2 Macabeo 4
4
Ginsumbong ni Simon si Onias
1Ang ginhambalan naton nga si Simon, nga nagpanugid nahanungod sa natipon nga kwarta kag nagpanugid batok sa iya banwa nagsugod sa pagpakalain kay Onias. Nagbinutig sia paagi sa pagsiling nga indi maayo ang pagtratar sang Pinakamataas nga Pari kay Heliodoro kag sia man ang kabangdanan sang natabo. 2Karon, may kaisog si Simon sa pagsumbong kay Onias nga isa ka kaaway sang banwa, bisan nga si Onias manugbulig sang siudad, mangangapin sang iya kasimanwa kag sumolunod sang mga kasugoan. 3Ini nga kaawayon nagdugang sang ang isa sang mga tinawo ni Simon nagsugod sa pagpamatay. 4Nakita ni Onias nga makatalagam ang pagginamo kag iya nahibaluan nga si Apolonio, anak ni Menesteo nga gobernador sang Coeli-siria kag sang Fenicia amo ang nagpaisog kay Simon. 5Gani, nagkadto si Onias sa hari, indi sa pagsumbong sang iya mga kasimanwa, kundi bilang isa ka tawo nga nagatinguha sang kaayuhan sang bug-os nga banwa kag sang tagsatagsa ka pumoluyo. 6Iya nahibaluan nga kon indi magpahilabot ang hari mabudlay ang mag-angkon sang isa ka malinong nga pagdumalahan, kag pat-od gid nga indi mag-untat ang kalainan nga ginahimo ni Simon.
Si Jason Nagtudlo sang mga Pagginawi sang mga Griego
7Sang#1 Mac. 1:10. mapatay si Seleuco ginbuslan sia ni Antioco Epifanes subong hari. Si Jason nga utod ni Onias nagpadihot kag naggamit sang malain nga paagi agod sia mangin-Pinakamataas nga Pari. 8Nagpalapit sia#4:8 nagpalapit sia: ukon nagsulat sia. sa hari kag nagsaad sia sa paghatag sang 27,000 ka libra nga pilak kag sang 6,000 ka libra nga idugang pa gikan sa iban nga kuluhaan sang buhis. 9Nagpasugot man sia sa pagbayad sang dugang nga 11,250 ka libra nga pilak kon hatagan sia sing awtoridad sa pagpatindog sang isa ka gimnasyom kag sang isa ka tilipunan sang mga pamatan-on agod mahanas ang mga kalalakin-an sang Jerusalem nga manginsumolunod ni Haring Antioco.#4:9 mga kalalakin-an…Antioco: ukon mga katawhan sang Jerusalem subong mga pumoluyo sang Antioquia.
10Sang mapahanugotan si Jason sang hari kag sang makapungko sia sa pwesto, iya gintudloan ang iya mga kasimanwa sang mga pamatasan kag sang pagginawi sang mga Griego. 11Ginpauntat#1 Mac. 8:17. niya ang bulig sang hari sa mga Judio nga ginhatag anay tungod sang pagpanikasog ni Juan nga amay ni Eupolemo nga ginpadala nga embahador sa mga Romanhon, agod sa pag-asikaso sang kasugtanan sang pag-abyanay. Ginkuha niya ang mga pagdumalahan nga napatindog suno sa kasugoan kag nagtudlo sia sang mga pagginawi nga batok sa Kasugoan. 12Sa daku nga kasidla nagpatindog pa sia sang isa ka gimnasyom sa tiilan sang pamakod sa diin iya ginapilit ang labing dungganon nga mga kalalakin-an sa paggamit sang kalo sang mga Griego. 13Tungod sang tuman nga kalainan sining di-diosnon kag di-matuod nga Pinakamataas nga Pari nga si Jason, nagdalom gid ang pagkayanggaw sang mga tawo sa pangayaw kag sa Griego nga pamatasan 14sa bagay nga ginapatumbayaan sang mga pari ang mga bulohaton sa altar. Ginpasipalahan nila ang Templo kag ginpatumbayaan nila ang mga halad, pero maabtik sila magpakigbahin sa indi matarong nga mga hinampang sa tagsa ka tion nga ginhatag ang senyas. 15Ginpakalain nila ang ginakabig nga dungganon sang ila mga katigulangan kag ginpakamahal nila ang ginakabig nga dungog sang mga Griego. 16Pero ini tanan nagtuga sang isa ka daku nga kalalat-an kay ang mga tawo mismo nga ang ila mga pagginawi ila naluyagan kag ang mga pamatasan ila gintinguhaan nga sundon sa tanan nga mga bagay, nahimo nga ila mga kaaway kag manugpatay. 17Indi lahuglahog ang maglapas sang mga Kasugoan sang Dios. Makita ini sa nagkalatabo sang ulihi.
