2 Macabeo 6
6
Ginhingabot ang mga Judio tungod sang ila Pagtuo
1Sa wala lang madugay, ginpadala sang hari ang isa ka tigulang nga tawo gikan sa Atena sa pagpilit sa mga Judio sa pagsikway sang mga pagginawi sang ila mga katigulangan kag indi na magkabuhi suno sa mga kasugoan sang Dios. 2Ginpadala man sia sa pagdagta sang Templo sa Jerusalem kag sa paghalad sini sa diosdios nga si Zeus,#6:2 ZEUS: Ang labing mataas nga dios sang mga Griego; ang Bukid Olimpico ginhunahunaan nga amo ang iya ilistaran. isa ka dios sa Olimpico. Ang templo sa Bukid sang Gerizim pagahingalanan “Templo ni Zeus, ang Abyan sang mga Dumoluong” suno sa pangayo sang mga pumoluyo. 3Tuman gid ang ila pagpamilit sining kalautan kag indi gid nila maagwanta. 4Ang Templo napuno sang pagsinadya kag pagbinastos sang mga Hentil nga nagkalipay upod sa mga babayi nga nagabaligya sang ila dungog kag nagpakighilawas sila bisan sa balaan nga mga lugar sang Templo, kag nagdala sila sang ginadilian nga mga butang sa Templo. 5Ang altar nga ginhalaran napuno sang mga inughalad nga ginakabig sang Kasugoan nga di-matinlo. 6Ang isa ka tawo nagpagusto lang kon indi sia magsunod sa pagtuman sang Adlaw nga Inugpahuway ukon sang iban nga mga piesta suno sa kinabatasan, ukon indi sia magkabig sang iya kaugalingon nga isa ka Judio. 7Sa bulan-bulan nga pagsaulog sang kaadlawan sang hari, ginapigos gid ang mga Judio sa pagkaon sang kasudlan sang mga ginahalad, kag kon mag-abot ang piesta ni Dionisio ginapilit sila sa paggamit sang korona nga nahimo sa balagon kag sa pag-upod sa prosesyon ni Dionisio. 8Sa pagsutsot sa mga pumoluyo sang Tolemaida, isa ka mando ang ginpadala sa mga kaingod nga mga siudad sang Gresia. Ang mga Judio didto ginpilit sa amo man nga pagginawi, kag may katungdanan man sila sa pag-ambit sa amo man nga kalan-on nga ginhalad. 9Ang sugo nagasiling man nga pamatyon ang indi magsunod sa mga pagbinatasan sang mga Griego. Gani maathag na gid nga manug-abot ang kalaglagan. 10Ang#1 Mac. 1:60-61. halimbawa sini amo ang duha ka babayi nga ginsumbong tungod kay ila ginpatuli ang ila mga kabataan. Ginpalibot sila sing hayag sa banwa, upod ang ila mga kabataan nga ginabitay sa ila mga dughan, kag dayon ginhaboy sila paggwa halin sa pader sang siudad. 11May#1 Mac. 2:32-38. iban nga mga tawo nga nagtipon sa mga kweba sa pagtuman sang Adlaw nga Inugpahuway agod indi mamutikan, pero ginsumbong sila kay Felipe kag ginsunog sila sing tingob, kay ang ila mga konsensya indi makatugot sa pag-apin sang ila kaugalingon tungod sang paghangad nila sang pagkabalaan sang adlaw.
Ang Ginoo Nagasilot kag Nagapakita sang Kaluoy
12Akon ginapangabay ang bisan sin-o nga magabasa sining libro nga indi sia magkasakit tungod sining mga kalalat-an, pero sa pagpainuino nga ining mga natabo wala ginhimo sa paglaglag sang aton kaliwat kundi sa pagdisiplina sini. 13Isa ka kamatuoran nga kon ang mga manughimo sang malain wala ginapadugay sa ila malaut nga mga bulohaton kundi ginapatilaw dayon sing silot, isa ini ka tanda sang dungganon nga kaalwan. 14Sa bahin sang iban nga mga pungsod ang Ginoo nagahulat sing mapinasensyahon tubtob mapuno nila ang talaksan sang ila mga sala ugaling silutan sila. Pero sa aton, nagpamat-od sia nga lain ang iya himuon. 15Ginasilutan niya kita dayon agod indi magsobra ang aton mga sala. 16Gani wala gid man niya ginabawi sing bug-os ang iya kaluoy sa aton, ayhan iya kita ginadisiplina paagi sa kalalat-an, pero wala niya ginapatumbayai ang iya kaugalingon nga mga tawo. 17Ginasiling ini bilang isa lamang ka pagpahanumdom, gani indi na kita mag-uyang sang panahon sa pagpadayon sang aton sugilanon.
