga nagaselyo sang kasugtanan nga ginhimo sang Ginoo sa inyo sa paghatag niya sini tanan nga mga sugo.”
9Sanday Moises, Aaron, Nadab, Abiu, kag ang setenta ka mga pangulo sang Israel nagtaklad sa bukid 10kag nakita nila ang Dios sang Israel. Sa idalom sang iya mga tiil daw may matapan nga dalan sang sapiro nga asol, nga subong katin-aw sang langit. 11Wala niya pag-anha ang pangulo nga mga tawo sang Israel. Nakita nila ang Dios, kag dayon nagkaon kag nag-inom sila.
Si Moises sa Bukid sang Sinai
12Ang Ginoo nagsiling kay Moises, “Taklad ka sa bukid pakadto sa akon, kag magpabilin diri. Ihatag ko sa imo ang lapida nga mga bato, nga nasulatan sang tanan nga mga kasugoan kag sugo, agod itudlo sa mga tawo.” 13Nag-aman si Moises, upod kay Josue nga iya alagad, kag nagtaklad sila,#24:13 Ang isa ka dumaan nga pagbadbadnagtaklad sila; sa Hebreonagtaklad si Moises. sa balaan nga bukid. 14Si Moises nagsiling sa mga pangulo, “Hulata ninyo kami diri tubtob nga magbalik kami. Si Aaron kag si Hur ari upod sa inyo, kag kon may kasuayon kamo, kadto lang kamo sa ila.”
15Nagtaklad si Moises sa bukid, kag gintabunan ini sang panganod. 16Ang makasililaw nga kapawa sang presensya sang Ginoo nagpanaog sa Bukid sang Sinai, kag sa sulod sang anom ka adlaw gintabunan ini sang panganod. Sa ikapito nga adlaw, gintawag sang Ginoo si Moises halin sa tunga sang panganod. 17Sa panulok sang mga Israelinhon, ang kapawa daw kaangay sang nagadabdab nga kalayo sa putokputokan sang bukid. 18Si#Deut. 9:9. Moises nagpadayon sa pagtaklad sa bukid kag nagsulod sa panganod. Nagpabilin sia didto sa sulod sang kwarenta ka adlaw kag gab-i.
Currently Selected:
Exodo 24: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Exodo 24
24
Ang Kasugtanan Ginsilyuhan
1Ang Ginoo nagsiling kay Moises, “Taklad ka sa bukid pakadto diri sa akon upod kay Aaron, Nadab, kag kay Abiu, kag sa setenta ka mga pangulo sang Israel, kag samtang malayo pa kamo, magluhod kamo sa pagsimba sa akon. 2Ikaw lamang ang magpalapit sa akon. Ang iban indi magpalapit, kag bisan pa ang mga tawo indi magtaklad sa bukid.”
3Naglakat si Moises, kag ginsugiran ang mga tawo sang tanan nga ginsugo sang Ginoo, kag sang iya mga pagsulondan. Ang tanan nga mga tawo nagsabat sing dungan, “Tumanon namon ang tanan nga ginsiling sang Ginoo.” 4Ginsulat ni Moises ang tanan nga mga sugo sang Ginoo. Aga pa sang madason nga adlaw nagpatindog sia sing altar sa kunsaran sang bukid kag sang dose ka mga haligi nga bato para sa dose ka mga tribo sang Israel. 5Dayon nagpadala sia sing mga pamatan-on nga lalaki sang Israel, nga nagdulot sang mga halad nga sinunog kag nag-ihaw man sang mga toro nga baka agod ihalad sa Ginoo, subong halad sa paghiambit. 6Ginkuha ni Moises ang katunga sang dugo sang mga sapat kag ginbutang ini sa mga yahong, kag ang katunga ginwisik sa altar. 7Dayon ginkuha niya ang libro sang kasugtanan kag ginbasa ini sing mabaskog sa mga tawo, kag nagsiling sila, “Himuon namon ang tanan nga mga sugo sang Ginoo. Tumanon namon sia.”
8Dayon#Mat. 26:28; Mar. 14:24; Luc. 22:20; 1 Cor. 11:25; Heb. 10:29; Heb. 9:19-20. ginkuha ni Moises ang dugo sa mga yahong kag ginwisik ini sa mga tawo. Nagsiling sia, “Ini amo ang dugo nga nagaselyo sang kasugtanan nga ginhimo sang Ginoo sa inyo sa paghatag niya sini tanan nga mga sugo.”
9Sanday Moises, Aaron, Nadab, Abiu, kag ang setenta ka mga pangulo sang Israel nagtaklad sa bukid 10kag nakita nila ang Dios sang Israel. Sa idalom sang iya mga tiil daw may matapan nga dalan sang sapiro nga asol, nga subong katin-aw sang langit. 11Wala niya pag-anha ang pangulo nga mga tawo sang Israel. Nakita nila ang Dios, kag dayon nagkaon kag nag-inom sila.
Si Moises sa Bukid sang Sinai
12Ang Ginoo nagsiling kay Moises, “Taklad ka sa bukid pakadto sa akon, kag magpabilin diri. Ihatag ko sa imo ang lapida nga mga bato, nga nasulatan sang tanan nga mga kasugoan kag sugo, agod itudlo sa mga tawo.” 13Nag-aman si Moises, upod kay Josue nga iya alagad, kag nagtaklad sila,#24:13 Ang isa ka dumaan nga pagbadbadnagtaklad sila; sa Hebreonagtaklad si Moises. sa balaan nga bukid. 14Si Moises nagsiling sa mga pangulo, “Hulata ninyo kami diri tubtob nga magbalik kami. Si Aaron kag si Hur ari upod sa inyo, kag kon may kasuayon kamo, kadto lang kamo sa ila.”
15Nagtaklad si Moises sa bukid, kag gintabunan ini sang panganod. 16Ang makasililaw nga kapawa sang presensya sang Ginoo nagpanaog sa Bukid sang Sinai, kag sa sulod sang anom ka adlaw gintabunan ini sang panganod. Sa ikapito nga adlaw, gintawag sang Ginoo si Moises halin sa tunga sang panganod. 17Sa panulok sang mga Israelinhon, ang kapawa daw kaangay sang nagadabdab nga kalayo sa putokputokan sang bukid. 18Si#Deut. 9:9. Moises nagpadayon sa pagtaklad sa bukid kag nagsulod sa panganod. Nagpabilin sia didto sa sulod sang kwarenta ka adlaw kag gab-i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012