Ang Jerusalem sa Idalom sang gahom sang Siria
18Sang hiwaton sa Tiro ang mga hampang nga ginasaulog sa tagsa ka lima ka tuig nga ginatambungan sang hari, 19ang malaut nga si Jason nagpadala gikan sa Jerusalem sang mga sumolunod ni Antioco, nga amo ang nagdala sang 22,500 ka libra nga pilak agod ihalad kay Hercules. Pero bisan ang manugdala sang kwarta naghunahuna nga ang kwarta indi paggamiton subong halad, tungod kay ini indi nagakaigo kundi itigana ini para sa iban nga mga galastuhan. 20Gani ang kwarta nga gintuyo sang nagpadala nga ihalad kay Hercules, sa baylo gingamit sa pagpahimo sang mga barko sa inaway suno sa suhestyon sang mga nagdala sini.
21Si Apolonio nga anak ni Menesteo ginpadala sa Ehipto sa pagtambong sang koronasyon ni Haring Filometor. Sang pagkahibalo ni Antioco nga ang hari nagapamatok sang iya mga pagsulondan, naghunahuna sia sang iya kaugalingon nga kasigurohan, gani naghalin sia sa Jope kag nagkadto sa Jerusalem. 22Gin-abiabi sia sing mainit ni Jason kag sang bug-os nga siudad. Ginbaton sia sang mga tawo nga nagahinugyaw kag may dala nga mga sulo. Pagkatapos sini ginsaylo niya ang iya mga hangaway sa Fenicia.
Si Menelao Nahimo nga Pinakamataas nga Pari
23Pagkaligad sang tatlo ka tuig ginpadala ni Jason si Menelao, utod ni Simon nga nasambit na, sa pagdala sang kwarta sa hari kag sa paghibalo sang iya mga pamat-od sa nagkalainlain kag importante nga mga butang. 24Pero sang ipakilala si Menelao sa hari, daw si sin-o gid sia sa pagpakita sang iya awtoridad. Tungod sini, natigayon niya ang pag-angkon subong Pinakamataas nga Pari kay nalabawan niya si Jason sing 22,500 ka libra nga pilak. 25Nagbalik sia pagkatapos mapahanugotan sang hari. Pero wala sia sing kinaugali nga takos nga mangin-Pinakamataas nga Pari. May pagginawi sia sang isa ka mapintas nga manugpigos kag subong sia kabangis sang isa ka talunon nga sapat. 26Sa tapos maluiban ni Jason ang iya mismo nga utod ginluiban man sia sang isa ka tawo, gani napilitan sia sa pagpanago sa kadutaan sang mga Amonhon. 27Sa bahin ni Menelao, natigayon niya ang pag-angkon sang mataas nga palangakuan, pero wala niya matuman ang balayran nga iya ginsaad sa hari, 28bisan masako ang pagsukot ni Sostrato nga pangulo sang pamakod, nga ang obra amo ang pagpanukot sang buhis. Tungod sini ginpatawag sila nga duha sa atubang sang hari. 29Ginbilin ni Menelao sa iya utod nga si Lisimaco ang katungdanan subong kabulig nga Pinakamataas nga Pari. Samtang si Sostrato nagbilin kay Crates nga pangulo sang mga taga-Cipre sa pagbulos sa iya.
