1 Mga Taga-Tesalonica 2
2
Ang Pagpangabudlay ni Pablo sa Tesalonica
1Mga kautoran, kamo mismo nakahibalo nga ang amon pagbisita sa inyo may kapuslanan. 2Nakahibalo#Bin. 16:19-24; Bin. 17:1-9. kamo kon daw ano ang pagpaantos kag pagpakahuya sa amon sa Filipos sang wala pa kami makakadto sa inyo sa Tesalonica. Pero ang aton Dios naghatag sa amon sing kaisog sa pagsugid sa inyo sang Maayong Balita nga nagahalin sa iya, bisan pa nga may madamo nga mga pagpamatok. 3Kay ang amon laygay sa inyo wala nagahalin sa sayop ukon sa malain nga mga tinutuyo, ukon sa daya. 4Sa baylo, nagahambal kami sa gihapon suno sa luyag sang Dios, tungod kay ginpakamaayo kami sang Dios kag gintugyanan sang Maayong Balita. Wala kami nagapahamuot sa tawo, kundi sa Dios nga amo ang nagatilaw sang amon mga tinutuyo. 5Kay nahibaluan gid ninyo nga sa pagkadto namon sa inyo wala kami naggamit sang mgapulong sa pagdayawdayaw sa inyo, ukon sa pagtabuntabon sang amon pagkahakog. Ang Dios amo ang amon saksi! 6Wala kami nagapangita sang pagpasidungog halin sa mga tawo, ukon halin sa inyo ukon halin sa iban, 7bisan pa nga subong nga mga apostoles ni Cristo makapaabot kuntani kami sini sa inyo. Pero malulo kami sang kaupod pa kami ninyo, kaangay sang kalulo sang isa ka iloy nga nagabatiti sang iya mga anak. 8Tungod sang amon gugma sa inyo, handa kami sa pagpaambit sa inyo indi lamang sang Maayong Balita halin sa Dios, kundi bisan pa sang amon kabuhi. Mahal gid kamo sa amon! 9Mga kautoran, matuod gid nga indi ninyo malipatan kon daw ano ang amon pagpangabudlay kag paghimulat! Nagpangabudlay kami sa adlaw kag gab-i agod nga indi kamo mabug-atan sa pagsakdag sa amon samtang nagwali kami sa inyo sang Maayong Balita halin sa Dios.
10Mga saksi namon kamo, kag subong man ang Dios: nga ang amon pagginawi putli, matarong, kag di-salawayon sa tunga ninyo nga mga tumoluo. 11Nahibal-an ninyo nga ginkabig namon ang tagsatagsa sa inyo kaangay sang pagkabig sang isa ka amay sa iya mga anak. 12Ginpabakod namon kamo, ginlipay, kag nagpadayon kami sa paglaygay sa inyo sa pagkabuhi suno sa nahamut-an sang Dios, nga nagatawag sa inyo sa pag-ambit sang iya kaugalingon nga Ginharian kag himaya.
13Tungod man sini, nagapasalamat kami sa Dios sa gihapon. Sang pagdala namon sa inyo sang pulong sang Dios, ginpamatian ninyo ini kag ginbaton, indi subong pulong sang tawo, kundi subong pulong sang Dios, nga sa pagkamatuod amo gid man ini. Kay ang Dios nagapanghikot sa inyo nga nagatuo. 14Mga#Bin. 17:5. kautoran, ang natabo sa inyo amo man ang natabo sa mga iglesia sang Dios didto sa Judea, sa mga tawo didto nga iya ni Cristo Jesus. Nag-antos kamo sa mga paghingabot sang inyo mga kasimanwa, sa amo man nga nag-antos sila sa mga paghingabot sang mga Judio, 15nga#Bin. 9:23, 29; 13:45, 50; 14:2, 5, 19; 17:5, 13; 18:12. nagpatay kay Ginoong Jesus kag sa mga propeta, kag naghingabot sa amon. Ang Dios wala gid mahamuot sa ila! Kaaway nila ang tanan nga mga tawo! 16Nagtinguha pa gani sila sa pagpugong sa amon sa pagwali sang pulong sang Dios sa mga Hentil agod nga maluwas sila. Amo na ini ang magapuno sang talaksan sang mga sala nga ila ginhimo. Kag karon ang kaakig sang Dios nagtupa gid man sa ila sa katapusan!
Ang Handom ni Pablo sa Pagbisita liwat sa Ila
17Kon nahanungod sa amon, mga utod, sang kami nahamulag sa inyo sa malip-ot nga tinion indi sa amon mga panghunahuna kundi sa lawas lamang. Ginhidlaw gid kami sa inyo kag nagtinguha kami sa pagpakigkita sa inyo liwat! 18Luyag kami kuntani magbalik dira sa inyo. Ako mismo nagtinguha sa pagbalik dira sa inyo indi lang sing makaisa, ugaling si Satanas nagsablag sa amon. 19Kay kamo gid lang ang amon paglaom, ang amon kalipay, kag wala na gid sing iban. Kamo ang kabangdanan sang amon pagpabugal sang amon pagdaog sa atubang sang aton Ginoong Jesus sa iya pag-abot. 20Matuod gid, kamo ang amon bugal kag kalipay!