Ang Pagpatay kay Eleazar tungod sang iya Pagtuo
18Sadto#Lev. 11:7-8; Heb. 11:35. anay may nagapanguna nga manunodlo sang Kasugoan, nga si Eleazar, isa ka tigulang kag dungganon sing pamatasan. Ginpilit nila sia nga buksan ang iya baba agod pakaunon sang unod sang baboy. 19-20Pero ginpasulabi niya nga mapatay nga dungganon sang sa magkabuhi nga ginakangil-aran, gani ginluad niya ang unod sang baboy kag kinabubot-on nga nagkadto sa lugar diin sia pagasilutan. Amo ini ang katungdanan sang isa ka tawo nga may kaisog sa pagsikway sang ginadumilian nga pagkaon, bisan pa ginapakamahal niya ang iya kabuhi. 21Tungod kay mag-abyan sila halin sang una, ining mga opisyales nga tinugyanan sining malaut nga bangkite, nagtawag sa iya sa sekrito kag nagsiling nga magdala sia sang pagkaon nga ginatugot sa pagkaon nga sia ang naghanda, kag magpakunokuno lang nga nagakaon sang pagkaon nga ginmando sang hari. 22Sa sini nga paagi, malikawan niya ang kamatayon kag mapuslan niya ang kaalwan nga bunga sang ila dugay na nga pag-abyanay.
23Pero si Eleazar nagpamat-od nga takos sang iya panuigon, takos sa dignidad sang iya katigulangon, takos sa talahuron nga uban sang iya buhok, takos man sang iya wala madagtaan nga pagkabuhi halin sang lamharon pa sia, kag labi sa tanan bangod sa balaan nga kasugoan nga ginahatag mismo sang Dios, ginbuyagyag niya sa publiko ang iya pamat-od, kag ginsingganan pa niya sila nga ipapatay na lang sia. 24Nagpaathag sia, “Sa sining panuigon, indi angay nga magpakunokuno pa kita. Madamo nga mga lamharon ang magsiling nga si Eleazar nga nagapanuigon na sing nobenta ka tuig, nagsaylo sa iban nga pagtuluohan. 25Kon magpakunokuno ako, agod maluwas ang akon kabuhi sa malip-ot nga tion, mapatalang ko sila kag mahuy-an kag madagtaan ang akon katigulangon. 26Ayhan, sa malip-ot nga panahon, akon malikawan ang silot sang tawo, pero buhi ukon patay, indi gid ako makaluwas sa kamot sang Makagagahom nga Dios. 27Gani kon maisog ako nga ihalad ang akon kabuhi, mangintakos pa ako sa akon katigulangon, 28kag mahatagan ko pa ang mga pamatan-on sing dungganon nga sulondan sing kinabubot-on kag mainalwanon nga pagkamatay tungod sang talahuron kag balaan nga mga kasugoan.”
Sang makasiling sia sini, nagkadto#6:28 nagkadto: Ang iban nga mga manuskrito may ginguyod. sia gilayon sa lugar diin sia pagasilutan. 29Ang mga tawo nga nag-ubay sa iya kag mainabyanon sa iya sang bag-o pa lamang, karon nanginmabangis batok sa iya kay ang iya ginsiling isa ka kabuangan para sa ila. 30Sang daw mapatay na sia tungod sang mga hanot, nag-ugayong sia kag nagsiling, “Ang Ginoo, sa iya balaan nga kaalam nakahibalo gid nga nakaluwas ako kuntani sa kamatayon, kag bisan daw ano kasakit ang ginabatyag sang akon lawas sa sining paghanot, sa akon kalag akon ginaantos sing malipayon, tungod sang akon pagtahod sa iya.”
31Amo ini ang iya pagkapatay. Sa iya kamatayon nagbilin sia sang isa ka sulondan sang kaisog kag indi malimtan nga handumanan indi lamang para sa mga pamatan-on kundi para man sa bug-os nga pungsod.
