2 Macabeo 2
2
Gintago ni Jeremias ang Tolda sang Presensya sang Ginoo
1“Aton nahibaluan sa opisyal nga mga dokumento nga si Jeremias nga propeta nagmando sa mga ginbihag sa pagdala sadtong kalayo suno sa ginsiling na, 2kag sa tapos niya mahatag sa ila ang Kasugoan, ginpaandaman man niya sila nga indi pagkalimtan ang mga sugo sang Ginoo kag indi man sila magpadaladala kon makakita sila sang mga diosdios nga nahimo sa bulawan kag pilak, kag napanaptan sing malahalon. 3Kag sa amo man nga sari sang mga pulong ginlaygayan niya sila nga dapat gid nila pakamahalon ang Kasugoan sa ila mga tagipusoon.
4“Ining dokumento nagasugid man kon paano ining propeta, matapos mabugnaan sang Dios, nagmando nga ang Tolda sang presensya sang Ginoo kag ang Kahon sang Kasugtanan dalhon upod sa iya kon sia magkadto sa bukid nga ginsaka ni Moises sa pagtan-aw sang duta nga ginapapanubli sang Dios. 5Sang makaabot si Jeremias sa bukid, nakakita sia sang isa ka daku nga kweba sa diin iya gindala ang Tolda sang presensya sang Ginoo, ang Kahon sang Kasugtanan kag ang altar sang insyenso. Pagkatapos iya gintakpan ang alagyan.
6“Ang iban sang mga kaupdanan ni Jeremias nagsunod sa iya agod tandaan ang alagyan, pero wala nila matultoli ini. 7Sang mahibaluan ini ni Jeremias iya sila gin-akigan kag ginsingganan, ‘Ini nga lugar dapat nga indi matultolan tubtob tipunon liwat sang Dios ang iya bug-os nga mga tawo kag pakitaan niya sila sang kaluoy. 8Dayon#Exo. 16:10; 24:16; 1 Hari 8:10-11. ipahayag sang Ginoo ini tanan liwat, kag ang masilaw nga kapawa sang iya presensya makita sa panganod subong sang pagpakita sini sa tion ni Moises kag sang pag-ampo ni Solomon nga ang Templo pakabalaanon sing mahimayaon.’
Kon Paano si Solomon Nagsaulog sang Piesta
9“Nasulat man kon paano si Solomon sa iya kaalam nagdulot sang halad sa tion sang paghalad kag pagkahuman sang Templo. 10Subong nga si Moises nagpangamuyo sa Ginoo kag gikan sa kalangitan nahulog ang kalayo nga nagsunog sang mga halad, si Solomon nagpangamuyo man kag nahulog ang kalayo nga nagsunog sang mga halad. 11Si Moises nagsiling, ‘Tungod kay wala makaon ang halad tungod sa sala, nasunog ini.’ 12Sa amo man nga paagi ginsaulog ni Solomon ining piesta sa sulod sang walo ka adlaw.
Ang Natipon nga mga Libro ni Nehemias
13“Dugang sini, nasulat man sa opisyal nga mga dokumento kag sa mga sinulatan ni Nehemias kon paano sia nagtukod sang bulotangan sang mga libro. Gintipon niya ang mga libro nahanungod sa mga hari kag sa mga propeta, ang mga sinulatan ni David kag ang mga sulat sang mga hari nahanungod sa mga paghalad. 14Sa amo man nga paagi, si Judas nagtipon sang tanan nga mga libro nga naglalapta sang nagligad nga inaway, kag yari ini tanan sa amon. 15Gani kon kinahanglan ninyo ang bisan isa sini nga mga libro, ipakuha lang ninyo diri.
Ang Pag-agda sa Pagsaulog sang Piesta
16“Sa#1 Mac. 4:59. katapusan, tungod kay madali na lang ang pagsaulog namon sang pagpaninlo sang Templo, nagasulat kami sa pagpangabay sa inyo sa pagsaulog sang amo man nga mga adlaw. 17Ang Dios amo ang nagluwas sang tanan niya nga mga tawo, naghatag sa tanan sang palanublion, sang ginharian, sang pagkapari kag sang pagkabalaan 18suno sa iya ginsaad paagi sa Kasugoan. Kay daku gid ang amon paglaom sa Dios nga sa indi madugay magakaluoy sia sa aton kag tipunon kita tanan gikan sa tanan nga mga lugar diri sa kalibutan pakadto sa sinang balaan nga Templo, tungod kay ginluwas niya kita sa tanan nga mga katalagman kag iya ginpaputli ang Templo.”
Panguna nga Pulong sang Nagsulat Sini
19Amo ini ang maragtas ni Judas Macabeo kag sang iya mga kautoran, sang pagpaninlo sang daku nga Templo, kag sang paghalad sang altar. 20Ginsaysay niya ang mga inaway batok kay Antioco Epifanes kag sa iya anak nga si Eupator, 21ang langitnon nga mga pagpahayag nga ginpakita sa mga nagpakig-away nga may kaisog kag may kapagsik sa pag-apin sang Judaismo. Bisan diutay lang sila, ila naagaw ang bug-os nga kadutaan kag ila gintabog ang grupo sang mga pagano. 22Ila gin-agaw liwat ang Templo nga bantog sa bug-os nga kalibutan, ila ginhilway ang siudad, kag ila ginpasad liwat ang mga kasugoan nga daw halos madula na. Nahimo nila ini tanan tungod kay ang Ginoo nagmaluloy-on kag nagmaalwan sa ila.
