2 Macabeo 15
15
Ang Mapintas nga Plano ni Nicanor
1Nabatian ni Nicanor nga si Judas kag ang iya mga tinawo yara malapit sa Samaria, gani nagplano sia sa pagsalakay sa ila sa Adlaw nga Inugpahuway, kag ini wala sing katalagman para sa iya. 2Ang mga Judio nga napilitan magsunod sa iya nagsiling, “Indi mo sila pagpamatyon sa mabangis kag walay patugsiling nga paagi, kundi dapat mo tahuron ang adlaw nga labaw sa iban nga mga adlaw nga ginpakabalaan sang Dios nga nakakita sang tanan.” 3Ining tawo nga indi matupongan sa kalaut nagpamangkot kon may yara nga makagagahom sa langit nga nagmando sa pagsaulog sining Adlaw nga Inugpahuway. 4Nagsabat sila, “Ang buhi gid nga Ginoo, ang Gamhanan sa langit amo mismo ang nagmando sa pagsaulog sang ikapito nga adlaw.”
5Pero nagsabat sia, “Ako nga makagagahom sang duta nagamando sa inyo sa pagkuha sang inyo mga armas kag sa pagtuman sang naluyagan sang hari.” Walay sapayan sini, wala gid niya matuman ang iya mabangis nga tinutuyo.
Ginpahanda ni Judas ang Iya mga Tinawo para sa Inaway
6Sa iya kahambog kag nagapalanglapaw nga sugid, si Nicanor nagplano sa pagpatindog sang isa ka monumento sa pagpasidungog sang iya kadalag-an kay Judas kag sa iya mga tinawo. 7Pero si Judas nagpabilin nga may daku nga pagsalig nga indi sia pagpabay-an sang Ginoo. 8Ginpaisog niya ang iya mga tinawo nga indi magpakulba tungod sang pagsalakay sang mga kaaway, kundi dapat nila panumdomon ang bulig gikan sa langit nga ila sang una naaguman, kag magsalig nga bisan karon ila man maaguman ang kadalag-an paagi sa bulig sang Makagagahom. 9Ginpabakod niya ang ila mga tagipusoon paagi sa pagmitlang sang Kasugoan kag sang mga Propeta, kag ginpahanumdom man niya sila sing mga inaway nga ila na nadaog kag tungod sini napun-an sila sing kaisog. 10Matapos niya mapukaw ang ila kaisog, gintapos niya ang iya paghambal paagi sa pagsaysay sang pagluib sang mga pagano kag sang paglalis sang ila sinumpaan. 11Matapos niya sila mahatagan sing mga hinganiban nga mga taming kag mga bangkaw, ginlaygayan niya sila nga indi magsalig sa mga ini. Ginpaisog niya sila paagi sa iya dungganon nga mga pulong kag sa pagsugid sang isa ka damgo nga iya nakit-an nga sarang mapatihan.
12Amo ini ang iya nakit-an: Si Onias, ang Pinakamataas nga Pari sang una, ang ginahangad sang mga tawo, maayo sa pamatasan kag matinahuron sa iya paggawi, maayo maghambal kag natudloan sa paghimo sang maayo sugod sang sia bataon pa. Si Onias nagabayaw sang iya mga kamot kag nagapangamuyo para sa bug-os nga pungsod sang mga Judio. 13Dayon nagpakita ang isa ka tawo nga tuman ka tumalagsahon sa iya panuigon kag kadungganan, kag tumalagsahon kag harianon sa iya paghulag. 14Si Onias nagsugod sa paghambal, “Yari si Jeremias, ang propeta sang Dios nga nagahigugma sa iya mga kautoran kag nagapangamuyo pirme para sa mga tawo kag para sa Balaan nga Siudad.”
15Dayon gintunghol ni Jeremias sang iya tuo nga kamot ang bulawan nga espada sa kay Judas kag nagsiling, 16“Batuna ining balaan nga espada bilang dulot gikan sa Dios, paagi sini imo malutos ang mga kaaway.”
