1 Macabeo 1
1
Si Alejandro nga Gamhanan
1Ini nga istorya nagsugod sang si Alejandro nga anak ni Felipe sang Macedonia, nag-abot halin sa duta sang Kittim, kag ginsalakay niya si Dario, ang hari sang mga taga-Persia kag taga-midia. Ginpasangkad ni Alejandro ang ginharian sang Gresia paagi sa paglutos kay Dario kag sa pag-agaw sang iya trono. 2Sa madamo niya nga mga pagpakig-away, naagaw niya ang mga siudad nga napamakuran sing mga pader, kag napamatay niya ang mga hari sini. 3Naglambot sia sa malayo nga mga kadutaan, kag ginpanguhaan niya sing mga pagkabutang ang madamo nga mga pungsod. Sang iya gingamhan ang bug-os nga kalibutan nagpabugal sia sing tama gid. 4Nagtipon sia sing tama kabakod nga mga hangaway kag nagpangdaog sia sing mga probinsya, mga kapungsoran, kag sang mga pangulo sini, kag iya ginpilit ang tanan sa pagbayad sing buhis sa iya.
5Pero nag-abot ang tion nga si Alejandro nagmasakit, kag nahibal-an niya nga mapatay sia. 6Ginpatawag niya ang iya mataas nga mga opisyales nga katubotubo niya, kag ginpartida niya sa ila ang iya ginharian samtang buhi pa sia. 7Sa tapos sang dose ka tuig nga paghari ni Alejandro, napatay sia. 8Dayon ang tagsatagsa sang iya mga opisyales naggahom sa iya kaugalingon nga lugar. 9Tanan sila nanginhari sa ila tagsa ka kadutaan sang mapatay sia, kag ang ila mga kaliwat nagbulos sa ila sa sulod sang madamo nga mga tinuig nga nagdala sang tama nga kalautan sa kalibutan.
Si Antioco Epifanes kag ang mga Judio nga Nagalapas sang Kasugoan
(2 Mac. 4:7-17)
10Halin#2 Mac. 4:7. sa mga heneral ni Alejandro naggwa ang malaut nga kaliwat, si Antioco Epifanes nga anak ni Haring Antioco III. Sang una isa sia ka bihag sa Roma. Nanginhari sia sang Siria sang tuig 137.#1:10 TUIG 137: Ang mga petsa sa sini nga libro gin-isip halin sa pagsugod sang Ginharian sang Siria sang tuig 312 sa wala pa matawo ang Cristo. Ang tuig 137 nagasanto sa tuig 175 sa wala pa matawo ang Cristo.
11Sa sadto nga panahon may mga tawo sa Israel nga nagalapas sang kasugoan, kag ila ginpatalang ang madamo nga mga tawo. Nagsiling sila, “Dali kamo, mahimo kita sing kasugtanan sa mga Hentil sa palibot naton, kay halin sang aton pagbulag sa ila madamo nga mga kalalat-an ang nag-abot sa aton.” 12Nalipay ang madamo sa sini nga plano, 13kag ang iban nga mga tawo may kakunyag nga nagkadto sa hari. Gintugotan niya sila sa pagsunod sang mga kinabatasan sang mga Hentil. 14Gani nagpatindog sila sing estadyom sa Jerusalem pareho sang iya sang mga Hentil. 15Ginkuha nila ang mga tanda sang pagkatinuli kag ginsikway nila ang balaan nga kasugtanan. Nagpakig-upod sila#1:15 Nagpakig-upod sila: ukon Nagpangasawa sila. sa mga Hentil, kag naghimo sang tanan nga sahi sang kalautan.
Gingubat ni Antioco ang Ehipto
16Sang malig-on na ang ginharian ni Antioco, nagpamat-od sia nga manginhari sang Ehipto, kag maggahom sa duha ka ginharian. 17Gingubat niya ang Ehipto nga may dala nga mabakod nga mga hangaway, nga may mga karwahi, mga elepante, kag mga kabayo, kag madamo nga mga sakayan. 18Nagpakig-away sia batok kay Tolemeo nga hari sang Ehipto, kag nagpalagyo si Tolemeo sang nagaabanse sia, kag madamo ang nagkalamatay sa mga tinawo ni Tolemeo. 19Naagaw ni Antioco ang mga siudad nga napamakuran sa duta sang Ehipto, kag ginpanguha niya ang mga pagkabutang sa amo nga pungsod.