23Ini tanan nga ginsugid sing maid-id ni Jason sang Cirene sa lima ka mga libro, aton karon tinguhaon nga tingbon sa isa lang. 24Tungod sang madamo nga ilisipon kag tungod sang mga kabudlay nga nasugata sa sadtong luyag mangusisa sang mga nagkalatabo, 25tuyo gid namon nga mapahapos ang tanan para sa mga bumalasa. Ang maluyag magbasa manamian magbasa kag ang mga maluyag magsaulo indi mabudlayan. 26Para sa amon nga nagpakamaayo sa pagbaton sining mabug-at kag mabudlay nga hilikuton, nagakahulogan ini sing lakas nga pagpabalhas kag tuman nga pagpulaw. 27Subong ini sang indi lang lahuglahog nga paghanda sang bangkite sang isa ka tawo nga luyag maghatag sang lainlain nga putahi. Pero, agod makaalagad kami sa tanan, nagakalipay kami sa pag-antos sining kabudlayan. 28Ginahatag namon sa manunulat sang maragtas ang katungdanan sa pagsaysay sang bug-os nga natabo kag ginalimitahan namon ang amon kaugalingon sa paghatag sang malip-ot lang nga kasaysayan sining sugilanon. 29Subong nga ang isa ka arkitekto sang isa ka bag-o nga balay may katungdanan sa pagpatindog sang bug-os nga balay, samtang ang pintor may katungdanan sa pagbulobanta sang kinahanglanon nga pinta, sa akon panan-aw, amo man ina sa amon. 30Katungdanan sang isa ka batid nga manunulat sang maragtas ang paghibalo sang iya ginasulat kag ang pag-usisa sing maid-id sang mga nagkalatabo, 31pero ang tawo nga nagasulat sini sa iya mga pulong pahanugotan sa paggamit sang malip-ot nga mga pulong kag indi pag-ilakip ang mga bagay nga indi gid man importante. 32Gani karon sugoran ta dayon ang pagsugid sang mga nagkalatabo kag indi na pagdugangan ang nasiling na. Wala sing pulos nga palawigon ang panguna nga palip-otan man lang ang maragtas.
Currently Selected:
2 Macabeo 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 2
2
Gintago ni Jeremias ang Tolda sang Presensya sang Ginoo
1“Aton nahibaluan sa opisyal nga mga dokumento nga si Jeremias nga propeta nagmando sa mga ginbihag sa pagdala sadtong kalayo suno sa ginsiling na, 2kag sa tapos niya mahatag sa ila ang Kasugoan, ginpaandaman man niya sila nga indi pagkalimtan ang mga sugo sang Ginoo kag indi man sila magpadaladala kon makakita sila sang mga diosdios nga nahimo sa bulawan kag pilak, kag napanaptan sing malahalon. 3Kag sa amo man nga sari sang mga pulong ginlaygayan niya sila nga dapat gid nila pakamahalon ang Kasugoan sa ila mga tagipusoon.
4“Ining dokumento nagasugid man kon paano ining propeta, matapos mabugnaan sang Dios, nagmando nga ang Tolda sang presensya sang Ginoo kag ang Kahon sang Kasugtanan dalhon upod sa iya kon sia magkadto sa bukid nga ginsaka ni Moises sa pagtan-aw sang duta nga ginapapanubli sang Dios. 5Sang makaabot si Jeremias sa bukid, nakakita sia sang isa ka daku nga kweba sa diin iya gindala ang Tolda sang presensya sang Ginoo, ang Kahon sang Kasugtanan kag ang altar sang insyenso. Pagkatapos iya gintakpan ang alagyan.
6“Ang iban sang mga kaupdanan ni Jeremias nagsunod sa iya agod tandaan ang alagyan, pero wala nila matultoli ini. 7Sang mahibaluan ini ni Jeremias iya sila gin-akigan kag ginsingganan, ‘Ini nga lugar dapat nga indi matultolan tubtob tipunon liwat sang Dios ang iya bug-os nga mga tawo kag pakitaan niya sila sang kaluoy. 8Dayon#Exo. 16:10; 24:16; 1 Hari 8:10-11. ipahayag sang Ginoo ini tanan liwat, kag ang masilaw nga kapawa sang iya presensya makita sa panganod subong sang pagpakita sini sa tion ni Moises kag sang pag-ampo ni Solomon nga ang Templo pakabalaanon sing mahimayaon.’