Currently Selected:
2 Macabeo 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 6
6
Ginhingabot ang mga Judio tungod sang ila Pagtuo
1Sa wala lang madugay, ginpadala sang hari ang isa ka tigulang nga tawo gikan sa Atena sa pagpilit sa mga Judio sa pagsikway sang mga pagginawi sang ila mga katigulangan kag indi na magkabuhi suno sa mga kasugoan sang Dios. 2Ginpadala man sia sa pagdagta sang Templo sa Jerusalem kag sa paghalad sini sa diosdios nga si Zeus,#6:2 ZEUS: Ang labing mataas nga dios sang mga Griego; ang Bukid Olimpico ginhunahunaan nga amo ang iya ilistaran. isa ka dios sa Olimpico. Ang templo sa Bukid sang Gerizim pagahingalanan “Templo ni Zeus, ang Abyan sang mga Dumoluong” suno sa pangayo sang mga pumoluyo. 3Tuman gid ang ila pagpamilit sining kalautan kag indi gid nila maagwanta. 4Ang Templo napuno sang pagsinadya kag pagbinastos sang mga Hentil nga nagkalipay upod sa mga babayi nga nagabaligya sang ila dungog kag nagpakighilawas sila bisan sa balaan nga mga lugar sang Templo, kag nagdala sila sang ginadilian nga mga butang sa Templo. 5Ang altar nga ginhalaran napuno sang mga inughalad nga ginakabig sang Kasugoan nga di-matinlo. 6Ang isa ka tawo nagpagusto lang kon indi sia magsunod sa pagtuman sang Adlaw nga Inugpahuway ukon sang iban nga mga piesta suno sa kinabatasan, ukon indi sia magkabig sang iya kaugalingon nga isa ka Judio. 7Sa bulan-bulan nga pagsaulog sang kaadlawan sang hari, ginapigos gid ang mga Judio sa pagkaon sang kasudlan sang mga ginahalad, kag kon mag-abot ang piesta ni Dionisio ginapilit sila sa paggamit sang korona nga nahimo sa balagon kag sa pag-upod sa prosesyon ni Dionisio. 8Sa pagsutsot sa mga pumoluyo sang Tolemaida, isa ka mando ang ginpadala sa mga kaingod nga mga siudad sang Gresia. Ang mga Judio didto ginpilit sa amo man nga pagginawi, kag may katungdanan man sila sa pag-ambit sa amo man nga kalan-on nga ginhalad. 9Ang sugo nagasiling man nga pamatyon ang indi magsunod sa mga pagbinatasan sang mga Griego. Gani maathag na gid nga manug-abot ang kalaglagan. 10Ang#1 Mac. 1:60-61. halimbawa sini amo ang duha ka babayi nga ginsumbong tungod kay ila ginpatuli ang ila mga kabataan. Ginpalibot sila sing hayag sa banwa, upod ang ila mga kabataan nga ginabitay sa ila mga dughan, kag dayon ginhaboy sila paggwa halin sa pader sang siudad. 11May#1 Mac. 2:32-38. iban nga mga tawo nga nagtipon sa mga kweba sa pagtuman sang Adlaw nga Inugpahuway agod indi mamutikan, pero ginsumbong sila kay Felipe kag ginsunog sila sing tingob, kay ang ila mga konsensya indi makatugot sa pag-apin sang ila kaugalingon tungod sang paghangad nila sang pagkabalaan sang adlaw.
Ang Ginoo Nagasilot kag Nagapakita sang Kaluoy
12Akon ginapangabay ang bisan sin-o nga magabasa sining libro nga indi sia magkasakit tungod sining mga kalalat-an, pero sa pagpainuino nga ining mga natabo wala ginhimo sa paglaglag sang aton kaliwat kundi sa pagdisiplina sini. 13Isa ka kamatuoran nga kon ang mga manughimo sang malain wala ginapadugay sa ila malaut nga mga bulohaton kundi ginapatilaw dayon sing silot, isa ini ka tanda sang dungganon nga kaalwan. 14Sa bahin sang iban nga mga pungsod ang Ginoo nagahulat sing mapinasensyahon tubtob mapuno nila ang talaksan sang ila mga sala ugaling silutan sila. Pero sa aton, nagpamat-od sia nga lain ang iya himuon. 15Ginasilutan niya kita dayon agod indi magsobra ang aton mga sala. 16Gani wala gid man niya ginabawi sing bug-os ang iya kaluoy sa aton, ayhan iya kita ginadisiplina paagi sa kalalat-an, pero wala niya ginapatumbayai ang iya kaugalingon nga mga tawo. 17Ginasiling ini bilang isa lamang ka pagpahanumdom, gani indi na kita mag-uyang sang panahon sa pagpadayon sang aton sugilanon.