Ginhingabot ni Antioco ang mga Judio
20Sa tapos niya maagaw ang Ehipto sang tuig 143#1:20 TUIG 143: Ini nagasanto sa tuig 169 sa wala pa matawo ang Cristo. nagbalik si Antioco kag gingubat niya ang Israel kag ang siudad sang Jerusalem nga may dala nga mabakod nga mga hangaway. 21Sa iya pagpabugal nagsulod sia sa Templo kag ginkuha niya ang altar nga bulawan, ang kandelirohan lakip ang tanan nga mga gamit sini. 22Ginkuha man niya ang lamisa para sa tinapay nga nahalad sa Ginoo, ang mga kupa para sa mga halad nga ilimnon, ang mga yahong, ang mga insensario nga bulawan, ang kurtina, ang mga korona, kag ang mga puni nga bulawan sa atubangan sang Templo. 23Ginpanguha niya ang mga pilak kag bulawan, ang malahalon nga mga gamit. Ginkuha man niya ang tinago nga mga manggad nga iya nakita. 24Sa tapos niya makuha ini tanan nagpauli sia sa iya kaugalingon nga pungsod. Ginpamatay man niya ang madamo nga mga tawo kag nagpabugal sing tama gid. 25Tungod sini may daku nga paglalaw sa bug-os nga pungsod sang Israel.
26Ang mga pangulo kag mga katigulangan nagpanghakroy sa kasubo.
Ang mga dalaga kag mga soltero nagpalangluya.
Ang katahom sang mga babayi naglubad.
27Ang tanan nga mga nobyo nagpanalambiton,
ang tanan nga mga nobya naglalaw sa ila mga kwarto.
28Ang duta nagkurog tungod sang iya mga pumoluyo,
kag ang bug-os nga panimalay ni Jacob naputos sing kahuya.
29Sang makaligad ang duha ka tuig, ang hari nagpadala sa mga siudad sang Juda sang isa ka daku nga hangaway halin sa Mesia.#1:29 daku nga hangaway halin sa Mesia: sa Griego manugsukot sang buhis kaupod sa isa ka daku nga hangaway. Sang pagsulod sang mga soldado sa Jerusalem, 30ang ila pangulo may pagdaya nga naghambal sa mga tawo sa mainabyanon nga mga pulong, kag nagpati sila sa iya. Pero sa hinali lang ginsalakay niya ang siudad. Ginhalitan niya sing tama ang siudad kag ginpamatay ang madamo nga mga Israelinhon. 31Ginpanguha niya ang madamo nga mga pagkabutang sang siudad kag ginsunog ini, kag ginpangguba niya ang mga balay kag ang mga pader sa palibot sini. 32Ginbihag niya kag sang iya hangaway ang mga kababayin-an kag mga kabataan, kag ginpanguha niya ang mga kahayupan.
33Dayon ginpamakuran nila ang Siudad ni David paagi sa pagpatindog sing mataas nga mga pader kag mapag-on nga mga tore kag ginhimo nila ini nga pamakod. 34Didto nagbutang sila sing mga malinapason sa kasugoan nga mga Judio kag ini sila nagpabakod sang ila nahamtangan. 35Nagtipon sila sing mga armas kag kalan-on sa pamakod, kag didto nila gintago ang mga pagkabutang nga ila nakuha sa Jerusalem. Ini nga pamakod nangindaku nga katalagman sa siudad.
36Ini nga pamakod nanginmakatalagam para sa Templo,
isa ka malaut nga kaaway sang Israel sa tanan nga tion.
37Nagapamatay sila sang mga wala sing sala sa palibot sang altar,
kag gindagtaan nila ang Balaan nga Duog.
38Ang mga pumoluyo sang Jerusalem nagpalalagyo tungod sa kahadlok,
kag ang siudad nangin-ilistaran sang mga dumoluong.
Nangindumoluong ang Jerusalem sa iya mga kaliwat,
kag ang iya mga kabataan nagsikway sa iya.
39Ang iya Templo nanginmamingaw subong sang isa ka desierto,
ang iya mga piesta ginbayluhan sing paglalaw,
ang iya mga Adlaw nga Inugpahuway nangintalamayon,
ang iya kadungganan nanginhilikayan.
40Ang iya kadungganan sang una nanginkahuloy-an karon,
ang iya pagkagamhanan ginbayluhan sing kasubo.
