1 Macabeo 12
12
Ang Pagdampig sa Roma kag Sparta
1Sang makita ni Jonatan nga ang kahimtangan pabor sa iya, nagpadala sia sing pinili nga mga tinawo sa Roma sa pagpalig-on kag pagpadayon sang iya kasugtanan sang pagpakig-abyan sa ila. 2Nagpadala man sia sing mga sulat sa mga taga-Sparta kag sa iban nga mga lugar nga may amo man nga tinutuyo. 3Ang mga ginpadala nga mga tawo nag-abot sa Roma kag nagsulod sa Senado kag nagpahayag sining masunod: “Si Jonatan nga Pinakamataas nga Pari kag ang pungsod sang mga Judio nagpadala sa amon sa pagpadayon sang kasugtanan sang pag-abyanay kag pagdampiganay ninyo subong sang una.” 4Ang mga Romanhon naghatag sa ila sang mga sulat para sa mga awtoridad sang tagsa ka lugar nga ila pagaagyan nga bantayan sila tubtob makaabot sila sa Juda nga indi maano.
5Amo ini ang kopya sang sulat ni Jonatan sa mga taga-Sparta:
6“Si Jonatan nga Pinakamataas nga Pari, ang konseho sang pungsod, ang mga pari kag ang iban nga mga Judio, sa mga taga-Sparta nga ila mga utod, mga pag-abiabi. 7Sang una ang isa sang inyo mga hari nga si Arius nagsulat sa amon Pinakamataas nga Pari nga si Onias. Ang iya sulat nagasiling nga kamo amon kadugo, suno sa nalakip nga kopya. 8Si Onias nagbaton sang mga ginpadala kag ginpasidunggan sila, kag ginbaton ang sulat nga nagapamatuod sang aton pagpakig-abyanay kag pagdampiganay. 9Kon parti sa amon, bisan nga wala kami kinahanglan sini, kay may kusog kami nga nagahalin sa balaan nga mga libro nga yari sa amon, 10nagtilaw kami sa pagpadala agod magpadayon ang aton paghiliutod kag pag-abyanay, kag agod indi kami mangindumoluong sa inyo, kay madamo na ang nagligad nga mga tinuig sang kamo nagpadala sang sulat. 11Gani kami makasiling nga ginadumdom namon kamo sa tagsa ka tion, sa amon mga piesta kag sa iban nga ginpat-od nga mga adlaw, sa amon mga halad nga ginadulot kag sa mga pangamuyo kay nagakabagay kag nagakaigo ang pagdumdom sa mga kautoran. 12Nagakalipay kami sa inyo pagkabantog. 13Kon nahanungod sa amon, madamo nga mga pagtilaw ang amon naagyan, madamo nga mga inaway, kag ang mga hari sa palibot nagpakig-away batok sa amon. 14Indi kami luyag nga magamo sa inyo kag sa iban naton nga mga kadampig kag mga abyan sa sining mga inaway. 15Pero karon, tungod sang bulig sa amon halin sa Ginoo ginluwas kami sa amon mga kaaway, kag sila ginpakahuy-an. 16Gani, ginpili namon si Numenias nga anak ni Antioco kag si Antepater nga anak ni Jason, kag ginpadala sila sa mga taga-Roma subong nga tiglawas sa pagpadayon sang aton kasugtanan sa pagpakig-abyan kag pagdampiganay. 17Amon sila ginsugo nga magkadto man sa inyo, sa pag-abiabi sa inyo, kag ihatag ini nga sulat nahanungod sang pagpadayon sang aton paghiliutod. 18Kag karon ginapangabay namon kamo sa pagsabat sini nga sulat.”
19Ang masunod amo ang kopya sang sulat nga ginpadala kay Onias:
20“‘Gikan kay Arius nga hari sang Sparta, pakadto kay Onias nga Pinakamataas nga Pari, mga pag-abiabi. 21Nasapwan sa isa ka dokumento nga ang mga taga-Sparta kag mga Judio mag-ulotod, kag mga kaliwat sila ni Abraham. 22Karon kay amon ini nahibaluan, kon mahimo sulati kami nahanungod sang inyo kahimtangan. 23Ang amon mensahe sa inyo amo ini: ang inyo mga kahayupan kag ang inyo mga pagkabutang amon, kag ang amon inyo, kag ginsingganan namon ang amon ginpadala nga mga tawo sa inyo nga singganon kamo nahanungod sini.’”