Kon Paano si Solomon Nagsaulog sang Piesta
9“Nasulat man kon paano si Solomon sa iya kaalam nagdulot sang halad sa tion sang paghalad kag pagkahuman sang Templo. 10Subong nga si Moises nagpangamuyo sa Ginoo kag gikan sa kalangitan nahulog ang kalayo nga nagsunog sang mga halad, si Solomon nagpangamuyo man kag nahulog ang kalayo nga nagsunog sang mga halad. 11Si Moises nagsiling, ‘Tungod kay wala makaon ang halad tungod sa sala, nasunog ini.’ 12Sa amo man nga paagi ginsaulog ni Solomon ining piesta sa sulod sang walo ka adlaw.
Ang Natipon nga mga Libro ni Nehemias
13“Dugang sini, nasulat man sa opisyal nga mga dokumento kag sa mga sinulatan ni Nehemias kon paano sia nagtukod sang bulotangan sang mga libro. Gintipon niya ang mga libro nahanungod sa mga hari kag sa mga propeta, ang mga sinulatan ni David kag ang mga sulat sang mga hari nahanungod sa mga paghalad. 14Sa amo man nga paagi, si Judas nagtipon sang tanan nga mga libro nga naglalapta sang nagligad nga inaway, kag yari ini tanan sa amon. 15Gani kon kinahanglan ninyo ang bisan isa sini nga mga libro, ipakuha lang ninyo diri.
Ang Pag-agda sa Pagsaulog sang Piesta
16“Sa#1 Mac. 4:59. katapusan, tungod kay madali na lang ang pagsaulog namon sang pagpaninlo sang Templo, nagasulat kami sa pagpangabay sa inyo sa pagsaulog sang amo man nga mga adlaw. 17Ang Dios amo ang nagluwas sang tanan niya nga mga tawo, naghatag sa tanan sang palanublion, sang ginharian, sang pagkapari kag sang pagkabalaan 18suno sa iya ginsaad paagi sa Kasugoan. Kay daku gid ang amon paglaom sa Dios nga sa indi madugay magakaluoy sia sa aton kag tipunon kita tanan gikan sa tanan nga mga lugar diri sa kalibutan pakadto sa sinang balaan nga Templo, tungod kay ginluwas niya kita sa tanan nga mga katalagman kag iya ginpaputli ang Templo.”
Panguna nga Pulong sang Nagsulat Sini
19Amo ini ang maragtas ni Judas Macabeo kag sang iya mga kautoran, sang pagpaninlo sang daku nga Templo, kag sang paghalad sang altar. 20Ginsaysay niya ang mga inaway batok kay Antioco Epifanes kag sa iya anak nga si Eupator, 21ang langitnon nga mga pagpahayag nga ginpakita sa mga nagpakig-away nga may kaisog kag may kapagsik sa pag-apin sang Judaismo. Bisan diutay lang sila, ila naagaw ang bug-os nga kadutaan kag ila gintabog ang grupo sang mga pagano. 22Ila gin-agaw liwat ang Templo nga bantog sa bug-os nga kalibutan, ila ginhilway ang siudad, kag ila ginpasad liwat ang mga kasugoan nga daw halos madula na. Nahimo nila ini tanan tungod kay ang Ginoo nagmaluloy-on kag nagmaalwan sa ila.
23Ini tanan nga ginsugid sing maid-id ni Jason sang Cirene sa lima ka mga libro, aton karon tinguhaon nga tingbon sa isa lang. 24Tungod sang madamo nga ilisipon kag tungod sang mga kabudlay nga nasugata sa sadtong luyag mangusisa sang mga nagkalatabo, 25tuyo gid namon nga mapahapos ang tanan para sa mga bumalasa. Ang maluyag magbasa manamian magbasa kag ang mga maluyag magsaulo indi mabudlayan. 26Para sa amon nga nagpakamaayo sa pagbaton sining mabug-at kag mabudlay nga hilikuton, nagakahulogan ini sing lakas nga pagpabalhas kag tuman nga pagpulaw. 27Subong ini sang indi lang lahuglahog nga paghanda sang bangkite sang isa ka tawo nga luyag maghatag sang lainlain nga putahi. Pero, agod makaalagad kami sa tanan, nagakalipay kami sa pag-antos sining kabudlayan. 28Ginahatag namon sa manunulat sang maragtas ang katungdanan sa pagsaysay sang bug-os nga natabo kag ginalimitahan namon ang amon kaugalingon sa paghatag sang malip-ot lang nga kasaysayan sining sugilanon. 29Subong nga ang isa ka arkitekto sang isa ka bag-o nga balay may katungdanan sa pagpatindog sang bug-os nga balay, samtang ang pintor may katungdanan sa pagbulobanta sang kinahanglanon nga pinta, sa akon panan-aw, amo man ina sa amon. 30Katungdanan sang isa ka batid nga manunulat sang maragtas ang paghibalo sang iya ginasulat kag ang pag-usisa sing maid-id sang mga nagkalatabo, 31pero ang tawo nga nagasulat sini sa iya mga pulong pahanugotan sa paggamit sang malip-ot nga mga pulong kag indi pag-ilakip ang mga bagay nga indi gid man importante. 32Gani karon sugoran ta dayon ang pagsugid sang mga nagkalatabo kag indi na pagdugangan ang nasiling na. Wala sing pulos nga palawigon ang panguna nga palip-otan man lang ang maragtas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012