41-43Dayon si Antioco naghimo sang isa ka kasugoan sa bug-os niya nga ginharian nga ang tanan nga mga sakop niya maghiliugyon, kag ang tagsatagsa magsikway sang iya kaugalingon nga mga pagginawi. Ang tanan nga mga Hentil nagtuman sang mando sang hari. Madamo man sang mga Israelinhon ang nagbaton nga malipayon sang iya pagtuluohan. Nagdulot sila sing mga halad sa mga diosdios kag wala ginapakabalaan ang Adlaw nga Inugpahuway.
44Ang hari nagpadala man sing mga sulat paagi sa mga mensahero pakadto sa Jerusalem kag sa mga banwa sang Juda. Ginmanduan niya sila sa pagsunod sang mga pagginawi nga indi suno sa pagginawi sang pungsod. 45Gindumilian niya sila sa pagdulot sang mga halad nga sinunog, mga halad nga kalan-on kag mga halad nga ilimnon sa Templo, kag ginmanduan man niya sila nga indi pagpakabalaanon ang Adlaw nga Inugpahuway kag mga piesta. 46Ginmanduan man gani sila nga dagtaan ang Templo kag ang balaan nga mga butang sa sini.#1:46 ang balaan…sini: ukon ang mga pari. 47Ginmanduan sila sa pagpatindog sing mga altar nga pagano sa templo, balaan nga mga lugar para sa mga diosdios kag sa paghalad sang mga baboy kag sang iban pa nga mahigko nga mga sapat. 48Gindumilian sila sa pagtuli sang ila mga anak nga lalaki kag ginpilit sila nga dagtaan nila ang ila kaugalingon sang tanan nga sahi sang kahigkuan kag kangil-aran, 49agod malipatan nila ang Kasugoan nga ginhatag sang Ginoo paagi kay Moises kag indi pagpadayunon ang pagtuman sini. 50Ang bisan sin-o nga indi magtuman sang kasugoan sang hari pagapatyon.
51Nagsulat ang hari sini nga mga pulong sa iya bug-os nga ginharian, kag nagpili man sia sing mga opisyales agod sa pagdumala sang tanan nga mga tawo kag nagsugo sa tanan nga mga banwa sang Juda sa pagdulot sing mga halad nga pagano. 52Madamo sang mga Judio nga nagsikway sang Kasugoan ang nagbuylog sa ila kag naghimo sing kalautan sa bug-os nga duta, 53nga nagtulod sa matuod nga mga Israelinhon sa pagpanago sa bisan diin nga lugar nga ila sarang mapanaguan.
54Sa#Dan. 9:27; 11:31; 12:11; 1 Mac. 6:7; Mat. 24:15; Mar. 13:14. ika-15 nga adlaw sang bulan sang Kisleb sang tuig 145,#1:54 TUIG 145: Ini nagasanto sa tuig 167 sa wala pa matawo ang Cristo. si Haring Antioco nagpatindog sing “Makakulogmat nga Kangil-aran” sa ibabaw sang altar sang Templo, kag sa palibot nga mga banwa sang Juda nagpatindog sila sing mga altar nga pagano. 55Nagsunog man sila sing insyenso sa mga pwertahan sang mga kabalayan kag sa mga kalsada. 56Ang bisan ano nga libro sang Kasugoan nga ila makita ginagisi nila kag ginasunog. 57Ang bisan sin-o nga madakpan nga may libro sang kasugtanan kag nagatuman sang Kasugoan, ginsilutan sang kamatayon sa mando sang hari. 58Gingamit sang malaut nga mga tawo ang ila gahom batok sa mga Israelinhon nga ila madakpan kada bulan sa mga banwa.
59Sa ika-25 nga adlaw sang bulan, naghalad ining malaut nga mga tawo sa altar nga pagano nga ginpatindog sa ibabaw sang altar sang Templo. 60Ang#2 Mac. 6:10. mga iloy nga nagpatuli sang ila mga lapsag ginpamatay sa pagtuman sang sugo sang hari, 61lakip ang mga lapsag nga ila ginakugos, kag ang ila mga panimalay, kag ang mga nagtuli sa ila ginpamatay. 62Pero madamo nga mga tawo sa Israel ang malig-on nga nagpamatok sa sugo sang hari kag nagpamat-od sa ila tagipusoon nga indi magkaon sang bisan ano nga butang nga mahigko. 63Ginpili nila nga mapatay sang sa madagtaan sang mahigko nga kalan-on ukon ang pagdagta sang balaan nga kasugtanan, kag madamo ang ginpamatay sa ila. 64Sa daku nga kaakig sang Dios nag-antos sang tuman ang mga Israelinhon.