Ang Pagpanggubat ni Jonatan kag ni Simon
24Nahibaluan ni Jonatan nga ang mga heneral ni Demetrio nagbalik nga may madamo nga mga soldado sang sa una sa pagpakig-away sa iya. 25Sa sini nga kabangdanan naghalin sia sa Jerusalem kag nagkadto sa pagsugata sa ila sa kadutaan sang Hamat kay wala niya sila ginhatagan sang kahigayunan sa pagsulod sa iya pungsod. 26Nagpadala sia sang mga espiya sa ila kampo, kag sang pagbalik nila nagsugid sila nga ang mga kaaway nagahanda sa pagsalakay sa mga Judio sa gab-i. 27Sang nagahinunod ang adlaw ginsugo niya ang iya mga hangaway sa pagbantay nga handa sa ila mga hinganiban sa pagpakig-away sa bisan ano nga tion sa kagab-ihon, kag nagbutang sia sing mga gwardya sa palibot sang kampo. 28Sang nahibal-an sang kaaway nga si Jonatan kag ang iya mga hangaway handa sa pagpakig-away, hinadlukan sila, kag nagpalalagyo kag ginbayaan nila ang mga dabok sa ila kampo. 29Si Jonatan kag ang iya mga hangaway nga nagatan-aw sang nagadabadaba nga kalayo, nakahibalo lamang sang ila pagpalagyo sang aga na. 30Dayon ginlagas sila ni Jonatan, pero wala niya sila maabot tungod kay nakatabok na sila sa Suba sang Eleutero. 31Gani nagpadulong na lang si Jonatan sa mga taga-Arabia nga ginatawag Zabadianhon kag ginlutos niya sila kag ginpanguha niya ang ila mga pagkabutang. 32Dayon nanghimos sia kag nagkadto sa Damasco, kag nagpangusisa sang bug-os nga pungsod.
33Sa pihak nga bahin si Simon naggwa man kag nakalambot tubtob sa Askalon kag sa kaingod nga mga pamakod. Dayon nagpadulong sia pakadto sa Jope kag gin-agaw gilayon ini, 34kay nakabati sia sang ila tuyo nga itugyan nila ini nga pamakod sa mga sumolunod ni Demetrio, kag nagbutang sia sang mga soldado sa pag-apin sini.
35Sang pagbalik ni Jonatan, gintipon niya ang mga katigulangan sang mga tawo kag nagpamat-od upod sa ila sa pagpatindog sang mga pamakod sa Judea, 36kag sa pagpataas sang mga pader sang Jerusalem kag pagpatindog sing mataas nga ulot sa tunga sang pamakod kag sang siudad sa pagseparar sini sa siudad kag sa pagpain sini, agod ang mga kaaway indi makabakal kag makabaligya. 37Nagtipon sila sa pagpatindog liwat sang siudad. Ang bahin sang pader sa sidlangan nga bakulod natumba, kag ang lugar nga ginatawag Cafenata ginkaayo. 38Sa pihak nga bahin ginpatindog liwat ni Simon ang banwa sang Adida sa tiilan sang mga bukid, ginpamakuran ini, ginbutangan sang mga pwerta nga may mga pintal.
Gindakop ni Tripo si Jonatan
39Dayon ginhandom ni Tripo nga manginhari sia sa Asia, kag nagplano sia sa pagpakig-away kay Haring Antioco sa pagkuha sang korona. 40Pero hinadlukan sia nga basi indi magtugot si Jonatan sini, kag magpakig-away sia batok sa iya. Gani naglakat sia upod ang iya hangaway pakadto sa Bet-san, nga may handom sa pagdakop kag pagpatay kay Jonatan. 41Pero si Jonatan nga may 40,000 ka pinili nga mga soldado naggwa kag nagsugata sa iya sa Bet-san. 42Sang makita sia didto ni Tripo nga may madamo sia nga hangaway, wala na si Tripo magpadayon sang iya malain nga tuyo batok sa iya. 43Gani, ginbaton niya si Jonatan nga may pagpasidungog kag ginpakilala sia sa iya tanan nga mga abyan, ginhatagan sia sing mga regalo, kag ginsingganan niya ang iya mga abyan kag ang iya mga hangaway sa pagtuman kay Jonatan subong sang ila pagtuman sa iya. 44Nagsiling sia kay Jonatan, “Ngaa bala ginpakapuyan mo ini tanan nga mga tawo, nga wala man sing inaway sa tunga naton? 45Papaulia sila, pili ka lang sang mga pila ka bilog nga mga soldado nga magaupod sa imo, kag mag-upod sa akon sa Tolemaida. Ihatag ko ini sa imo, lakip ang iban nga mga pamakod, ang iban nga mga hangaway kag ang tanan nga mga opisyales, dayon magapauli ako, kay amo ini ang akon tuyo sa pag-abot.” 46Nagsalig si Jonatan sa iya ginsiling kag ginhimo ini, ginpabalik niya ang iya hangaway kag nagpauli sila sa Juda. 47Gindala niya ang 3,000 ka mga hangaway, ginbilin ang 2,000 sa Galilea samtang ang 1,000 nag-upod sa iya. 48Pero sang pagsulod ni Jonatan sa Tolemaida, ang mga pumoluyo sang Tolemaida nagsirado sang mga pwerta, gindakop sia, kag ginpamatay ang tanan nga nag-upod sa iya sa pagsulod.