Ang Pagpatay kay Onias
30Samtang nagakahanabo ini tanan, ang mga pumoluyo sang Tarso kag sang Malo nagrebelde tungod kay ang ila mga banwa ginhatag subong regalo kay Antioquida nga kerida sang hari. 31Gani nagdalidali ang hari sa paghusay sining kinagamo samtang gintugyan niya kay Andronico, isa sang iya dungganon nga mga opisyales ang pagdumala sang ginharian. 32Nagdumdom si Menelao nga nakakita sia sang isa ka matahom nga kahigayunan, tungod sini iya ginkawat ang pila ka mga bulawan nga ilimnan gikan sa Templo kag ginhatag ini kay Andronico, kag ang iban ginbaligya niya sa Tiro kag sa kaingod nga mga siudad. 33Sang mapamatud-an ni Onias ang bug-os nga hitabo, nagkadto sia sa isa ka palanaguan didto sa Dafne malapit sa Antioquia kag didto ginbuyagyag niya sa mga tawo ang ginhimo ni Menelao. 34Tungod#Dan. 9:26. sini ginhagad ni Menelao si Andronico kag iya ini ginhaylo nga patyon si Onias. Ginpangita ni Andronico si Onias. Sa tapos niya mapasalig nga indi maano si Onias, nagmadinalag-on sia sa paghaylo sa iya. Bisan pa nagapangduhaduha si Onias naggwa sia sa palanaguan kag dayon ginpatay sia ni Andronico nga wala nagakilala sang katarungan.
Ginsilutan si Andronico
35Tungod sini, ang mga Judio kag ang iban nga mga pungsod naakig kag nainit sa sining indi matarong nga pagpatay. 36Sang pagbalik sang hari gikan sa Cilicia, ang mga Judio sang siudad kag ang mga Griego nga nagbuylog man sa pagkangil-ad sa sining krimen, nagpanugiron sa iya natungod sining sinapat nga pagpatay kay Onias. 37Tuman gid ang kasubo kag ang kaluoy ni Antioco. Nagtangis sia tungod sang mainandamon nga paghulag kag husto nga pagpugong sang kaugalingon sining namatay. 38Naakig gid ang hari kag iya dayon ginpaubahan si Andronico sang iya harianon nga bayu. Ginpagisi niya ang iya nasulod nga bayu kag ginparada sia sa bilog nga siudad. Ginlaglag niya sa kalibutan ining manugpatay sa lugar nga ginpatay niya si Onias. Paagi sini, ang Ginoo naghatag sang silot nga angay sa iya.
Ginpatay si Lisimaco
39Upod kay Menelao, madamo na gid nga pagpangawat ang ginhimo ni Lisimaco sa Templo sang Jerusalem nga wala nagatahod sang pagkabalaan sini. Kag sang naglapnag ini nga balita, ang mga pumoluyo nagrebelde batok kay Lisimaco nga nagpamaligya na sang madamo nga mga pinggan nga bulawan. 40Sang ang akig nga mga tawo indi na mapunggan, si Lisimaco nag-aman sang mga 3,000 ka mga soldado kag ginhalitan sila. Ang mga hangaway gindumalahan ni Aurano nga gulang na, kag indi man maulihi sa kabuangan. 41Sang mabatyagan sang mga Judio nga ining pagpanghalit pahito ni Lisimaco, ang iban nagpanghaboy sang mga bato kag ang iban sang inutod nga mga kahoy, ang iban naghakop sang abo, kag ang tanan naghaboy sang bisan ano lang nga ila madakpan sa mga tinawo ni Lisimaco. 42Tungod sini, madamo ang ila napilasan, may pila nga napatay kag ang nabilin sa ila ginpanglagas. Ginpatay nila ang makawat sang Templo nga si Lisimaco sa gwa sang talaguan sang kwarta.