Ang Pagpatay kay Eleazar tungod sang iya Pagtuo
18Sadto#Lev. 11:7-8; Heb. 11:35. anay may nagapanguna nga manunodlo sang Kasugoan, nga si Eleazar, isa ka tigulang kag dungganon sing pamatasan. Ginpilit nila sia nga buksan ang iya baba agod pakaunon sang unod sang baboy. 19-20Pero ginpasulabi niya nga mapatay nga dungganon sang sa magkabuhi nga ginakangil-aran, gani ginluad niya ang unod sang baboy kag kinabubot-on nga nagkadto sa lugar diin sia pagasilutan. Amo ini ang katungdanan sang isa ka tawo nga may kaisog sa pagsikway sang ginadumilian nga pagkaon, bisan pa ginapakamahal niya ang iya kabuhi. 21Tungod kay mag-abyan sila halin sang una, ining mga opisyales nga tinugyanan sining malaut nga bangkite, nagtawag sa iya sa sekrito kag nagsiling nga magdala sia sang pagkaon nga ginatugot sa pagkaon nga sia ang naghanda, kag magpakunokuno lang nga nagakaon sang pagkaon nga ginmando sang hari. 22Sa sini nga paagi, malikawan niya ang kamatayon kag mapuslan niya ang kaalwan nga bunga sang ila dugay na nga pag-abyanay.
23Pero si Eleazar nagpamat-od nga takos sang iya panuigon, takos sa dignidad sang iya katigulangon, takos sa talahuron nga uban sang iya buhok, takos man sang iya wala madagtaan nga pagkabuhi halin sang lamharon pa sia, kag labi sa tanan bangod sa balaan nga kasugoan nga ginahatag mismo sang Dios, ginbuyagyag niya sa publiko ang iya pamat-od, kag ginsingganan pa niya sila nga ipapatay na lang sia. 24Nagpaathag sia, “Sa sining panuigon, indi angay nga magpakunokuno pa kita. Madamo nga mga lamharon ang magsiling nga si Eleazar nga nagapanuigon na sing nobenta ka tuig, nagsaylo sa iban nga pagtuluohan. 25Kon magpakunokuno ako, agod maluwas ang akon kabuhi sa malip-ot nga tion, mapatalang ko sila kag mahuy-an kag madagtaan ang akon katigulangon. 26Ayhan, sa malip-ot nga panahon, akon malikawan ang silot sang tawo, pero buhi ukon patay, indi gid ako makaluwas sa kamot sang Makagagahom nga Dios. 27Gani kon maisog ako nga ihalad ang akon kabuhi, mangintakos pa ako sa akon katigulangon, 28kag mahatagan ko pa ang mga pamatan-on sing dungganon nga sulondan sing kinabubot-on kag mainalwanon nga pagkamatay tungod sang talahuron kag balaan nga mga kasugoan.”
Sang makasiling sia sini, nagkadto#6:28 nagkadto: Ang iban nga mga manuskrito may ginguyod. sia gilayon sa lugar diin sia pagasilutan. 29Ang mga tawo nga nag-ubay sa iya kag mainabyanon sa iya sang bag-o pa lamang, karon nanginmabangis batok sa iya kay ang iya ginsiling isa ka kabuangan para sa ila. 30Sang daw mapatay na sia tungod sang mga hanot, nag-ugayong sia kag nagsiling, “Ang Ginoo, sa iya balaan nga kaalam nakahibalo gid nga nakaluwas ako kuntani sa kamatayon, kag bisan daw ano kasakit ang ginabatyag sang akon lawas sa sining paghanot, sa akon kalag akon ginaantos sing malipayon, tungod sang akon pagtahod sa iya.”
31Amo ini ang iya pagkapatay. Sa iya kamatayon nagbilin sia sang isa ka sulondan sang kaisog kag indi malimtan nga handumanan indi lamang para sa mga pamatan-on kundi para man sa bug-os nga pungsod.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012