Currently Selected:
1 Macabeo 1: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
1 Macabeo 1
1
Si Alejandro nga Gamhanan
1Ini nga istorya nagsugod sang si Alejandro nga anak ni Felipe sang Macedonia, nag-abot halin sa duta sang Kittim, kag ginsalakay niya si Dario, ang hari sang mga taga-Persia kag taga-midia. Ginpasangkad ni Alejandro ang ginharian sang Gresia paagi sa paglutos kay Dario kag sa pag-agaw sang iya trono. 2Sa madamo niya nga mga pagpakig-away, naagaw niya ang mga siudad nga napamakuran sing mga pader, kag napamatay niya ang mga hari sini. 3Naglambot sia sa malayo nga mga kadutaan, kag ginpanguhaan niya sing mga pagkabutang ang madamo nga mga pungsod. Sang iya gingamhan ang bug-os nga kalibutan nagpabugal sia sing tama gid. 4Nagtipon sia sing tama kabakod nga mga hangaway kag nagpangdaog sia sing mga probinsya, mga kapungsoran, kag sang mga pangulo sini, kag iya ginpilit ang tanan sa pagbayad sing buhis sa iya.
5Pero nag-abot ang tion nga si Alejandro nagmasakit, kag nahibal-an niya nga mapatay sia. 6Ginpatawag niya ang iya mataas nga mga opisyales nga katubotubo niya, kag ginpartida niya sa ila ang iya ginharian samtang buhi pa sia. 7Sa tapos sang dose ka tuig nga paghari ni Alejandro, napatay sia. 8Dayon ang tagsatagsa sang iya mga opisyales naggahom sa iya kaugalingon nga lugar. 9Tanan sila nanginhari sa ila tagsa ka kadutaan sang mapatay sia, kag ang ila mga kaliwat nagbulos sa ila sa sulod sang madamo nga mga tinuig nga nagdala sang tama nga kalautan sa kalibutan.
Si Antioco Epifanes kag ang mga Judio nga Nagalapas sang Kasugoan
(2 Mac. 4:7-17)
10Halin#2 Mac. 4:7. sa mga heneral ni Alejandro naggwa ang malaut nga kaliwat, si Antioco Epifanes nga anak ni Haring Antioco III. Sang una isa sia ka bihag sa Roma. Nanginhari sia sang Siria sang tuig 137.#1:10 TUIG 137: Ang mga petsa sa sini nga libro gin-isip halin sa pagsugod sang Ginharian sang Siria sang tuig 312 sa wala pa matawo ang Cristo. Ang tuig 137 nagasanto sa tuig 175 sa wala pa matawo ang Cristo.
11Sa sadto nga panahon may mga tawo sa Israel nga nagalapas sang kasugoan, kag ila ginpatalang ang madamo nga mga tawo. Nagsiling sila, “Dali kamo, mahimo kita sing kasugtanan sa mga Hentil sa palibot naton, kay halin sang aton pagbulag sa ila madamo nga mga kalalat-an ang nag-abot sa aton.” 12Nalipay ang madamo sa sini nga plano, 13kag ang iban nga mga tawo may kakunyag nga nagkadto sa hari. Gintugotan niya sila sa pagsunod sang mga kinabatasan sang mga Hentil. 14Gani nagpatindog sila sing estadyom sa Jerusalem pareho sang iya sang mga Hentil. 15Ginkuha nila ang mga tanda sang pagkatinuli kag ginsikway nila ang balaan nga kasugtanan. Nagpakig-upod sila#1:15 Nagpakig-upod sila: ukon Nagpangasawa sila. sa mga Hentil, kag naghimo sang tanan nga sahi sang kalautan.
Gingubat ni Antioco ang Ehipto
16Sang malig-on na ang ginharian ni Antioco, nagpamat-od sia nga manginhari sang Ehipto, kag maggahom sa duha ka ginharian. 17Gingubat niya ang Ehipto nga may dala nga mabakod nga mga hangaway, nga may mga karwahi, mga elepante, kag mga kabayo, kag madamo nga mga sakayan. 18Nagpakig-away sia batok kay Tolemeo nga hari sang Ehipto, kag nagpalagyo si Tolemeo sang nagaabanse sia, kag madamo ang nagkalamatay sa mga tinawo ni Tolemeo. 19Naagaw ni Antioco ang mga siudad nga napamakuran sa duta sang Ehipto, kag ginpanguha niya ang mga pagkabutang sa amo nga pungsod.