17Matapos sila mapaisog sang dungganon nga mga pulong ni Judas nga may gahom sa pagpaisog kag sa paghatag sa mga pamatan-on sang panimuot sang mga tigulang, nagpamat-od sila nga indi na lang magpatindog sang kampo. Nagplano sila sa pagsalakay sing hinali kag tapuson ang gamo paagi sa pag-away nga mano-mano kag may kaisog tungod yara sa katalagman ang siudad, ang ila balaan nga pagtuluohan kag ang ila Templo. 18Nalipatan na nila ang pagkabalaka sa ila mga asawa kag mga kabataan, sa ila mga kautoran kag mga pariente, kundi ang labing malahalon para sa ila amo ang balaan nga Templo. 19Ang mga nabilin didto sa siudad nakabatyag man sing amo nga pagkabalaka, kag ginkulbaan sila sang palaabuton nga inaway sa kapatagan.
Ang Pagkalutos kag Pagkapatay ni Nicanor
20Ang tagsatagsa nagahulat kon sin-o ang magadaog sa inaway. Ang mga hangaway sang kaaway nagapadulong na kag handa na sila sa pag-away. Ang ila mga elepante yara na sa ila mga lugar kag ang mga nagasakay sa kabayo yara na sa kilid sang nagalakat nga mga hangaway. 21Natalupangdan ni Judas Macabeo ang mga hangaway nga nagaatubang sa ila, ang nagabadlak nila nga mga taming kag ang mabangis nga guya sang mga elepante. Dayon nagbayaw sia sang iya mga kamot sa langit, nagpangamuyo sa Ginoo nga nagahimo sang mga milagro. Nahibaluan niya nga ang kadalag-an wala nasandig sa kusog sang mga hinganiban, kundi suno sa iya nahamut-an, kag ginahatag niya ini sa ila nga bagay hatagan sini. 22Amo#2 Hari 19:35. ini ang iya pagpangamuyo: “O Ginoo, nagpadala ikaw sang imo anghel sa panahon ni Ezequias nga hari sang Judea, kag ginpapas nimo ang mga hangaway ni Senaquerib nga wala nagakubos sa 185,000. 23Gani karon, O Gamhanan sang kalangitan, ipadala ang imo maayo nga anghel sa amon, sa pagpakurog sang amon mga kaaway sa tuman nga kahadlok. 24Kabay pa nga magkalamatay ining mga tawo sa gahom sang imo kamot, tungod kay sila nag-abot nga may pagpasipala sa pagsalakay sa imo balaan nga mga tawo.” Dayon, nag-untat sia sa pagpangamuyo.
25Si#1 Mac. 7:43-50. Nicanor kag ang iya mga tinawo nagsalakay sang ginpatunog ang mga trumpeta kag mga kalantahon para sa inaway, 26pero si Judas kag ang iya mga tinawo nagpalapit sa mga kaaway nga nagapangamuyo. 27Ang mga Judio naggamit sang ila mga kamot sa pagpakig-away samtang nagapangamuyo sa ila mga tagipusoon kag napatay nila ang 35,000 sang mga kaaway. Daku gid ang ila pagpasalamat sa bulig sang Dios sa ila. 28Sang matapos ang inaway kag nagapauli na sila sa pagsaulog sang ila kadalag-an, nakita nila ang bangkay ni Nicanor nga nagahamyangon nga may mga gamit pa para sa inaway. 29Sa mabaskog nga mga tingog, gindayaw nila sa linggwahe sang ila mga katigulangan ang Gamhanan nga Ginoo.