49Nagpadala si Tripo sang madamo nga mga hangaway kag mga soldado nga nagasakay sa kabayo sa Galilea kag sa Malapad nga Kapatagan sa pagpamatay sang tanan nga mga soldado ni Jonatan. 50Naghunahuna ang mga soldado nga Judio nga si Jonatan gindakop kag napatay upod sa iya mga kaupdanan, gani nagpakaisog sila kag nagmartsa sing tingob paggwa kag handa sa pagpakig-away. 51Sang makita sang mga nagalagas sa ila nga mabato sila sang pataypatay, nagbalik sila. 52Dayon ang mga soldado nga Judio nagbalik sa Judea nga wala maano pero hinadlukan gid sila. Ang bug-os nga pungsod naglalaw sa pagpati nga si Jonatan kag ang iya tanan nga mga kaupdanan nagkalamatay. 53Ang tanan nga mga pungsod sa palibot nagpangita sing kahigayunan sa paglaglag sa ila. Nagsiling sila, “Wala sila sing pangulo, kag wala man sing kadampig. Kinahanglan salakayon naton sila karon kag panason naton ang ila handumanan sa bug-os nga katawhan.”
Currently Selected:
1 Macabeo 12: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
1 Macabeo 12
12
Ang Pagdampig sa Roma kag Sparta
1Sang makita ni Jonatan nga ang kahimtangan pabor sa iya, nagpadala sia sing pinili nga mga tinawo sa Roma sa pagpalig-on kag pagpadayon sang iya kasugtanan sang pagpakig-abyan sa ila. 2Nagpadala man sia sing mga sulat sa mga taga-Sparta kag sa iban nga mga lugar nga may amo man nga tinutuyo. 3Ang mga ginpadala nga mga tawo nag-abot sa Roma kag nagsulod sa Senado kag nagpahayag sining masunod: “Si Jonatan nga Pinakamataas nga Pari kag ang pungsod sang mga Judio nagpadala sa amon sa pagpadayon sang kasugtanan sang pag-abyanay kag pagdampiganay ninyo subong sang una.” 4Ang mga Romanhon naghatag sa ila sang mga sulat para sa mga awtoridad sang tagsa ka lugar nga ila pagaagyan nga bantayan sila tubtob makaabot sila sa Juda nga indi maano.