Ginhingabot ni Antioco ang mga Judio
20Sa tapos niya maagaw ang Ehipto sang tuig 143#1:20 TUIG 143: Ini nagasanto sa tuig 169 sa wala pa matawo ang Cristo. nagbalik si Antioco kag gingubat niya ang Israel kag ang siudad sang Jerusalem nga may dala nga mabakod nga mga hangaway. 21Sa iya pagpabugal nagsulod sia sa Templo kag ginkuha niya ang altar nga bulawan, ang kandelirohan lakip ang tanan nga mga gamit sini. 22Ginkuha man niya ang lamisa para sa tinapay nga nahalad sa Ginoo, ang mga kupa para sa mga halad nga ilimnon, ang mga yahong, ang mga insensario nga bulawan, ang kurtina, ang mga korona, kag ang mga puni nga bulawan sa atubangan sang Templo. 23Ginpanguha niya ang mga pilak kag bulawan, ang malahalon nga mga gamit. Ginkuha man niya ang tinago nga mga manggad nga iya nakita. 24Sa tapos niya makuha ini tanan nagpauli sia sa iya kaugalingon nga pungsod. Ginpamatay man niya ang madamo nga mga tawo kag nagpabugal sing tama gid. 25Tungod sini may daku nga paglalaw sa bug-os nga pungsod sang Israel.
26Ang mga pangulo kag mga katigulangan nagpanghakroy sa kasubo.
Ang mga dalaga kag mga soltero nagpalangluya.
Ang katahom sang mga babayi naglubad.
27Ang tanan nga mga nobyo nagpanalambiton,
ang tanan nga mga nobya naglalaw sa ila mga kwarto.
28Ang duta nagkurog tungod sang iya mga pumoluyo,
kag ang bug-os nga panimalay ni Jacob naputos sing kahuya.
29Sang makaligad ang duha ka tuig, ang hari nagpadala sa mga siudad sang Juda sang isa ka daku nga hangaway halin sa Mesia.#1:29 daku nga hangaway halin sa Mesia: sa Griego manugsukot sang buhis kaupod sa isa ka daku nga hangaway. Sang pagsulod sang mga soldado sa Jerusalem, 30ang ila pangulo may pagdaya nga naghambal sa mga tawo sa mainabyanon nga mga pulong, kag nagpati sila sa iya. Pero sa hinali lang ginsalakay niya ang siudad. Ginhalitan niya sing tama ang siudad kag ginpamatay ang madamo nga mga Israelinhon. 31Ginpanguha niya ang madamo nga mga pagkabutang sang siudad kag ginsunog ini, kag ginpangguba niya ang mga balay kag ang mga pader sa palibot sini. 32Ginbihag niya kag sang iya hangaway ang mga kababayin-an kag mga kabataan, kag ginpanguha niya ang mga kahayupan.
33Dayon ginpamakuran nila ang Siudad ni David paagi sa pagpatindog sing mataas nga mga pader kag mapag-on nga mga tore kag ginhimo nila ini nga pamakod. 34Didto nagbutang sila sing mga malinapason sa kasugoan nga mga Judio kag ini sila nagpabakod sang ila nahamtangan. 35Nagtipon sila sing mga armas kag kalan-on sa pamakod, kag didto nila gintago ang mga pagkabutang nga ila nakuha sa Jerusalem. Ini nga pamakod nangindaku nga katalagman sa siudad.
36Ini nga pamakod nanginmakatalagam para sa Templo,
isa ka malaut nga kaaway sang Israel sa tanan nga tion.
37Nagapamatay sila sang mga wala sing sala sa palibot sang altar,
kag gindagtaan nila ang Balaan nga Duog.
38Ang mga pumoluyo sang Jerusalem nagpalalagyo tungod sa kahadlok,
kag ang siudad nangin-ilistaran sang mga dumoluong.
Nangindumoluong ang Jerusalem sa iya mga kaliwat,
kag ang iya mga kabataan nagsikway sa iya.
39Ang iya Templo nanginmamingaw subong sang isa ka desierto,
ang iya mga piesta ginbayluhan sing paglalaw,
ang iya mga Adlaw nga Inugpahuway nangintalamayon,
ang iya kadungganan nanginhilikayan.
40Ang iya kadungganan sang una nanginkahuloy-an karon,
ang iya pagkagamhanan ginbayluhan sing kasubo.