Gindala si Menelao sa Hukmanan
43Tungod sini, ginpasakaan sang mga panumbongon si Menelao. 44Sang pag-abot sang hari sa Tiro, ang tatlo ka tawo nga ginpadala sang mga katigulangan amo ang nagdala sing panumbongon batok kay Menelao. 45Sang makita ni Menelao nga napierde na sia, gintug-anan niya sing daku nga kwarta si Tolemeo, anak ni Dorimenes, kon mahaylo niya ang hari sa pag-apin sa iya. 46Gindala ni Tolemeo ang hari didto sa balkon sa diin mabugnaw ang hangin, kag ginhaylo sia sa pagbaylo sang iya hunahuna. 47Ginhilway sang hari si Menelao sa tanan nga mga panumbongon batok sa iya bisan nga sia ang kabangdanan sang tanan nga mga kalautan. Sa pihak nga bahin ginpamatbatan sing kamatayon sang hari ang mga nagsumbong kay Menelao nga kon nagpakitluoy lang sila bisan pa sa mapintas nga mga Soatianhon kuntani ginhilway sila. 48Wala gid sing may gin-usik nga panahon sa pagsilot sa mga nag-apin sang siudad, kag sang palibot nga mga banwa, kag sang balaan nga mga galamiton. Kuntani indi gid sila bagay nga silutan. 49Nainit gid ang iban nga mga taga-Tiro sa sining krimen sa bagay nga ila ginhatagan sang dungganon nga paglubong ang mga biktima sining kalautan. 50Tungod sang kadalok sang mga tawo nga yara sa gahom, nagpabilin si Menelao sa iya palangakuan. Nagdugang ang iya kalautan kag nangindaku sia nga kaaway sang iya mga kasimanwa.
Currently Selected:
2 Macabeo 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 4
4
Ginsumbong ni Simon si Onias
1Ang ginhambalan naton nga si Simon, nga nagpanugid nahanungod sa natipon nga kwarta kag nagpanugid batok sa iya banwa nagsugod sa pagpakalain kay Onias. Nagbinutig sia paagi sa pagsiling nga indi maayo ang pagtratar sang Pinakamataas nga Pari kay Heliodoro kag sia man ang kabangdanan sang natabo. 2Karon, may kaisog si Simon sa pagsumbong kay Onias nga isa ka kaaway sang banwa, bisan nga si Onias manugbulig sang siudad, mangangapin sang iya kasimanwa kag sumolunod sang mga kasugoan. 3Ini nga kaawayon nagdugang sang ang isa sang mga tinawo ni Simon nagsugod sa pagpamatay. 4Nakita ni Onias nga makatalagam ang pagginamo kag iya nahibaluan nga si Apolonio, anak ni Menesteo nga gobernador sang Coeli-siria kag sang Fenicia amo ang nagpaisog kay Simon. 5Gani, nagkadto si Onias sa hari, indi sa pagsumbong sang iya mga kasimanwa, kundi bilang isa ka tawo nga nagatinguha sang kaayuhan sang bug-os nga banwa kag sang tagsatagsa ka pumoluyo. 6Iya nahibaluan nga kon indi magpahilabot ang hari mabudlay ang mag-angkon sang isa ka malinong nga pagdumalahan, kag pat-od gid nga indi mag-untat ang kalainan nga ginahimo ni Simon.