5Amo ini ang kopya sang sulat ni Jonatan sa mga taga-Sparta:
6“Si Jonatan nga Pinakamataas nga Pari, ang konseho sang pungsod, ang mga pari kag ang iban nga mga Judio, sa mga taga-Sparta nga ila mga utod, mga pag-abiabi. 7Sang una ang isa sang inyo mga hari nga si Arius nagsulat sa amon Pinakamataas nga Pari nga si Onias. Ang iya sulat nagasiling nga kamo amon kadugo, suno sa nalakip nga kopya. 8Si Onias nagbaton sang mga ginpadala kag ginpasidunggan sila, kag ginbaton ang sulat nga nagapamatuod sang aton pagpakig-abyanay kag pagdampiganay. 9Kon parti sa amon, bisan nga wala kami kinahanglan sini, kay may kusog kami nga nagahalin sa balaan nga mga libro nga yari sa amon, 10nagtilaw kami sa pagpadala agod magpadayon ang aton paghiliutod kag pag-abyanay, kag agod indi kami mangindumoluong sa inyo, kay madamo na ang nagligad nga mga tinuig sang kamo nagpadala sang sulat. 11Gani kami makasiling nga ginadumdom namon kamo sa tagsa ka tion, sa amon mga piesta kag sa iban nga ginpat-od nga mga adlaw, sa amon mga halad nga ginadulot kag sa mga pangamuyo kay nagakabagay kag nagakaigo ang pagdumdom sa mga kautoran. 12Nagakalipay kami sa inyo pagkabantog. 13Kon nahanungod sa amon, madamo nga mga pagtilaw ang amon naagyan, madamo nga mga inaway, kag ang mga hari sa palibot nagpakig-away batok sa amon. 14Indi kami luyag nga magamo sa inyo kag sa iban naton nga mga kadampig kag mga abyan sa sining mga inaway. 15Pero karon, tungod sang bulig sa amon halin sa Ginoo ginluwas kami sa amon mga kaaway, kag sila ginpakahuy-an. 16Gani, ginpili namon si Numenias nga anak ni Antioco kag si Antepater nga anak ni Jason, kag ginpadala sila sa mga taga-Roma subong nga tiglawas sa pagpadayon sang aton kasugtanan sa pagpakig-abyan kag pagdampiganay. 17Amon sila ginsugo nga magkadto man sa inyo, sa pag-abiabi sa inyo, kag ihatag ini nga sulat nahanungod sang pagpadayon sang aton paghiliutod. 18Kag karon ginapangabay namon kamo sa pagsabat sini nga sulat.”
19Ang masunod amo ang kopya sang sulat nga ginpadala kay Onias:
20“‘Gikan kay Arius nga hari sang Sparta, pakadto kay Onias nga Pinakamataas nga Pari, mga pag-abiabi. 21Nasapwan sa isa ka dokumento nga ang mga taga-Sparta kag mga Judio mag-ulotod, kag mga kaliwat sila ni Abraham. 22Karon kay amon ini nahibaluan, kon mahimo sulati kami nahanungod sang inyo kahimtangan. 23Ang amon mensahe sa inyo amo ini: ang inyo mga kahayupan kag ang inyo mga pagkabutang amon, kag ang amon inyo, kag ginsingganan namon ang amon ginpadala nga mga tawo sa inyo nga singganon kamo nahanungod sini.’”
Ang Pagpanggubat ni Jonatan kag ni Simon
24Nahibaluan ni Jonatan nga ang mga heneral ni Demetrio nagbalik nga may madamo nga mga soldado sang sa una sa pagpakig-away sa iya. 25Sa sini nga kabangdanan naghalin sia sa Jerusalem kag nagkadto sa pagsugata sa ila sa kadutaan sang Hamat kay wala niya sila ginhatagan sang kahigayunan sa pagsulod sa iya pungsod. 26Nagpadala sia sang mga espiya sa ila kampo, kag sang pagbalik nila nagsugid sila nga ang mga kaaway nagahanda sa pagsalakay sa mga Judio sa gab-i. 27Sang nagahinunod ang adlaw ginsugo niya ang iya mga hangaway sa pagbantay nga handa sa ila mga hinganiban sa pagpakig-away sa bisan ano nga tion sa kagab-ihon, kag nagbutang sia sing mga gwardya sa palibot sang kampo. 28Sang nahibal-an sang kaaway nga si Jonatan kag ang iya mga hangaway handa sa pagpakig-away, hinadlukan sila, kag nagpalalagyo kag ginbayaan nila ang mga dabok sa ila kampo. 29Si Jonatan kag ang iya mga hangaway nga nagatan-aw sang nagadabadaba nga kalayo, nakahibalo lamang sang ila pagpalagyo sang aga na. 30Dayon ginlagas sila ni Jonatan, pero wala niya sila maabot tungod kay nakatabok na sila sa Suba sang Eleutero. 31Gani nagpadulong na lang si Jonatan sa mga taga-Arabia nga ginatawag Zabadianhon kag ginlutos niya sila kag ginpanguha niya ang ila mga pagkabutang. 32Dayon nanghimos sia kag nagkadto sa Damasco, kag nagpangusisa sang bug-os nga pungsod.
33Sa pihak nga bahin si Simon naggwa man kag nakalambot tubtob sa Askalon kag sa kaingod nga mga pamakod. Dayon nagpadulong sia pakadto sa Jope kag gin-agaw gilayon ini, 34kay nakabati sia sang ila tuyo nga itugyan nila ini nga pamakod sa mga sumolunod ni Demetrio, kag nagbutang sia sang mga soldado sa pag-apin sini.