30Si Judas Macabeo nga naghalad sang iya bug-os nga lawas kag kalag sa pag-alagad sa iya mga kasimanwa, kag nagpadayon sang iya gugma halin sang iya pagkabata para sa iya kadugo, nagmando sa pagpugot kay Nicanor kag sa pag-utod sang iya tuo nga butkon kag dalhon ini sa Jerusalem. 31Pag-abot nila didto, ginpatawag niya ang iya mga kasimanwa kag mga pari. Dayon nagtindog sia sa atubangan sang altar kag ginpatawag ang mga tawo sa pamakod. 32Ginpakita niya sa ila ang ulo sang malaut nga si Nicanor kag ang butkon sini nga iya sadto ginbayaw batok sa balaan nga Templo sang Makagagahom nga Dios. 33Dayon gin-utod niya ang dila sang di-diosnon nga si Nicanor kag nagmando sia nga ipatuka ini sang tagdiutay-diutay sa mga pispis kag ang iya ulo ibitay sa atubangan sang Templo subong padya sang iya kabuangan. 34Ang tagsatagsa didto nagtangla sa langit kag nagdayaw sa Ginoo nga nagpahayag sang iya gahom kag nagtipig sang iya Templo nga indi madagtaan. 35Si Judas nagbitay sang ulo ni Nicanor sa pamakod sa pagpakita sa tanan sang maathag nga tanda sang pagbulig sang Ginoo. 36Ang#1 Mac. 7:49. tanan nagpakamaayo paagi sa isa ka mando nga indi pagkalimtan ina nga adlaw, kundi saulogon ang ika-13 nga adlaw sang ika-12 nga bulan nga gintawag Adar sa Aramaico, ang bisperas sang Adlaw ni Mardoqueo.#15:36 ADLAW NI MARDOQUEO: Ang Piesta sang Purim (tan-awa ang Ester 9:17-22).
Katapusan nga Panugdaon sang Tagsulat
37Amo ini ang katapusan sang kasaysayan ni Nicanor, kag sugod sadto ang siudad sang Jerusalem nagpabilin sa idalom sang paggahom sang mga Judio, gani tapuson ko man diri ang akon hilikuton. 38Kon maayo man ang pagsulat sini kag maathag, amo gid tani ina ang akon handom. Kon magamo ini kag waaywaay, anhon mo kay amo lang ini ang akon masarangan. 39Subong nga malain ang mag-inom kon bino lang, subong man kon tubig lang, pero ang bino nga nasimbugan sing tubig mananam kag matam-is, subong man ang abilidad sa pagsugid sang mga natabo amo ang nagahatag sing kakunyag sa paghangop sang tanan nga nagabasa sang maragtas. Sa sina nga mga pulong ako magatapos.
Currently Selected:
2 Macabeo 15: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 15
15
Ang Mapintas nga Plano ni Nicanor
1Nabatian ni Nicanor nga si Judas kag ang iya mga tinawo yara malapit sa Samaria, gani nagplano sia sa pagsalakay sa ila sa Adlaw nga Inugpahuway, kag ini wala sing katalagman para sa iya. 2Ang mga Judio nga napilitan magsunod sa iya nagsiling, “Indi mo sila pagpamatyon sa mabangis kag walay patugsiling nga paagi, kundi dapat mo tahuron ang adlaw nga labaw sa iban nga mga adlaw nga ginpakabalaan sang Dios nga nakakita sang tanan.” 3Ining tawo nga indi matupongan sa kalaut nagpamangkot kon may yara nga makagagahom sa langit nga nagmando sa pagsaulog sining Adlaw nga Inugpahuway. 4Nagsabat sila, “Ang buhi gid nga Ginoo, ang Gamhanan sa langit amo mismo ang nagmando sa pagsaulog sang ikapito nga adlaw.”
5Pero nagsabat sia, “Ako nga makagagahom sang duta nagamando sa inyo sa pagkuha sang inyo mga armas kag sa pagtuman sang naluyagan sang hari.” Walay sapayan sini, wala gid niya matuman ang iya mabangis nga tinutuyo.