Si Jason Nagtudlo sang mga Pagginawi sang mga Griego
7Sang#1 Mac. 1:10. mapatay si Seleuco ginbuslan sia ni Antioco Epifanes subong hari. Si Jason nga utod ni Onias nagpadihot kag naggamit sang malain nga paagi agod sia mangin-Pinakamataas nga Pari. 8Nagpalapit sia#4:8 nagpalapit sia: ukon nagsulat sia. sa hari kag nagsaad sia sa paghatag sang 27,000 ka libra nga pilak kag sang 6,000 ka libra nga idugang pa gikan sa iban nga kuluhaan sang buhis. 9Nagpasugot man sia sa pagbayad sang dugang nga 11,250 ka libra nga pilak kon hatagan sia sing awtoridad sa pagpatindog sang isa ka gimnasyom kag sang isa ka tilipunan sang mga pamatan-on agod mahanas ang mga kalalakin-an sang Jerusalem nga manginsumolunod ni Haring Antioco.#4:9 mga kalalakin-an…Antioco: ukon mga katawhan sang Jerusalem subong mga pumoluyo sang Antioquia.
10Sang mapahanugotan si Jason sang hari kag sang makapungko sia sa pwesto, iya gintudloan ang iya mga kasimanwa sang mga pamatasan kag sang pagginawi sang mga Griego. 11Ginpauntat#1 Mac. 8:17. niya ang bulig sang hari sa mga Judio nga ginhatag anay tungod sang pagpanikasog ni Juan nga amay ni Eupolemo nga ginpadala nga embahador sa mga Romanhon, agod sa pag-asikaso sang kasugtanan sang pag-abyanay. Ginkuha niya ang mga pagdumalahan nga napatindog suno sa kasugoan kag nagtudlo sia sang mga pagginawi nga batok sa Kasugoan. 12Sa daku nga kasidla nagpatindog pa sia sang isa ka gimnasyom sa tiilan sang pamakod sa diin iya ginapilit ang labing dungganon nga mga kalalakin-an sa paggamit sang kalo sang mga Griego. 13Tungod sang tuman nga kalainan sining di-diosnon kag di-matuod nga Pinakamataas nga Pari nga si Jason, nagdalom gid ang pagkayanggaw sang mga tawo sa pangayaw kag sa Griego nga pamatasan 14sa bagay nga ginapatumbayaan sang mga pari ang mga bulohaton sa altar. Ginpasipalahan nila ang Templo kag ginpatumbayaan nila ang mga halad, pero maabtik sila magpakigbahin sa indi matarong nga mga hinampang sa tagsa ka tion nga ginhatag ang senyas. 15Ginpakalain nila ang ginakabig nga dungganon sang ila mga katigulangan kag ginpakamahal nila ang ginakabig nga dungog sang mga Griego. 16Pero ini tanan nagtuga sang isa ka daku nga kalalat-an kay ang mga tawo mismo nga ang ila mga pagginawi ila naluyagan kag ang mga pamatasan ila gintinguhaan nga sundon sa tanan nga mga bagay, nahimo nga ila mga kaaway kag manugpatay. 17Indi lahuglahog ang maglapas sang mga Kasugoan sang Dios. Makita ini sa nagkalatabo sang ulihi.
Ang Jerusalem sa Idalom sang gahom sang Siria
18Sang hiwaton sa Tiro ang mga hampang nga ginasaulog sa tagsa ka lima ka tuig nga ginatambungan sang hari, 19ang malaut nga si Jason nagpadala gikan sa Jerusalem sang mga sumolunod ni Antioco, nga amo ang nagdala sang 22,500 ka libra nga pilak agod ihalad kay Hercules. Pero bisan ang manugdala sang kwarta naghunahuna nga ang kwarta indi paggamiton subong halad, tungod kay ini indi nagakaigo kundi itigana ini para sa iban nga mga galastuhan. 20Gani ang kwarta nga gintuyo sang nagpadala nga ihalad kay Hercules, sa baylo gingamit sa pagpahimo sang mga barko sa inaway suno sa suhestyon sang mga nagdala sini.