Currently Selected:
1 Mga Taga-Tesalonica 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
1 Mga Taga-Tesalonica 2
2
Ang Pagpangabudlay ni Pablo sa Tesalonica
1Mga kautoran, kamo mismo nakahibalo nga ang amon pagbisita sa inyo may kapuslanan. 2Nakahibalo#Bin. 16:19-24; Bin. 17:1-9. kamo kon daw ano ang pagpaantos kag pagpakahuya sa amon sa Filipos sang wala pa kami makakadto sa inyo sa Tesalonica. Pero ang aton Dios naghatag sa amon sing kaisog sa pagsugid sa inyo sang Maayong Balita nga nagahalin sa iya, bisan pa nga may madamo nga mga pagpamatok. 3Kay ang amon laygay sa inyo wala nagahalin sa sayop ukon sa malain nga mga tinutuyo, ukon sa daya. 4Sa baylo, nagahambal kami sa gihapon suno sa luyag sang Dios, tungod kay ginpakamaayo kami sang Dios kag gintugyanan sang Maayong Balita. Wala kami nagapahamuot sa tawo, kundi sa Dios nga amo ang nagatilaw sang amon mga tinutuyo. 5Kay nahibaluan gid ninyo nga sa pagkadto namon sa inyo wala kami naggamit sang mgapulong sa pagdayawdayaw sa inyo, ukon sa pagtabuntabon sang amon pagkahakog. Ang Dios amo ang amon saksi! 6Wala kami nagapangita sang pagpasidungog halin sa mga tawo, ukon halin sa inyo ukon halin sa iban, 7bisan pa nga subong nga mga apostoles ni Cristo makapaabot kuntani kami sini sa inyo. Pero malulo kami sang kaupod pa kami ninyo, kaangay sang kalulo sang isa ka iloy nga nagabatiti sang iya mga anak. 8Tungod sang amon gugma sa inyo, handa kami sa pagpaambit sa inyo indi lamang sang Maayong Balita halin sa Dios, kundi bisan pa sang amon kabuhi. Mahal gid kamo sa amon! 9Mga kautoran, matuod gid nga indi ninyo malipatan kon daw ano ang amon pagpangabudlay kag paghimulat! Nagpangabudlay kami sa adlaw kag gab-i agod nga indi kamo mabug-atan sa pagsakdag sa amon samtang nagwali kami sa inyo sang Maayong Balita halin sa Dios.
10Mga saksi namon kamo, kag subong man ang Dios: nga ang amon pagginawi putli, matarong, kag di-salawayon sa tunga ninyo nga mga tumoluo. 11Nahibal-an ninyo nga ginkabig namon ang tagsatagsa sa inyo kaangay sang pagkabig sang isa ka amay sa iya mga anak. 12Ginpabakod namon kamo, ginlipay, kag nagpadayon kami sa paglaygay sa inyo sa pagkabuhi suno sa nahamut-an sang Dios, nga nagatawag sa inyo sa pag-ambit sang iya kaugalingon nga Ginharian kag himaya.
13Tungod man sini, nagapasalamat kami sa Dios sa gihapon. Sang pagdala namon sa inyo sang pulong sang Dios, ginpamatian ninyo ini kag ginbaton, indi subong pulong sang tawo, kundi subong pulong sang Dios, nga sa pagkamatuod amo gid man ini. Kay ang Dios nagapanghikot sa inyo nga nagatuo. 14Mga#Bin. 17:5. kautoran, ang natabo sa inyo amo man ang natabo sa mga iglesia sang Dios didto sa Judea, sa mga tawo didto nga iya ni Cristo Jesus. Nag-antos kamo sa mga paghingabot sang inyo mga kasimanwa, sa amo man nga nag-antos sila sa mga paghingabot sang mga Judio, 15nga#Bin. 9:23, 29; 13:45, 50; 14:2, 5, 19; 17:5, 13; 18:12. nagpatay kay Ginoong Jesus kag sa mga propeta, kag naghingabot sa amon. Ang Dios wala gid mahamuot sa ila! Kaaway nila ang tanan nga mga tawo! 16Nagtinguha pa gani sila sa pagpugong sa amon sa pagwali sang pulong sang Dios sa mga Hentil agod nga maluwas sila. Amo na ini ang magapuno sang talaksan sang mga sala nga ila ginhimo. Kag karon ang kaakig sang Dios nagtupa gid man sa ila sa katapusan!
Ang Handom ni Pablo sa Pagbisita liwat sa Ila
17Kon nahanungod sa amon, mga utod, sang kami nahamulag sa inyo sa malip-ot nga tinion indi sa amon mga panghunahuna kundi sa lawas lamang. Ginhidlaw gid kami sa inyo kag nagtinguha kami sa pagpakigkita sa inyo liwat! 18Luyag kami kuntani magbalik dira sa inyo. Ako mismo nagtinguha sa pagbalik dira sa inyo indi lang sing makaisa, ugaling si Satanas nagsablag sa amon. 19Kay kamo gid lang ang amon paglaom, ang amon kalipay, kag wala na gid sing iban. Kamo ang kabangdanan sang amon pagpabugal sang amon pagdaog sa atubang sang aton Ginoong Jesus sa iya pag-abot. 20Matuod gid, kamo ang amon bugal kag kalipay!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012