Ginpahanda ni Judas ang Iya mga Tinawo para sa Inaway
6Sa iya kahambog kag nagapalanglapaw nga sugid, si Nicanor nagplano sa pagpatindog sang isa ka monumento sa pagpasidungog sang iya kadalag-an kay Judas kag sa iya mga tinawo. 7Pero si Judas nagpabilin nga may daku nga pagsalig nga indi sia pagpabay-an sang Ginoo. 8Ginpaisog niya ang iya mga tinawo nga indi magpakulba tungod sang pagsalakay sang mga kaaway, kundi dapat nila panumdomon ang bulig gikan sa langit nga ila sang una naaguman, kag magsalig nga bisan karon ila man maaguman ang kadalag-an paagi sa bulig sang Makagagahom. 9Ginpabakod niya ang ila mga tagipusoon paagi sa pagmitlang sang Kasugoan kag sang mga Propeta, kag ginpahanumdom man niya sila sing mga inaway nga ila na nadaog kag tungod sini napun-an sila sing kaisog. 10Matapos niya mapukaw ang ila kaisog, gintapos niya ang iya paghambal paagi sa pagsaysay sang pagluib sang mga pagano kag sang paglalis sang ila sinumpaan. 11Matapos niya sila mahatagan sing mga hinganiban nga mga taming kag mga bangkaw, ginlaygayan niya sila nga indi magsalig sa mga ini. Ginpaisog niya sila paagi sa iya dungganon nga mga pulong kag sa pagsugid sang isa ka damgo nga iya nakit-an nga sarang mapatihan.
12Amo ini ang iya nakit-an: Si Onias, ang Pinakamataas nga Pari sang una, ang ginahangad sang mga tawo, maayo sa pamatasan kag matinahuron sa iya paggawi, maayo maghambal kag natudloan sa paghimo sang maayo sugod sang sia bataon pa. Si Onias nagabayaw sang iya mga kamot kag nagapangamuyo para sa bug-os nga pungsod sang mga Judio. 13Dayon nagpakita ang isa ka tawo nga tuman ka tumalagsahon sa iya panuigon kag kadungganan, kag tumalagsahon kag harianon sa iya paghulag. 14Si Onias nagsugod sa paghambal, “Yari si Jeremias, ang propeta sang Dios nga nagahigugma sa iya mga kautoran kag nagapangamuyo pirme para sa mga tawo kag para sa Balaan nga Siudad.”
15Dayon gintunghol ni Jeremias sang iya tuo nga kamot ang bulawan nga espada sa kay Judas kag nagsiling, 16“Batuna ining balaan nga espada bilang dulot gikan sa Dios, paagi sini imo malutos ang mga kaaway.”
17Matapos sila mapaisog sang dungganon nga mga pulong ni Judas nga may gahom sa pagpaisog kag sa paghatag sa mga pamatan-on sang panimuot sang mga tigulang, nagpamat-od sila nga indi na lang magpatindog sang kampo. Nagplano sila sa pagsalakay sing hinali kag tapuson ang gamo paagi sa pag-away nga mano-mano kag may kaisog tungod yara sa katalagman ang siudad, ang ila balaan nga pagtuluohan kag ang ila Templo. 18Nalipatan na nila ang pagkabalaka sa ila mga asawa kag mga kabataan, sa ila mga kautoran kag mga pariente, kundi ang labing malahalon para sa ila amo ang balaan nga Templo. 19Ang mga nabilin didto sa siudad nakabatyag man sing amo nga pagkabalaka, kag ginkulbaan sila sang palaabuton nga inaway sa kapatagan.
Ang Pagkalutos kag Pagkapatay ni Nicanor
20Ang tagsatagsa nagahulat kon sin-o ang magadaog sa inaway. Ang mga hangaway sang kaaway nagapadulong na kag handa na sila sa pag-away. Ang ila mga elepante yara na sa ila mga lugar kag ang mga nagasakay sa kabayo yara na sa kilid sang nagalakat nga mga hangaway. 21Natalupangdan ni Judas Macabeo ang mga hangaway nga nagaatubang sa ila, ang nagabadlak nila nga mga taming kag ang mabangis nga guya sang mga elepante. Dayon nagbayaw sia sang iya mga kamot sa langit, nagpangamuyo sa Ginoo nga nagahimo sang mga milagro. Nahibaluan niya nga ang kadalag-an wala nasandig sa kusog sang mga hinganiban, kundi suno sa iya nahamut-an, kag ginahatag niya ini sa ila nga bagay hatagan sini. 22Amo#2 Hari 19:35. ini ang iya pagpangamuyo: “O Ginoo, nagpadala ikaw sang imo anghel sa panahon ni Ezequias nga hari sang Judea, kag ginpapas nimo ang mga hangaway ni Senaquerib nga wala nagakubos sa 185,000. 23Gani karon, O Gamhanan sang kalangitan, ipadala ang imo maayo nga anghel sa amon, sa pagpakurog sang amon mga kaaway sa tuman nga kahadlok. 24Kabay pa nga magkalamatay ining mga tawo sa gahom sang imo kamot, tungod kay sila nag-abot nga may pagpasipala sa pagsalakay sa imo balaan nga mga tawo.” Dayon, nag-untat sia sa pagpangamuyo.