21Si Apolonio nga anak ni Menesteo ginpadala sa Ehipto sa pagtambong sang koronasyon ni Haring Filometor. Sang pagkahibalo ni Antioco nga ang hari nagapamatok sang iya mga pagsulondan, naghunahuna sia sang iya kaugalingon nga kasigurohan, gani naghalin sia sa Jope kag nagkadto sa Jerusalem. 22Gin-abiabi sia sing mainit ni Jason kag sang bug-os nga siudad. Ginbaton sia sang mga tawo nga nagahinugyaw kag may dala nga mga sulo. Pagkatapos sini ginsaylo niya ang iya mga hangaway sa Fenicia.
Si Menelao Nahimo nga Pinakamataas nga Pari
23Pagkaligad sang tatlo ka tuig ginpadala ni Jason si Menelao, utod ni Simon nga nasambit na, sa pagdala sang kwarta sa hari kag sa paghibalo sang iya mga pamat-od sa nagkalainlain kag importante nga mga butang. 24Pero sang ipakilala si Menelao sa hari, daw si sin-o gid sia sa pagpakita sang iya awtoridad. Tungod sini, natigayon niya ang pag-angkon subong Pinakamataas nga Pari kay nalabawan niya si Jason sing 22,500 ka libra nga pilak. 25Nagbalik sia pagkatapos mapahanugotan sang hari. Pero wala sia sing kinaugali nga takos nga mangin-Pinakamataas nga Pari. May pagginawi sia sang isa ka mapintas nga manugpigos kag subong sia kabangis sang isa ka talunon nga sapat. 26Sa tapos maluiban ni Jason ang iya mismo nga utod ginluiban man sia sang isa ka tawo, gani napilitan sia sa pagpanago sa kadutaan sang mga Amonhon. 27Sa bahin ni Menelao, natigayon niya ang pag-angkon sang mataas nga palangakuan, pero wala niya matuman ang balayran nga iya ginsaad sa hari, 28bisan masako ang pagsukot ni Sostrato nga pangulo sang pamakod, nga ang obra amo ang pagpanukot sang buhis. Tungod sini ginpatawag sila nga duha sa atubang sang hari. 29Ginbilin ni Menelao sa iya utod nga si Lisimaco ang katungdanan subong kabulig nga Pinakamataas nga Pari. Samtang si Sostrato nagbilin kay Crates nga pangulo sang mga taga-Cipre sa pagbulos sa iya.
Ang Pagpatay kay Onias
30Samtang nagakahanabo ini tanan, ang mga pumoluyo sang Tarso kag sang Malo nagrebelde tungod kay ang ila mga banwa ginhatag subong regalo kay Antioquida nga kerida sang hari. 31Gani nagdalidali ang hari sa paghusay sining kinagamo samtang gintugyan niya kay Andronico, isa sang iya dungganon nga mga opisyales ang pagdumala sang ginharian. 32Nagdumdom si Menelao nga nakakita sia sang isa ka matahom nga kahigayunan, tungod sini iya ginkawat ang pila ka mga bulawan nga ilimnan gikan sa Templo kag ginhatag ini kay Andronico, kag ang iban ginbaligya niya sa Tiro kag sa kaingod nga mga siudad. 33Sang mapamatud-an ni Onias ang bug-os nga hitabo, nagkadto sia sa isa ka palanaguan didto sa Dafne malapit sa Antioquia kag didto ginbuyagyag niya sa mga tawo ang ginhimo ni Menelao. 34Tungod#Dan. 9:26. sini ginhagad ni Menelao si Andronico kag iya ini ginhaylo nga patyon si Onias. Ginpangita ni Andronico si Onias. Sa tapos niya mapasalig nga indi maano si Onias, nagmadinalag-on sia sa paghaylo sa iya. Bisan pa nagapangduhaduha si Onias naggwa sia sa palanaguan kag dayon ginpatay sia ni Andronico nga wala nagakilala sang katarungan.