41-43Dayon si Antioco naghimo sang isa ka kasugoan sa bug-os niya nga ginharian nga ang tanan nga mga sakop niya maghiliugyon, kag ang tagsatagsa magsikway sang iya kaugalingon nga mga pagginawi. Ang tanan nga mga Hentil nagtuman sang mando sang hari. Madamo man sang mga Israelinhon ang nagbaton nga malipayon sang iya pagtuluohan. Nagdulot sila sing mga halad sa mga diosdios kag wala ginapakabalaan ang Adlaw nga Inugpahuway.
44Ang hari nagpadala man sing mga sulat paagi sa mga mensahero pakadto sa Jerusalem kag sa mga banwa sang Juda. Ginmanduan niya sila sa pagsunod sang mga pagginawi nga indi suno sa pagginawi sang pungsod. 45Gindumilian niya sila sa pagdulot sang mga halad nga sinunog, mga halad nga kalan-on kag mga halad nga ilimnon sa Templo, kag ginmanduan man niya sila nga indi pagpakabalaanon ang Adlaw nga Inugpahuway kag mga piesta. 46Ginmanduan man gani sila nga dagtaan ang Templo kag ang balaan nga mga butang sa sini.#1:46 ang balaan…sini: ukon ang mga pari. 47Ginmanduan sila sa pagpatindog sing mga altar nga pagano sa templo, balaan nga mga lugar para sa mga diosdios kag sa paghalad sang mga baboy kag sang iban pa nga mahigko nga mga sapat. 48Gindumilian sila sa pagtuli sang ila mga anak nga lalaki kag ginpilit sila nga dagtaan nila ang ila kaugalingon sang tanan nga sahi sang kahigkuan kag kangil-aran, 49agod malipatan nila ang Kasugoan nga ginhatag sang Ginoo paagi kay Moises kag indi pagpadayunon ang pagtuman sini. 50Ang bisan sin-o nga indi magtuman sang kasugoan sang hari pagapatyon.
51Nagsulat ang hari sini nga mga pulong sa iya bug-os nga ginharian, kag nagpili man sia sing mga opisyales agod sa pagdumala sang tanan nga mga tawo kag nagsugo sa tanan nga mga banwa sang Juda sa pagdulot sing mga halad nga pagano. 52Madamo sang mga Judio nga nagsikway sang Kasugoan ang nagbuylog sa ila kag naghimo sing kalautan sa bug-os nga duta, 53nga nagtulod sa matuod nga mga Israelinhon sa pagpanago sa bisan diin nga lugar nga ila sarang mapanaguan.
54Sa#Dan. 9:27; 11:31; 12:11; 1 Mac. 6:7; Mat. 24:15; Mar. 13:14. ika-15 nga adlaw sang bulan sang Kisleb sang tuig 145,#1:54 TUIG 145: Ini nagasanto sa tuig 167 sa wala pa matawo ang Cristo. si Haring Antioco nagpatindog sing “Makakulogmat nga Kangil-aran” sa ibabaw sang altar sang Templo, kag sa palibot nga mga banwa sang Juda nagpatindog sila sing mga altar nga pagano. 55Nagsunog man sila sing insyenso sa mga pwertahan sang mga kabalayan kag sa mga kalsada. 56Ang bisan ano nga libro sang Kasugoan nga ila makita ginagisi nila kag ginasunog. 57Ang bisan sin-o nga madakpan nga may libro sang kasugtanan kag nagatuman sang Kasugoan, ginsilutan sang kamatayon sa mando sang hari. 58Gingamit sang malaut nga mga tawo ang ila gahom batok sa mga Israelinhon nga ila madakpan kada bulan sa mga banwa.
59Sa ika-25 nga adlaw sang bulan, naghalad ining malaut nga mga tawo sa altar nga pagano nga ginpatindog sa ibabaw sang altar sang Templo. 60Ang#2 Mac. 6:10. mga iloy nga nagpatuli sang ila mga lapsag ginpamatay sa pagtuman sang sugo sang hari, 61lakip ang mga lapsag nga ila ginakugos, kag ang ila mga panimalay, kag ang mga nagtuli sa ila ginpamatay. 62Pero madamo nga mga tawo sa Israel ang malig-on nga nagpamatok sa sugo sang hari kag nagpamat-od sa ila tagipusoon nga indi magkaon sang bisan ano nga butang nga mahigko. 63Ginpili nila nga mapatay sang sa madagtaan sang mahigko nga kalan-on ukon ang pagdagta sang balaan nga kasugtanan, kag madamo ang ginpamatay sa ila. 64Sa daku nga kaakig sang Dios nag-antos sang tuman ang mga Israelinhon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012