35Sang pagbalik ni Jonatan, gintipon niya ang mga katigulangan sang mga tawo kag nagpamat-od upod sa ila sa pagpatindog sang mga pamakod sa Judea, 36kag sa pagpataas sang mga pader sang Jerusalem kag pagpatindog sing mataas nga ulot sa tunga sang pamakod kag sang siudad sa pagseparar sini sa siudad kag sa pagpain sini, agod ang mga kaaway indi makabakal kag makabaligya. 37Nagtipon sila sa pagpatindog liwat sang siudad. Ang bahin sang pader sa sidlangan nga bakulod natumba, kag ang lugar nga ginatawag Cafenata ginkaayo. 38Sa pihak nga bahin ginpatindog liwat ni Simon ang banwa sang Adida sa tiilan sang mga bukid, ginpamakuran ini, ginbutangan sang mga pwerta nga may mga pintal.
Gindakop ni Tripo si Jonatan
39Dayon ginhandom ni Tripo nga manginhari sia sa Asia, kag nagplano sia sa pagpakig-away kay Haring Antioco sa pagkuha sang korona. 40Pero hinadlukan sia nga basi indi magtugot si Jonatan sini, kag magpakig-away sia batok sa iya. Gani naglakat sia upod ang iya hangaway pakadto sa Bet-san, nga may handom sa pagdakop kag pagpatay kay Jonatan. 41Pero si Jonatan nga may 40,000 ka pinili nga mga soldado naggwa kag nagsugata sa iya sa Bet-san. 42Sang makita sia didto ni Tripo nga may madamo sia nga hangaway, wala na si Tripo magpadayon sang iya malain nga tuyo batok sa iya. 43Gani, ginbaton niya si Jonatan nga may pagpasidungog kag ginpakilala sia sa iya tanan nga mga abyan, ginhatagan sia sing mga regalo, kag ginsingganan niya ang iya mga abyan kag ang iya mga hangaway sa pagtuman kay Jonatan subong sang ila pagtuman sa iya. 44Nagsiling sia kay Jonatan, “Ngaa bala ginpakapuyan mo ini tanan nga mga tawo, nga wala man sing inaway sa tunga naton? 45Papaulia sila, pili ka lang sang mga pila ka bilog nga mga soldado nga magaupod sa imo, kag mag-upod sa akon sa Tolemaida. Ihatag ko ini sa imo, lakip ang iban nga mga pamakod, ang iban nga mga hangaway kag ang tanan nga mga opisyales, dayon magapauli ako, kay amo ini ang akon tuyo sa pag-abot.” 46Nagsalig si Jonatan sa iya ginsiling kag ginhimo ini, ginpabalik niya ang iya hangaway kag nagpauli sila sa Juda. 47Gindala niya ang 3,000 ka mga hangaway, ginbilin ang 2,000 sa Galilea samtang ang 1,000 nag-upod sa iya. 48Pero sang pagsulod ni Jonatan sa Tolemaida, ang mga pumoluyo sang Tolemaida nagsirado sang mga pwerta, gindakop sia, kag ginpamatay ang tanan nga nag-upod sa iya sa pagsulod.
49Nagpadala si Tripo sang madamo nga mga hangaway kag mga soldado nga nagasakay sa kabayo sa Galilea kag sa Malapad nga Kapatagan sa pagpamatay sang tanan nga mga soldado ni Jonatan. 50Naghunahuna ang mga soldado nga Judio nga si Jonatan gindakop kag napatay upod sa iya mga kaupdanan, gani nagpakaisog sila kag nagmartsa sing tingob paggwa kag handa sa pagpakig-away. 51Sang makita sang mga nagalagas sa ila nga mabato sila sang pataypatay, nagbalik sila. 52Dayon ang mga soldado nga Judio nagbalik sa Judea nga wala maano pero hinadlukan gid sila. Ang bug-os nga pungsod naglalaw sa pagpati nga si Jonatan kag ang iya tanan nga mga kaupdanan nagkalamatay. 53Ang tanan nga mga pungsod sa palibot nagpangita sing kahigayunan sa paglaglag sa ila. Nagsiling sila, “Wala sila sing pangulo, kag wala man sing kadampig. Kinahanglan salakayon naton sila karon kag panason naton ang ila handumanan sa bug-os nga katawhan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012