Ginsilutan si Andronico
35Tungod sini, ang mga Judio kag ang iban nga mga pungsod naakig kag nainit sa sining indi matarong nga pagpatay. 36Sang pagbalik sang hari gikan sa Cilicia, ang mga Judio sang siudad kag ang mga Griego nga nagbuylog man sa pagkangil-ad sa sining krimen, nagpanugiron sa iya natungod sining sinapat nga pagpatay kay Onias. 37Tuman gid ang kasubo kag ang kaluoy ni Antioco. Nagtangis sia tungod sang mainandamon nga paghulag kag husto nga pagpugong sang kaugalingon sining namatay. 38Naakig gid ang hari kag iya dayon ginpaubahan si Andronico sang iya harianon nga bayu. Ginpagisi niya ang iya nasulod nga bayu kag ginparada sia sa bilog nga siudad. Ginlaglag niya sa kalibutan ining manugpatay sa lugar nga ginpatay niya si Onias. Paagi sini, ang Ginoo naghatag sang silot nga angay sa iya.
Ginpatay si Lisimaco
39Upod kay Menelao, madamo na gid nga pagpangawat ang ginhimo ni Lisimaco sa Templo sang Jerusalem nga wala nagatahod sang pagkabalaan sini. Kag sang naglapnag ini nga balita, ang mga pumoluyo nagrebelde batok kay Lisimaco nga nagpamaligya na sang madamo nga mga pinggan nga bulawan. 40Sang ang akig nga mga tawo indi na mapunggan, si Lisimaco nag-aman sang mga 3,000 ka mga soldado kag ginhalitan sila. Ang mga hangaway gindumalahan ni Aurano nga gulang na, kag indi man maulihi sa kabuangan. 41Sang mabatyagan sang mga Judio nga ining pagpanghalit pahito ni Lisimaco, ang iban nagpanghaboy sang mga bato kag ang iban sang inutod nga mga kahoy, ang iban naghakop sang abo, kag ang tanan naghaboy sang bisan ano lang nga ila madakpan sa mga tinawo ni Lisimaco. 42Tungod sini, madamo ang ila napilasan, may pila nga napatay kag ang nabilin sa ila ginpanglagas. Ginpatay nila ang makawat sang Templo nga si Lisimaco sa gwa sang talaguan sang kwarta.
Gindala si Menelao sa Hukmanan
43Tungod sini, ginpasakaan sang mga panumbongon si Menelao. 44Sang pag-abot sang hari sa Tiro, ang tatlo ka tawo nga ginpadala sang mga katigulangan amo ang nagdala sing panumbongon batok kay Menelao. 45Sang makita ni Menelao nga napierde na sia, gintug-anan niya sing daku nga kwarta si Tolemeo, anak ni Dorimenes, kon mahaylo niya ang hari sa pag-apin sa iya. 46Gindala ni Tolemeo ang hari didto sa balkon sa diin mabugnaw ang hangin, kag ginhaylo sia sa pagbaylo sang iya hunahuna. 47Ginhilway sang hari si Menelao sa tanan nga mga panumbongon batok sa iya bisan nga sia ang kabangdanan sang tanan nga mga kalautan. Sa pihak nga bahin ginpamatbatan sing kamatayon sang hari ang mga nagsumbong kay Menelao nga kon nagpakitluoy lang sila bisan pa sa mapintas nga mga Soatianhon kuntani ginhilway sila. 48Wala gid sing may gin-usik nga panahon sa pagsilot sa mga nag-apin sang siudad, kag sang palibot nga mga banwa, kag sang balaan nga mga galamiton. Kuntani indi gid sila bagay nga silutan. 49Nainit gid ang iban nga mga taga-Tiro sa sining krimen sa bagay nga ila ginhatagan sang dungganon nga paglubong ang mga biktima sining kalautan. 50Tungod sang kadalok sang mga tawo nga yara sa gahom, nagpabilin si Menelao sa iya palangakuan. Nagdugang ang iya kalautan kag nangindaku sia nga kaaway sang iya mga kasimanwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012