25Si#1 Mac. 7:43-50. Nicanor kag ang iya mga tinawo nagsalakay sang ginpatunog ang mga trumpeta kag mga kalantahon para sa inaway, 26pero si Judas kag ang iya mga tinawo nagpalapit sa mga kaaway nga nagapangamuyo. 27Ang mga Judio naggamit sang ila mga kamot sa pagpakig-away samtang nagapangamuyo sa ila mga tagipusoon kag napatay nila ang 35,000 sang mga kaaway. Daku gid ang ila pagpasalamat sa bulig sang Dios sa ila. 28Sang matapos ang inaway kag nagapauli na sila sa pagsaulog sang ila kadalag-an, nakita nila ang bangkay ni Nicanor nga nagahamyangon nga may mga gamit pa para sa inaway. 29Sa mabaskog nga mga tingog, gindayaw nila sa linggwahe sang ila mga katigulangan ang Gamhanan nga Ginoo.
30Si Judas Macabeo nga naghalad sang iya bug-os nga lawas kag kalag sa pag-alagad sa iya mga kasimanwa, kag nagpadayon sang iya gugma halin sang iya pagkabata para sa iya kadugo, nagmando sa pagpugot kay Nicanor kag sa pag-utod sang iya tuo nga butkon kag dalhon ini sa Jerusalem. 31Pag-abot nila didto, ginpatawag niya ang iya mga kasimanwa kag mga pari. Dayon nagtindog sia sa atubangan sang altar kag ginpatawag ang mga tawo sa pamakod. 32Ginpakita niya sa ila ang ulo sang malaut nga si Nicanor kag ang butkon sini nga iya sadto ginbayaw batok sa balaan nga Templo sang Makagagahom nga Dios. 33Dayon gin-utod niya ang dila sang di-diosnon nga si Nicanor kag nagmando sia nga ipatuka ini sang tagdiutay-diutay sa mga pispis kag ang iya ulo ibitay sa atubangan sang Templo subong padya sang iya kabuangan. 34Ang tagsatagsa didto nagtangla sa langit kag nagdayaw sa Ginoo nga nagpahayag sang iya gahom kag nagtipig sang iya Templo nga indi madagtaan. 35Si Judas nagbitay sang ulo ni Nicanor sa pamakod sa pagpakita sa tanan sang maathag nga tanda sang pagbulig sang Ginoo. 36Ang#1 Mac. 7:49. tanan nagpakamaayo paagi sa isa ka mando nga indi pagkalimtan ina nga adlaw, kundi saulogon ang ika-13 nga adlaw sang ika-12 nga bulan nga gintawag Adar sa Aramaico, ang bisperas sang Adlaw ni Mardoqueo.#15:36 ADLAW NI MARDOQUEO: Ang Piesta sang Purim (tan-awa ang Ester 9:17-22).
Katapusan nga Panugdaon sang Tagsulat
37Amo ini ang katapusan sang kasaysayan ni Nicanor, kag sugod sadto ang siudad sang Jerusalem nagpabilin sa idalom sang paggahom sang mga Judio, gani tapuson ko man diri ang akon hilikuton. 38Kon maayo man ang pagsulat sini kag maathag, amo gid tani ina ang akon handom. Kon magamo ini kag waaywaay, anhon mo kay amo lang ini ang akon masarangan. 39Subong nga malain ang mag-inom kon bino lang, subong man kon tubig lang, pero ang bino nga nasimbugan sing tubig mananam kag matam-is, subong man ang abilidad sa pagsugid sang mga natabo amo ang nagahatag sing kakunyag sa paghangop sang tanan nga nagabasa sang maragtas. Sa sina nga mga pulong ako magatapos.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012